أختي جميلة و لا أحد خطبها [الأرشيف] - منتديات الجلفة لكل الجزائريين و العرب

مشاهدة النسخة كاملة : أختي جميلة و لا أحد خطبها

مشكلتي

2011-10-23, 16:11

السلام عليكم

عندي اختي اكبر مني راهي في سن الزواج جميلة بمعنى الكلمة

جوزت الباك 4 سنين وماداتوش

وهدا العام داتو

وراهي الآن في الجامعة

مشكلتها ان لديها معجبين كثر

لكن لا احد يتقدم لخطبتها

يا جماعة كي نمشي معاها فالطريق كامل الناس تشوف معاها

سؤالي للي مالقيتلوش جواب

علاش يشوفو معاها الناس للي يعرفوها لقراب منها

ومايتقدموش لخطبتها ؟؟

يا شباب علاش تشوفو مع وحدة ونيتكم ماشي لحلال

راهي الآن في الجامعة ورحت معاها كدا مرة وعندها معجبين بزاف

هل لانها في البداية فقط نتاع السنة الجامعية على هدي واحد ما تجرأ باش يتقدم ليها

او مادا

صراحة مشكلة محيرتني

وراني خايفة على اختي من العنوسة

samirovich

2011-10-24, 15:07

راهي الآن في الجامعة ورحت معاها كدا مرة وعندها معجبين بزاف

هل لانها في البداية فقط نتاع السنة الجامعية على هدي واحد ما تجرأ باش يتقدم ليها

او مادا

مافهمتش
هل تريدين أن يخطب الطلبة أختكي وهي في السنة الأولى بعد 20 يوم من انطلاق الدراسة؟؟؟
أضن أن الوقت مازال مبكر
وربما الشخص الذي نصيبها لن يكون من الجامعة أصلا
كل شئ بالمكتوب

ميرة34

2011-10-24, 15:07

مازال العمر أمامها وكلشيء بالمكتوب لم يأتي نصيبها بعد
ومشكورة على اهتمامك وخوفك على أختك

طيب القلب

2011-10-24, 15:22

الزواج قسمة ونصيب و لا ندري مع من يجمعنا قدر الله أو نتوفى ونحن عزاب قولي لها تترك الأمور تمشي و عندما يأتي نصيبها لا يأخذه غيرها

سجل أنا جزائري

2011-10-24, 16:01

اذا كان عندها دين و أخلاق أنا سأتي أخطبها ههه

نقولك أختي ذرك الشباب اغلبهم اللي يشوفو في الطفلة تعجبهم بزاف بصح ما عندهمش الإمكانيات باش يتقدم

و ثاني ذرك أغلب البنات اللي يكون عندها زين زيد شوي تتكبر على الشباب ذرك هو علابالو بيلي كيما هذي لازم تكون حاجة كبير باش

تروح تخطبها سينو يرجعوك من الباب أما اذا ما كنتش من نوع هذو راح يجيوها الخطابة ان شاء الله

ربي يرزقها و ايانا الازواج الصالحين

ميمنة الجزائر

2011-10-24, 16:10

مازال ما كتبش ربي

وقلت هي ااول سنة مازالت في الجامعة كيفاه تتزوج وهي اول جامعي

difallahomar

2011-10-24, 16:14

اذا عدت مشطنة ومقلقة على اختك راني هنا.

نجمة ساطعة

2011-10-24, 17:46

الزواج مش بالزين خذيها قاعدة عندي صحبتي مواليد 1981 تهبــــــــــــــــــل بليدية
الى غاية الان لا زواج لا خدمة و عندي وحدة درات معايا المذكرة هبلتني لا خلق لا اخلاق
لا مجال للقارنة بيناتهم هذيك اول ما تخرجنا تزوجت و تزوجت مهندس ااااااااه يا القهر
سبحان الله مكاتيب

slimovic

2011-10-24, 18:28

الدنيا مكتوب وعمرها ولا كانت بالزين اديها كلمة .. وما تخافيش من المكتوب فاله قد رزق الطير والحوت في البحر لازم برك نتوكلو على الله حق توكله ونفوضولو أمورنا والله خير رازقا و هو أرحم الراحمين .

lover4ever

2011-10-24, 19:11

ان الجمال ليس جمال الشكل
بل هو جمال النفس والخلق لكل انسان ماكتب الله له
سيأتي دورها ان شاء الله وادا لم يكن فهادا لحكمة من عند الله
انصحك يااخي عدم التفكير في الامر الدي لن يأتي بنتيجة
موفق

ツღعـصُـ♥ـوِݦۑツღ

2011-10-24, 19:14

الله يجيب الخير

Nesrine-nina

2011-10-24, 19:43

الزواج قسمة و نصيب كل شيء بالمكتوب و ما ادراك ربما نصيبها مخبىء فقط للزمان و المكان الصحيحين
و انشاء الله خير و ربي ما فيه غير الخير فاحسني الظن بربك عز و جل

naziha.zio

2011-10-24, 19:44

والله غير نتخلع بهادو المواضيع

كيفاه هي غير كي دخلت لجامعه وانتي اللي راكي باغية تزوجيها

حنى كملينا الجامعة ورانا قاعدين في الدار و الزواج مزال مانخمو فيه

باسكو راه مسؤولية كبيرة ختي

كلشي بالمكتوب والمرأة متزوجة متزوجة غير الهنا برك هدا مكان ...

