شكون تعرف للملوي

[الاسراء]

السلام عليكم .بلييييييييييييز ساعدوني كيفاه تخدمو الملوي راني نستنى لكم.

[wahoub]

احنا عندنا في الغرب نسموه مسمن كاين اللي ينقلى في الزيت وكاين اللي يطيب فوق الطاجين
المهم العجينة ساهلة بزاف
المقادير :

السميد متوسط واذا حبيتي غربليه قبل ما تعجنيه باش تتخلصي من هذاك الرطب
الملح
الماء يكون بارد

وماديري لا فرفارة ولا خميرة
وتعجنيها مليح مليح حتى تلقيها طرية
ومن بعد تخليها تريح قريب ساعة
ومن بعد تعمليها قريصات صغيرة
ولازم تدهني البلاطو بالزيت
وترجعي تخليهم يريحو شوية
ومن بعد تدهني المكان اللي باغي تخدمي فيه بالزيت
وتحطي قريصة وتغطسي يدك في الزيت وتحلي العجينة مليح كيما يعملو المحاجب
وتقفليها على ربعة
ويا اما تقليه في الزي ومن بعد تحطيله العسل
ولا تحطيه في الطاجين وتطيبيه من الجهتين
واتمنى كون افدتك
وهذي الملوي على طريقتنا

[wahoub]

حبيبتي اسراء راكي بنت سعيدة يعني بنت بلادي والطريقة اللي مديتهالك طريقة سعيدية

[الاسراء]

السلام عليكم اختي وهيبة نعرف ندير المسمن بصح الملوي يجي شعال من واحدة فوق بعض
كل ماتطيب جهة تقلبيها وتزيدي تلصقي فيها واحدة اخرى وتعاود تقلبي وتلصقي تاني واحدة اخرى.فهمتيني.