هذا طلبي فلا تخيِّبنَني.....

[البتول سمية]

السلام عليكم أخوات....
صراحة أنا عندي مشكل و نشوفو مشكل جد عويص
ألا و هو (أنا فاشلة ف الطياب).... ف أيام الخطبة زوجي كان يقلي معليش متعرفيش طيبي المهم كي نتفاهمو و نعيشو مهنيين.... بصح مع الأيام عاد يقلي شوفي خياتي يعرفو يطيبو خير منك ... خياتي شاطرات... خياتي ماكلتهم بنينة...
هذا الأمر راه يقلقني بزاف ...
لذلك حابة تقدمولي مساعدة من فضلكم....
ف هاذ الموضوع حابة تساعدوني و تتعطوني كيفيات ساهلة و بنينة (للمبتدئات طبعا)....
حابة نولي كيفكم... حابة نتعلم ...
من فضلكم متبخلوش علي بمساعداتكم...
رح ننتظر ردودكم المفيدة
و نتمنى متخيبونيش:o

[امل العاتر]

السلام عليكم
اختي ماتقوليش راني فاشلة في الطياب قولي راني جديدة على دومين الطياب ..المهم سر الطبخ الجيد هو التتبيلة (الدرسة او التقلية او التحميسة ) اذا كانت جيدة خلاص الطبخة تجي بنينة .
ومدام زوجك يحب اكلات اخواتو فما عليك غير انك تلاحظي كيفاش يطيبوا يعني كلما يكونوا حذاك اطلبي منهن يطيبوا وانتي لاحظي كيفاش يطبخوها ..وربي يعاونك وان شاء الله الاخوات يزيدوا يعاونوك ببعض الافكار .

[bassamat]

اختى اقترح عليك تشرى سىدى تع الطياب و تتعلمى و كل مرة طبقى حتى تولى تنافسى سلافاتك او احسن منهم

[أم القادة]

لا تيأسي أختاه كل شيء يكون بالتعلم وكثرة الممارسة
استعيني بالله ثم بأخوات زوجك لا عيب فيها ولا تعتبري هذا نقصا وثقي في نفسك وركزي على الطبخ وسوف تتقنينه بإذن الله
أعرف واحدة تزوجت وكانت تدرس في الثانوية يعني من الثانوية على الزواج مباشرة وكانت لا تحسن الطبخ نهائيا ولكن بمساعدة أهل زوجها لها ومع الوقت تحسنت جدا جدا في المأكولات في الحلويات وأصبح أهل الزوج يطلبون منها وصفات الحلويات وأصناف الطعام فلا شيء حكر على شخص معين ولكن بقدر ماتولي أمرا معينا إهتماما أكبر بقدر ما تصبحين فيه أستاذة

يمكنك أن تكتبي لنا الأكلات التي يحبها زوجك وسنساعدك فيها وفي سر الطبخة وسمي نفسك الطباخة الناجحة ولا داعي للإحباط

وفقك الله

[drid]

http://www.4shared.com/photo/gNtd3qfb/4_21214007166.html

[fatiha07]

السلام عليكم ورحمة الله وبركاته
اضم صوتي الى صوت الاخوات وخاصة ام قادة ماكانش اللي زاد من كرش امه متعلم بصح اسعي والله معاك مادامك باغية تسعدي زوجك وماتخليلهش الفرصة يعيب اعليك وما تحسيش بالنقص وانت تتعلمي فبالخطا نتعلم اكثر منه من الصواب في الرات القادمة نعطيك بعض اللي نعرفه والله الموفق
سلام

[wahoub]

حبيبتي كلنا ماكناش نعرفو نطيبو بصح بشوية بشوية تعلمنا وولينا نديرو كل شيئ
نصيحتي ليكي اتعلمي حاجة واتقنيها باش يقولو هاديك الطبخة ماكانش اللي يديرها كيما البتول سمية
وحتى زوجك رح يطلبها منك
جربي و اتكلي على الله واذا ماخرجتش مليحة ما تايسيش زيدي جربي وربي يكون معاك حبيبتي

[أم نديم]

اختي راني حاسة بيك لكن ماتيأسيش انا كنت كيفك نطيب بصح ما شي بزاف قبل الزواج لكن لما تزوجت تحديت نفسي وانجرب كلش حتى ادا فسد ماهوش مشكل المهم تتعرفي على سر نجاح كل وصفة وماتبقايش تقولي ما نعرفش جربي واتعلمي ذرك تعرفي في الطياب اعرفي القيس بحيث مثلا اللي طيب لزوج ماهوش كيما اللي يطيب لسبعة في اللحم والبصلة والماء اللي تمرقي بيه وغيرها من الامور وما تحشميش اسالي على الطبخات بأدق التفاصيل حتى تنجحلك

[ام احمد]

اختي كي تحبي الطياب رايحة تتعلمي و كيما قالتلك الاخت الي سبقتني شوفي واش يحب زوجك و نعونوك
و انصحك بحورية المطبخ شوفيها في youtubeاي حاجة تلقايها بالتفصيل الممل
ربي يوفقك