شكون ليعرف شوربة فريك بالخضرة؟ [الأرشيف] - منتديات الجلفة لكل الجزائريين و العرب

نورانيات

2011-10-15, 16:48

السلام عليكم
واحد المرة كليت كليت في العرس شوربة فريك مليحة بزاف بصح بانتلي كلي راه مرحية فيها خضرة جات عاقدة كيما نديرو البيون، ماعلابليش بالضبط كيفاش تندار هذه الشربة علاهذا راني نسقسي فيكم يالحراير كشما تعرفوا الوصفة مدوهالي حابة نجربها. أنتظر الرد على أحر من الجمر

/زهرة عصفور الجنة/

2011-10-15, 17:26

هذه طريقتي في تحضيرها.نقلي اطراف دجاج او من المستحسن لحم غنمي مع بصلة مفرومة في شوية زيت وسمن .نتركه يتقلى على نار هادئة.في مهراس نهرس نصف ربطة حشيش مع ملح وفلفل اسود وقرفة نتره يتقلى مع الحم نضيف 2حبات طماطم مرحيين حبة جزر وحبة قرعة وحبة بطاطا نمرق نضيف الحمص والطماطم المصبرة نتركه تطهى .ننزع الخضار ونرحيها برحاية الخضرة اليدوية ونعيدها للشربة نضيف الفريك وحزمة الحشيش الباقية وشهية طيبة

BACHIRA2

2011-10-16, 14:08

اهلا عزيزتي انا نحط قطع لحم من الاحسن غنمي مع حبة بصل مقطعة و اضع حبة طماطم كبيرة مع زرودية و حبة بطاطا متوسطة و اضع 2 حبات قرع متوسطين و نزيد الحمص و ربطة قصبر مربوطة كي تطيب الخضر تنزعيها و اضيف 2 ملاعق كبيرة طماطم مصبرة و شوية حمص و طبعا ملح و فلفل اسود و راس الحانوت و اخيرا نضيف الماء كما تلاحظين ما قليت والو و من بعد كي يطيب اللحم ارحي الخضر في ميكسور و ارجعيها مع المرق و بالطبع اذا نقص شىء اضيفي مع اضافة الماء الساخن اذا نقص ثم زيدي الفريك و اتركيه يطيب مع اضافة القصبر المرحي و اذا حبيتي اضيفى 2 فصوص ثوم مرحي و الله تجي روعة و كل من ياكل الحريرة انتاعي يرجع لي باه نعطيه الوصفة موفقة اختي الكريمة

نورانيات

2011-10-16, 16:08

شكرا منى2004 وBachira2 على مساعدتكم لي في التعريف بهذا الطبق الذي أعتقد أنه عاصمي بالدرجة الأولى. حنا في قسنطينة ما نحطوش الخضرة للجاري أي شربة الفريك بصح نقولكم الحق أنا كي كليتها في هذا العرس عجبتني خير على الوصفة أنتاعنا . إن شاء نجربها ونعملها من الآن فصاعدا حسب الوصفة العاصمية المهم كلها وصفات من بلادنا العزيزة.

أم ياسين الزهراء

2011-10-19, 16:01

اختي الشربة تاع الفريك الاصلية عمرها مانديرو فيها الخضرة تجي بلحم غنمي تحطي عليه ( البصل والثوم والطماطم حب والدبشة ترحيهم في الميكسور ) وتزيدي الطماطم تاع العلب والزيت فلفل اكحل والعكري وراس الحانوت بلاكي ديري القرفة والكمون و فلفل حار طبعا للي يحب الحار الكل يتقلاو مليح اكثر من ربع ساعة وتزيدي الماء لازم يكون سخون شوي بشوي وكل مرة يقلبي مليح المزيج حتى تمرقي القدرة انتاعك وتم ترمي الفريك وتقفلي القدرة انا نطيب الشربة في الكوكوت تجي خير وكيطيب الشربة تلقايها خاثرة زيدي ذري عليها النعناع اما يابس او خضر والحشيش طبعا

