لي حاب يضحك ويبكي يقرا مشكلتي

[مشكلتي]

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

:)

[صُبح الأندلس]

عجبا لبعض الأولياء ، هناك من يرسل ابنته خلف البحار بمجرد أن يخطبها مغترب و لا يعمل حسابا للبعد و عندما يخطبها ( ولد البلاد) يبدأون في التشرط و التذمر و التعلل

[ميرة34]

شخصيا أنا أعرف الكثيرات التي تزوجن خارج ولايتهن ويعيشن حياة مستقرة

[- بصمة خير -]

ربي يفرج همك

[nour hayat]

ربي يفرج همك اكثري من الدعاء وادا كان مكتوبك راح تديه

[الشتاء]

لا أرى فـي الأمــر مـا يدعوا للضحك أو للــبكاء

تلك المـشـاكل التي فكـر فيهـا أهلك .. الأجــدر أن تفـكري بها أنتِ أيضـا

و لا أقـول أن هذا سبب للرفض ... لكن عليك بإجـراء جميع الحسابات قبل الندم

و لولا خـوف أهلك عليك وخبرتهم لمـا قالوا لكٍ ذلك الكـلام و هو نـابع مــن مــحبتهم لكـِ و خـوفهم على ابنتهم ..... فاعـذريهم...

وفقك الله لما فيه خـير لكـِ

[Snow*]

ما ذاك إلا من فرط خوفهم عليك ..

و إن كنتُ أرى أن السبب لا يستدعي كل هذا القلق و الرفضَ المطلق من طرفهم ..

إلا أني أنصحك بالاستخارة و الاكثار من الدعاء ..

و حاولي أن تقنعي شخصا قريبا منك كأمك أو أختك ليساعدك في اقناع أهلك ..

و ضعي شيئا نصبَ عينيك .. إن كنتما لبعضكما فاعلمي أنه لن يقف أي شخص في طريق ما كتبه الله لك ..
و إن لم يكن فالأمر لا يستحق ..

ولا داعي للقلق .. فلن يزيد الأمور إلا تعقيدا

// وفقك المولى

[dahby83]

بصراحة اهلك معهم حق كل هذا من كثرت محبتهم لكي الغربة صعيبة اسال المجرب ولاتسال الطبيب انا اعرف وحدة تزوجت واحد من غير ولايتها عندو الدار وخدام ومطلق عاشت معاه ثلاث سنين في مشاكل وضرب واهانات وهذا كل هي كانت مخبيتو على ناسها وفي هذه الايام راهي اتطلقت نصيحة لاتتغربي الغربة صعبة والحب ليس كل شيئ فيه امور اهم وفي الاخير الراي رايك عليك بالصلاة الاستخارة

[نجمة ساطعة]

قرأت هذه المشكلة اكثر من مرّة في أكثر من موضوع لابد أنك في حالة صعبة
ربي يفرج همك و يجمع شملك مع من تحبي و يفرج همنا حنا ثاني

[جسور المحبة]

اللهم امين

[محمدود احمد07]

احسن حاجة فى الدنيا الوالدين ولا تقل لهما افا ولا تنهرهوما اختى اختى العزية انت مقتنعهبهدا الشى حاولى تقنعى والديك وديرى حاجة فى بالك والديك راهم يحبوك

[نجمة ساطعة]

اللهم امين

اختي انت من غرداية ميزابية او عربية لانك اذا كنت ميزابية غير مكلاه تكسري
راسك زيد اللي خطبك من اي ولاية ؟؟؟

[الامل في الله]

المشكل في زواج الغربة او البعد انكلا تستطيعين التعرف على الزوج جيدا وكداك الزوجة
ايضا لا تستطيعين زيارة اهلك و خصوصا ادا كان هناك ظرف عائلي كما لو كنت قر يبة و ايضا اهلك لا يستطيعون زيارتك في حالة مرضك او الولادة يعني ما تلقايهمش في جنبك طول لازم تنتظري

اما بالنسبة لحكياة الطلاق و المشاكل و غير دلك فكم من كنة كانت حماتها خالتها او عمتها و تطلقت و اول لك حكة اللي قلبوا مليح يعطيلوا ربي لمليح و اذا ماعطاشوا المليح راهو ابتلاء من عند ربي

ربي يوفقك و يصلحلك

[NOOR ELHOODA]

السلام عليكم دروك مكانش الي راه يشوف للبعد في الحقيقة انا ماما من العاصمة باب الواد وتزوجت في غرب وراها في 28 سنة وهي اكتر وحدة مهنية في خواتتها الي تزوجو غير في العاصمة واش نقولكاخي الي كاتبهالنا ربي نوصلولها و ربي يجيب الي فيه الخير وربي يسهلك

[جسور المحبة]

انا عربية مش مزابية

[ناصرالدين الجزائري]

اذا كانت البنت قد استخارت فرفض والديها لذلك الرجل و هو جواب الاستخارة ...
و جواب الاستخارة هو التوفيق أو الصرف ..
عسى ان تحبوا شئ و هو شر لكم ...

