مشكلتي في الطول ... [الأرشيف] - منتديات الجلفة لكل الجزائريين و العرب

مشاهدة النسخة كاملة : مشكلتي في الطول ...

مشكلتي

2011-10-23, 06:29

ivaoran

2011-10-23, 14:56

السلام عليكم

هل هذا عيب و تستحين منه؟؟؟
الانسان لا يستحي من خلق الله
هذاك ما عطى ربي
ارضاي و حمديه

تخيلي جيتي قزمة
ولا ماعندكش رجلين خلاص؟؟

الله لا يقدر

ما العيب في القامة القصيرة؟؟
و الله انا قامتي 1.56
و الحمد لله محبوبة و محترمة من الجميع
و راضية بطولي لانه يبينني صغيرة و انا عمري 23 ;-)

و الحمد لله ناجحة على كثير من الاصعدة
العلمية العملية و العاطفية و الحمد لله

لا تقلقي من طولك
انسيت ان بوتفليقة رئيس الجمهورية اقصر منك؟؟؟

رجلٌ منهك

2011-10-23, 15:06

حمزة الجنوبي

2011-10-23, 15:12

في مسابقة الشرطة 155 مقبولة معناها ليست عيب
عليك بالتعلق في بعض الاشياء العالية

نسائم الهدى

2011-10-23, 15:17

هدا ما كان؟
اسمحيلي اختي طولك طبيعي
وزيد قوليلي من منا تعاني من مشكل
أنت بطول 1.55 سم؟؟؟
أم أنا بطول 1.74 سم؟؟؟؟؟؟؟
سلااااااااااااااااااااااااااام

pomaria_aindefla

2011-10-23, 15:23

لا أظن أنه هناك دواء بل أنصحك بلعب كرة السلة
الحمد الله أنا سمينة و أقول الحمد الله لأنه لا نستطيع أن نرسم أنفسنا كما نريد هدا خلق الله

difallahomar

2011-10-23, 15:24

سلام اختي يتوقف نمو طول الانسان في 25 سنة ولذلك لديك الوقت لتزيدي 5 سم على الاقل في 5 سنوات القادمة فعليك بالرياضة وشرب الحليب لانه جيد للعظام.

نجمة ساطعة

2011-10-23, 16:25

1.55 قصيرة جدا من جبتي هاذ المعلومة...راكي طول مني بسنتيم و انا حاسة روحي
نوووووووووووورمال صح منيش طويلة بصح قد خلق ربي اساسا المجتمع الجزائري
ميزتوا انو مش طويل علاه راكي في لالمان ... زيد معظم الاستاذات قدي و كاين اقل
مني ...نزيدك معلومة الرجل يميل للقصيرة اكثر و زيد القصيرة تلقى الطويل و القصير
بصح فارعة الطول هي اللي كارثة
المهم اقبلي روحك كيما راهي و تعايشي معاها باش تعيشي مرتاحة واللي يعلق عليك
قولو خليت الطول ليك و الا كيما تقولي والدتي الطول للشجر و السمن للبقر

محبة الحبيب

2011-10-23, 16:50

اقنعي بقضاء الله و قدره فذلك من أركان الايمان و لا يهمك ما يقوله الأخرين فقد مجد التاريخ نابليون و كان قصير القامة

chahrazed-m

2011-10-23, 17:05

اختي راكي مليحة وطولك عادي ممكن عائلتك طولهم اكثر منك على بيها يقولولك هكاك كيفي
لكن بين الناس راه عادي جدا هاد الطول
وزيد طولك ماهوش راح يحبس هنا
مزاله راح يزيد وكاين تمارين رياضية تزيد في الطول اما الادوية ماننصحكش بيها
ديري السباحة تزيد في الطول كرة السلة ايضا
اتعنقشي في حاجة تكون طولة عليك
وكاين تمارين اخرى
اذا لقيتها درك نحطهالك هنا وداومي عليها وان شاء الله يزيد طولك

chahrazed-m

2011-10-23, 17:34

(1) خصّصي لنفسك ساعة واحدة للسباحة كل يوم. هذا نشاط مفيد جدا لنمو العظام لأن بممارسة السباحة فإن الضغط الواقع على المفاصل و الناتج عن الجاذبية الأرضية تخف بشكل كبير. بتخفيف الضغط عن العظام فإن العظام تطول بحريّة أكبر. يثبت صحة هذا النظرية دراسة ظاهرة طول قامة السباحون العالميون الذين عادة يزيد طولهم عن المترين. إذا أحببتم فأدخلوا على جوجل google و ابحثوا في سيَر بعض السبّاحين العالممين لتطمئن قلوبكم.