حسنات21

2011-10-19, 16:25

اختي الشربة تاع الفريك الاصلية عمرها مانديرو فيها الخضرة تجي بلحم غنمي تحطي عليه ( البصل والثوم والطماطم حب والدبشة ترحيهم في الميكسور ) وتزيدي الطماطم تاع العلب والزيت فلفل اكحل والعكري وراس الحانوت بلاكي ديري القرفة والكمون و فلفل حار طبعا للي يحب الحار الكل يتقلاو مليح اكثر من ربع ساعة وتزيدي الماء لازم يكون سخون شوي بشوي وكل مرة يقلبي مليح المزيج حتى تمرقي القدرة انتاعك وتم ترمي الفريك وتقفلي القدرة انا نطيب الشربة في الكوكوت تجي خير وكيطيب الشربة تلقايها خاثرة زيدي ذري عليها النعناع اما يابس او خضر والحشيش طبعا
نحن ايضا نطهو الشربة هكذا بدون خضر و تجي عاقدة ( نرحي في الميكسور ) و لازم تتركها على نار هادئة حوالي ساعة ونصف و يجب ان تعرفي المقادير مثلا فنجان حليب من الفريك يعمل 4 صحون فقدري اللحم و البصل و الطماطم على حساب هذه الكمية , اضيفي الماء الساخن دفعة واحدة كي تمرقي و اتركيه حتى يختار

أم معاذ أم معاذ

2011-10-19, 16:58

إحنا ما نديروش الخضرة في الشربة فريك
و كي جبنا كنة طيبيتها بالخضرة
بالصح الحق ما عجبتنيش
شربة الفريك وحدو أبن
حسيتها و كأنو مخلطة شوربة ومع البيون
و كل واحد و ذوقو
بصحتكم جميعا

نورانيات

2011-10-20, 13:15

شكرا للجميع على المرورالطيب حتى أنا شوربة الفريك انتاعي نطيبها بلا خضرة وتجي خاثرة خاصة اذا زدتلها مغرفة كبير ة تاع الشعير-مرمز- تجي بنينة ونطيبها في القدرة تاع الطين مع اضافة الاعشاب اعطرية المعروفة لكن صدقوني الشربة اللي دقتها في العرس رايعة عندها دوق مختلف حبيت نبدل شوية ساعة هكذا، ساعة هكذا مادامني نستفيد من تجاربكم وطيابكم المتنوع.

lama20

2011-10-28, 17:57

مساء النور
شوربة الفريك نعطيك طريقة ناس وسارة كيفاه يديروها
1- حبة بطاط متوسطة + حبة بصل ثاني متوسطة+ حبة جزر وحبة كورجات ادا كان عندك الكل ترحيه في المرحية الخاصة بالخضر
+ فصات ثوم وضيفي كمون و فلفل أكحل وملعقة ونصف طماطم مصبرة +2 مغارف زيت وملعقة صغيرة ملح ومتنسايش معدنوس نتاع الربطة + لحم الغنم وغلي الكل جيدا ثم أضيفي الماء حسب الحاجة وكي يتغلى الماء أضيفي شوربة الفريك بعد غسلها جيدا وتركي الكل يطيب حتى تعقد هاك تكوني كملتي شوربتك وكوليها بالصحة والهنا راهي تهبل
أختك أمال

om sayfou

2011-10-28, 18:47

مساء النور
شوربة الفريك نعطيك طريقة ناس وسارة كيفاه يديروها
1- حبة بطاط متوسطة + حبة بصل ثاني متوسطة+ حبة جزر وحبة كورجات ادا كان عندك الكل ترحيه في المرحية الخاصة بالخضر
+ فصات ثوم وضيفي كمون و فلفل أكحل وملعقة ونصف طماطم مصبرة +2 مغارف زيت وملعقة صغيرة ملح ومتنسايش معدنوس نتاع الربطة + لحم الغنم وغلي الكل جيدا ثم أضيفي الماء حسب الحاجة وكي يتغلى الماء أضيفي شوربة الفريك بعد غسلها جيدا وتركي الكل يطيب حتى تعقد هاك تكوني كملتي شوربتك وكوليها بالصحة والهنا راهي تهبل
أختك أمال

احنا تاني هاذي هي طريقتنا و تجي بنينة تسخف و كي نديروها فلعراس يبقاو يحكيو عليها و ما تجيش كي البويون العكس تجي خاثرة و بنينة ممممممم