خدووجة

2011-10-24, 20:04

يا اختي نحي هاد المشاكل من بالك و احسني اظن بالله و خلااص بالاظافة الى ان اختك مازال عليها الحال راها عاد كي قالت بسم الله ايمالا خلي كلشي في وقتو حلو ^^
تقبلي مروري

هجيرة رغد

2011-10-24, 20:06

لا تقلقي على اختك فهي مازالت في مقتبل العمر وكلشي بالمكتوب ربي سبحانو مينساش عبادو ونشاله يبعثلها الرجل لتتمناه امممممممممممممممممممممممميييييييييييييين

هجيرة رغد

2011-10-24, 20:12

قولي لاختك تخلي ايمانها بربي كبير وتهتم بدراستها

هجيرة رغد

2011-10-24, 20:19

قولي لاختك ان تهتم بدراستها اما الزواج انشاء الله رح يجي في وقتو خلو ايمانكم بالله كبببببببببببببببببببببير

نهال الجزائرية

2011-10-24, 22:03

لم يحن الوقت وكل شيئ بلمكتوب وصابر ينــــــــــــــــــــــــــــــــــــــــــــــال

charachoucha

2011-10-24, 22:10

اختك مازال حتى مبداتش تقرا سنة اولى جامعي بديتو تحوسو على الزواج
اصلا هادوك الشباب نتاع الجامعة اللي يحبو يتمسخرو كامل يروحو للطالبات الجدد نتاع سنة اولى امالا ادا اختك امنت كل واحد راح يهدر معاها و قالها نتعارفو باش نتزوجو انا نقلك راحت عليها كن دوك تاخد رايي السنة الاولى تديرها غير للقراية و منبعد يفرج ربي

piro

2011-10-25, 13:02

طلاب الجامعة لا يفكرون في الزواج بل في الدراسة لذلك لم يتقدم احد لها

النيلية

2011-10-25, 18:14

ناصرالدين الجزائري

2011-10-25, 19:51

الزواج بالمكتوب ...

geohessy

2011-10-25, 20:46

اختي الكريمة جميل ان نسعى من اجل اخوتنا في الحلال فاذا كانت اختك جميلة في المظهر فنرجوا ان تكون اجمل وابهى في الباطن لان جمال المظهر ليس له معنى وقيمة في غياب الجمال الباطني والزواج يا انستي قسمة ونصيب والرزق تكفل به مولانا سبحانه وتعالى فاقول لاختك اجتهدي فيما طلب منك ودعي ما ضمن لك والله الموفق لما فيه الخير.

طارق258

2011-10-25, 20:59

الزواج قسمة ونصيب

ولد حمد الباتني

2011-10-28, 12:19

أهلا بيك ختي
أنصحي ختك ماديرش في بالها بلي فاتها الوقت ولا حاجة هكذا لأنها راح ترخف روحها وتوهب نفسها للي يجي يخدعها بزوج كلمات بخصوص الخطوبة
فلتحذر فتحذر ...

abdo02

2011-10-28, 12:30

الشباب كامل لهم الرغبة في الزواج لكن لم يستطيعوا إلى ذلك سبيلا ..

chahrazed-m

2011-10-28, 13:05

اختي الزواج بالمكتوب
نهار يكتبلها ربي تتزوج تتزوج
وحتى اذا ماجاها حتى خطاب وقادر الاول لي يجيها يكون مناسبها وتتزوج
وماشي لازم كل مرة يدقدقو على بابكم الخطابة

ادعيلها في صلاتك يلاقيها ربي يالرجل الصالح لي يستاهلها وتستاهلو
والزين ماشي كلش

اما على الشباب راهم يشوفو برك يمتعوا ناظريهم فيها بما انك قلتي جميلة جدااا
انا لي طفلة تفوت عليا وحدة زينة بزااااف نقعد نتفرج فيها ماشاء الله
خلي يا وين الراجل لي هو اصلا هكا يحب يتفرج في البنات

ندرومة49

2011-10-28, 15:00

عجبا

وهل الجمال جمال الشكل فقط

نعرف جمال الشكل + جمال الباطن

asil333

2011-10-28, 18:44

كلشي بالمكتوب يل اختي

lula luna

2011-10-28, 19:06

http://‬img104.herosh.com/2011/10/28/383476119.gifربي يكون معاها

*أنسام*الجنة*

2011-10-28, 19:47

السلام عليكم ورحمة الله وبركاته
لم يأتي مكتوبها بعد
فقط عليكِ بالدعاء لها
فلا تقلقي عليها

عوماري

2011-10-28, 20:21

ابحثي في المنتدى تجدي لها زوج انا متاكد من ذالك لان معظمنا عذاب

abdo02

2011-10-28, 20:40

ابحثي في المنتدى تجدي لها زوج انا متاكد من ذالك لان معظمنا عذاب
عزاب ام عذاب هو خطأ مطبعي لكنه في محله فنحن عزاب عذاب :1: