مشكلتي مع المسكوتة [الأرشيف] - منتديات الجلفة لكل الجزائريين و العرب

مشاهدة النسخة كاملة : مشكلتي مع المسكوتة

كلتومة01

2011-10-26, 12:58

السلام عليكم
عندي مشكلة فلمسكوتة بحيت انها تطيب فلفوق ولتحت بصح فلوسط تقعد عجينة وتقيلة رغم اني نحط لمقادير نيشان .الله يخليكم وين راه لمشكل .؟

allmaza

2011-10-26, 13:11

ما تكتريش الفرينة و طيبيها من التحت مليح بشرط تطلعيها الفوق و كي تطيبيها من الفوق هبطيها التحت و هكدا تطول بصح تطيب رووووووووعة جربيها و قوليلي

كلتومة01

2011-10-26, 13:18

شكرا اختي. يعني شحال مقدار لفرينة لوكان بغيت ندير مسكوتة نتاع 5 بيض..

allmaza

2011-10-26, 13:30

شكرا اختي. يعني شحال مقدار لفرينة لوكان بغيت ندير مسكوتة نتاع 5 بيض..

كان تحبي نمدلك المسكوتة تاعي نديرها ب2 برك خاطش المولة صغيرة
وانت شحال المولة تاعك كبيرة ؟؟؟؟؟؟؟؟؟؟؟؟؟؟

allmaza

2011-10-26, 13:36

ادخلي لهدا الرابط تلقاي طريقتي في المسكوتة
http://www.djelfa.info/vb/showthread.php?t=508521

كلتومة01

2011-10-26, 13:36

انا تاني عندي لموله صغيرة وغير ليوم درت هدي نتاع 2 بيض بصح غير كيف كيف نفس لمشكل.يعني ممكن يكون من درجة لحرارة.

thtd

2011-10-26, 14:10

اظنكي انكي تشعلي عليها النار بزاف المسكوتة تبغي غير نار هادئة باش تطيب على خاطرها

كلتومة01

2011-10-26, 14:20

يعطيكم صحة .1000 شكر

wahoub

2011-10-26, 20:11

لازم لك تنقصي في الكوشة وطلعيها الفوق وتشعلي عليها من التحت وكي تطيب مليح من التحت وتشوفي الحواشي حمارو
نزليها تحت واشعلي من الفوق وقعدي منقصة في النار وكي تقايها حمارت غاية من الفوق خرجيها ودخلي فيها سكين باسش تشوفي اذا طابت من الوسط ولا لا جربي وعلى ربي ان شاء الله
واذا صدقتلك ديريلنا لي فوتو باش نشوفوها

كلتومة01

2011-10-26, 22:02

ربي يحفظك ودرك نجربها ونبعث صور ادا صدقتلي انشاء الله:d

snowiman

2011-10-27, 09:32

ادا كنتي تخلطي بيدك حاولي دخليلها لهوا معناتها ترفدي العجين من تحت للفوق بالملعة اللي تخلطي بيها
psqالتخلاط مهم جداا للكيكات الاسفنجية
قولي ما قالتهاش ايمان راها عاقبة عليا هاذ لقوالب ههههههههههههههههههههههههههههههه

كلتومة01

2011-10-27, 13:51

لا اختي نخلط بلباتور.يعطيك الصحة.

*سماح 94*

2011-10-31, 13:18

اختي النار تكون خفيفة والفور حامي من قبل والفرينة ما تكونش بزاااااااف .................موفقة

اماني 55

2011-12-21, 14:42

السلام عليكم ممكن درجة الحرارة او الفرينة بزاف روحي للمسكوتي نديرها كل سبت و ما يصرا والوا ان شاء الله تفيدك

ميرة31

2011-12-23, 12:36

شعلي الفرن على180 درجة وخليها تحما شوية من ب دخلي المسكوتة نتاعك وما تحليش حتى تمر 25 دقيقة ..................كي تشوفيها حمارت عاد هوديعا وشعلي من فوق................

زينب81

2011-12-27, 21:50

سخني الفررررررررررررررررررررن وحطيها بصح النار تكون هادئة وماتفحتيش حتى تحسي بيها طابت ومنين طيب طفي التحت وشعلي الفوق

Khokha01

2011-12-29, 10:51

السلام عليكم ورحمة الله
أختي كلتومة إفعلي ما طلبنه منك اخواتي الكريمات وخصوصا اكدي على تسخين الفرن من قبل
ودائما اثناء طهو الحلويات يجب ان لا تكون درجة حرارة الفرن جد عالية المهم تحت 200 درجة مثلا 150 درجة ومن الافضل اقل من ذلك
واليك هذه المقادير
4 بيض+كأس سكر+1 ياوورت المشمش +كاس مايزينة

+كاس فرينة+نصف كاس زيت +2خمارة الحلوى+فاني لتعطير

وموفقة بإذن الله

d-madiha

2013-02-08, 18:15

سخني الفرن على180 درجة وكي دخلي المسكوتة ديره في 160 درجة اي تكون النار هادية وكي تشوفي الجوانب حمارو شعليلها من الفوق ونقصيلها مرة وان شاء الله تصدقلك