[هجيرة رغد]

اختي العزيزة الزواج ليلة وتدبارو عام لذلك عليك التفكير جيدا قبل فوات الاوان

[imi02i]

أختي متزوجـة في مصـر وراها لبآس عليها ...


البعد موش مشكل

خاصـة أنو رآجل خدام ولبآس بيه

لكن لا أخفيكـ وجود عائلات ـ ترفض البعد

ربي يكون في العون

[أم لجيـن]

أختي متزوجـة في مصـر وراها لبآس عليها ...

البعد موش مشكل

خاصـة أنو رآجل خدام ولبآس بيه

لكن لا أخفيكـ وجود عائلات ـ ترفض البعد

ربي يكون في العون
عندك لحق وانا اختي في تونس ولباااااس عليها
يعني بعدك ولا قربك ليهم معندوش دخل بهناك مع الشخص هذا
صلي استخارة وربي يسرلك امورك ان شاء الله

[رحيق الايمان]

للاسف هذا الرفض ليس من منطلق ان الخاطب بعيد هناك العديد من الولايات وخاصة الولايات التي مازلت فيها فكرة القبيلة و العرش سائدة ترفض زواج ابنائها من اناس من خارج نطاق العرش او القبيلة يعني انه حتى و لو كان جار الفتاة فيرفض لانه براني انا شخصيا صرالي نفس الموقف ورفض الخاطب ليس لسبب الا ان ابن عمي اولى بي كانني قطعة ارض او بيت للاقرب حق الشفعة اضافة انه من خارج الولاية و لكن الحمد لله صبر و تحديت المفاهيم الخاطئة و غيرت وجهت نظر اهلي صحيح افراد الاسرة الكبيرة اتخذو موقف و لكن المهم راحتي
هذه المعتقدات لا تتغير لوحدها يجب علينا نحن محاربتها كل انسان يتحط في موقف كهذا لا يسكت و يرضى بالنصيب اول حاجة صلاة الاستخارة و بعدها الصمود

[oubraham]

هذه ليست مشكلة با نسبة للمشاكل الكبيرة التي يعاني منها الجزائريين وهو السكن هذه مشكلة صغيرة وفيه مثل يقول الباب ليجي منو الريح سدو وستريح .انت ربما تعيش في عصر اخر يا للاسف لان الشكلة سهلة وهي البحث عن امراة اخري وهذا الحل وخلاص

[آلاء النايلية]

والديك من حقهم يخافو عليك و يديرو حسابات لgاع وش قالو عندهم الحق
بصح كان لازم يراعو شوي مشاعرك و رغباتك بصح يا ختي بالاك راهم شايفين اللي انت مش شايفاتيه
و في الاول و الاخير هدي حكاية مكتوب

[فاعل مرفوع]

....................هههههههههههههه............ يا اخوانا انتم تريدون تزويجها بمن يكون قريب من سكنها؟؟؟؟ صح؟؟؟؟ تعالو نحكيلكم هاذ القصة الي صرات لجارنا الي على اليمين .....كان يعتقد كيما اهلك يريد ان يزوج بنته الى من قريب له في المسكن............جا المكتوب وزوجها بواحد يسكن في الشارع المقابل....................بعد ستة اشهر صهره وجد خدمة في اليزي فراح اسكن ثما وبعدت عنه ابنته............................................. ..........................................ناس تفكر بمنطق اعوج افلج اسمج وابلج ومسوفج............................................ .................................................. ................................فاعل مرفوع الراس دوما

[جسور المحبة]

هوما ما عندهمش مشكل كي يكون من لبلاد ويخرجو برا لانو ديما ولد البلاد يخرج ويرجع لبلادو وكي يكونو برا راح يتهلا فيها لانو ماعندهمش من غير بعض بصح البراني العكس وعندو من غيري والله واحد التفكير يفكرو فيه يقلب الراس وما لقيتش روحي خلاص تيهوني قولي وش رايك

[RIMA95]

لو كان انا في بلاصتك نقبل هههه

[جسور المحبة]

وش نقبل هل تقصدي نقبل الزوج او الوضع لي تفرض عليا وضحي من فضلك

[ammmaam]

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره
:19::19::19::19::19::19::19::19::19::19::19::19: