حملة لحل جميع تمارين كتاب الرياضيات ـ قد تكون تمارين البكالوريا ـ [الأرشيف]

حامل اللواء

2011-10-14, 23:50

السلام عليكم ورحمة الله وبركاته

من الرأي الصواب والفكر القويم ان نقوم بحل تمارين الكتاب المدرسي لان احتمال كبير ان تكون التمارين مشابهة له

او تكون هي نفسها مع تغير بعض الارقام او بعض الاشياء...او من المكنن ان توضع هي نفسها وحينئذ نصاب بالاحباط ــ ونطيحوا تم ــ

وتفاديا لكل هذا

ورفعا لمستوانا

قمنا بطرح هذه الحملة التى تخص جميع طلبة البكالوريا

وهي حل تمارين الكتاب المدرسي الخاصة بالرياضيات

فكونوا معنا

كل واحد منا يحضر الكتاب

يدخل الغرفة

يفتح التمارين من 1 الى ان يتعب لا ينظر الى الساعة

التمارين الغير المفهومة والصعب يشار اليها وتطرح

وسنحاول ان نـــأتيكم بالحل والفهم

باذن الله

لا اطيل عليكم لكي نخرج باول خطوة

اولا : ادخل غرفتك واغلق الباب وافتح التمارين وحاول .ولا تيأأس

تذكروااا : لو وضعوا تمرين مشابه له في البكالوريا راح تندموا فلا تضيعوا الفرصة

انصح نفسي واياكم

والله ولي التوفيق

fantasy world

2011-10-14, 23:56

السلام عليكم و رحمة الله و بركاته
و الله غير فكرة أكثر من رائعة و أتشرف بأن أكون أول المشاركين
باركك الله و حفظك و ثبت خطاك أخي حامل اللواء
و يجب أن نتحد جميعا إدا أردنا الإمتياز
سلام

fantasy world

2011-10-14, 23:58

بصح أخي قلي وكتاه نبداو

حامل اللواء

2011-10-15, 00:07

اللهم امين ........يارب العالمين

واياكم ان شاء الله

بصح أخي قلي وكتاه نبداو

علاش ما زال ما بديتهومش ؟
واش راك ادير امالا
الوقت وقت اضراب

اغتنم الفرصة

اخي الحبيب لازملك حماس اكبر

اهنئك انك اول المنظمين مرحبا بك

fantasy world

2011-10-15, 00:14

اللهم امين ........يارب العالمين

واياكم ان شاء الله

علاش ما زال ما بديتهومش ؟
واش راك ادير امالا
الوقت وقت اضراب

اغتنم الفرصة

اخي الحبيب لازملك حماس اكبر

اهنئك انك اول المنظمين مرحبا بك
و الله غير عندك الحق بصح الآن أني نعاود في الدروس خاطراكش مات مشني فاهم مليح و مبعد نبدا في التمارينات فهمتيني أخي ربي يوفقك
و راني معول عالاضراب الاسبوع هادا باش نفهم جميع الدروس و نحل التمارينات تع الكتاب و الميسرات اللي شريتهم
ربي يستر برك و ربي يكون معانا و أنا سعيد لأني أول المنظمين
بصح نتمنى نحلو جميع التمارين و نتناقشوا فيهم
شكرا لك أخي الكريم و جعله الله في ميزان حسناتك

حامل اللواء

2011-10-15, 00:17

اها الان فهمت قصدك

فكرة رائعة نعم

فهم الدرس آساس حل التمارين

ملاحظة
عندك الهباج؟

fantasy world

2011-10-15, 00:22

اها الان فهمت قصدك

فكرة رائعة نعم

فهم الدرس آساس حل التمارين

ملاحظة
عندك الهباج؟
للأسف لا أملكه بصح يعجبني بزاف و لكن غالي و فيه أجزاء ياسر حاب نشري واحد فيه جميع وحدات البرنامج
بصح قلي وش رايك فالهباج مليح ياسر ولا لا ؟؟؟

حامل اللواء

2011-10-15, 00:30

fantasy world

2011-10-15, 00:30

أنا عندما قصدت في ردي قبل الأخير الميسرات قصدت ميسر العلوم عندي أحمد أمين خليفة و فرنسية الممتاز و ملخصات محمودي عادل في التريخ و الجغرافيا
صح لحد الآن مبديت نحل ع حدا واحد هههههههههههه منعرف وكتاه حنبدا
ربي يستر و ربي يجعل اللي فيه الخير

fantasy world

2011-10-15, 00:34

في الحقيقة العام الماضي كانت عندي ...

