متنازل
2011-10-25, 22:26
السلام عليكم
انا شين
انا مخطىء
غلطتي
العيب فيا
غلطت معاك
اخطات في حقك
c'est ma faute
it's my mistake
قلتها يا اخي /قلتيها يا اختي (بكل اللغات) ولو مرة واحدة في حياتك (ولا ديما غالطين فيك)
هذه الالفاظ يشتاق اللسان نطقها و يحن الانسان لسماعها من مخاطبه
ممكن هي الكلمة الوحيدة اللي ما نطقناهاش (ما عدا كلمة الكفر اعاذنا الله منها جميعا)
ايا تفكر متى قلتها (السؤال موجه لي ايضا)متى؟؟؟؟متى؟؟؟؟دقيقتان للتفكير و التشاور انتهتا ....
لن تتذكر ولن اتذكر ببساطة لاننا لم نقلها
علاه ما نقولوهاش؟؟؟؟؟؟؟؟؟؟
يجاوب واحد انا ديما نقولها (ما شاء الله .............. كيما انا "تهكما")
يكمل علي اخر و يفحمني بقوله انا جامي jamais اخطات حتان نقولها
احنا ديما نمشو بعقلية غلط في/ خسر معايا/ هو،هي المخطئ (ة) و جعلناها(هدي العقلية كي القران المنزل لا تشكيك فيه و لا بطلان)
ياترى سقسينا ارواحنا (كانش يوم)بلاك ان الغالط ظلمتو/ حقرتو/ قصرت معاه/خسرت معاه...
واحد يقرا الموضوع و راه يقول (وش راه شارب و لا ماكل صديق)
معليهش راه رايحلي circuit هاذ لايامات
وش يصرا كون نقولوها (كي تعود في بلاصتها)؟؟؟؟؟؟؟؟؟؟
يرتاح ضميرك
تتعلم ما تخطئش في حق الناس
تتعلم من اخطائك
و المليحة ياسر تعرف بللي رانا عباد ربي (نخطئ و نصيب) مش ديما نصيب
نقطة اخيرة تلخص كثرة الهدرة اللي فوق:
تزكية النفس مشي مليحة
شوية تواضع لله باش يرفعنا
*كنت نحكي بكامل قواي العقلية (و مانيش نعسان تقولو راه يخرف)
ربي يهدينا
sadik
انا شين
انا مخطىء
غلطتي
العيب فيا
غلطت معاك
اخطات في حقك
c'est ma faute
it's my mistake
قلتها يا اخي /قلتيها يا اختي (بكل اللغات) ولو مرة واحدة في حياتك (ولا ديما غالطين فيك)
هذه الالفاظ يشتاق اللسان نطقها و يحن الانسان لسماعها من مخاطبه
ممكن هي الكلمة الوحيدة اللي ما نطقناهاش (ما عدا كلمة الكفر اعاذنا الله منها جميعا)
ايا تفكر متى قلتها (السؤال موجه لي ايضا)متى؟؟؟؟متى؟؟؟؟دقيقتان للتفكير و التشاور انتهتا ....
لن تتذكر ولن اتذكر ببساطة لاننا لم نقلها
علاه ما نقولوهاش؟؟؟؟؟؟؟؟؟؟
يجاوب واحد انا ديما نقولها (ما شاء الله .............. كيما انا "تهكما")
يكمل علي اخر و يفحمني بقوله انا جامي jamais اخطات حتان نقولها
احنا ديما نمشو بعقلية غلط في/ خسر معايا/ هو،هي المخطئ (ة) و جعلناها(هدي العقلية كي القران المنزل لا تشكيك فيه و لا بطلان)
ياترى سقسينا ارواحنا (كانش يوم)بلاك ان الغالط ظلمتو/ حقرتو/ قصرت معاه/خسرت معاه...
واحد يقرا الموضوع و راه يقول (وش راه شارب و لا ماكل صديق)
معليهش راه رايحلي circuit هاذ لايامات
وش يصرا كون نقولوها (كي تعود في بلاصتها)؟؟؟؟؟؟؟؟؟؟
يرتاح ضميرك
تتعلم ما تخطئش في حق الناس
تتعلم من اخطائك
و المليحة ياسر تعرف بللي رانا عباد ربي (نخطئ و نصيب) مش ديما نصيب
نقطة اخيرة تلخص كثرة الهدرة اللي فوق:
تزكية النفس مشي مليحة
شوية تواضع لله باش يرفعنا
*كنت نحكي بكامل قواي العقلية (و مانيش نعسان تقولو راه يخرف)
ربي يهدينا
sadik