مشكلتي كيفية خطوبتي

[مشكلتي]

السلا عليكم
حبيت ندي ريكم في موضوع وهو
انا ولد عمي حاكي عليا وعندو اكثر من 5 سنين يماه هدرت مع ماما وكان اواحد علبالو واحد معلابلوش من العايلة يعني وضركة بعد مرور العامين لولين ساي اهلنا كامل علبالهم بلي فلانة حاكي عليها فلان
ولحد الان مكان والو رسمي لخطبة رسمية لا والو حتي عمي محكاش لبلب غير يلمحلو المهم.حابة نعرف لاسكو وحدة تكون هكة عند لي دايرين بيها تعتبر مخطوبة ولا كفاه مع العلم ان الكثير من يلي عنبالهم تقدمولي .مي اكيد ماما كانت ترفض وانا مع ولد عمي نحكوا مع بعضانا وكاين لي عنبالهم مي انا حسيت بلي عايلتني يخزرولي غير قلك غير حاكي عليها قادر يديها قادر لا عادو يقلقوني .مي انا مرتاحة عادي حامستهم بسكاتي .المهم اعطوني رايكم باه نشوف واش رايكم في الموضوع واش نقدر ندير

[نورسين.داية]

صراحتا لم أفهم سؤالك أين هو ؟؟؟؟؟

يعني الصراحة انتي لستي في وضعية المخطوبة بكل صراحة
يعني الذي يقول كلمة مند 5 سنوات ماذا ينتظر بالله عليه لا تنسي أن المخطوبة فعليا فعليا يمكن لها أن تقاضي من خطبها في تلك المدة الماضية في حال عدل عن الخطوبة (حال كانت مدة الخطوبة طويلة مثل وضعيتكي أنتي ) بالمقابل أنتي عزيزتي ليس لكي لا حقوق و لا عليكي واجبات بمعنى في حال تقدم لخطبتك أي شخص لا تترددي في حال كانت تتوفر فيه كل الشروط لأن الخاطب الأول نهار مزال ماطلعش عليه (إسمحليي على العبارة و أنتي لم تقدمي سبب أو مانع تقدمه لخطبتك كل هذه المدة ) عموما وفقكي الله أختي

[djamel123]

الحل هو أن يسألهم أهلك هاذا السؤال
اما أنها خطبة رسمية ويحددوا موعدا للزواج
واما أن يتركوك في حالك
الامور هاذي مافيهاش تلميح حتى لو كان العريس ابن عمك

[difa]

اختي راكي غالطة بزاف 5 سنين راه عمر او راكي تكبري لا زم يبين روحوا او يجوا يخطبوك رسمي لقدر الله كاش ما سرا تتفر غي فيك

[khado586]

hada chhal fi 3omrou!!!!!!!!!!!!!!!!!!!!!!!!!!!!lazam youkhotbak

[طالبة العلم 18]

السلام عليكم و رحمة الله و بركاته
طبعًا أنتِ لا تعتبرين مخطوبة مادام أنه لم تكن هناك خطبة رسمية ، و حتى والده لم يتحدث مع والدكِ بشكل رسمي فأنت قلتِ بأنه لمح له فقط !!
إذا كنت تحبينه و تعلمين أنه يحبكِ ، فاطلبي منه التقدم رسميًا لخطبتكِ ، أعتقد 5 سنوات مدة طويلة جدًا ...

[اماني 92]

اذا كان هناك سبب لي خلاهم يطولو كل هاذي المدة يبالي الامر مفيهش مشكل لانك قلتي هو ولد عمك وعمك ميحبلك غير الخير . نعرف وحدة كيفك مي السبب انهم مزالو صغار قال عليها وهي عندها 13 سنة وهو 17 يعني في وقتنا مزالو صغار وضركة راهم ل 2 يكملو قرايتهم .اما انت اختي عاد مكانش سبب لي خليك كل هذي المدة لازم يخطبك رسمي.والاخوة قبلي وفو وكفو

[فارس الجزائري]

السلام عليكم
الأفضل أن يتقدم بصفة رسمية وإن كان بمقدوره إتمام مراسيم الزواج يكون أفضل لك
بالتوفيق إن شاء الله

[ناصرالدين الجزائري]

خطوبة بالتلميح ..
الزواج امر جدي و ليست لعبة .. و يجب ضبط كل شئ بطريقة مباشرة و صريحة .. اما التلميح و البقاء في الشك و شروط الزواج مجهولة و الكيفية مبهمة فهذا ليس زواج .. هذا لعب ...
فربما بعد مرور الخمس سنوات لما تتحدثوا عن شروط الزواج ربما تكتشفون أنكم غير متفقين على نقطة معينة فما العمل حينها .. هل تفسخون خمسة سنوات من خطوبة التلميح ؟ .. مرحلة الخطوبة هي في الاصل مرحلة لضبط الامور و التفاهم على الزواج .. لكن في حالتك لا شئ قد تم كما ينبغي له ...
حالتك تسمى " وضع اليد " و ليست خطوبة .. و وضع اليد تدوم شهور قليلة كاقصى تقدير و لا تدوم لسنوات ...