اظنــه جيّـــد وممتاز

سعره غالي 500 دج للجزء الواحد

يحتوي على 5 اجزاء

زائد الفزياء وو

يعني بقرة وبنتها ـــــــــ انا شخصيـــا ما اشتريته لارتفاع سعر

الكتاب رائع يطيك تمارين الكتاب حلول بالتفصيل الممل + الدرس طبعا مختصر + تمارين اضافية محلولة ايضااااا

ملاحظة :

عندك طابعة بالبيت ؟
عندكم مكتبة في الثانوية ؟
نعم عندي طابعة بالبيت أخي لمادا
و لدينا مكتبة و لكن ام قريب يخرجونا من عقلنا قالولنا حتان نمدولكم دفتر المراسلة باش تنجموا تسلفو الكتب و منعرف وكتاه يمدولنا دفتر المراسلة بلاكش كي يفض العام ههههههههههههه و زعما يقولولنا اقراو برك و حنا نعونوكم في كلش

حامل اللواء

2011-10-15, 00:34

fantasy world

2011-10-15, 00:37

يعني بقرة وبنتها ـــــــــ
هههههههههههههه و الله غير جبتاها
صح عندك الحق مليح بصح غالي اني مسجل في مكتبة عمومية بصح لازم نقرا التم و نرجع فورا

حبيت نسقسيق ادا عامك الأول تع الباك أو لا لأنك قلت العام الماضي كان عندي تقصد 2 ثانوي أم مادا ؟؟؟؟؟

حامل اللواء

2011-10-15, 00:39

طبعا السنة الثانية اقصد

حامل اللواء

2011-10-15, 00:41

انا انتظرت المكتبة تفتح هذا العام تاع الثانوية

لاحضار الكتب ـــ باطل ـــ

لكن لحد الساعة ما فتحت لكن الحمد لله وجدت حل

وبما انـــي عندي طابعة في البيت فلقد قمت بطباعة الجزء الاول

بطريقة جيّـــد وغير مكلفة ..

fantasy world

2011-10-15, 00:43

اخي الحبيب امرك قد حيـــّرني ــ والحديث مع شيـــق
والموضوغ ليس لهذا ولذاك

واخشي ان يدخل الاعضاء فلا يفهموا شيء فهل

لديك الايمايل او حاجة اخرى لنكون من المتواصلين

ملاحظة ايمايلي معروض في قائمتي الشخصية ــ
عندك الحق أنا جد آسف
الحديت معك أخي أكثر من شيق
سوف أبعت لك رسالة و لكن من الفايس بوك تيعي ولا الايمييل

حامل اللواء

2011-10-15, 00:46

لو من الممكن الايمايل احسن وسأحاول حل الفيس بوك الان

اظن اني نسيت كلمتها

fantasy world

2011-10-15, 00:46

طبعا السنة الثانية اقصد
أوكي و آسف لأني ظننت شيء آخر
أتمنى أننا نعاونوا بعضانا في كلشي باش نتحصلوا على معدلات ممتازة و لما لا 18 أو 17

fantasy world

2011-10-15, 00:49

حامل اللواء

2011-10-15, 00:51

هذا

هو فيس بوكي

.......

تم نزع الرابط من طرف حامل اللواء

من اراد المراسلة فيخبرني ..

fantasy world

2011-10-15, 00:53

لم أجد ايمييلك يا أخي
بحتت في ملفك الشخصي و لم أجده

fantasy world

2011-10-15, 00:56

[b]وبسرعة اسنسخ رابط صفتي

تاع الفيس بوك

-_-

قرب المسافة
أوكي دوك نبعتلك فالفايس

حامل اللواء

2011-10-15, 00:59

هل بعثت؟ لم يصل شيء؟

fantasy world

2011-10-15, 00:59

اني بعتلك اخي اكسبتي

حامل اللواء

2011-10-15, 01:01

نعم وصلت وقبلت

حامل اللواء

2011-10-15, 01:08

اخي الحبيب

في مشاركتك السابقة اقتبست فيسبوكي

ياريت تنزعه[

نبع الندى

2011-10-15, 07:24

بصراحة انا هذي الفكرة راني نطبق فيها لكن ما لقيتش تشجيع وبالفعل بديت مع الرياضيات وراني نواجه بعض المشاكل مع التمرين رقم 11 و 10 وتمرين آخر سأذكر ه لكم لا حقا والتفاصيل حول الأسئلة الي ما فهمتهاش , وبالنسبة للأخوة الي يفضلوا الهباج هو مليح جدا بصح كاين فيه أخطاء تلقايه مصحح في حلول الكتاب الموجودة في الأنترنت فمثلا في التمرين الأول يطلب إيجاد A لكن الكتاب يحل بالنهاية مع أن النهاية متعلق بالسؤال الأول فقط , والحل في الإنترنت يطلب منك حصرf (x) بين القيمتين الموجودتين في المجال ولي عودة بإذن الله

mamouche

2011-10-15, 07:34

فكرة رائعة و انا في الحقيقة احل تمارين الكتاب كل يوم على حساب ما نقدر و راني واصلة في التمري 71 و اتمنى انكم تدعولي بالتوفيق و تشجعوني باش نزيد نكمل و الحمد للله راكم معايا وربي يوفقكم ان شاء الله

