تعقيب على مشكلة كنتنا التي تعتمد على أمي

[مشكلتي]

مبدئيا شكرا إخواني الأعضاء على التفاعل أو التجاوب مع الموضوع
و أول من أجيبه هو الأخ فارس و أحسست أنك لم تصدقني في روايتي و كأني جانبت الذاتية
و إبتعدت عن روح الموضوعية ...عموما لا علينا و ركز في إجابتي جيدا يا أخي سوف أذكر لك محاسنها حتى لا تقول أني متحيزة أو شيئا من ذلك عقليتها كبيرة يعني تحسن حساب الأمور جيدا و تعرف مصلحتها مليح مليح و أنا ما يعجبني فيها أنها لا تتحدث أو تركز على صغائر الأمور إضافة الى أنها مثقفة الى أبعد الحدود و تعرف الواجب مليح ...لكن في الواجب المنزلي لست أذري ما بها
و من الأسبوع الأول قالت لها والدتي المطبخ أمامك و في الوقت الذي تفظلين فيه الدخول مع بقية أخواتك يعني في الدالة أدخلي هن أخواتك و أنا والدتك و حتى لو كنتي لا تعرفين الطبخ واش طيبتي سوف نأكله ماعليش تعلمي فينا ..... و نحن يا أخي لسنا من النوع اللتي لديهن وقت كبير بحكم العمل و أنا لم أطلب منها العمل يوميا في المطبخ لكن عندما يأتي دوركي فقط فنحن أختان فقط موظفتين و أخي الوحيد ووالدتي أبي متوفي رحمه الله و صدقني و ربي يحاسبني يوم القيامة على كلامي أن أحد لم يسمعها كلمة واحدة تغضبها أو تزعجها لكن في مرة من المرات تصور كدبت على والدتي و إكتشفها أخي .... و هادي أكثر حاجة قلقتني منها ..أنها إنسانة كدابة ......
و مثل ما قلت أخي فنجان قهوة لم تحضره يوما طيلة 10 أشهر فما رأيك أخي فارس ؟
أما الأخت ميمنة الجزائر يا أختي الحمد لله أنا و أختي مثقفات و جامعيات لسنا و لن نكون بمستوى قدف الكلام و الحمد لله ..و هادي مسألة تربية ...
أما الذين تحدثو ا عن الإنفصال فهو وحيد أمي و هو راجل الدار ....لا يستطيع الإبتعاد عن والدتي
عموما شكرا إخواني و أعلم قلقتكم بمشكلتي لكن إستغربت إنسان يعيش على حساب الغير و كأنه لا ضمير لا عقل و لا هي قضية صغر و لا كبر علاش سيدي زواج يعرفولو و يفقهو فيه أما الواجبات لا لا راهم صغار ........؟ ياو حنا لي صغار ماشي هما .......ربي يصلح القلوب
السلام عليكم و شكرا و العفو ..

[- بصمة خير -]

ربي يفرج همكم

اذا عاد وحيد امك مستحيل يخرح من الدار
لازم يبقي في الدار لانو هو راجل الدار

اهدري معاها و فهميها الخدمة بدالة
و هي اكيد راهي تخمم تفول

البتات في الخدمة تاعهم يخدمو يديرو في الصوارد و انا الخدامة ناعهم في الدار

ربي يهدي ما خلق

اهدري معاها بالعقلية و تفاهمو على الدالة

[ivaoran]

السلام عليكم
انا قرأت الموضوع من اوله لكن لما وددت التعليق و جدت الموضوع مغلقا

المهم اريد فقط ان ابين لك شيئا ما ...

انت تقولين ان العروسة جديدة مازال ما كملت 15 يوم

انا اسألك
قبل ما تجي هاذ العروسة
كيفاش كنتو دايرين في القضيان؟؟

ياك كنتو تاكلين على ذراعاتكم
ايوا خلاص

خدمو و قضو و كانكم لم تجلبو بعروس قط
و شغل الدار ديروه كيما البارح كيما اليوم

الا اشغالها هي
يعني ما تسيقولها الغرف تاوعها
ما تغسلولها لا قشها و لا قش خوك

خلوها منها لراجلها
نهار يشوف بلي داره راها مسخة
وقشه ما شي مغسول و ماشي محدد
يبدى ينبه فيها و يزقي عليها
اما انتم عاملوها بالحسنى
ما ديروش راسكم في راسها

و الله يجيب الخير

[Lam!ne]

صارحي أخاك بالحقيقة

و هو يدبر راسو

[بصمة قلم]

