تسجيل الدخول

مشاهدة النسخة كاملة : ماذا تحضرون في عيد الاضحى

ام ايمان16
2011-10-31, 18:33
السلام عليكم
بما اننا على مقربة من عيد الاضحى المبارك ارتايت ان اضع موضوع من اجل معرفة عاداتكم وماذاتحضرون في ايام عيد الاضحى المبارك من حلويات وماكولات الخاصة بالعيد
فهيا اخواتي فلتشاركونا وتخبرونا ماذاتحضرون وماذا تفعلون في العيد
وهل اشتريتم كبش العيد ام لا

شكرا
وكل عام وانتم بخير
:dj_17:
http://www.x55a.com/images/v8my34wl3phppkyswetl.jpg
ام زهير
2011-11-01, 02:16
السلام عليكم
و الله ضحكني بزاف الكاريكاتيرتاع الكبش
انا من الشرق الجزائري
نهار العيد بعد الصلاة و دبيحة تاع الكبش نقليو الكبدة و ناكلوها مع المطلوع و لا الكسرة رخسيس
في العشا نطيبو الراس و الكرعين و نديرو عصبانة
في النهار الثاني نديرو شخشوخة و في الليل نشويو اللحم على الفحم
اما الحلويات نديرو المقروظ و زوج انواع اخرين باش نفطرو و باش نحطو للضياف الي مايحبوش ياكلو اللحم
عندنا الدار الي تدخل ليها يشويولك و انت راك تخمانة من الروايح و الماكلة
فتيحة الجزائرية
2011-11-01, 08:01
اصباح العيد اتعودي مشغولة بزاف بالذبيحة الكبش العيد اطيبو ا الشربة اوشربة فريك


او تقلي اللحم في الزيت ال نشويه على الفحم ادري حاجة اخفيفة في الليل انديرو الكسكس بالمرقة حمراء
ام ايمان16
2011-11-01, 14:06
شكرا لمشاركتكم وعيدكم مبارك مسبقا
همسا
2011-11-01, 15:00
السلام عليكم انا من الغرب الجزائري
نهار العيد بعد ما يدبحلينا الوالد طبعا الله يعطيه الصحة نشاء الله
نطيبو في الغداء العصبان مع الحمص
وفي المساء نطيبو بوزلوف والكبدة واللحم مشوي
وفي العشاء نديرو الطابق او الكتف مع الطعام °الكسكسّ
وبعد العشاء نشربو التاي
ومين نجو نرقدو منقدروش نقعدو ندورو على الدوا نتاع التخمة ايا طيبلينا امي ربي يحفضها الأعشاب الطبيعية

وانت اختي صاحبة الموضوع احكينا على عاداتكم
ام ايمان16
2011-11-01, 16:22
السلام عليكم انا من الغرب الجزائري
نهار العيد بعد ما يدبحلينا الوالد طبعا الله يعطيه الصحة نشاء الله
نطيبو في الغداء العصبان مع الحمص (وهل يكفيكم الوقت من اجل تحظير العصبان للغداء):mh31:
وفي المساء نطيبو بوزلوف والكبدة واللحم مشوي (وهذا على قداه تاكلوه واشمن ساعة في النهارhttp://www.djelfa.info/vb/images/smilies/biggrin.gif
وفي العشاء نديرو الطابق او الكتف مع الطعام °الكسكسّ(وهذا ديروه في اليوم الاول للعشاء طيبو لكتاف:rolleyes:
وبعد العشاء نشربو التاي (بصحتكم لاتاي :19:
ومين نجو نرقدو منقدروش نقعدو ندورو على الدوا نتاع التخمة ايا طيبلينا امي ربي يحفضها الأعشاب الطبيعية(اللهم يعافيكم )

وانت اختي صاحبة الموضوع احكينا على عاداتكم

وعليكم السلام اختي انا من الشرق الجزائري
حنا نهار العيد من بعد الذبيحة نلتاو بتشواط الراس وتنظيف الدوارة كامل ...وكي نخلصو نقليو الكبدة ونطيبو المخ نتاع الراس ونديرو سلاطة ونزيدو نقليو لفريت وناكلوهم مع خبز الدار او المطلوع او الكسرة:)