Jona♥dz

2011-10-15, 08:47

بـــــــارك الله فيك اخي فكرة اكثر من رائــعة

لي عودة ..

بالتوفيــــق للجميع

fantasy world

2011-10-15, 10:59

اخي الحبيب

في مشاركتك السابقة اقتبست فيسبوكي

ياريت تنزعه[
تم بإدن الله

حامل اللواء

2011-10-15, 12:14

شكرا لك جزيت كل خير ....

فريال المحتاجة عفو الله

2011-10-15, 12:30

السلام عليكم
أنا أقوم بهذه الفكرة منذ البداية ( أقوم بحل التمرينات و أصححها من كتاب الميسر الذي يحوي حلول مفصلة لجميع التمرينات تقريبا)
قمت بها في مادة الرياضيات و بصراحة أنا بصدد إختيار التمرينات يعني الساهلين نحلهم هكاك برك بصح الصعاب مثل المسائل الموجودة في الأخير تلزملها قعدة مليحة
و الحمد لله رب العالمين قمت بحل ما يقارب 40 تمرين ( لم أحسب مجرد تخمين فقط )
في الفيزياء بدأت مؤخرا و وصلت فقط في التمرين 10 من الكتاب المدرسي + سلاسل نخرجها من النت أو تقدم لنا في الدروس الخصوصية
أما العلوم فقد حللت 04 تمرينات منذ أن بدأنا الدراسة هههههه الله غالب ضيق الوقت و + فاهمة الحمد لله

حامل اللواء

2011-10-15, 12:54

منافسة اخرى تنظم الى هذه الحملة

اقل ما يقال عنها انها بطلة

عشت يا المحتاجة في امن الله ورعايته

sam41

2011-10-15, 12:58

ممكن نتعاونو ونحلو مع بعضانا هنا

sam41

2011-10-15, 13:01

حليت من 1 الى 21
و 97 112 -111 96-....و تمارينات اخرين يعني كايي كامل فضلي
فيزياء حليت 4
علوم 2
منكذبش عليكم فيزياء رانا مانيش فاهمين والو

حامل اللواء

2011-10-15, 13:03

اختي الكريمة sam41

الحملة قد بدأت وانطلقت

يمكنك الحل في راس جديد

وبعدها نعرض الحل ثم قارني التصحيح بحلك

لكي تستفيدي اكثر

واين اخطأتي اسألي

شيء اخر لو نحل هنا راح نضيع وقت كبير

الخطوة الاولى كما ذكرت افتحي الكتاب والكراس وحلى يااا اختاه

نصيح مني قبل ان اعرض الحل

mamouche

2011-10-15, 13:20

شكرا لك اخي حامل اللواء على الموضوع و انا معاكم في المجموعة حتى الاخير وان شاء الله بربي نستفادوا ونتوفقوا في النجاح في باكالوريا 2012 ربي يوفقنا جميع

حامل اللواء

2011-10-15, 13:29

جميل يلا

الحماس الحماس

ترقبوا الخطوة الثـــــــانية قريباااااااا

lynz hardoussa

2011-10-15, 13:36

السلام عليكم
انا و الرياضيات ما نتفاهموش خلاص لاكن كي شفت حماسكم شوقتوني =)
حليت بعض التمارينات و درنا وحايد في القسم ان شاء الله راح نحطلكم الحل النموذجي تع الاستاذة
بالنسبة للعلوم حليت تمارينات الوحدة الاولى كامل و عطيت الاستاذة تحلهم و قتلي صحاح
الفيزياء (chui + forte en chimie .. c pour ça vous pouvez me posez des Qs )
اذا حابين نحطلكم التمارينات لي حليتها ماكانش مشكل