السلام عليكم ورحمة الله وبركاته
15 يوم مازال مابان خيرها من شرها
قادرة الطفلة مازالت حاطة روحها عروسة ومازال الحال باش تبدى تدير الدالة
ضيفوها واصبروا عليها وبلاما تبداو المشاكل من الأول
هادي الامور تبقى في قلب العبد حتى كي يكبر
وحطي روحك في بلاصتها يمكن الطفلة تكون خايفة تبدىتخدم قدامكم حتى تحفظ كيفاش تخدموا نتوما
ومشكلة كيما هادي اختي تكون معقولة كون جات لعروسة عندها عام وهي راقدة ومطيشة كلشي عليكم
بالصح 15 يوم اسمحيلي راكي مكبرة لحكاية شوية
ربي يصلح الاحوال ان شاء الله

[Lam!ne]

السلام عليكم ورحمة الله وبركاته
15 يوم مازال مابان خيرها من شرها
قادرة الطفلة مازالت حاطة روحها عروسة ومازال الحال باش تبدى تدير الدالة
ضيفوها واصبروا عليها وبلاما تبداو المشاكل من الأول
هادي الامور تبقى في قلب العبد حتى كي يكبر
وحطي روحك في بلاصتها يمكن الطفلة تكون خايفة تبدىتخدم قدامكم حتى تحفظ كيفاش تخدموا نتوما
ومشكلة كيما هادي اختي تكون معقولة كون جات لعروسة عندها عام وهي راقدة ومطيشة كلشي عليكم
بالصح 15 يوم اسمحيلي راكي مكبرة لحكاية شوية
ربي يصلح الاحوال ان شاء الله



10 شهر مشي 15 يوم

[فارس الجزائري]

مبدئيا شكرا إخواني الأعضاء على التفاعل أو التجاوب مع الموضوع




و أول من أجيبه هو الأخ فارس و أحسست أنك لم تصدقني في روايتي و كأني جانبت الذاتية
و إبتعدت عن روح الموضوعية ...عموما لا علينا و ركز في إجابتي جيدا يا أخي سوف أذكر لك محاسنها حتى لا تقول أني متحيزة أو شيئا من ذلك عقليتها كبيرة يعني تحسن حساب الأمور جيدا و تعرف مصلحتها مليح مليح و أنا ما يعجبني فيها أنها لا تتحدث أو تركز على صغائر الأمور إضافة الى أنها مثقفة الى أبعد الحدود و تعرف الواجب مليح ...لكن في الواجب المنزلي لست أذري ما بها
و من الأسبوع الأول قالت لها والدتي المطبخ أمامك و في الوقت الذي تفظلين فيه الدخول مع بقية أخواتك يعني في الدالة أدخلي هن أخواتك و أنا والدتك و حتى لو كنتي لا تعرفين الطبخ واش طيبتي سوف نأكله ماعليش تعلمي فينا ..... و نحن يا أخي لسنا من النوع اللتي لديهن وقت كبير بحكم العمل و أنا لم أطلب منها العمل يوميا في المطبخ لكن عندما يأتي دوركي فقط فنحن أختان فقط موظفتين و أخي الوحيد ووالدتي أبي متوفي رحمه الله و صدقني و ربي يحاسبني يوم القيامة على كلامي أن أحد لم يسمعها كلمة واحدة تغضبها أو تزعجها لكن في مرة من المرات تصور كدبت على والدتي و إكتشفها أخي .... و هادي أكثر حاجة قلقتني منها ..أنها إنسانة كدابة ......
و مثل ما قلت أخي فنجان قهوة لم تحضره يوما طيلة 10 أشهر فما رأيك أخي فارس ؟
أما الأخت ميمنة الجزائر يا أختي الحمد لله أنا و أختي مثقفات و جامعيات لسنا و لن نكون بمستوى قدف الكلام و الحمد لله ..و هادي مسألة تربية ...
أما الذين تحدثو ا عن الإنفصال فهو وحيد أمي و هو راجل الدار ....لا يستطيع الإبتعاد عن والدتي
عموما شكرا إخواني و أعلم قلقتكم بمشكلتي لكن إستغربت إنسان يعيش على حساب الغير و كأنه لا ضمير لا عقل و لا هي قضية صغر و لا كبر علاش سيدي زواج يعرفولو و يفقهو فيه أما الواجبات لا لا راهم صغار ........؟ ياو حنا لي صغار ماشي هما .......ربي يصلح القلوب
السلام عليكم و شكرا و العفو ..