وفي العشاء نديرو بكبوكة بالحمص والكرشة ونطيبو الراس والكرعين

وثاني ايام العيد نديرو كسكس بالكتاف في زوج:19:

ربي يعطيكم الصحة والعافية وتعيدو وتزيدو ويحفظلكم الوالدة نتاعكم :)
شكرا لمشاركتك
Amouna.DZ
2011-11-01, 16:26
السلام عليكم أختي تفاحة أنا معجبة جدا بمواضيعك و أفكارك الجمبلة
.
.
.
قبل العيد نحضرو أنواع من الحلويات ......نحنو للصغار.....وماننساوشنحنو للكبش.....
في يوم العيد بعد ذبح الذبيحة نبدأ بتنظيفها أنا و أمي و أختي و الغذاء يأتينا جاهز شخشوخة كيما يحب الخاطر من عند جدتي ربي يحفظها و في الليل نشوو اللحم على الفحم و نقليو الكبدة و القلب ...و نطيبو شوي دوارة.(كل أنواع و طرق اللحم نحضروه) و غدوة من ذاك نتغذو عند جداتي أم أمي و العشاء عند جدتي ام ابي....
صح عيدكم مسبقا
ام ايمان16
2011-11-01, 19:31
السلام عليكم أختي تفاحة أنا معجبة جدا بمواضيعك و أفكارك الجمبلة
.
.
.
قبل العيد نحضرو أنواع من الحلويات ......نحنو للصغار.....وماننساوشنحنو للكبش.....
في يوم العيد بعد ذبح الذبيحة نبدأ بتنظيفها أنا و أمي و أختي و الغذاء يأتينا جاهز شخشوخة كيما يحب الخاطر من عند جدتي ربي يحفظها و في الليل نشوو اللحم على الفحم و نقليو الكبدة و القلب ...و نطيبو شوي دوارة.(كل أنواع و طرق اللحم نحضروه) و غدوة من ذاك نتغذو عند جداتي أم أمي و العشاء عند جدتي ام ابي....
صح عيدكم مسبقا

وعليكم السلام اختي شكرا لك

بصحتكم تعيدو وتزيدو وكل عام وانتم بخير
ربي يحفظك ويحفظلك عائلتك
سَلْسَبِيّلْ
2011-11-01, 21:06
انا من سطيف الصباح نلتاو بالراس والكرشة ونتغداو قليان وفي المساء في بيت اهلي ابي يقسم الجزرة مع امي وديما يتهاوشو مهاوشة خفيفة على التقطاع نتاع اللحم هي تقولو فزتولي كل عام هكذ ملي عرفت صلاحي ونتعشاو الراس اما عند زوجي انا في الليل نقلي ونشويو اللحم والجزرة نتمرمد معاها وحدي ونتفكر جو بيتنا والله روعة دونشويو انا ووليداتي ومولا بيتي كنت ندير الفحم لكن عدت ندير الشوا في الفراح يجي نظيف وسهل ومكانش الدخان وفي الغدنديرو
البربوشة انا نتغدى عند اهلي وفي الليل ندير المقلي والمشوي والله اجواء العائلة متتبدلش بكنوز الدنيا
ام ايمان16
2011-11-01, 21:43
انا من سطيف الصباح نلتاو بالراس والكرشة ونتغداو قليان وفي المساء في بيت اهلي ابي يقسم الجزرة مع امي وديما يتهاوشو مهاوشة خفيفة على التقطاع نتاع اللحم هي تقولو فزتولي كل عام هكذ ملي عرفت صلاحي ونتعشاو الراس اما عند زوجي انا في الليل نقلي ونشويو اللحم والجزرة نتمرمد معاها وحدي ونتفكر جو بيتنا والله روعة دونشويو انا ووليداتي ومولا بيتي كنت ندير الفحم لكن عدت ندير الشوا في الفراح يجي نظيف وسهل ومكانش الدخان وفي الغدنديرو
البربوشة انا نتغدى عند اهلي وفي الليل ندير المقلي والمشوي والله اجواء العائلة متتبدلش بكنوز الدنيا

