شادي الصالح الخرباشي
2011-10-13, 11:14
]جاني طيف اخْيال مَتْعدّي لَجْبالْ….. ليْلي منَّهْ طالْ ما طالَعْلي انْهارْ
عنْدي دهْر اطْويل وانا حالي حالْ….. درْبي كلَّهْ شوكْ منْ همّي مَحْتارْ
ياضافي لجْناح بعْدي عنْهمْ طالْ…....مانعْرفْ كيفاه فيهمْ بعْدي صارْ
باللّهْ يالوكانْ عنْهمْ منّي اتسالْ…..وطَّفّي لوْعاتْ تكْوي نعْت الناّرْ
حبْلي واهي غيْر ماهنّاني الْبالْ….. واللّي راحتْ جاتْ ماجابتْلي اخْبارْ
عنّي عاصي الوصْل دونهْ يمْ اهْوالْ…. واللّي منّي راحْ ماردّاتو اشْعارْ
ياسامعْني الْيومْ ماني هاوي اغْزال….. هذا ملّي فاتْ شعْري وَحْنا اصْغارْ
عنّدي قصّ اليومْ جلْبتْلي لَخْْبالْ…..منها قلْبي راح ياخالي أشْطارْ
يا وَخْذي وشْحالْ عانيْنا ياخالْ….. نحْيى غرْبَ الْيومْ وحْنا وسْط الدّارْ
قالولي وشْبيكْ يا شاعرْ بطّالْ….. وَنْتايا خرِّّيجْ جامعَت أدْرارْ
اعْقود التَّشْغيلْ فيها بعْض المالْ….. دوْلتْنا في ذاكْ صَدْرت القارارْ
قُلْت كْلام الناّسْ خالي ملْموحالْ ….. وانا واشْ خْسرْت كينجْني دينارْ
منْ غدٍّي هزّيتْ همّي كيحمّال…..وطْريقي ساعاتْ تبْدى من دُوّارْ
ماني عارفْ وَيْن واكالتْ لَشْغالْ….. درّاهالي بعْض منْ ليها زوّارْ
كِليْها وصَّلْت لاقاني مخْتالْ….. وَرْشقْني بسْهام منْهمْ يا ستّارْ
قُتْلو يا أُستاذْ يا صارفْ لَعْمالْ….. آنايا خرِّيجْ دهْرُو عنّو جارْ
أعْطيلي لعْقودْ نَرْضى بلْعتّال…..تكْفيني خُبْزات ما يلْحقْني العار
ْحدَّقْ في عيْنايْ ساخرْ منّي وْقالْ….. أنْتايا محْروم ْخالي ملْمعْيارْ
ستَّهْ وَثْلاثينْ في سنَّكْ يا ضالْ…..أُوهذا القانونْ صادرْ بلْقارارْ
قتْلو وين نْروحْ أنْصحْني يا دالْ….. ردُّو يا لَخوان ْ مخِّي منّهْ دارْ
وَجَّهْني للْميرْ نشْتاغلْ بطّالْ…..والشّاهادهْ قال أرميها للْفارْ
بيَّهْ دار الْكوْن قاعدْ يا لَبْطالْ….. حاسسْ دمّي فيهْ يسْري كيتيّارْ
وتْشلّلْ لُكْراعْ صايرْ فيهْ شْكالْ….. نحْسبْ روحي هازْ أعْتى منْ قُنْطارْ
قتْلو آنا جيْتْ منْ بلْدات لْقالْ….. ودْزايرْلُحودْ والسّادهْ لبْرارْ
والسلام عليكم
.......
هذا النمط الشعري يمكن قراءته على طريق الملحون او النبطي وليكن اسمه الخرباشي
عنْدي دهْر اطْويل وانا حالي حالْ….. درْبي كلَّهْ شوكْ منْ همّي مَحْتارْ
ياضافي لجْناح بعْدي عنْهمْ طالْ…....مانعْرفْ كيفاه فيهمْ بعْدي صارْ
باللّهْ يالوكانْ عنْهمْ منّي اتسالْ…..وطَّفّي لوْعاتْ تكْوي نعْت الناّرْ
حبْلي واهي غيْر ماهنّاني الْبالْ….. واللّي راحتْ جاتْ ماجابتْلي اخْبارْ
عنّي عاصي الوصْل دونهْ يمْ اهْوالْ…. واللّي منّي راحْ ماردّاتو اشْعارْ
ياسامعْني الْيومْ ماني هاوي اغْزال….. هذا ملّي فاتْ شعْري وَحْنا اصْغارْ
عنّدي قصّ اليومْ جلْبتْلي لَخْْبالْ…..منها قلْبي راح ياخالي أشْطارْ
يا وَخْذي وشْحالْ عانيْنا ياخالْ….. نحْيى غرْبَ الْيومْ وحْنا وسْط الدّارْ
قالولي وشْبيكْ يا شاعرْ بطّالْ….. وَنْتايا خرِّّيجْ جامعَت أدْرارْ
اعْقود التَّشْغيلْ فيها بعْض المالْ….. دوْلتْنا في ذاكْ صَدْرت القارارْ
قُلْت كْلام الناّسْ خالي ملْموحالْ ….. وانا واشْ خْسرْت كينجْني دينارْ
منْ غدٍّي هزّيتْ همّي كيحمّال…..وطْريقي ساعاتْ تبْدى من دُوّارْ
ماني عارفْ وَيْن واكالتْ لَشْغالْ….. درّاهالي بعْض منْ ليها زوّارْ
كِليْها وصَّلْت لاقاني مخْتالْ….. وَرْشقْني بسْهام منْهمْ يا ستّارْ
قُتْلو يا أُستاذْ يا صارفْ لَعْمالْ….. آنايا خرِّيجْ دهْرُو عنّو جارْ
أعْطيلي لعْقودْ نَرْضى بلْعتّال…..تكْفيني خُبْزات ما يلْحقْني العار
ْحدَّقْ في عيْنايْ ساخرْ منّي وْقالْ….. أنْتايا محْروم ْخالي ملْمعْيارْ
ستَّهْ وَثْلاثينْ في سنَّكْ يا ضالْ…..أُوهذا القانونْ صادرْ بلْقارارْ
قتْلو وين نْروحْ أنْصحْني يا دالْ….. ردُّو يا لَخوان ْ مخِّي منّهْ دارْ
وَجَّهْني للْميرْ نشْتاغلْ بطّالْ…..والشّاهادهْ قال أرميها للْفارْ
بيَّهْ دار الْكوْن قاعدْ يا لَبْطالْ….. حاسسْ دمّي فيهْ يسْري كيتيّارْ
وتْشلّلْ لُكْراعْ صايرْ فيهْ شْكالْ….. نحْسبْ روحي هازْ أعْتى منْ قُنْطارْ
قتْلو آنا جيْتْ منْ بلْدات لْقالْ….. ودْزايرْلُحودْ والسّادهْ لبْرارْ
والسلام عليكم
.......
هذا النمط الشعري يمكن قراءته على طريق الملحون او النبطي وليكن اسمه الخرباشي