أختي الكريم أنا لم أكذبك ولكن كانت هناك أمور غير واضحة وعلى أساس ما ذكرتي بنيت ردي على المشكلة
فالأمر لا علاقة له بالصدق والكذب بل بالمعطيات المتوفرة لدينا
أما بالنسبة للمشكلة فالمعطيات التي كانت غائبة قد اضفتها وهذا ما أكد لي أن هناك فجوة بينكم وبينها
هذا النوع من النساء عليك التعامل معه بذكاء واستدراجه فأنت مثلا تقولين أن هناك دالة في المطبخ
إذا عندما تكون دالتها في الغداء والعشاء لا تقوموا بتجهيزه والننظر من أين ستأكل
عموما كل شيء يكون بالحسنة وتستطعون ذلك بشرط أن تكون أمك كوالدتها حقا بمعنى تتعامل معها مثلما تتعامل معكم خاصة في أمور المنزل وتكليفها بها وتطبيق مبدأ الدالة بشكل ترغمونها فيه بالعمل
بالتوفيق إن شاء الله
فقط بالنسبة للاختين اشراق ونجمة :19:

[piro]

( كون تتفاهم العجوز والكنة الشيطان يدخل للجنة )
هذه مقولة شعبية معروفة كما انها مثبتة
ان بقيت الكنة تعيش معكم ستحدث مشاكل اكبر من ذلك بكثيييييير

[صُبح الأندلس]

سأقول لك كيف تفكر بعضهن أو أغلبهن
تقول الواحدة منهن لست خادمة عندهم بناتها يذهبن للعمل و جني المال و أنا أكنس و أحضر لهم الغذاء و أخدمهم و لست ملزمة إلا بزوجي
صحيح أنها ليست ملزمة إلا بزوجها و لكن من باب التأدب مع أم زوجها أن لا تتركها تعمل أما أنتما فكما قلت يكون عمل البيت بالدور من باب التعاون
أرى أن تكلموا أخاكم بهذا الأمر أي أن تطلبوا منه أن ينبهها إلى مساعدة أمه المسنة لأنه من العيب أن تجلس الصغيرة و تعمل الكبيرة

[بصمة قلم]

10 شهر مشي 15 يوم

الاخت في الرد اعلاه قالت 15 يوم وعلى هذا الاساس رددت

[النيلية]

السلام عليكم
اختي الكريمة
اعانكم الله اختي وعليكن بالصبر وتحملها بعض الشيء فهي ما زالت عروس حتي وان مرت عشرة اشهر
تقربي منها وكوني لها اختا وصديقة فلعلها لم تألفكم بعد
وان استمر الوضع علي ما هو عليه فلابد من تدخل اخاك
هداها الله

[نجمة ساطعة]

مقتلكش اكرولها برا او دار وحدها .... قتلك ديرولها كوزينة وحدها
و هذي كيما قالت اعتماد راهي تقول في نفسها خدامات بدراهمهم
و نخدمهم والله ما صرات

[3ab2ou]

سبحان الله انتوما لبنات ديما هكدا مع لعرايس منستثني حتى وحدة نفس العقلية نفس المشاكل نفس التخمام نفس الاحداث
كل واحد يحترم روحو تناقشو معا بعضاكم و تحاورو متبقاوش تشوفو معا بعضاكم بنص عين و بالتشناف و الخزرة السامطة ,,,يجي الوقت و تزوجي و يديرولك كيما ديريلها
,,,,,,
+ علاه هي تخدم عليك ياك زوجت بخوك ماشي بيك تغسل لراجلها و امك ايضا من باب الاحترام و ماشي لازم تغسلك انتي ول اختك
سبحان الله

[ninabougi]

اختي ولاه راني فاهماتك .عندي صديقة عاشت نفس قصتك سبحان الله .
ولاه ما تهنات من امراة اخيها حتى تزوجت كانت تخدم عليها والعروسة حاسبة روحها اميرة جابوها باش يخدموا عليها قريب هبلتهوم
و زيد ينات صاحبتي دارت دار وحدها باش تهنات ما تقدرش تعيش مع وحدة كذابة وتخلط برك 5 سنوات زواج ما تعرف دير والو غير تجيب دراري والعجوز تربي مسكينة .كيما قلتي صغار على الشغل وكبار للزواج اللي تتزوج تتحمل المسؤولية وشغل تع الدار بلا مزيتها
ربي يكون في العون.