بالتوفيق ان شاء الله

بشرى ملاك

2011-10-15, 13:38

آآآآآآآآآآآآآآآآآآ الله يبارك عليكم ناااااشطين والله فكرة جد رااااااااااااااااااااااااااااااااااااائعة سأشارككم في الامر وأكيد من يماااااااااانع
......؟؟؟؟؟؟؟؟؟؟؟؟؟؟؟؟؟؟؟؟؟؟؟

rima3571

2011-10-15, 13:40

------------------------------------------------------------------------------------------------------

rima3571

2011-10-15, 13:49

السلام عليكم

عجبتني هذي الفكرة بزاف و انا راني بديتها في اليوم الأول من الإضراب

و حليت التمارين تاع الوحدة الأولى النهايات و الإستمرارية من 1 إلى 80

و وجدت مشكلة في التمرين 76ص 32 السؤال رقم 5

كيفية دراسة إشارة الفرق f(x) + 3/2 x

حامل اللواء

2011-10-15, 19:20

اهلا وسهلا بكم

اول خطوة وهي حل 10 تمارين من السلسلة الاولى على الكراس

يلا من يكمل 10 تمارين يخبرني الاولى

حامل اللواء

2011-10-16, 19:14

من اكمل 10 تمارين ....؟!

bahayou

2011-10-16, 19:56

Merci pour l'idée brillante
Mais comment faire

mamouche

2011-10-16, 20:11

السلام عليكم
انا و الرياضيات ما نتفاهموش خلاص لاكن كي شفت حماسكم شوقتوني =)
حليت بعض التمارينات و درنا وحايد في القسم ان شاء الله راح نحطلكم الحل النموذجي تع الاستاذة
بالنسبة للعلوم حليت تمارينات الوحدة الاولى كامل و عطيت الاستاذة تحلهم و قتلي صحاح
الفيزياء (chui + forte en chimie .. C pour ça vous pouvez me posez des qs )
اذا حابين نحطلكم التمارينات لي حليتها ماكانش مشكل

بالتوفيق ان شاء الله

سلام اختي ان امكنك ان تساعديني في فهم الفيزياء و جزاك الله خيرا فانا اواجه صعوبة مع فهم الوحدة الاولى

karimbigboss

2011-10-16, 20:26

Voila les 5 parties http://www.djelfa.info/vb/showthread.php?t=562015

فريال المحتاجة عفو الله

2011-10-16, 21:35

من اكمل 10 تمارين ....؟!

سلام أخي
إن كنت تقصد الـ 10 تمرينات الأولى للكتاب فالحمد أكملتها منذ فترة
و الآن بعد خروجي من المنتدى رايحة نحل التمرينات الأخيرة من 83 و روح ( فيهم من سأعيد حله لأن بهم أفكار شاملة حول دراسة الدوال)

عملت الدروس الخصوصية اليوم والله الأمور بدات تصعاب شوية مي لازم المراجعة و حل التمارين كيما قلت - جميع تمارين الكتاب - حتى يسهل الأمر علينا

سلام

حامل اللواء

2011-10-16, 22:58

انا وصلت حتى 65

وان شاء الله غداا ااكملهم

طبعا اعدتهم حوالي مرتين 65 تمرين

kesharo

2011-10-16, 23:11

سلام عليكم سأنظم أليكم هه
لو كان هناك أي موضوع حول الدلااسة أو أي شيئ مثل هذه الحملات أخبروني رأيت الموضوع الأن فأنظم أليكم مباشرة ههه