مرحبا جارتي (ولائيا)واختي في المنتدى
بصحتكم اختي وربي يدوم الفرح والسعادة عليكم دائما وتعيدو بالهنا وكل عام وانتم بخير

بصح بلا مهاوشة على الكبششش:1:
شكرا لك
ام نسمة
2011-11-02, 13:05
مرحبا انا من الغرب يوم العيد ندو العيادة انتاعنا عند بيت شيخي باش ندبحو عندهم ونتغدو كيفف كيف عجوزتي تجيب الريشو ورقة الشوا وتشوي الدوارة ونحضرو السلطة وخبز المطلوع ونديرو الملفوف ونتغدو كامل مع بعض والدبيحة نقطعوها في الليل ونشو اللحم في الفرن والسلطة واحيانا البزلوف على خاطر في كثير من المرات انمدوه لجوارينا بصح هاد العام راني معولة نحضره لان شيخي يحبه بزاف اما بالنسبة للحلويات فالكعك لا غنى عنه واحيانا نديرو نوع ولا زوج والله القصرة معاكم حلوة بزاف ايا تعيدو كامل بصحتكم
ام ايمان16
2011-11-02, 14:00
مرحبا انا من الغرب يوم العيد ندو العيادة انتاعنا عند بيت شيخي باش ندبحو عندهم ونتغدو كيفف كيف عجوزتي تجيب الريشو ورقة الشوا وتشوي الدوارة ونحضرو السلطة وخبز المطلوع ونديرو الملفوف ونتغدو كامل مع بعض والدبيحة نقطعوها في الليل ونشو اللحم في الفرن والسلطة واحيانا البزلوف على خاطر في كثير من المرات انمدوه لجوارينا بصح هاد العام راني معولة نحضره لان شيخي يحبه بزاف اما بالنسبة للحلويات فالكعك لا غنى عنه واحيانا نديرو نوع ولا زوج والله القصرة معاكم حلوة بزاف ايا تعيدو كامل بصحتكم

مرحبا بك اختي ان شاء الله تعيدو بالصحة ولهنا وكل عام وانتم بخير
شكرا لمشاركتك وربي يبارك فيك وفي اهلك
سَلْسَبِيّلْ
2011-11-02, 16:54
مرحبا جارتي (ولائيا)واختي في المنتدى
بصحتكم اختي وربي يدوم الفرح والسعادة عليكم دائما وتعيدو بالهنا وكل عام وانتم بخير

بصح بلا مهاوشة على الكبششش:1:
شكرا لك
اختي المهاوش نتاع ماما وبابا ليست اللي في بالك واهلا بك اختي في الله
عطر الندى1
2011-11-02, 17:38
بعد صلاة العيد نقوم بتهنئة الاقارب ثم نقوم بعملية النحر .
في الغداء نعملو دوارة مع سلطة بالبصل وفي المساء نعملو الملفوف وفي العشاء نعملو محمر
ميمنة الجزائر
2011-11-02, 17:54
مرحبا انا من الغرب يوم العيد ندو العيادة انتاعنا عند بيت شيخي باش ندبحو عندهم ونتغدو كيفف كيف عجوزتي تجيب الريشو ورقة الشوا وتشوي الدوارة ونحضرو السلطة وخبز المطلوع ونديرو الملفوف ونتغدو كامل مع بعض والدبيحة نقطعوها في الليل ونشو اللحم في الفرن والسلطة واحيانا البزلوف على خاطر في كثير من المرات انمدوه لجوارينا بصح هاد العام راني معولة نحضره لان شيخي يحبه بزاف اما بالنسبة للحلويات فالكعك لا غنى عنه واحيانا نديرو نوع ولا زوج والله القصرة معاكم حلوة بزاف ايا تعيدو كامل بصحتكم

