شخشوخة السيار اممممممم........ جوزو مرحبا

[maiar]

السلام عليكم وصح عيدكم كامل

كل عام و انتم بالف خير


حبيت نوفي بوعدي و نحط طياب الشخشوخة بالسيار لانو في عادتنا نديروها ثاني عيد

الطريقة

اولا المرقة عادي

و ثانيا الشخشوخة تتحط في قصعة و تدهنيها بشوية زيت

http://store2.up-00.com/Nov11/c8083971.jpg (http://www.up-00.com/)


http://store2.up-00.com/Nov11/ggr83971.jpg (http://www.up-00.com/)


http://store2.up-00.com/Nov11/muV83971.jpg (http://www.up-00.com/)


و تحطيها تفور

http://store2.up-00.com/Nov11/Vme83971.jpg (http://www.up-00.com/)


و كي تفور نزليها و بخيها بشوية ماء شوية برك قيمة فنجان حتى تشيح و كي تشيح شوفيها اذا مازالت يابسة زيدي شوية ماء و هذي كي يكون السميد من النوع لي يشرب و جهدما تطرى شوية رجعيها تفور و كي تفور نزليها و دريها بالزبدة و فكيها من بعضاها و سقيها بالمرق حوالي 3 مغرف و خليها تشيح و كي تج تقدميها مثلا و لقيتيها بارده عاودي فوريها باه تسخن حنا نحطو في السني غرفية فيها المرقة لانو حنا ناكلو نص ياكلها شايحة و نص ياكلها ممرقة المهم شهية طيبة طبعا تقدم مع الفلفل الحححححححححار

ملاحظة ما تكثريش الماء باه ماتتلبزش و تتعجن لانها ما تبغيش الماء بزاف يعني كي تحطي الماء ديري الحساب بلي راكي رايحة تسقيها و كيما قلت على حساب السميد


http://store2.up-00.com/Nov11/8cJ83524.jpg (http://www.up-00.com/)

[الصوامعية]

تشهي بصحتك الشخشوخة تكليها بالصحة أنتي و العائلة وعيدكي مبارك .

[نسيبة 2009]

تسلمي حنونة راجلي يموت على الشخشوخة والتريدة

[maiar]

تشهي بصحتك الشخشوخة تكليها بالصحة أنتي و العائلة وعيدكي مبارك .

الله يسلمك و عيدك مبارك ليك و لكل العائلة و صدقيني تشهي صح

[maiar]

تسلمي حنونة راجلي يموت على الشخشوخة والتريدة

اهلين زهرة الله يسلمك و صح عيدك و ربي يهنيك

راجلك من جهتنا و يديرو هذا النوع من الشخشوخة

شكرا

[bassamat]

الله يبارك عزيزتى
باينة تشهى نحنا غدوة ان شاء الله بالعصبان

[ام خديجة1]

الله ريحتها وصلت يعطيك الصحة على الشخشوخة وبارك الله فيك على الشرح وعيد سعيد وكل عام انت والعائلة بالف خير

[maiar]

الله يبارك عزيزتى
باينة تشهى نحنا غدوة ان شاء الله بالعصبان


الله يسلمك بسمات حنا درنا البارح العصبان فوق الكسكس


الله ريحتها وصلت يعطيك الصحة على الشخشوخة وبارك الله فيك على الشرح وعيد سعيد وكل عام انت والعائلة بالف خير

الله يسلمك ام خديجة تحياتي للعائلة و صح عيدكم

[mimicha1977]

يعطيك الصحة على الشخشوخة امممممم هايلة
وعيد سعيد وكل عام انت والعائلة بالف خير

[maiar]

يعطيك الصحة على الشخشوخة امممممم هايلة
وعيد سعيد وكل عام انت والعائلة بالف خير

انت الاروع الله يسلمك اختي و صح عيدك انت و العائلة الكريمة

[miri_27]

http://up.djelfa.info/uploads/13207504491.gif

[maiar]

http://up.djelfa.info/uploads/13207504491.gif

الله يسلمك ميري شكرا على المرور

[ميمنة الجزائر]

جاتك هايلة لكن حبيبتي انت ما تغسليهاش لانو عند ما نخليوها تيبس

وايضا قوليلي ديريريلها الزيت من الول وبعدين تفوريها

وكم مرة تفوريها تاع الضفر انا نفورها ثلاث مرات او اربع حتى كي طيب ما تتعجنت خلاص

وايضا اذا ممكن كي نبغى نطيبها نطيبها في الفور لانو مرة ابنة عمي جابتهالي من قسنطينة

وقاتلي غسليها مرة وحدة ثم ثم نشفيها و ديريلها الزيت من الاول وحطيها تفور وبعدين اغسليها

وحطيها تقطر في كسكاس حتى تنشف وبعدين نديريلها شوية زيت وديريها تفور للمرة الثانية والثالثة وبعدين صبي عليها شوية مرق وديريها في الفرن والله جات لذيذة لكن انا احب ان اعرف اذا هي نفس الطريقة التي تعملوها بصح في الفور على الاخير حتى ما تتعجنش

