انتهت الرحلة........

[soriaalg]

السلام عليكم ورحمة الله وبركاته
متخرجة مهندس دولة اعلام الي كغيري من الشباب حرثت الارض للبحث عن عمل صرفت ما صرفته للتنقل بين المؤسسات من اجل وضع ملفات لا تعد ولا تحصى في يوم من الايام ذهبت لمدرسة متوسطة لوضع ملفي عندهم قال لي المدير نحن بحاجة ماسة لمثل شهادتي وبسرعة اعطاني الموافقة وقال لي بالحرف انا ساخذ ملفك للاكاديمية لانهم سيهملونك او يتاخرون عليك ونحن محتاجينك صدقوني وصلت للسماء من الفرحة وتوقعت اني سارجع للمنزل وانا طايرة مش نمشي مر اسبوعان ولم يحدث شيء قررت الذهاب لتلك المدرسة وقابلت المدير فبحث عن ملفي وبصراحة لم يتذكرني لكنه وجد ان ملفي قد ارسل ومسجل تاريخ الارسال والاستلام اخذ المدير وهو انسان طيب جدا جدا ورقة وقال لي يا بنتي ان وفيت بوعدي والباقي عليكي انتي اذهبي للاكاديمية واعطيهم هذي الورقة وكتب لي فيها رقم الملف وتاريخ الاستلام ووجهني الى اي ادارة ساتجه المهم لم اياس وذهبت فقابلوني وهبلوني روحي لفلان وفلان يقولي شوفي علان ورحت اتنقل بين المكاتب ثم عدت للمكتب الاول فلم اجد الموظف المعني قالت لي زميلته انه لا يحب الجلوس فس مكتبه وهوايته التنقل بين المكاتب ثم اتصلت به وقالت له ارواح تخدم خدمتك فجاء بعد طول انتظار قال لي انتي من وين جيتي احنا اصلا لا نستقبل الملفات رانا نكذبو عليكم ونرمو فيهم ونحرقو فيهم هذا ما قاله لي بالحرف فقلت له انا مرسولة من طرف صاحب العمل وهذي الورقة تحمل رقم الملف وتاريخ الاستلام يعني شيء مؤكد مش نلعب وقطعت 160 كيلو لتقول لي هذا الكلام فبدأ يتمتم وبدا يقلب في الاوراق حتى بين الجرايد المهم يمثل عليا انو يحوس وبهدها قال لي هاتي الورقة وولي نهار اخر فقلت له مثل ما ضيعت الملف ستضيعها لن اعطيها لك أخذ ورقة وكتب فيها المعلومات وينظر لي اخرجي وما توليش :confused::confused: في قلبو المهم بعدما حلمت اني وجدت وظيفة ونشف ريقي اني وجدتها بكل بساطة حرقولي حلمي لانو السيد برك مش حاب يحوس
اعلم ان مشكلتي ليست جديدة وليست فريدة من نوعها فقد حرت هل انسى الملف وابدا رحلة جديدة للبحث عن وظيفة واعود لهواية وضع الملفات ام اصر على ان ابحث عن الملف مع العلم اني اقطع مسافة 160 كيلو للوصول للاكاديمية ؟؟ ارجو ان تفيدوني اخوتي ومن لم يعرف فقط ادعولي ربي يجازيكم كل خير

[mouh 05]

لا ابقاي عقابو حتى يجبدو وجوه الهم يديرو هكدا و حاكمين لي بوسك يضالو يدورو مدام عندك دليل بلي وصلهم تقدري حتى توصليها للمدير تاعو
لا تقنطي من رحمة الله و ربي يفرج علينا و عليك

[soriaalg]

لا ابقاي عقابو حتى يجبدو وجوه الهم يديرو هكدا و حاكمين لي بوسك يضالو يدورو مدام عندك دليل بلي وصلهم تقدري حتى توصليها للمدير تاعو
لا تقنطي من رحمة الله و ربي يفرج علينا و عليك
امين يارب العالمين ربي يوفقك خويا جزاك الله كل خير

[liverpool06]

يا اختي اطلعي للمدير تاعو ،، و ماتديريش روحك عاقلة باش مايبروفيتوش فيك
نصيحة من عندي روحي نهار الاحد للأكادمية من 8 تاع الصباح و الصقي فيهم مادام عندك وثيقة تثبت وجود الملف عندهم مايقدرو يقضولك والو ،، المهم الموضف هاداك ماتزيديش تهدري معاه ،، قوليلو وين راه المدير و لا شاف سيرفيس ،، باش يخاف
اون بليس انتي ماتخافي من والو ماعندهم مايقضولك ،، و في الاخير لي كاتبتلك تديها و لي مش كاتبتلك تعييك
ربي يوفقك ختي

[ندرومة49]

واش نقلك بلادنا تعب

الملاحة ماتدي والو

قباحة مايقضولكش يهنوك وبعدها ينساوك

حلها

أن تدعين الله


ربي يوفقك أختي ويفرجها عنّك

[hanouna2011]