[BAROUD]

أنها مثقفة الى أبعد الحدود و تعرف الواجب مليح ...لكن في الواجب المنزلي لست أذري ما بها هذه هي اللي حبس منها راسي
يسمئ تغنااانت و زكارة و اللي يمشي بهذا المنطق يعرف واين يوصل روحوا

[الكبتن عمر]

مبدئيا شكرا إخواني الأعضاء على التفاعل أو التجاوب مع الموضوع
و أول من أجيبه هو الأخ فارس و أحسست أنك لم تصدقني في روايتي و كأني جانبت الذاتية
و إبتعدت عن روح الموضوعية ...عموما لا علينا و ركز في إجابتي جيدا يا أخي سوف أذكر لك محاسنها حتى لا تقول أني متحيزة أو شيئا من ذلك عقليتها كبيرة يعني تحسن حساب الأمور جيدا و تعرف مصلحتها مليح مليح و أنا ما يعجبني فيها أنها لا تتحدث أو تركز على صغائر الأمور إضافة الى أنها مثقفة الى أبعد الحدود و تعرف الواجب مليح ...لكن في الواجب المنزلي لست أذري ما بها
و من الأسبوع الأول قالت لها والدتي المطبخ أمامك و في الوقت الذي تفظلين فيه الدخول مع بقية أخواتك يعني في الدالة أدخلي هن أخواتك و أنا والدتك و حتى لو كنتي لا تعرفين الطبخ واش طيبتي سوف نأكله ماعليش تعلمي فينا ..... و نحن يا أخي لسنا من النوع اللتي لديهن وقت كبير بحكم العمل و أنا لم أطلب منها العمل يوميا في المطبخ لكن عندما يأتي دوركي فقط فنحن أختان فقط موظفتين و أخي الوحيد ووالدتي أبي متوفي رحمه الله و صدقني و ربي يحاسبني يوم القيامة على كلامي أن أحد لم يسمعها كلمة واحدة تغضبها أو تزعجها لكن في مرة من المرات تصور كدبت على والدتي و إكتشفها أخي .... و هادي أكثر حاجة قلقتني منها ..أنها إنسانة كدابة ......
و مثل ما قلت أخي فنجان قهوة لم تحضره يوما طيلة 10 أشهر فما رأيك أخي فارس ؟
أما الأخت ميمنة الجزائر يا أختي الحمد لله أنا و أختي مثقفات و جامعيات لسنا و لن نكون بمستوى قدف الكلام و الحمد لله ..و هادي مسألة تربية ...
أما الذين تحدثو ا عن الإنفصال فهو وحيد أمي و هو راجل الدار ....لا يستطيع الإبتعاد عن والدتي
عموما شكرا إخواني و أعلم قلقتكم بمشكلتي لكن إستغربت إنسان يعيش على حساب الغير و كأنه لا ضمير لا عقل و لا هي قضية صغر و لا كبر علاش سيدي زواج يعرفولو و يفقهو فيه أما الواجبات لا لا راهم صغار ........؟ ياو حنا لي صغار ماشي هما .......ربي يصلح القلوب
السلام عليكم و شكرا و العفو ..



ظاهرة الكنة تعتمد على الام منتشرة بكثرة في مجتمعاتنا..
وهذا راجع الى عقالة الام وطيبتها و زد عنها عندما تكون كنة وحيدة
لذالك الام تعاملها معاملة خاصة....ولكن المشكل مش بين الام والكنة
المشكل بين الطفلات {اخوات الزوج} والكنة اي.... انتي واخواتك وكنتكم
لو كان فيه تفاهم بينكم انتم البنات والكنة راح يتحل المشكل بسرعة
واذا كان شرخ كبير جدا بينكم انتم الاخوات والكنة
لا فالام لاتسطيع ان تفعل شي لانها امكم انتم وام كنتكم كذالك
وماعليها الا ان تكون حيادية او تنصر طرف على طرف وهنا يكون المشكل

تاكدي ان المشاكل في المجتمع بين الكنة والبنات والام كبيرة وكثيرة
وماعلينا الا نكون عقلاء واصحاب نفس طويل لحل المشكل


سلام

[minna25]

