فضائح ماجستار قسنطينة

[bina]

انا طالبة في قسم علم النفس العيادي تقدمت بطلب المشاركة في الماجستار وجدت الدوسي و طلعت كي طلعت لقيت مواضيع بزاف لقيت منهم الصدمة علم النفس الصدمي سجلت فيه وقلتلها نشارك في هاد هادي الي قاعدة تسجل قالتلي مكانش مشكل المهم رجعت لدار من بعد وجدت روحي على الصدمة وجدت روحي مليييييييييييييييح مليح المهم و نهار جاه الوقت رحت نفوت لقيت الاسئلة حول علم النفس المرضي بصورة عامة عن العصاب و الدهان و الحالات الحدية تصدم قلت ويني الصدمة انا سجلت فيها قالونا لالا فهمت غالط كي كي تنجح و تقرا على الصدمة وش هادا تصور وش صرالي تصور شحال قريت و شحال تعبت و سهرت و انا نوجد صحيح الاسئلة سهلة لكن الصدمة خالاتني ما عرفتش نجاوب كلحونا حرام عليهم و الله كون تسقسو الي معايا تعرفو الي راني فيه تصدمت صح

المهم و الموضوع التاني طريقة العسة (الحراسة) كانت لاعلاقة تعرفو الباك وما فوتوش هاكدا تقول علينا 15 سنة ما فهمت والو اوراق الاجابة مزال ما جابوهاش و قالونا مكانش الهدرة مع بعضاكم تعرفو حرنا كامل وش هاد الجحيم يا ربي

المهم قسنظينة كارتة صح و الله حرام عليهم ما لقيناها في الخدمة موضوع الادماج ما لقيناها في لقرايا وش هاد الجيل الي حابين اطلعوه مقهور محقور كلش ربي يستر و صح ليهم الي توجدت ليهم لاليست نتاع الماجستار حسبي الله و نعم الوكيل

[عبد الغاني 2509]

أنت اطار جامعي فقرة بالفصحى لم تستطيعي اكمالها وتريدين الماجستير ؟طالعي أكثر....تفرج ان شاء الله.

[بلقايس]

الــسلام عليكم ورحمة الله وبركاته:


الله يعنيك يا أختي على ما ابتليت به لا ندري كيف تطفئينا الحرقة التي مررت بها طوال الشهور مذاكرة وفي الأخير يطلعوا غير لي حاضرتيه المهم نطلب من الله أن يخفف عليك وحاولي أن تبتسمي لأن هذا يؤثر على صحتك

[bina]

اخي الفقرة الي قلقاتك ماحبيتش نكملها لقيت لكلام العادي اقرب ليا وحاجة خلاف الاهم المضمون و يوصل كلامي ماشي الشكل ربي يهديك

[شمشار]

الاحتساب الى الله افضل مانسكت عنه و عليه افضل في الحقيقة مابقي في هذا البلد شئ يثلج الصدر ويريح القلب فالجامعة واجهة اخر ى للترقيع.......

[قيس 28]

خيرها في غيرها اختي ربي يعوضك في مسابقة اخرى وان شاء الله يكون النجاح حليفك

[bina]

شكرا لكم على الرد حسبي الله و نعم الوكيل

[**د لا ل**]

ربي يعوض علينا كامل اختي الكريمة
احتسبي الاجر عند الله
وربي يعوضك خيرا

[khaled-19]

ربي يعوضك أختي وان شاء الله ربي يسهللنا في جميع أمورنا
راني معاك في كل كلمة تحدثتي عنها ، والله لقد تم تدمير عدد كبير من المبدعين والطلبة الذين كانوا اذكياء جدا
لكن للاسف لو تستمر الاوضاع على حالها لا أظن أن الجزائر ستكون من الدول التي تتطور بالعكس فانا أرى أننا نزداد تخلفا كل يوم

[yasmine24]

السلام عليكم انا اجتزت مسابقة الماجستير وكانت جيدة جدا.

[bizo19]

قسنطينة للقسنطينيين هذا هو شعارهم

سقسيني نقولك.

ربي يخلفلك في حاجة خير

[djari2006]

يا أختي bina
انا صرالي كيفك ، ايام و ليال و انا نحضر في الصدمة النفسية و في الاخير صدمت و وجدت الاسئلة حول علم النفس المرضي ، الله يعوض لنا ماهو افضل و خير انشاءالله
:19:

[مريم قسنطينة 25]

أختي قسم علم النفس بقسنطينة راهو تاع معارف تاع كذب و تملعيب
والأساتذة فيه .............إلا من رحم ربي سقسيني أنا نقولك راني ثلاث سنوات وأنا نتعذب فيه ونعاني من الكذب تاعهم والقوانين اللي كل يوم قانون جديد ربي يهديهم
قولو آمين

[salimanour]

الدي لا يعرف أن يكتب فقرة صغيرة عن مشكلته ، كيف ،كيف يستطيع أن يكتب مقال في أي موضوع كان .ومع دلك لا تجدون حرجا في لوم غيركم

[meriem 92]

لواقع نتاع لجامعات رانا قاع عارفينو.بصح يا اختي راكي طالبة ع النفس وخاصك تواجهي لمشاكل معناتها لوكان ربي عوض عليك وخدمتي كيفاش راكي رايحة تعالجي شخص عندو صدمة نفسية.والله يصبرك.
ولاخوان لي راهم ينتقدو فلفقرة بركاكم من شكليات وركزو علمضمون .شكرا

[bina]

يعطيكم الصحة على الردود هده الردود دليل على المعاناة نتاعنا و اخي الي ماعجباتوش الفقرة نتاعي نقلك انت انسان فارغ شغل مانيش في امتحان باه نكمل الفقرة كما تحبها انت راني في المنتدى نهدرو كما نحبو و الطريقة الي نقدرو نوصلو بيها باه يسمعونا الناس كامل راك فاهم قصدي و الانسان الي يكون في دارو يكون كما يرتاح المهم انا هدرت كما حبيت و الطريقة الي تعجبني و انت شكون باه تحكم عليا ديجا الرد عليك غلطة لانو راسك معمر غير بالتفاهات شكرا و يعطيكم الصحة كاااااااااااامل الي رجعولي ربي اعوضنا كامل المهم هادي دنيا رانا نتعلمو ان شاء الله

[ilyes COS]

الله يخلف علينا و عليك