ربي يفرج عليك اختي

[soriaalg]

امين يااااااااااااااااااااااااااااااااارب ربي يفرج على كل مؤمن وربي يوفقكم خاوتي ربي يجازيكم كل خير سامحوني كسرتلكم ريسانكم علابالي كل واحد فيه لي يكفيه لكن ما قدرتش حبيت نفضفض
ان شاء الله كل واحد منكم ربي يعطيه وش يتمنى ياربي بارك الله فيكم

[Nadia82]

لو كنت في مكانك نصمط عليهم ، نشقى ونروح حتى يكرهوا مني الصامط يغلب القبيح ، هكذا باه يتهناو منك يمدلك الموافقة ، هما مادابيهم ماتجيش ، ما تيأسيش ف ي بلادنا كامل مرينا بمثل هذه التجارب ، ماتخليلهومش الفرصة ، لأنك أنت قطعت نصف المشوار والمدير أعطاك الموافقة . ربي معاك وربي هو الرزاق بالتوفيق

[sofiane sora]

انا صحابي كامل ألي حبسو القراية راهم خدامين الي في المدارس الي دخل للجيش الي يخدم في البلدية .... و الله الى راني ندمان ألي قريت ضروك راني قايس ديبلوم ليسانس في ادارة الموارد البشرية في الخزانة .
ما خليت لا مؤسسة خاصة لا عند الدولة بغيت ادماج و لا خدمة و اي خدمة حتى و اذا كانت خاطي الاختصاص تاعي قالك مكاش و المشكل من عند العساس تاع الباب ما تزيدش ايه و باه توصل للمدير يلزملك قاوي تاع الصح بغيت ندخل للجيش انا عندي 23 قالك فاتك العمر كبرت ... حسيت روحي شيباني بهاذيك الهدرة تاعهم و قالك حتى لبوليس باغيين يرجعوها فوق 23 و تبغي تدفع أوفيسي ايه يلزملك تكون تعرف فلان اوفلان ...على فكرة انا بغيت ندير الماستر بصح ما قبلونيش عندي المعدل 11.30 بصح داخل لاترباج خطرة .
ربي ووكيلهم الي هوما السبب و الله ما نسمحلهم .

[kouider80]

يا أختي الكريمة إصبري و ما صبرك إلا بالله عسى الله يفرج همك لا تقنطي من فرج الله و رحمته
أما بخصوص مشكلتك فأنصحك بالذهاب يوم الإثنين و طلب مقابلة المدير و أحكي له كل شيء عسى يرد لك اعتبارك هذا إن كان ليس مثلهم و إن كان مثل باقي موظفيه فما عليك إلا بالدعاء ربي ياخذهم و يبدلهم بناس شرفاء يخدموا بنيتهم و يخافون من الله

[عروبتي]

ربي يفرج عليك اختي انتي ماتسكتيش على حقك بصح ماتتكليش على هذا العمل بل ابحثي عن عمل في اي مكان اخر

[soriaalg]

انا صحابي كامل ألي حبسو القراية راهم خدامين الي في المدارس الي دخل للجيش الي يخدم في البلدية .... و الله الى راني ندمان ألي قريت ضروك راني قايس ديبلوم ليسانس في ادارة الموارد البشرية في الخزانة .
ما خليت لا مؤسسة خاصة لا عند الدولة بغيت ادماج و لا خدمة و اي خدمة حتى و اذا كانت خاطي الاختصاص تاعي قالك مكاش و المشكل من عند العساس تاع الباب ما تزيدش ايه و باه توصل للمدير يلزملك قاوي تاع الصح بغيت ندخل للجيش انا عندي 23 قالك فاتك العمر كبرت ... حسيت روحي شيباني بهاذيك الهدرة تاعهم و قالك حتى لبوليس باغيين يرجعوها فوق 23 و تبغي تدفع أوفيسي ايه يلزملك تكون تعرف فلان اوفلان ...على فكرة انا بغيت ندير الماستر بصح ما قبلونيش عندي المعدل 11.30 بصح داخل لاترباج خطرة .
ربي ووكيلهم الي هوما السبب و الله ما نسمحلهم .




خويا ربي يفرج عليك انا راني صح حابة نخدم لكن كي نشوف شاب كيما وضعيتك والله العظيم غير يغيضني الحال لانو مهما كانت الطفلة مضطرة للعمل الشاب مجبر ربي يفرج عليك خويا ويعطيك وش تتمنى ان شاء الله عاجلا غير اجل

[soriaalg]

لو كنت في مكانك نصمط عليهم ، نشقى ونروح حتى يكرهوا مني الصامط يغلب القبيح ، هكذا باه يتهناو منك يمدلك الموافقة ، هما مادابيهم ماتجيش ، ما تيأسيش ف ي بلادنا كامل مرينا بمثل هذه التجارب ، ماتخليلهومش الفرصة ، لأنك أنت قطعت نصف المشوار والمدير أعطاك الموافقة . ربي معاك وربي هو الرزاق بالتوفيق
يعيشك اختي على كلامك بارك الله فيك وربي يجيب الخير للجميع ان شاء الله وشكرا جزيلا على النصيحة