[lili1988]

متقلقيش روحك اذا لكبار هدرو انتوما خليكم مرتاحين و زيد راهي كلمة فالنص ماشي لعبة بصح انتي حاولي تثبتي مع يماك

[جوهرة العدالة]

قلتي عندو 5 سنوات وهو حاكي عليا هي مدة طويلة نوعا ما اظن بانه الان ادا كانت ظروفه تسمح فليتقدم بخطبتك رسميا لانك الان لست مخطوبة فهي مجرد كلمة كيما انقولو احنا في عنابة . لانو يا اختي لكان تبقاي هكا راكي انتي لخاسرة ادا كان عايلتك و اهلك بداو يهدرو عليك امالة واش تتوقعي من الناس لبرانية ؟ اكيد رايح يكثر القيل و القال و نفرضو هدا ولد عمك متزوجش بيك او ماشي هو مكتوبك . والناس كامل سامعين وعلابالهم بلي انت كنت مع ولد عمك شكون لي رايح يتقدملك من بعد . راكي تعرفي يا اختي الناس ما ترحمش و المرأة دائما في وضعية و في مركز ضعيف . اتمنى ان تحسمي الامر و تضعي النقاط على الاحرف . بالتوفيق

[خولة93]

شوفي انقلك اختى تانى كان ولد عمتى هادر اعليها يعني كلمة بلي راها ليه وكان ايحبها صح وابقاو هاك 5 سنين هي كانت تقرا وكي اتخرجت بعثنا وقالنا رانى بطلت بدون اسباب وبدون مقدمات وحتى ما جاء هو غير ابعث بصح الحمد لله دركا راها متزوجة وعايشة حياة يحسدوها الناس اعليها رب ايدومهالها
ننصح اختى الخطبة الغير معلنة والى اتطول بزاف مش امليحة قوليلوا يعلنها ولا ايخليك اتشوفي حياتك
ورب ايسهل لكل الناس

[GUERKADER]

5 سنين اممممممممممممممممممممممممم لحيا حيا.....و لي مات مات ....ولي زاد زاد......ولي تزوجت تزوجت.....ولي طلقت طلقت.....مهم أختي ضعي حد لهذه المهزلة وقليلو يجي يخطبك...ولا اخطيك منو و ديري تويل لعمرك...وفقك الله

[نورالهدى**]

احكي مع اهلك بوضوح باش يفهموك وادا كانو مافاهمينش لازم يحكيو مع اهل عمك بوضوح

هدي حاجة ماش تع تمسخير الزواج يعتبر من الثلاثة للي جدهن جد وهزلهن جد

ربي يوفقك

[abdel02]

الخطبة ما هي الا وعد بالزواج....ودليل ذلك ان المخطوبين حرام عليهم يتلاقاو ويتكلمو في الهاتف....لذا...اعتقد ان صاحبنا وعدك واطال في وعده...لاسباب ربما الخدمة او السكن....مادامك صابرة معاه ورتاضية بيه وهو راضي بيك...وين المشكل...لا تلتفتي لما يقول الناس عنكما...ربي يسرلكم امر زواجكم...

[حسينة 36]

اختي 5 سنين ياسر وزيد الهدرة فاحت في داركم واهلك اماله الناس برة واش يقولو خاصة اذا اهلك رفضو الخطاب اتصلي بيه وحاولي تعرفي سبب التاخير الى حد الان اما الزواج مباشرة لا خطبة لاوالو ما بقاتش او انك تعيشي حياتك قادر يكون ماهوش مكتوبك ومكتوبك في احد الخطاب الي رفضتوهم بلا ما تعرفي

اماله استخيري وحطي النقاط على الحروف

لانك قادرة تبوري اي تعنسي بسبة ولد عمك بعيد الشر عليك الي يقصدك يقولوله هدر عليها فلان وخلاها ياسر هاذ الشيء الخطأ كان من البداية

والله الموفق

[amel4star]

حبيبتي هدا الوضع غير مريح
فانت تكلم عليك مند 5 سنين كيما قلت
لم لم يتقدم !!!!حاولي التكلم معه
فان ارادك فليتقم رسميا
الوضع لا يمكن ان يستمر هكدا فيجب وضع النقاط على الحروف