(2) إلزمي رياضات القفز (كرة السلة، كرة الطائرة) ففي القفز - و أنا شاهد على هذا - أثر كبير على زيادة نمو العظام. لكن لا تجهدي نفسك و إنما عليك بالقليل الدائم (20 دقيقة يوميا). أتذكر أني كنت أقفز يوميا على 10 فترات (كل فترة مدتها دقيقتين) مع استراحة قصيرة بين كل فترة، فزاد طولي 2سم خلال شهر. لكن لا تأخذي هذا كقاعدة فنسبة الزيادة تختلف بإختلاف الشخص.

(3) التدلي من قضيب عمودي يساعد على شدّ العمود الفقري. صفة ذلك أن تمسكي بقضيب مثبت بارتفاع مترين و فقط تتدلي و أنت تمسكين ****** و تتحملي وزن جسدك المتدلي. هذا مفيد إلى نسبة معينة فالبعض قالوا أنه يزيد طول قامة الشخص (2 و نصف سم) كل ثلاث أشهر. العيب فيه أن عضلات الذراعين تصبح بعد فترة صلبة قوية. لكن الآن يمكن أن نحصل على نفس النتيجة باستعمال جهاز الميسونا.

(4) النوم ساعات كافية ليلا أي ما يعادل 7 ساعات.

(5) لا تقصّري في شرب الكمية الطبيعية من الماء و هي لترين يوميا.

chahrazed-m

2011-10-23, 17:44

http://t3.gstatic.com/images?q=tbn:ANd9GcSJ1gJYyogiq11cXiHpkWlOaNZfAIDJ4 i2doeKO7Zjl29O_OkmYRA

http://t1.gstatic.com/images?q=tbn:ANd9GcSHzKlAdrzRXiIFX6ty63RHPoKwlPUVS FNPYsdKpgE39AgK09xRfw

djamel123

2011-10-23, 18:24

عادي اختي و الله عادي

لقد استغربت كيف يمكن ان تكون هذه مشكلة ديجا 1.55متر راك نورمال

اما بالنسبة للادوية فلا توجد

لكن هناك نصائح مثلا البسي البسة مخططة طوليا اي لا تكون مخططة على العرض و البسي حذاء ذو كعب عالي
أنا معاك في الكعب العالي والأدوية
لكن لا أضن أن الملابس المخططة طوليا ستزيد في الطول

كيف ستؤثر خطوط الألبسة الطولية على خلايا هذه البنت؟؟

chahrazed-m

2011-10-23, 18:53

أنا معاك في الكعب العالي والأدوية
لكن لا أضن أن الملابس المخططة طوليا ستزيد في الطول

كيف ستؤثر خطوط الألبسة الطولية على خلايا هذه البنت؟؟

خطوط الطول اخي لاتاثر طبعا في خلايا البنت وهدا اكيد وبديهي

لكنها توحي بالطول اكثر من الملابس المخططة بالهرض التي توحي بالبدانة اكثر
انا ارى المشكل في الكعب العالي لانه اولا كما نعرف ياثر على العمود الفقري وايضا غير مناسب جدا للدراسة خاصة اذا كانت تقطع مسافات طويلة

وبالنسبة للملابس التي ستظهرك اكثر طولا او توحي للناظر انك اكثر طولا
الملابس المخططة بالطول مثل ماقالت الاخت لكنها لا تقصد انك تلبسي ملابس مخططة في الطول فقط
فهي تقصد انك تبتعدي عن الملابس المخططة بالعرض
لو تعطيني نوع لبسك اقصد ستايلك لاعطيك بعض النصائح التي اعرفها وان شاء الله تفيدك وتوحي بالطول اكثر