ربي يهني سرك يا حنونة هكا الحمد لله راكي مليحة

وربي يكملك مع زوجك واولادك
الصفاء
2011-11-02, 21:14
السلام عليكم
احنا في ولاية عنابة نحضروا خبز الكوشة نهار عرفات
ويوم العيد بعد اداء صلاة العيد ندبحوا ومبعد نشوطوا الراس والكراوع ونضفوا الكرشة المسارن ونحطوهم يغلو بش نديروا العصبان
ومبعد نجيبوا الغرنوق نقطعواه ونشويوه على الفحم ونتلموا نتغداو( شواء وخبز وديسار وسلاطة)
وبعد لغداء نديروا ابريق تاي فوق الفحم ونقعدوا انا وماما نخيطوا العصبان
نهار تاني عيد نقصوا للحم وتحضر امي الكسكسي بالكتف وندوقوا منوا جيرانا
اما بنسبة للحلويات نحضروا نوع واحد قريوش ولا ومقروض مقلاة
ولازم كي يجيك ضيف تشوي وتحطيلوا بش يدوق العيد تعك
ام ايمان16
2011-11-02, 21:43
اختي المهاوش نتاع ماما وبابا ليست اللي في بالك واهلا بك اختي في الله

طبعا اختي فهمت انها مناوشات لطيفة فقط بسبب اجواء العيد وليست مهاوشة بمعنى الشجار الحقيقي

ربي يحفظكم من سوء
ام ايمان16
2011-11-02, 21:48
بعد صلاة العيد نقوم بتهنئة الاقارب ثم نقوم بعملية النحر .
في الغداء نعملو دوارة مع سلطة بالبصل وفي المساء نعملو الملفوف وفي العشاء نعملو محمر

بارك الله فيك وكل عام وانتم بخير
شكرا لمشاركتك
ام ايمان16
2011-11-02, 21:51
السلام عليكم
احنا في ولاية عنابة نحضروا خبز الكوشة نهار عرفات
ويوم العيد بعد اداء صلاة العيد ندبحوا ومبعد نشوطوا الراس والكراوع ونضفوا الكرشة المسارن ونحطوهم يغلو بش نديروا العصبان
ومبعد نجيبوا الغرنوق نقطعواه ونشويوه على الفحم ونتلموا نتغداو( شواء وخبز وديسار وسلاطة)
وبعد لغداء نديروا ابريق تاي فوق الفحم ونقعدوا انا وماما نخيطوا العصبان
نهار تاني عيد نقصوا للحم وتحضر امي الكسكسي بالكتف وندوقوا منوا جيرانا
اما بنسبة للحلويات نحضروا نوع واحد قريوش ولا ومقروض مقلاة
ولازم كي يجيك ضيف تشوي وتحطيلوا بش يدوق العيد تعك

وعليكم السلام اختي
بارك الله فيك وكل عام وانتم بخير
شكرا لمشاركتك
الدنيا
2011-11-03, 13:22
والله غير شهيتوني تقلقت على العيد
انا و بما اني بنت عائلة جزارة
مانشروش الكبش كل يوم عندنا
العيد الصباح ماما تحضرلنا
المسمن بالعسل و فطور خفيف
بعد صلاة العيد اول حاجة نديرها
فوق سطح البيت نشعل النار لازم
نشم ريحتها ولا ماكانش بنة و ماننساوش الصداقة على الفقراء و الزكاة و كي
يجي الظهر ندي الشحم و الملح و الكبدة
و القلب و الخبز نحضر الملفوف و اللحم المشوي على النار للعائلة
و نغسلو الدوارة و نشوطو البوزلوف و لازم العشاء
يكون عصبان.
hasna19
2011-11-03, 17:17
السلام عليكم

صبحة العيد بعد صلاة العيد ماما تعمل الكسرة مطلوع و انا نسيق الدار و مرت خالي تسيق دارها مل فوق لانها ساكنة معانا من بعد نقفلو الديار الزوج و ننزلو لتحت ندبحو في la cour بعد الذبيحة بابا و خالي يتظفو هذيك الكرشة و يعاونونا شوية و ينظفو هذاك الدم حاشاكم و الحوايج اللي ذبحو فيهم و انا ومرت خالي نتعاونو نغسلو الامعاء و الكرشة و ماما تتعاون هي وخالي يشوطو الريسان في زوج

في هذا الوقت بابا يبدا يجهز placa لي نعقدوو فيها ينظفها و يرتبها نطلع انا للدار نجيب السلاطة و la lemonade والكسرة و نوجد مع بابا القعدة نرجع la cour نكمل تسياق الدنيا تكوون الساعة 14 نجتمعوو كل العائلة نشويو الكبدة و نعملو بولفاف و القلب و الرية ................من بعد يجي دور المواعين نغسلهم

