ماذا عن الذين أدوا واجب الخدمة الوطنية ...؟؟؟؟

[ultras BE]

الحقيقة المرة
لقد أديت الخدمة الوطنية .... وخرجت إلى العالم الحقيقي لأجد نفسي لا شيء ، بطالة كل الأبواب مغلقة في وجهي..
تقولون لي ربي يفرج ...أعرف أن الله يفرج وهو المستعان .... لكن ما هذه الحقرة من قبل الدولة .... يعملوننا كباقي الناس ......... ولا أحد تذكر أيام تمرميد فالجبل
على الأقل نقطة زائدة في مسابقات التوظيف........... لا شيء ................. حسبي الله نعم الوكيل
على فكرة أن من خرجي 2008.
================================

ما رأيكم في إنشاء جمعية لدفاع عن حقوق من أدوا الخدمة الوطنية
على الأقل نتحصل على حقوق إظافية كزيادة نقاط في مسابقات التوظيف
و حصول على الأولوية في مسابقات الشرطة و حماية المدنية و الجمارك .......

[hachemi_17]

ربي يفرج أخي إن شاء الله ربي يكون معانا

[khiro08]

ربي يعوضك خويا

[issamfbm]

خويا كي لي فوت كي لي ما فوتش ، كيما انا عطاولي الاعفاء لكن عندي 3 سنوات بطالة وما زلت فيها كل يوم يفوت عليا بلا عمل لا مستقبل نكره الحياة تاعي لكن ايماني القوي بربي هو لي ينسيني فالواقع المر ما تقلق روحك خويا ما والوا بربي تخدم و تنسى كلش و كي تتفكر الايام تاع الخدمة الوطنية تضحك .

[khaled2nadji]

alh almosta3an rana ga3 7al wa7ed

[ilyes COS]

ربي يفرج و ماتتكلش على الدولة ياسر

[المارد الجنوبي]

خويا قاع فوتناها في وجه ربي مانسناوش من الدولة تصدق علينا
المهم انت راك من زمرة الرجال.......

[anobis32]

ههههه انا تاني فوت
ولم يتم قبولي فالسلك الشرطة ولكن في سلك الخدمة الوطنية كنت مؤهل 100/100
ههه واش راك تستنى من هده البلاد ميكي ؟؟؟؟
على أقل يحلو علينا حدود ويخلونا نهجروووو

[mourad0991]

أديت الخدمة الوطنية كباقي الجزائريين في إطار مكافحة الإرهاب ولي في البطالة 07 سنين فقد أنهيت دراستي الجامعية مند2004 ولم يسعفني الحظ في المسابقات ولم يسبق لي العمل في المؤسسات العمومية ولا حتى في إطار برامج التشغيل المقترحة من طرف الدولة إلا أني أومن بما كتبه الله لي فإن مع العسر يسر.....ومن يتق الله يجعل له مخرجا ويرزقه من حيث لا يحتسب...أرجو أن يكون ردي من أجل رفع المعنويات فلست وحدك في هذه الوضعية أسأل الله أن يرزقك رزقا حلالا طيبا..

[??lll??]

واش انقولك

انا فوت العسكر او فوت صح مش قال تمرمدت صح


ونجحت في مسابقة باك +2 وتم فصلي لا لسبب قالولوي المستوى فوق المطلوب وناس عندهم ليسانس نجحو نورمال وانا نحاوني قالك الوظيف العمومي ميحكمش عليك سبب برك

انا قالك انت مرشح احتياطي عندك مستوى ليسانس على الاقل

او زيد منساش انهار قالولي في الشرطة انت حرثو عليك في العامين ليتم فصلي من بلعباس
يا ريت كنت صح مريض باش انصبر بيها روحي


نحاوني وخلاص وداو الى كان قاعد مع ماماه او كاين الى صح مراض


واش دير الجزائر كيما هاك انا قلبي طاب منزيش انحوس حتى على حاجة

الهربة

[virusm2003]

بلاد ميكي

لا حق و لا ......................................vive الحرقة

[khiro08]

بلاد عايشين فيها غير النساء لا تخمام لا والوا راقدة وتمونجي الماكلة والتحواس والعلف مداير حالة معمبالهم بوالوا كي يشفونا نحكيو تبالهم راهم في بلاد وحنا في بلاد زادوا كملوا علينا بالخدمة الوطنية يتمسخروا بينا و اش من وطنية في الخدمة الوطنية

نرمالموا يسميوها الوقوف وتضيع الوقت نهار كامل ونتا قاعد تعس في الشجر وفالجبل تعس الدود الجرذان بكري كانوا يدرولهم متيات كي يخرج يخرج على الأقل بميتي ذرك مكاين والوا

ولا على الأقل يحكمونا ندخلوا الكاسكيتا حق التمسخير لتمسخروه بينا البلاد لمفيهاش عدل مستحيل تقدر تعيش فيها

[anobis32]

بلاد ميكي

لا حق و لا ......................................vive الحرقة

http://www.smileys-gratuits.com/smiley-bravo/bravo-10.gif

[ultras BE]

ما رأيكم في إنشاء جمعية لدفاع عن حقوق من أدوا الخدمة الوطنية
على الأقل نتحصل على حقوق إظافية كزيادة نقاط في مسابقات التوظيف
و حصول على الأولوية في مسابقات الشرطة و حماية المدنية و الجمارك .......

[??lll??]

ما رأيكم في إنشاء جمعية لدفاع عن حقوق من أدوا الخدمة الوطنية
على الأقل نتحصل على حقوق إظافية كزيادة نقاط في مسابقات التوظيف
و حصول على الأولوية في مسابقات الشرطة و حماية المدنية و الجمارك .......



راك اتنومممممممممممممممممممممممممممممممممممم قالولي حلاثو عليك او لاحوك او فالولي مرة محشيتلك كلمات سمعتها من اشخاص يعملون في الادارة طبيب في بلعباس مدرسة الشرطة وسمعتها خلال الاختيار الشفهي للجمارك خلال 2009




البلاد كي تعطيها اتنحيلك كي متمدلهاش تمدلك

[zengui]

أنا تاني فوت العسكر دفعة 2008 ولحد الأن راني بطال واش نقولك ربي يفرج علينا كاملين.
والي مافوتتش العسكر راه خدام
مكانش العدل في هده البلاد
الرزق بيد الله ولا يقطعه احد من البشر

[rdwno]

يا اخواني
سقسيت عن مسابقة االملازمين في الحماية المدنية
في برج البحري
و قالي أشهر تع لارمي ينقسوهم من السن