واش راهو صاير بالمركز الجامعي خنشلة

[delphi7_lid]

امر مؤسف حقا ما حدث لنا اليوم بالمركز الجامعي بخنشلة
انأ اليوم ذهبت لإجراء المسابقة بخنشلة ( قانون جنائي) 22 أكتوبر 2011
حيث كنا بالمدرج وأعطوا لنا سؤال الجنائي بدأنا في الإجابة
بعدها بقليل دخلت مجموعة تتالف من 10 اساتذة اضافو لنا اسئلة اللغة الفرنسية
لم نفهم أي شيء وقالوا الوقت المحدد 4 ساعات فقط ( تفوت زوج مواد في 4 ساعات اوديجا راحت ساعة منها )
انا زعما كنت نقول كينكمل الجنائي نخرج ف الاستراحة نزيد نراجع شوي مصطلحات قانونية جنائية بالفرنسية .
المهم بعد جلوسي الضوء ساعات ايجي أنشوف لكتيبة بالأزرق ساعات ايروح لكتيبة تولي بالأسود ( نقصد النيون يطفى اويشعل وحدو ) الطاولة مخربشة معمرة بلحروز
الأساتذة ليحرسو فينا يداقو في بعضاهم جابوا كثر من ربع ساعة ا وهوما يتعايطو رئيس المركز مع الاستاذات
ما بقى غير ايجيبوها بونية ودماغ .
اوراق الاجابة خلصت مكانش اذا حبيت تزيد كلاك بوبي و المسودة متصلة مع ورقة الاجابة ولا تصحح بطبيعة الحال تكتب ف المسودة او كيتحب تنقل واش كتبت ف الورقة لازم تظل تقلب او تعاود تقلب .
نص الفرنسية في صفحة والأسئلة مقلوبة في الصفحة الثانية ( الطلبة واحد يكتب ايجاوب بالفرنسية او واحد بطبيعة الحال ايجاوب على سؤال الجنائي يعني واحد يكتب من اليمين الى اليسار او واحد يكتب العكس )
او اخرتها الوقت ايقولك خلاص هات الورقة ولا منحكمهاش
التركيز على الإجابة 0.00001 %
تبقى غير تشوف واش راهو صاير
يرحم باباكم ( تجيب شهر تحضر او في الاخير تصرالك هكذا ) ..............
جاب ربي رانا مومنين واش رايح ايدير الواحد
أنت تكتب ف الإجابة وليحرس فيك يهدر ف التلفون ويعيط ايقولو (القذافي نورمالمون مايقتلوهش كان لازم ايحاكموه ف المحكمة ...........يا ولدي اسكت علينا كان نورمالمون ايحاكموك انت ابعد ).
كيخرجت قالي هذا لعي طاو يحكي ف التلفون بالتوفيق اذا حب ربي ممكن تنجحو مدتدريش ........؟؟؟؟؟؟؟؟

[hirnora]

حقيقة كان من المفروض ان يقدم كل سؤال على حدى و لكن الامر ليس بهذه الجسامة لي خانوا ذراعوا يقول بيا السحور

[ام سيرين22]

وتستمر مهازل الجامعة الجزائرية ؟

[حمزة الحمود]

راهي خنشلة و ما ادراك ما خنشلة
خويا كاين ربي
ربي يحفظك

[chahrazed-m]

حتى حنا في باتنة عطاونا ورقة المسودة متصلة بورقة الاجابة وتقعد تقلب وتعاود باه تنقل
لكن كان نظام ماشاء الله واساتذة لي يحرسو في المستوى

ربي يكون معاكم

هادو هوما الجامعات وش تحب

[achattar]

ويلا كيما راك تحكي كارثة ماشي مسابقة ماجستير هادي، الله الموفق ونوكلوا ربي على هادو

[doka7]

يا خويا ماجاتش في هذي برك أنا جيت نعقب قانون دستوري عطاوني الاستدعاء لكن في القوائم لم أجد إسمي فجرت فوضى كبيرة في المكتبة المركزية قرابة المئة لم يجدوا أين يجرون الامتحان وكان رد المسؤولين هو روح عقب برك والباقي علينا لكن القصد من هذا الكلام هو روح عقب وما ديرلناش المشاكل وكي تروح نتهناو منك والله لا ربحت بالإضافة إلى عدم اعطائنا أرقام التسجيل مما ينبيء بعدم المسؤولية والمستوى المحط والنيفوا الهابط ..........كارثة كبرى ..................