نطلعو نريحو شوية و العشية يبدا دور العصبانة لي تدي نص النهار كامل

وفي الليل يتلموو خوالي و عمامي عندنا نزيدو نشويو

وثاني نهار نعملو صباح بكري شخشوخة بالمسلا ن و مرت خالي كسكسكي بالكتف و ناخذو غدانا عند جدتي و اختي نلقاو كسكسي الله الله تاع ناس زمان ريحتوتشميها قبل ماتدخل الشارع

نلقاو خلاتي كل مجتمعين نتغداو ضحك و لعب و العشية كل واحد يروح يعيد على حبابو و في الليل نعاودو نتلموو كاملين خوالي و خالاتي و نعملو شواء
حكييييتلكم بالتفصيل الممل


وانتهى العيد و ربي يدومو علينا بالصحة و العافية


ودرك الفيريجيدار رااهو يعيط ارواحي اغسليني هبطت الحوايج و نستنا فيه يدووب ههههههههههههه
ام نسمة
2011-11-03, 22:48
ربي يهني سرك يا حنونة هكا الحمد لله راكي مليحة

وربي يكملك مع زوجك واولادك

شكرا لك عزيزتي انا بخير واحوالي الحمد لله اتمنى لك عيد سعيد انت واهلك وكل عام وانت بخير وربي يجزيك الجنة ان شاء الله لسؤالك عني غاليتي
ام ايمان16
2011-11-03, 23:12
والله غير شهيتوني تقلقت على العيد
انا و بما اني بنت عائلة جزارة
مانشروش الكبش كل يوم عندنا
العيد الصباح ماما تحضرلنا
المسمن بالعسل و فطور خفيف
بعد صلاة العيد اول حاجة نديرها
فوق سطح البيت نشعل النار لازم
نشم ريحتها ولا ماكانش بنة و ماننساوش الصداقة على الفقراء و الزكاة و كي
يجي الظهر ندي الشحم و الملح و الكبدة
و القلب و الخبز نحضر الملفوف و اللحم المشوي على النار للعائلة
و نغسلو الدوارة و نشوطو البوزلوف و لازم العشاء
يكون عصبان.

بارك الله فيك وكل عام وانتم بخير
شكرا لمشاركتك
ام ايمان16
2011-11-03, 23:13
السلام عليكم

صبحة العيد بعد صلاة العيد ماما تعمل الكسرة مطلوع و انا نسيق الدار و مرت خالي تسيق دارها مل فوق لانها ساكنة معانا من بعد نقفلو الديار الزوج و ننزلو لتحت ندبحو في la cour بعد الذبيحة بابا و خالي يتظفو هذيك الكرشة و يعاونونا شوية و ينظفو هذاك الدم حاشاكم و الحوايج اللي ذبحو فيهم و انا ومرت خالي نتعاونو نغسلو الامعاء و الكرشة و ماما تتعاون هي وخالي يشوطو الريسان في زوج

في هذا الوقت بابا يبدا يجهز placa لي نعقدوو فيها ينظفها و يرتبها نطلع انا للدار نجيب السلاطة و la lemonade والكسرة و نوجد مع بابا القعدة نرجع la cour نكمل تسياق الدنيا تكوون الساعة 14 نجتمعوو كل العائلة نشويو الكبدة و نعملو بولفاف و القلب و الرية ................من بعد يجي دور المواعين نغسلهم

نطلعو نريحو شوية و العشية يبدا دور العصبانة لي تدي نص النهار كامل

وفي الليل يتلموو خوالي و عمامي عندنا نزيدو نشويو

وثاني نهار نعملو صباح بكري شخشوخة بالمسلا ن و مرت خالي كسكسكي بالكتف و ناخذو غدانا عند جدتي و اختي نلقاو كسكسي الله الله تاع ناس زمان ريحتوتشميها قبل ماتدخل الشارع

نلقاو خلاتي كل مجتمعين نتغداو ضحك و لعب و العشية كل واحد يروح يعيد على حبابو و في الليل نعاودو نتلموو كاملين خوالي و خالاتي و نعملو شواء
حكييييتلكم بالتفصيل الممل