[soriaalg]

يا أختي الكريمة إصبري و ما صبرك إلا بالله عسى الله يفرج همك لا تقنطي من فرج الله و رحمته
أما بخصوص مشكلتك فأنصحك بالذهاب يوم الإثنين و طلب مقابلة المدير و أحكي له كل شيء عسى يرد لك اعتبارك هذا إن كان ليس مثلهم و إن كان مثل باقي موظفيه فما عليك إلا بالدعاء ربي ياخذهم و يبدلهم بناس شرفاء يخدموا بنيتهم و يخافون من الله


ونعم بالله الحمد لله على كل حال ربي يجازيك كل خير ويوفقك لما يحبه ويرضاه ان شاء الله ياربي ما يكونش المدير كيفهم وربي فوقهم كاملين شكرا على نصيحتك

[الامل في الله]

شوفي اختي انا رايحة نسقسيك على اي اساس رايحة تتوظفي ادا كان منصب ترسام طول الشيئ الدي اعرفه انه في الوظيف العمومي لازم تكون مسابقة و يكون الاعلان عنها في الجريدة اما ادا كان ادماج روحي للمدير يعطيلك موافقة عمل و روحي بيها لنام و ربي يكون في عونك

[شريان الحياة1988]

السلام عليكم اختي انصحكي بمسابقات الوظيف العمومي لكن لازم تقراي حاجة ماتجي بالساهل عوض ما ضيعي وقتك المفروض من جانفي 2011 و انتي تقراي في المواد لي رح تجوزيهم في المسابقة و ربي يفرج ان شاء الله .وعلاش ماخدمتيش البطاقة الزرقاء على الاقل تضمني عمل مؤقت و انتي فتاة يعني مش محتاجة عمل براتب عالي غير اذا رح تخدمي على الدار .و اذا ما صبتيش كامل خدمة اقعدي فالدار او روحي اقراي في كاش مركز تكوين مهني اذا ما حبيتيش تقدي فالدار .
المهم عندك 3 حلول
- مسابقات التوظيف العمومي
- لانام
- الدراسة في مركز تكوين مهني

[islammedia]

ربي يفرج عليك أختي

[soriaalg]

السلام عليكم اختي انصحكي بمسابقات الوظيف العمومي لكن لازم تقراي حاجة ماتجي بالساهل عوض ما ضيعي وقتك المفروض من جانفي 2011 و انتي تقراي في المواد لي رح تجوزيهم في المسابقة و ربي يفرج ان شاء الله .وعلاش ماخدمتيش البطاقة الزرقاء على الاقل تضمني عمل مؤقت و انتي فتاة يعني مش محتاجة عمل براتب عالي غير اذا رح تخدمي على الدار .و اذا ما صبتيش كامل خدمة اقعدي فالدار او روحي اقراي في كاش مركز تكوين مهني اذا ما حبيتيش تقدي فالدار .
المهم عندك 3 حلول
- مسابقات التوظيف العمومي
- لانام
- الدراسة في مركز تكوين مهني
شكرا جزيلا لك اختي بالنسبة للبطاقة الزرقاء خدمتها منذ مدة طويلة ولم اوظف بعد
على فكرة المسباقات لدي صديقة لي تعمل في الجامعة قالت انها وضعت ملفها وانا والكثير من صديقاتي المساكين كي رحنا قالت مازال اصلا لم نعلن ومش نشدو في لي دوسي
يا اختي وصل التعفن لاقصى درجاته حسبي الله ونعم الوكيل
ربي يجازيك كل خير اختي كلامك اسعدني وربي يوفقك ويعطيك وش تتمني ان شاء الله ياربي ويفرج على كل مؤمن

[soriaalg]

شوفي اختي انا رايحة نسقسيك على اي اساس رايحة تتوظفي ادا كان منصب ترسام طول الشيئ الدي اعرفه انه في الوظيف العمومي لازم تكون مسابقة و يكون الاعلان عنها في الجريدة اما ادا كان ادماج روحي للمدير يعطيلك موافقة عمل و روحي بيها لنام و ربي يكون في عونك
امين يارب لا لا هذي في اطار ادماج حاملي الشهادات
بارك الله فيك وجزاك الله كل خير

[soriaalg]

ربي يفرج عليك أختي
امين يارب ربي يحفظك شكرا جزيلا لك

[الامل في الله]

يا بنتي بما انك سوف تعملين في اطار الادماج هزي البطاقة الزرقاء و روحي لبيرو مندافر درك يعطوك رسالة توجيه و عقد العمل و وين يوجهوك روحي و راكم اطارات ماتخلوش من جاء يعقب فيكم كيما موظف الاكاديمية اسفة لكنك غضتيني