مستحيل تزوجي برا لبلاد غير اذا كنت بايرة

[جسور المحبة]

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم وهوما يقولولها نعطوك لبراني غير اذا كنت بايرة الله غالب ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

[عُضو مُحترم]

هاذي البنت تخدم؟؟؟؟؟

[أماني قادة]

هذه مجرد أسباب واهية للرفض و هي مقنعة أنا عندي المهم يكون جزائري لأني أرفض الزواج من أجنبي و لو كان مسلما للاختلاف في كل شيء . و عند الطلاق ماذا يحدث للأولاد و المشاكل الأخيرة بين الجزائر و مصر خير دليل على ذلك . أتمنى أن تقنع هذه الفتاة أهلها و توسط حكماء ليساعدوها

[adel04]

أختي الفاضلة..هذه اسباب واهية لا يتقبلها منطق البشر..
فمن كان على خلق ومعدنه اصيل متأصل فلا خوف على ابنتكم منه حتى ولو كانت المسافات بعيدة كبعد القمر عن الشمس
فهل من تزوجوا من بلدتهم كانوا سعداء ولم تخرب بيوتهم؟
منطق أكل عليه الدهر وشرب يا اختي ..فالعاقل من يتمرس الحكمة في وقتها ويرى الجانب المملوء من الكأس وليس الفارغ فقط
ربي يهدي النفوس

[جسور المحبة]

بارك الله فيكم اخوتي والفتاة مقبلة على العمل ان شاء الله فهي خريجة جامعة واهلها يقولو البراني مهما عرفناه ديما يبقى غامض وديما يبين غير لحوايج لمليحة فيه ومبعد الزواج يظهر على حقيقتو وتاني يقولو ليها انتي جامعية وهو اقل منك مستوى يعني راح يحشمك كي تكوني في ماعة قاريين بصح هي مراهيش مقتنعة بهد الفكرة نهائيا وما تامنش بيها

[جسور المحبة]

واييييييييييييييييييييييييييييييييييييييييييين البقية؟ انا انتظر ردودكم فلا تبخلونا يا كرماء

[ميمنة الجزائر]

المهم يكون على خلق
ودين واش دخل البايرة بينهم

لا تسمو المسميات باسماء ليست لها

ربي يوفقك واستخيري الله

[الواثق]

بارك الله فيكم اخوتي والفتاة مقبلة على العمل ان شاء الله فهي خريجة جامعة واهلها يقولو البراني مهما عرفناه ديما يبقى غامض وديما يبين غير لحوايج لمليحة فيه ومبعد الزواج يظهر على حقيقتو وتاني يقولو ليها انتي جامعية وهو اقل منك مستوى يعني راح يحشمك كي تكوني في ماعة قاريين بصح هي مراهيش مقتنعة بهد الفكرة نهائيا وما تامنش بيها

الله اكبر ولى الرجل يحشم المرأة لانو ماشي قاري ...............................انا نحلفلك بالله وانا زعما قريت في الجامعة وتخرجت انني كي نلقا اصحابي اللي ماسعفهمش الحظ باه يكملو نحس روحي اقل منهم مستوى في بعض الاحيان ......................ياأختي كل واحد يعبر على نفسو ...................والاخلاق ماشي بالقراية العكس القراية بلاك تنحي شوي من الأخلاق......................لكن اذا كانو اهلك رافضين هم ادرى بمصلحتك فكرتيني بأختي تقدمو لها اكثر من 5 خطاب وكان ابي وامي يرفضو حتى انا كنت نعارضهم .....................لكن بعد عرفت قيمت رفضهم كي سمعت اخبار على بعضهم ........................والحمد لله راهي متزوجة برجل راضية بيه وراضيين عليه والدي ......حتى انا راني سعيد بيه..................وفقكي الله

[جسور المحبة]

انا انتظر ردودكم؟

[المخلصة]

سلام الله عليك

يا أختي هذا ظلم و هذا جهل قطعا و يقينا

أما الحل كونهم اهلك لا انصحك بالتمرد فطاعة الوالدين فرض و إن كانا على خطأ مالم يكن فيه معصية