الواثق

2011-10-23, 19:33

لو كنت ولد ماشي مشكل اصلا ..........................................وانت بنت اصلا معناه طولك مناسب لكثير من الرجال............................................ ...........مرة لقيت في العناصر فتاة جالسة قمة في الجمال والله ماشفت وحدة اجمل منهاكانت قاعدة في الكار تخيلي كي هبطنا كانت مبتورة الرجل"يعني رجلها مقطوعة" وتستعمل زميلتها للمساعدة .......................قلت سبحان الله كاين اللي لاباس عليه ويشتكى وهاذي مبتورة الرجل وبانتلي سعيدة ...............................................الح مد لله الذي فضلنا على كثير من خلقه....................................بالتوفيق

naziha.zio

2011-10-23, 20:04

ناصرالدين الجزائري

2011-10-23, 20:17

مشكلتك ليست في القامة بل هي في تقبلك لشكلك ..
فلو لم تكن القامة هي المشكل لوجدي صفة اخرى تقلقي نفسك بها ...
و اللي يقولك أنت قصيرة قوليلو الطوالة للشجر ...

نسائم الهدى

2011-10-23, 20:23

ما تزيدوش تقولوا
الطووووووووووول للشجر
حرام عليكم
ما تعقدونيش أنا تاني من طولي

(~ ..أســـامة .. ~ )

2011-10-23, 20:43

ما تزيدوش تقولوا
الطووووووووووول للشجر
حرام عليكم
ما تعقدونيش أنا تاني من طولي

هههههههههه :1:

لا لا متتعقدي ما والوااا

هذاك كلام فارغ ......... كل واحد يجيب حكمة من عنده لتساعده هو برك .....

و الله غريب جدا منك و من صاحبة المشكلة كيف تعطون المظاهر كل هذا الاهتمام ........... الطول و القصر ؟؟؟

كاين اشياء اخرى نخجل بها .... مثل الاخلاق و افعالنا و اللباس الفاضح وووو...........

هي 1.55 نورماال و انت 1.74 نورماال تاني كاين ليبغي طويلة و كاين ليبغي قصيرة ............. هاذي حكمة ربي ... مثلا انا افضلها طويلة ههه

سايي حبسوا هذا التخمام السلبي و لتهاو بامور مفيدة افضل لكم ............

بالتوفيق

سلاااام

ناصرالدين الجزائري

2011-10-23, 20:45

ما تزيدوش تقولوا
الطووووووووووول للشجر
حرام عليكم
ما تعقدونيش أنا تاني من طولي

عندما نقول الطوالة للشجر فهذا يكون رد للذين ينتقدون قصار القامة لأنهم يوحون أن القامة شئ مهم و أن الكمال يكون عند طويل القامة .. لكن كل هذا لا يهم لأن الطول شئ جيد للشجرة فقط ..
فهذه المقولة لا تعبر عن الانسان الطويل بل تقال للشخص الذي يفتخر بالقامة ..

و إن اكرمكم عند الله أتقاكم

مانو شريف

2011-10-23, 20:56

يا اختي انصحك بتمديد يديك الى الاعلى و القفز بنفس الطريقة و ممارسة كرة السلة

نهال الجزائرية

2011-10-23, 21:21

كاين علاج وهو عبارة عن حقن بصح غالين لأنو عندك نقص في هرمونات الطول ...

حسنات21

2011-10-23, 21:31

كوني مقتنعة بشكلك و ستزول عنك الوساوس اغلب النساء قصيرات و انت امراة فلو كنت رجلا ماذا ستفعلين ؟ و الانسان يقاس بما بقدمه من عمل و افكار و ابداع و....ليس بلمتر واغلب المشاهير قصار القامة كهتلر و ......

issamou3

2011-10-23, 22:02

اذا نظرنا الى معدل طول الرجال في بلدنا 1.75 نلقاو بلي طولك مناسب

وبما انو دراستي كانت فالرياضة نقولك بلي ممارسة الرياضة تساه بنسبة قليلة جدا في زيادة الطول

والعامل الرئيسي هو الوراثة واحذري من الادوية فقد تسبب لك خلل في هرمونات اخرى.