وانتهى العيد و ربي يدومو علينا بالصحة و العافية


ودرك الفيريجيدار رااهو يعيط ارواحي اغسليني هبطت الحوايج و نستنا فيه يدووب ههههههههههههه

وعليكم السلام اختي
بارك الله فيك وكل عام وانتم بخير
شكرا لمشاركتك
mirta
2011-11-04, 14:59
السلام عليكم
و الله ضحكني بزاف الكاريكاتيرتاع الكبش
انا من الشرق الجزائري
نهار العيد بعد الصلاة و دبيحة تاع الكبش نقليو الكبدة و ناكلوها مع المطلوع و لا الكسرة رخسيس
في العشا نطيبو الراس و الكرعين و نديرو عصبانة
في النهار الثاني نديرو شخشوخة و في الليل نشويو اللحم على الفحم
اما الحلويات نديرو المقروظ و زوج انواع اخرين باش نفطرو و باش نحطو للضياف الي مايحبوش ياكلو اللحم
عندنا الدار الي تدخل ليها يشويولك و انت راك تخمانة من الروايح و الماكلة
انتوما كيفنا مي حنا ما نديروش العصبانة في اليوم الاول
ليلك الروح
2011-11-04, 19:59
مساء الخير حبوباتى
انا من الوسط تحديدا من المدية العيد عندنا كيما سائر العائلات الجزائرية فيه كلش
عندنا صبيحة العيد بعد ما يخرجو الناس من الصلاة يجى بابا وخويا يبدلو حجوايجهم ويجيبو هذاك الكبش المسكين يدبحوه ومن بعد كل وحدة تحكم شغلها يما الزليف وانا واختى الدوارة نغسلوها الله الله ونقطعوها تكون يما كملت التزلاف نسيقو ونوجدو المكان الى نقعدو فيه نقطع السلاطة ونقلى الباطاطا يجيب خويا الفحم ويشعل الباربيكيو ويجيب بابا الكبدة ويديرنا الملفوف بعد ما نكملو الغدا نرجعو للعصبان نخيطوه ونحطوه يطيب
بالنسبة للزليف ما ناكلوهش هذاك النهار نخليوه حتى يخلاص اللحم باش نجبدوه
المهم غدو من داك الصباح يقطع بابا الكبش هو و
يما وراكم تعرفو هى تقولو ماشى هاك وهو يدير رايو ونفرقو على الجيران الى ما دبحوش......على 10 نشوو الضلوع وفى الغدا نديرو اللحم بالحمص ونسموه الحميص فى منطقتنا
فى العشيا نروحو نشوفو العايلة وفى العشا نرجعونشوو تان ههههههه حنا كبشنا يروح غير شوا ...............صح عيدكم كاملين
هذى هي الاجواء عندنا بالتفصيل الممل
ام ايمان16
2011-11-04, 21:04
مساء الخير حبوباتى
انا من الوسط تحديدا من المدية العيد عندنا كيما سائر العائلات الجزائرية فيه كلش
عندنا صبيحة العيد بعد ما يخرجو الناس من الصلاة يجى بابا وخويا يبدلو حجوايجهم ويجيبو هذاك الكبش المسكين يدبحوه ومن بعد كل وحدة تحكم شغلها يما الزليف وانا واختى الدوارة نغسلوها الله الله ونقطعوها تكون يما كملت التزلاف نسيقو ونوجدو المكان الى نقعدو فيه نقطع السلاطة ونقلى الباطاطا يجيب خويا الفحم ويشعل الباربيكيو ويجيب بابا الكبدة ويديرنا الملفوف بعد ما نكملو الغدا نرجعو للعصبان نخيطوه ونحطوه يطيب
بالنسبة للزليف ما ناكلوهش هذاك النهار نخليوه حتى يخلاص اللحم باش نجبدوه
المهم غدو من داك الصباح يقطع بابا الكبش هو و
يما وراكم تعرفو هى تقولو ماشى هاك وهو يدير رايو ونفرقو على الجيران الى ما دبحوش......على 10 نشوو الضلوع وفى الغدا نديرو اللحم بالحمص ونسموه الحميص فى منطقتنا
فى العشيا نروحو نشوفو العايلة وفى العشا نرجعونشوو تان ههههههه حنا كبشنا يروح غير شوا ...............صح عيدكم كاملين
هذى هي الاجواء عندنا بالتفصيل الممل