وربي يوفقك مسبقا وارجو ان ني لم اثقل عليك لكن اريد الا ستفادة حتى نكون تعرفت على اكلات بلادي

[maiar]

جاتك هايلة لكن حبيبتي انت ما تغسليهاش لانو عند ما نخليوها تيبس

وايضا قوليلي ديريريلها الزيت من الول وبعدين تفوريها

وكم مرة تفوريها تاع الضفر انا نفورها ثلاث مرات او اربع حتى كي طيب ما تتعجنت خلاص

وايضا اذا ممكن كي نبغى نطيبها نطيبها في الفور لانو مرة ابنة عمي جابتهالي من قسنطينة

وقاتلي غسليها مرة وحدة ثم ثم نشفيها و ديريلها الزيت من الاول وحطيها تفور وبعدين اغسليها

وحطيها تقطر في كسكاس حتى تنشف وبعدين نديريلها شوية زيت وديريها تفور للمرة الثانية والثالثة وبعدين صبي عليها شوية مرق وديريها في الفرن والله جات لذيذة لكن انا احب ان اعرف اذا هي نفس الطريقة التي تعملوها بصح في الفور على الاخير حتى ما تتعجنش

وربي يوفقك مسبقا وارجو ان ني لم اثقل عليك لكن اريد الا ستفادة حتى نكون تعرفت على اكلات بلادي



اولا شكرا حبيبتي


اختي الشخشوخة تع السيار تختلف من حيث التحضير و شخشوخة الطفر


حنا شخشوخة السيار ما تتغسلش مش كيما شخشوخة الظفر لي درك نقولك كيفا نديرولها


الشخشوخة تع السيار نذهنوها طول بالزيت بلاما نغسلوها و نحطوها تفور و كي ننزلوها نبخوها بشوية ماء تقريبا كاس صغير و على حساب السميد لكان يشرب و الا لالا تبخيها سع مرة واحدة خليها تشيح و لكان شفتيها مازالت يابسة خلاص زيدي شوية برك تكثريش و رجعيها تفور للمرة الاخيرة و كي تفور نزلها و اذهنيها بالزبدة و امرقيها و هي في القصعة بالمغرف حوالي 3 و غطيها و خليها تشرب المرقة و من بعد كي تجي تقدميها اذا بردتلك ماعليش زيدي حطيها تفور باه تسخن و الله العظيم ماكانش الذ منها عندي و خاصة مع الفلفل الحار

كون غير جيتي جارتي كون بعثتلك صحن

اما عن شخشوخة الظفر ولي يديروها بزاف ناس قسنطينة

انا نقولك على طريقتنا و نتمنى من الاخوات القسنطينيات يزيدو يفيدوك اكثر


نغسلو الشخشوخة مرة او مرتين و نفكوها في القصعة و نخليوها تشيح و كي تشيح زيدي فكيها و حطيها تفور
و نزليها و اذهنيها بالزبدة و شبعيها مرقة و غطيها و خليها و ساعات ساعات حركيها باه تشرب المرقة و اذا شفتيها شربت و هي مش شابعة زيديلها و كي تقدميها و ظهرت شوية باردة عاودي فوريها باه تسخن
و حنا مانجمروهاش فوق النار باه ماتتلبزش

تاع الفور جامي سمعت بيها
و شهية طيبة

[ميمنة الجزائر]

اولا شكرا حبيبتي


اختي الشخشوخة تع السيار تختلف من حيث التحضير و شخشوخة الطفر


حنا شخشوخة السيار ما تتغسلش مش كيما شخشوخة الظفر لي درك نقولك كيفا نديرولها


الشخشوخة تع السيار نذهنوها طول بالزيت بلاما نغسلوها و نحطوها تفور و كي ننزلوها نبخوها بشوية ماء تقريبا كاس صغير و على حساب السميد لكان يشرب و الا لالا تبخيها سع مرة واحدة خليها تشيح و لكان شفتيها مازالت يابسة خلاص زيدي شوية برك تكثريش و رجعيها تفور للمرة الاخيرة و كي تفور نزلها و اذهنيها بالزبدة و امرقيها و هي في القصعة بالمغرف حوالي 3 و غطيها و خليها تشرب المرقة و من بعد كي تجي تقدميها اذا بردتلك ماعليش زيدي حطيها تفور باه تسخن و الله العظيم ماكانش الذ منها عندي و خاصة مع الفلفل الحار

كون غير جيتي جارتي كون بعثتلك صحن

اما عن شخشوخة الظفر ولي يديروها بزاف ناس قسنطينة

انا نقولك على طريقتنا و نتمنى من الاخوات القسنطينيات يزيدو يفيدوك اكثر


نغسلو الشخشوخة مرة او مرتين و نفكوها في القصعة و نخليوها تشيح و كي تشيح زيدي فكيها و حطيها تفور
و نزليها و اذهنيها بالزبدة و شبعيها مرقة و غطيها و خليها و ساعات ساعات حركيها باه تشرب المرقة و اذا شفتيها شربت و هي مش شابعة زيديلها و كي تقدميها و ظهرت شوية باردة عاودي فوريها باه تسخن
و حنا مانجمروهاش فوق النار باه ماتتلبزش