وأعتقد أن الحل الوحيد أمامك هو الدعاااااااااااااااااء


ادعي الله مخلصة عسى الله يحل أزمتك

ولا تنسي الإستخااااارة لها سر عظيييييم

الله يهديهم و ينور بصيرتهم فقناعاتهم جهل مركب ولا مجال لتحليلها

[جسور المحبة]

ااحتاج مساعدتكم من خلال ارائكم

[جسور المحبة]

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

[charachoucha]

يعني وجهة النظر نتاعهم ماهيش غالطة مئة بالمئة عندهم الحق يخافو عليك و مايقدروش يعرفو البراني ماتقوليش يسقسو عليه خطراش الجيران يقدرو يحشمو و مايقولو والو و في نفس الوقت يقدرو يكونو ضدو فقط بسبب الغيرة
انت صلي صلاة الاستخارة و اللي فيه الخير يجيبو ربي و متخسريش عائلتك علاجالو راكي مازال ماتعرفيش الصح نتاعو ادا قبلو والديك اللهم بارك و ان رفضوا بعد العديد من المحاولات و بعد صلاة الاستخارة اعرفي بلي خير ليك

[AyOuB.KhAn]

مام هو ثاني صعيب عليه باه يتزوج وحدة بعيدة عليه
كيفاه يجيب المعلومات عليها وعلى أهلها ؟
ومع الزيارات يعيا بزاف وسورتو الا كانت مدللة تهبلوو كل مرة اديني لدارنا
ووو وحوايج بزاف تكون عائق في هدا الزواج

[ميرة31]

انا من وهران وتزوجت في بشار ............700كم بيناتهم ..........الحمد لله راني مهنية مع راجلي الحنون لم اكن اعرفه من قبل غير واحد شافنيواح
واحد شافي نعتني ليه لانه صاحبو...............الناس مشي كيف كيف
البعد يجيب السلام والقرب يجيب الكلام...............قالوها جدودنا......................

[جسور المحبة]

وهل لقيتي مشاكل في القبول من طرف اهلك ؟ وكيفاش سقسيتوعليه نتمنى تفيديني خايفة نضيعو وخايفة نقبل ونندم

[جسور المحبة]

اختكم بحاجة اليكم فلا تبخلوها من ارائكم السديدة

[أشرف777]

السلام عليكم
أختي الكريمة مع التفهم الكبير لك ...
من رأيي ألا تحيدي قيد أنملة عن رأي والديك و العائلة من حقهم عليك أن يوجهوك لمصلحتك
أختي عاشت نفس التجربة في كل مرة يرفض الوالد رحمه الله حتى و إن كان بدون سبب مجرد إحساس فيحدث بعدها ما يؤكد أنه كان على صواب رحمة الله عليه
و هي الآن تشعر بالراحة و الأمان لأن من كانت تظن بأنهم جنة الأحلام ظهروا بأنهم مجرد ذكور
أتمنى منك أختاه ألا تنجرفي وراء عواطفك حفظك الله تعالى ، عليك بصلاة الإستخارة.

[أشرف777]

السلام عليكم
أختي الكريمة مع التفهم الكبير لك ...
من رأيي ألا تحيدي قيد أنملة عن رأي والديك و العائلة من حقهم عليك أن يوجهوك لمصلحتك
أختي عاشت نفس التجربة في كل مرة يرفض الوالد رحمه الله حتى و إن كان بدون سبب مجرد إحساس فيحدث بعدها ما يؤكد أنه كان على صواب رحمة الله عليه
و هي الآن تشعر بالراحة و الأمان لأن من كانت تظن بأنهم جنة الأحلام ظهروا بأنهم مجرد ذكور
أتمنى منك أختاه ألا تنجرفي وراء عواطفك حفظك الله تعالى ، عليك بصلاة الإستخارة.

[difa]

2011 او داخلين في 2012 او ما زال الناس يقولوا بايرة

[lili1988]

اللهم انا نسالك الخير كله عاجله و اجله و نعوذ بك من الشر كله عاجله و اجله