kesharo

2011-10-16, 23:12

انا وصلت حتى 65

وان شاء الله غداا ااكملهم

طبعا اعدتهم حوالي مرتين 65 تمرين

هل تملك وقـت لكي تحل 65 تمرين؟؟ و كم مدة أستغرقت؟؟

حامل اللواء

2011-10-16, 23:18

اكيد يوجد الوقت

فترة الاضراب كثيرة تكفي لحل مليون تمرين اخي الحبيب

اذا كان وقتك لا يكفي فاسهر بحل التمارين

في الحقيقة انا لست مقيد بوقت

ادرس حتى اتعب ــ اكره ــ ثم استريح

هذا ماكان

kesharo

2011-10-16, 23:21

أنا أحل التمارين بعيني صراحة أراها فأتخيل حلها و طريقة الحل

حامل اللواء

2011-10-16, 23:26

أنا أحل التمارين بعيني صراحة أراها فأتخيل حلها و طريقة الحل

لا حول ولا قوة الا بالله

تلك كانت عادتي احل التمارين في رأسي لما اذهب الى الورقة كلش خاطىء

هههه

اخي انزع هذه العادة منك

حط التمرين وخبي الحل وحل التمرين ثم قارن بالتصحيح

الطريقة التى ذكرتها لم تفدني ابداا بل ضيعتني

وانت دير حسابك

kesharo

2011-10-16, 23:35

لا حول ولا قوة الا بالله

تلك كانت عادتي احل التمارين في رأسي لما اذهب الى الورقة كلش خاطىء

هههه

اخي انزع هذه العادة منك

حط التمرين وخبي الحل وحل التمرين ثم قارن بالتصحيح

الطريقة التى ذكرتها لم تفدني ابداا بل ضيعتني

وانت دير حسابك

هههه
صحيح
كم معدلك السنة الماضية؟؟

حامل اللواء

2011-10-16, 23:38

كم معدلك السنة الماضية؟؟

سؤالك محرج يا فضيلة الشيخ

لكن جاء من اخ عزيز

مستواي ضعيف جدااا و راني غير نطبع

طلعت بمعدل(حذف). لكن احاول ان احسن مستواي

سؤال معاكس ومعدلك ؟

kesharo

2011-10-16, 23:41

سؤالك محرج يا فضيلة الشيخ

لكن جاء من اخ عزيز

مستواي ضعيف جدااا و راني غير نطبع

طلعت بمعدل 14.. لكن احاول ان احسن مستواي

سؤال معاكس ومعدلك ؟

مابك؟؟ أنا مثلك هههههههههههه

حامل اللواء

2011-10-16, 23:42

مبروك على اخاك

لكن انا سألت عن كم معدلك العام الماضي

ملاحظة ،

هو انت عندك الخبرة وانا قاعد نتفلسف عليك ههههه

kesharo

2011-10-16, 23:45

أنا معدلي العام الماضي هو حذف مثلك ههه + هذا العام عندي الباك كيما نتا وش راه ايسنا فينا ههه

حامل اللواء

2011-10-16, 23:46

ههههههه ما تفكرنيش

ربي يجيب الخير

صحاب 16 واش داروو يرحم والديك؟

kesharo

2011-10-16, 23:48

كل واحد واش دار كاين لي راهو في تلمسان يتخبط ف l ecole preparatoire كاين لي راه في بومرداس هذيك تاع محروقات كاين لي راح طب ولا صيدلة ولا طب اسنان
هذا واش كاين ف دزاير هههه

kesharo

2011-10-16, 23:50

لكن شيئ رائع

حامل اللواء

2011-10-16, 23:50

ولله يجيب الخير

سأخرج لننوم يا اخي

اعانك الله

kesharo

2011-10-16, 23:52

أنا أيضا سأحل تمرين و أنام هه

mouhamad2009

2011-10-17, 13:33

عندك الحق أنا جد آسف
الحديت معك أخي أكثر من شيق
سوف أبعت لك رسالة و لكن من الفايس بوك تيعي ولا الايمييل
ياجماع اريد الانظام اليكم انا hiji.li@yahoo.com هدا بريدي الخاص بالفايسبوك وانتم

kh.dz

2011-10-17, 13:41

في الحقيقة العام الماضي كانت عندي ...

اظنــه جيّـــد وممتاز

سعره غالي 500 دج للجزء الواحد

يحتوي على 5 اجزاء

زائد الفزياء وو

يعني بقرة وبنتها ـــــــــ انا شخصيـــا ما اشتريته لارتفاع سعر

الكتاب رائع يطيك تمارين الكتاب حلول بالتفصيل الممل + الدرس طبعا مختصر + تمارين اضافية محلولة ايضااااا

ملاحظة :

عندك طابعة بالبيت ؟
عندكم مكتبة في الثانوية ؟

اخي كتاب الهباج في الرياضيات مفيد لكن يغلط بزاف وثاني يحل غير التمارين الساهلة اما الصعيبة يخليها ،،
وحنا واش الفيدة كي مانلقاوش الحل تاع التمارين الصعيبة ،، انا شريت واحد ،، وهبطت الاجزاء الخمسة ــ
اما في الفيزياء عند 2 اجزاء بصح مجاوبين تقريبا على كامل التمارين مكانش مشكل فيه ـ
وفيهم امتحانات نموذجية ،،ـ

حامل اللواء

2011-10-17, 18:14

ياجماع اريد الانظام اليكم انا hiji.li@yahoo.com هدا بريدي الخاص بالفايسبوك وانتم

اخي الحبيب سعدنا لانظمامك الينا حللت سهلا

االياهو لا ندعمه

mamouche

2011-11-11, 19:01

السلام عليكم انا و صلت في حل التمارين الى وحدة الاشتقاقية و وجدت نفسي عاجزة عن حل تمارين هذه الوحدة فان امكنكم ان تساعدوني في كيفية حلها و جزاكم الله كل حير