بارك الله فيك وكل عام وانتم بخير
شكرا لمشاركتك
meriem.213
2011-11-04, 21:23
انا من ولاية باتنة
بعد الصلاة نحطو الشاي مع الحلويات منكثرووووووش
وبعدها نذبحو الكبش :( و اول حاجة نبداو بيها الكبدة حنا نحضرو البولفاف بالكبدة هاذا فالغداء
وفي العشاء نحصر البوزلوف و في الغد نقطع الذبيحة و نديرو الشواء مع نوع من السلاطة وفي المساء نزورو الاهل و الاحباب وفي العشاء بربوشة باللحم وف اليوم الثالث كل واحد يحصر واش يحب

عيدكم مباااارك كل عام وانتم بخير
أمل800
2011-11-04, 22:27
السلام عليكم
حنايا قبل العيد نصفوا النحاس و نوجدوا الدرا للعيد ونديروا الحلوى
و اليوم العيد و بعد الصلاة و دبح الكبش نشوطو الزليف و نقوا الدوارة
و نشوا الكبدة و القلب مع السلاطة و نوجدو بوزلوف للعشى و نوجدوا العصبان باش ناكلوه غدوا و
وما نخلطوش في اللحم حتى الغدوا
يوم ثاني العيد في الصبح نشوا اللحم و نصدقوا اللحم للناس و نديروا في الفطور أكلة معروفة عندنا بزاف و كون مانديروهاش كشغل ما عيدناش و هي الحميص( اللحم، حميصة، مرقة حمرة و جي حلوة لخطر نديرولها السكر)و العشاء نديروا البركوكس بالعصبان
و اليوم الثالث الكسكي بالمرقة بيضاء و في العشاء أنتي حرة و لكن الأغلبية شوربة طبعا كا مايجوك الضياف لازم تقلي اللحم
عــــــــــيدكم مبارك
ام ايمان16
2011-11-04, 23:14
انا من ولاية باتنة
بعد الصلاة نحطو الشاي مع الحلويات منكثرووووووش
وبعدها نذبحو الكبش :( و اول حاجة نبداو بيها الكبدة حنا نحضرو البولفاف بالكبدة هاذا فالغداء
وفي العشاء نحصر البوزلوف و في الغد نقطع الذبيحة و نديرو الشواء مع نوع من السلاطة وفي المساء نزورو الاهل و الاحباب وفي العشاء بربوشة باللحم وف اليوم الثالث كل واحد يحصر واش يحب

عيدكم مباااارك كل عام وانتم بخير

بارك الله فيك وكل عام وانتم بخير
شكرا لمشاركتك
ام ايمان16
2011-11-04, 23:15
السلام عليكم
حنايا قبل العيد نصفوا النحاس و نوجدوا الدرا للعيد ونديروا الحلوى
و اليوم العيد و بعد الصلاة و دبح الكبش نشوطو الزليف و نقوا الدوارة
و نشوا الكبدة و القلب مع السلاطة و نوجدو بوزلوف للعشى و نوجدوا العصبان باش ناكلوه غدوا و
وما نخلطوش في اللحم حتى الغدوا
يوم ثاني العيد في الصبح نشوا اللحم و نصدقوا اللحم للناس و نديروا في الفطور أكلة معروفة عندنا بزاف و كون مانديروهاش كشغل ما عيدناش و هي الحميص( اللحم، حميصة، مرقة حمرة و جي حلوة لخطر نديرولها السكر)و العشاء نديروا البركوكس بالعصبان
و اليوم الثالث الكسكي بالمرقة بيضاء و في العشاء أنتي حرة و لكن الأغلبية شوربة طبعا كا مايجوك الضياف لازم تقلي اللحم
عــــــــــيدكم مبارك

بارك الله فيك وكل عام وانتم بخير
شكرا لمشاركتك
ام ايمان16
2011-11-05, 18:26
بارك الله فيك وكل عام وانتم بخير
شكرا لمشاركتك