تاع الفور جامي سمعت بيها
و شهية طيبة

الله يهنيك حبيبتي واللهافدتي ويعطيك الف عافية على الشرح افدتيني كثير

لكن انا قتلك الشخشوخة كيما نتاعك ما درتهاش انا بعثتلي ياها ابنة عمي وراني درتها كيما نقولك وجمرتها في الفور وهاذي عن تجربة راهي تجي لذيذة وما تتعجنش وباذن الله راني نجرب ديالك راهي عجبتني طريقتها وخاصة انها ما تتجمرش يعني تجي كي الكسكسي غير او الكسطكسي ما نديرولوش المرقة ويعطيك ويرضيك اختي على الافادة

وربي يرزقك الزوج الصالح اذا ماراكيش كتزوجة ويرزقك بالذرية الصالحة انشاء الله اذا كنتي متزوجة

والله عجبتني خدمتك كثييير والله ست بيت من النوع الاول تسلمي حبيبتي

[maiar]

الله يهنيك حبيبتي واللهافدتي ويعطيك الف عافية على الشرح افدتيني كثير

لكن انا قتلك الشخشوخة كيما نتاعك ما درتهاش انا بعثتلي ياها ابنة عمي وراني درتها كيما نقولك وجمرتها في الفور وهاذي عن تجربة راهي تجي لذيذة وما تتعجنش وباذن الله راني نجرب ديالك راهي عجبتني طريقتها وخاصة انها ما تتجمرش يعني تجي كي الكسكسي غير او الكسطكسي ما نديرولوش المرقة ويعطيك ويرضيك اختي على الافادة

وربي يرزقك الزوج الصالح اذا ماراكيش كتزوجة ويرزقك بالذرية الصالحة انشاء الله اذا كنتي متزوجة

والله عجبتني خدمتك كثييير والله ست بيت من النوع الاول تسلمي حبيبتي



ان شاء الله اختي جربيها و ردي لي الخبر على حساب هدرتك انت مش من الشرق المهم متشرفة بمعرفتك و يعطيك الصحة و يرضيك على الدعوة انا مانيش مخطوبة اصلا و انا تاني نجرب كاش نهار تع الفور هكدا نتبادلو الخبرات و نستفادو بحوايج جدد
الله يخليك شهادة اعتز بيها و راني مازلت في مرحلة التعلم من الوالدة ربي يحفظها

[عزة العلمى]

يعطيك صحة جتك روعة ا اختي اعطيني مقادير تاع المرقة

[maiar]

يعطيك صحة جتك روعة ا اختي اعطيني مقادير تاع المرقة

الله يسلمك اختي

المقادير تع المرق عادية

ننظف اللحم و نحطو في الكوكوط و بصلة متوسطة مرحية و ثوم مرحي

و حمص يكون (مرنخ) و الذواقة (لي هي راس الحانوت) و الفلفل الاسود

الملح و شوية زيت و حطيها تتقلى ومن بعد كي يتقلى مليح وحد 7 دقايق امرقي بالماء ( انا نحط الماء الساخن)

و اغلقي الكوكوط و انتظري حتى يطيب اللحم و الحمص و في الاخير اضيف الطماطم المصبرة من ملعقة الى ملعقتين حسب كمية المرق

و تقدري تحطي الطماطم مع الاول مع المقادير المذكرة سابقا

[ام محمد اصيل]

الله يعطيك الصحة يا الفحلة هي فعلا رائعة في المداق مختلفة عن شخشوخة الظفر انا قبل ما نتزوج ما كنتش نعرف شخشوخة السيار وبعدها اكتشفتها عند حماتي ولقيتها لديدة واصبحت نفضلها على باقي الاكلات التقليدية اما عن الخضر اللي نستعملهم فيها هي الجريوات والجزر شكرا .

[nada nina]

شهيتينا يعطيك الف الف الف صحة يا وحد الحرة

[maiar]

الله يعطيك الصحة يا الفحلة هي فعلا رائعة في المداق مختلفة عن شخشوخة الظفر انا قبل ما نتزوج ما كنتش نعرف شخشوخة السيار وبعدها اكتشفتها عند حماتي ولقيتها لديدة واصبحت نفضلها على باقي الاكلات التقليدية اما عن الخضر اللي نستعملهم فيها هي الجريوات والجزر شكرا .

صح هي الذ الخضر لي ذكرتيهم هم لي نحطوهم من فوق

العفو نورتي

شهيتينا يعطيك الف الف الف صحة يا وحد الحرة


الله يسلمك

[tamara31]

اخاي يا ميار راكي قتلتيني بيها وحنا مانعرفولهاش
المهم ربي يعطيك الصحو وتاكلوها بلهنا

[maiar]

اخاي يا ميار راكي قتلتيني بيها وحنا مانعرفولهاش
المهم ربي يعطيك الصحو وتاكلوها بلهنا

خلي برك يا اختي راهي خلصت في الدار و ماما قالتلنا حتى العطلة باه نزيدو نديروها وا ساخفة عليهاااااااااا


الله يسلمك