فهموني كيفاش ندير معاه

[دموع الورد1]

السلام عليكم عندي مشكل ومحيرني بزاف انا خطبيبي تخطبنا خطبة تقليدية ومشات الامور عادية وكي وليت نهدر معاه في تليفون مع العلم اني نهدر معاه مرة فالاسبوع لخاطر خدام ومعندوش الوقت المهم لاحظت انو ميعملنيش على اساس زوجة مستقبلية يعني مثلا الفاتحة انتاعنا راهي قريب مور العيد مشاورني في حتى حاجة حتى الاشياء الي شراتهم يماه مقليش عليهم يتكلم معايا بطريقة باردة كي شغل اي وحدة وبرك وزيد شك انتاعو مع العلم هو كانت عندو علاقة مع بنت اخرى وكان ناوي يخطبها وخدعاتوا المهم هو مقاليش حتى انا صراحتوا وقتلي بعد مالاحظت هذا شيئ في تصرفاتوا والله معرفت كيفاش ندير معاه راني خايفة للقصة القديمة تأثر في علاقتي معاه تعيشوا قلولي كيفاش نحاول نكسبوا الصفي وكيفاش نتعامل معاه

[charachoucha]

واش نقولولك نورمالمو ميحملش واحد الدنب نتاع واحد اخر بصح بالاك يتبدل من بعد الزواج
قوليلي مالفة تشوفيه يعني هو تاني من البليدة كيما انت و لا بعيد عليك و وعلاه يخدم 24سا على 24 حتى ميقدرش يهدر معاك هكدا باش نقدرو نجاوبوك

[دموع الورد1]

واش نقولولك نورمالمو ميحملش واحد الدنب نتاع واحد اخر بصح بالاك يتبدل من بعد الزواج
قوليلي مالفة تشوفيه يعني هو تاني من البليدة كيما انت و لا بعيد عليك و وعلاه يخدم 24سا على 24 حتى ميقدرش يهدر معاك هكدا باش نقدرو نجاوبوك
اختي كيما انا فالبليدة ياعجابة راهو يبني مقاليش شحال من بيت راح تكون

[charachoucha]

كاينين اللي يشتشوكاو يوليو يقولو منزيدش نداصرها باش متزيدش تلعبهالي و كاين اللي يحشمو برك في الاشهر الاولى نعرف عباد صراتلهم هكا بصح بعد اشهر قليلة ولاو سمن على عسل بصح انت حاولي تفهميه واش راكي حاسة

[دموع الورد1]

كاينين اللي يشتشوكاو يوليو يقولو منزيدش نداصرها باش متزيدش تلعبهالي و كاين اللي يحشمو برك في الاشهر الاولى نعرف عباد صراتلهم هكا بصح بعد اشهر قليلة ولاو سمن على عسل بصح انت حاولي تفهميه واش راكي حاسة
ياختي رانا 5 شهور على هاد الحال عمروا ما حسسني اني حنكون مرتوا والله غير كرهت وراني خايفة راكي كي ختي مفهمش واش ندير

[charachoucha]

راني حاسة بيك يا اختي بصح انا نفضل تصارحيه باحساسك و بالحوايج اللي مقلقينك و عيطيلو نتي في التيليفون و سقسي عليه و احكيلو واش راكي توجدي للعرس و حسسيه بلي راكي مقرباتو بزاف و قولبيلو علاه انت متحكيليش على حياتك في الحاضر يعني ماشي الماضي و وعلاه انت اللي خيرك تكوني مرتو حاولي تجبدي منو الهدرة

[دموع الورد1]

راني حاسة بيك يا اختي بصح انا نفضل تصارحيه باحساسك و بالحوايج اللي مقلقينك و عيطيلو نتي في التيليفون و سقسي عليه و احكيلو واش راكي توجدي للعرس و حسسيه بلي راكي مقرباتو بزاف و قولبيلو علاه انت متحكيليش على حياتك في الحاضر يعني ماشي الماضي و وعلاه انت اللي خيرك تكوني مرتو حاولي تجبدي منو الهدرة
شكرا ليك اختي كيما يقولوا واش يدير الميت في يد غسالوا انحاول معاه واذا قعد هكدا نحبس وخلاس انا منبنيش حياتي على اخطاء ناس وحدوخرين

[charachoucha]

لالا حاولي معاه و اتقربي منو و اجبديه ليك و كوني برك فحلة تشوفي كيفاه ينسى الماضي و يولي يحبك غير انت

[دموع الورد1]

لالا حاولي معاه و اتقربي منو و اجبديه ليك و كوني برك فحلة تشوفي كيفاه ينسى الماضي و يولي يحبك غير انت

انا مطلبش منوا يحبني قادر الحب يجي بعد الزواج بصح على اقل يفهم روحوا كي قرر يتزوج نورمالمو يرمي كلش موراه ويبدا من جديد هكذا ما يظلم حتى واحد ولا واش رايك

[roose]

ربي يكون في العون قبل ما تدي اي قرار تندمي عليه من بعد حاولي معاه بزاف قوليلو الحوايج لي ماراهمش عاجبينك صارحيه سي انت نحي الحواجز لي بيناتكك او قوليلو واش راكي تخمي في عقلك سقسيه علاش راهو جابد عليك كي ديريهالو في راسو هو يخمملها اذا كان ناسي يتفكر ولا حاجة
حاجة اخرى يسقمها
حاولي ايجاد الحل قبل ما يطيح الفاس في الراس لأنو الزواج شراكة الروح و الجسد قبا اي شيء
انشاءالله نسمعو عليك خبر يفرح قولينا واش صرالك معاه و ربي يجيب الخير انشاءالله

[رحيق الايمان]

اختي كيما قالولك البنات احكي معاه و فهميه افتحيلو الموضوع بطريقة واش يعجبك وواش ما يعجبكش و قوليلو واش حاسة افرزي روحك من ضرك خير ماتتفر فيك حاولي تكسبيه

[دموع الورد1]

شكراااااااااااا ليكم نحاول نهدر معاه

[manal130]

ايه اختي اهدري معاه و حطيه في امر الواقع يا تكملو مع بعض اخباب يا كل واحد يروح فطريقو لانو ادا ما فتحلكش قليو درك راح بكمل معاك هكدا بعد الزواج و كيما قالولك خير ما يطيح الفاس فالراس لازم تتصارحو و ماشي فالثليفون

[sarr]

السلام عليكم اختي الكريمة البنات محقات فيما قلنه لك استعيني بالصلاة والدعاء وحاولي التقرب منه والله المستعان.

[potox]

انتي صارحيه يا ختي وقوليلو بللي راني حاستك بعيد عليا

راهي كاينة فجوة كبير بيناتكم لازم تقربو من بعضاكم وهذا بالتلفون طبعا


عيطيلو انتي وسقسي عليه وكي تلقايه بارد من جيهتك واجهيه

حطيه قدام الامر الواقع وشوفي معه يعني اعطيه فرصة

وان شاء الله يكون غير الخير

[m3mar47]

حالوا كيفاش تكسبيه وتتفاهم على كلش