آآآآسمحيليـــ ختيـــ ....!!! كون جات تحســـ بروحها مرتاحة و فيــــ دارها كونــــ راهيـــ تتعاملـــ عادي بصحـــ هي تحســـ بروحهـــا غريبة عليكمـــ
حاولو تعاملوها كيــــ ختكم و احكيو معاهـــا و اآآآي حاجة اتفاهمو معاهـــا بلعقلـــ و قولوهالهــا فلـــوجه.....بصحــ بلعقل و ماشيـــ بقباحة متلا تقوليلــها .. ((فلانة)) هايا نتعاونو انا وياكـــ و نديرو لعشا ولا ديريـــ روحك ماتعرفيشــ plat و قوليلهــا هيـــ ليـــ طيبهولكمـــ و تعلمكمـــ ... اتناقشو معاها ,,,,,,اخرجيـــ معاها نتيــ و ختك تحوسو ,,,,,,ولا روحو زورو الاقاربـــ .. المهم العلاقة تبقـــا فيـــ اطار الاحــــتـــــرآآآآآآآمــــ..... لا راحـــ الاحترامـــ ما يبقا والوووو
و ماتبقايشـــ مخبية في قلبكــــ و هي مخبية في قلبهـــا و ديريـــ روحكــ قابلة الحالة هادي مي فالصحــ الجو مكهربــ بيناتكمــ ما تجي غير في ماماكـــ مسكينة و خوكـــ

""" رآآآآآآي شخصيـــ قد لا يكون صائبـــ """"

تـ
قـ
بـ
لـ
يـ
تـ
حـ
يـ
آآ
تـ
يـ

[ميمنة الجزائر]

السلام عليكي اختي انا لم اتهمك انت او اختك بمالا اعرفه لكن انا اردت ان افهم انها ليست هكذا الا لسبب معين

ويجب معرفته لانه ليس من البديهي انها تبدا الحيلة دون ان تعرف الناس لمعاشرتهم اما بخصوص الكذب هذا ما اكرهه

واقول ربما وان بعض الضن اثم من يحيلها عليكم وخاصة كما قلتي هي مثقفة يعني تقولك سلافاتي يخدمو وانا نبونش عليهم

وهاذي كاينة في اي بيت الا الرزينة هي اللي تعرف بلي راهي تخدم في دارها وكما قال الاخ فارس يجب عليكما انت واختك ان ديرو ا

الدالة واديرو كي نسا سلافي كل وحدة عندها خدمة اللي تسيق خطرة كل ثلاث ايام يعني كل يوم لوحدة حتى بالليل والطياب كذالك وقولو ليماكم ما تعمليش حتى حاجة خليها تخدم دالتها وهي تعاونها فقط

وربي يجيبلكم نصيب وتتهناو انتم منها وعليكم بالاخ ونوروه لانو الراجل اللي يغيب ما يعرفش واش كاين بالبيت

وهددوها باخوكم اذا لم تعمل وربي يجيب الخير لربما تتبدل وحنو عيها وكانها اختكم الثالثة لربما تتبدل بمعملتكم لها الحسنة

[حسينة 36]

اختي هذا النوع من الكنات ربي يلطف منو خاصة صفة الكذب

نصيحتي ليك اعتمدي على نفسك انت واختك وسيقو وانقضو داركم مادام مازالكم فيها وطيبو بالداله انت واختك في اليل والصباح خلو الماكلة قيس امكم برك والا اشرولها وخبولها تاكل وهي تدبر راسها كي تجوع درك طروح تطيب وحدها

عيب عيب كبيييييييييييييييييييير

ما فيها والو في النهار كي تسيق داركم مع دارها خاصة انكم كامل كبار يعني داركم دايما نقية كي تحبو بالويكاند سيقوها وما فيها والو كي تطيب لغداء ليها ولعجوزتها

وتغسل الماعن ولعشية نورمال انت واختك تطيبو وتتعاونو ماكمش ياسر


الصبر يا اختي الصبر
الله يهدينا يا ربي

[dahby83]

والله مكبرين الموضوع اكثر من الازم انتم عودتوها على الاكل والشرب احنا عندنا العروسة كي تكمل7ايام تدخل للمطبخ كل مافي لامر انك تكلميها وتقولي لها انها قبل ماتجي كنا دارين الدالة واليوم القضية لية وغدوة ليك وان لم تستطيعي فكلمي اخوك هو يفهمها انوا كل واحد يحكم نهارو وتيتة تيتة خلصت الحتوتة

[tفاطمه الزهراء]

السلام عليكم
اولا نقلك حاجه اختي حنا كامل خدمات وهي لازم تفهم روحها الداله حل مليح والديفو من ماماك كان لازم توضع النقاط على الحروف وخوك ثاني
كان لازم يفهمها انها كيفها كيما اللي في الدار
المهم
ربي يكون في عونكم

[اماني الروح]

احنا النساء مشكلتنا غير الكزينا منكثر مانكره رايح انرد عليك هيى اخطات ونتوما مكمش ملائكة ثاني تغلطو ف حاولو تلقاو الحل الانسب وربي اوفقكم