ارجوكم ارجوكم كيفية تقطيع اضحية العيد

[سَلْسَبِيّلْ]

خواتاتي اريد كيفية تقطيع اضحية العيد ان امكن بالصور خاطي اليوتوب لان اليوتوب ما يمشيش وزوجي اكبر فنيان
كلش نديرو وحدي كل عام انا لينقطعها حتى ميحكمش معايا لكن كنقطعها نفزدها مانديرهاش كما بابا ربي يذكر على خير هيا كل وحدة فحلة تعلمني ربي يجعلها في ميزان حسناتكم
والكتف كفاه ديروه فيلي تاني علموني وربي يستركم

[سَلْسَبِيّلْ]

يمكن اكل رجالتكم فوحل يقطعولكم الجزرة لذلك ولا رد واحد

[ام ظافر]

احسن حل لك اختي انك تعتامدي على المنشار احسن من الساطور لانو راح يعطيك اللحم نظيف وما فيهش الاجزاء تاع العظم المهشم وناقص تعاب وجهد انا عندي الان حواي 10 سنين نقطع غير بالمنشار
افصلي الجزرة على زوج بالعرض من اعلى جهة الظهر واسفل الصدر تماما يعني الشطوب باش تسهلي على روحك ثم افصلي الارجل كل واحدة تبعي المفصل تاعها يعني تلمسي بيدك واقطعي بالسكين ولو انو صعيب تقطعي بلا ما تشوفي واحد يوريلك اماكن المفصل على الاقل
ومن بعد اقطعي الرقبة حلقات بالعرض تبعي المفصل ايضا ثم افصلي الصدر وقطعيه كيما تحبي للقلي او الطياب
اما الجزء السفلي انزعي مكان الظهر لوحدو وقطعي مكان الذيل بشكل طولي مع الظهر وافصلي الجلين في زوج وتبقالك الالية وحدها ويكون مكان عظم الرجلين ظاهر تقعر
اما على اليوتوب مانعرفلوش

[همسا]

السلام عليكم
ربي يكون في عونك انا عمري ولا قطعتها مي شفت والدي يقطععا يجيب سلك طويل ويدخلة في النخاع نتا ع النعجة باش يقسمها على زوج بالشاقورة ومباعد يفصل الارجل هدا حسب معرفتي

[miri_27]

عفوا عزيزتي ابي هو الي يقطعهالنا و اذا ماعرفتيش اديها للجزار مافيها حتى شىء حتى البوزولوف و راه الجزار ايشوطو ماتعي روحك ماوالو، نسيت عظم الله اجركم عذرا إذا جات متأخرة

[سَلْسَبِيّلْ]

شكراليكم جميعا ثبت الله اجركم ميرال

[jaki_hicham]

كيفاه تحوسي على التقطيع باه تخرجي لي مورصو ولا تحوسي كيفاش تخلي لقسم الي تصدقيه

[سَلْسَبِيّلْ]

انا نحوس الجزرة كاملة نتاع الصداقة باين كتف كامل

[جيجلية]

الله يكون في عونك

علاش علمتي لراجلك الفشوش مبعد حصلتي خليه يتعلم يقطع ويشد المسؤولية

أنا راجلي يدير طريقة مزعجة في التقطيع بصح يدبر راسه

يحط الشاقورة في المكان المناسب ويضرب بالمارطو فوقها

بصح القيامة تقوم بالحس

[موج و صخر]

:dj_17:حبيبتي
لماذا تحملين همّ تقطاع الجزرة ؟؟
لمّا زوجك فنيان ، اجعليه يدفع الفلوس بدلا من الجهد ، بحيث ياخذ الجزرة للجزار
ويرجعها لك كما تحبين وتشائين -واجدة-
صحّ عيدكم

[sara fifi]

ختي انا منعرفش بابا هو لي ديما يقطعها
مي رايي كما راي لبنات ادي الجزرة عند الجزار متغلبيش روحك خلاص الرجال راهم ميستاهلوش هو محافظ على صحتو وانت تقلقي في روحك
اديها عند الجزار وانت تهنيت

[سَلْسَبِيّلْ]

يا لبنات شكرا لكم والله ضحكتوني