وانصحك بمطالعة كتب التحفيز والثقة بالنفس

أبو غزلان

2011-10-23, 23:13

chahrazed-m

2011-10-24, 10:29

اخواتي واخواني البنت سالت والسؤال مش حرام
وهي فقط تسال عن شيء يليها تزيد في الطول لانها عايشة في محيط ناسو يقولو عليها قصيرة
صح لازم تكون عندها ثقة بالنفس وتبعد الوسواس

والرياضة راهي تفيد ولو بنسبة صغييرة لكن مع المداومة تفيد وانا ننصحك اختي عندك تستخدمي الادوية في هاد الامر راهي تضرك اكثر ما تنفعك

جسور المحبة

2011-10-24, 10:41

20 سنة مال عنجك فرصة للطول مارسي القفز وشرب الحليب ويقال حبوب الزنك ايضا مفيدة لكنني مرة حوست عليها ما لقيتهاش واذا مراكيش سمينة مراحش ياثر عليك ومكانش الكامل واذا لقيتيه كامل المواصفات اكيد ناقص من العقل او الدين وكل واحد وش يعاني انا شفت بنات قصار بصح مش سمان والله بانو بابيش خير من الطوال وبمرور الزمن ما يبانش عليهم الكبر امالا اتحفي روحك وحافظي على لاطاي نتاعك وثقي بنفسك واحمدي ربي لانو كاين لي فقد صحتو وكاين المعاق والباراليزي وديري وش قلتليك وردي لي الخبر

adlan18

2011-10-24, 11:53

متى كان خلق الله مشكلة
لدي صديق في 27 من العمر طوله 1،59 متر ولا يلقي لذلك بال

دكتورة بإذن الله

2011-10-24, 12:35

السلام عليكم ورحمة الله وبركاته
انا على مقربة من الدخول الى 20
طولي 155 سم
البعض يقول لي انك قصيرة جدا لدرجة اني صرت استحي من طولي ...
هل هناك بعص الأدوية الناجعة للزيادة في الطول

وما هو الطول المثالي للفتاة

السلام عليكم ...

يا اختي طولك طبيعي و اذا حبيتي تطوالي البسي طالون كاين انواااااااااااااع بدون اصدار صوت حين تمشي باش تباني بالطول لي حبيتي

و خليك من الادوية ...لاتولي في مشكل اخر

و ارضاي بما كتبه الله لك .....هناك من ليس له رجل و هناك من ينقصه اصابع وووووووو ربي يعافينا و يعافيك

و كي تشوفي هموم الناس تنساي همك مع انه ليس هم بتاتا

و الانسان يحمد ربي على نعمتو ...تحياتي ....سلاااااااااااااااام..

دكتورة بإذن الله

2011-10-24, 12:45

ما تزيدوش تقولوا
الطووووووووووول للشجر نسيتي الزرافة هههههه امزح فقط ماتزعفيش
حرام عليكم
ما تعقدونيش أنا تاني من طولي ياسيدي بجاه ربي اخطولنا الطفلة و خلوها ترونكيل :D

علاه تخلي فيهم يعقدو فيك ....الواحد يحمد ربي و يشكرو كي يولي صحيح و ساجي و بصحتو و بعض الناس

ما يعجبهمش لعجب و الصيام في رجب ..راسمالهم لحديث الخاطي

كي تكون الفتاة جميلة و متدينة مؤدبة و خاطيها و مربوعه القد وشهادات جامعية و اخرى عادية ...يعني ماناقصها والو

يجبدولها عيب ماهيش مترسمة في الخدمة :D:1: أيا تساعدك هاذي :rolleyes:

ماهيش !catastrophe

الان خلونا من حكايت طويلة ..قصيرة ..كبيرة ..صغيرة ....واش هذا راكم من نيتكم تسقسو ....اين القناعة بما اعطانا الله

في انتظار مشكلة وحدا ناقصها اصبع البنصر في رجلها الايسر :D ......!!!!!:cool: مع احترامي لاصحاب المشاكل

***********

الانسان يرضي بواش رزقو ربي باش يزيدو ...:19:

قال تعالى: (لَئِنْ شَكَرْتُمْ لَأَزِيدَنَّكُمْ )

مع التحية ........سلااااااااااام

مطيعة الله

2011-10-24, 14:21

الحمد الله اختي انا تاني 1.56 او عادي جدا جدا معلابلايش بالغاشي نعرف روحي بلي قصيرة او راضية على روحي الحمد الله

ميرة34

2011-10-24, 14:24

أختى عليك ان تتقبلي نفسك كماهي لتعيشي مرتاحة