طاجين الدوارة بالزيتون الاخضر من مطبخي

[/زهرة عصفور الجنة/]

وصفة سهلة ولذيذة في نفس الوقت دوارة غلمي منقية وقطعة قطع صغيرة راس ثوم كبير ملح كمون ربطة حشيش طماطم مصبرة حمص منقوع زيتون اخضر من دون نواة.نبدأ بتحضير الزيتون ننقعه في الماء مع قطعة خز يابس لامتصاص الملح بهذا يحتفظ على نكهته ولونه.في هلون او مهراس نهرس راس ثوم مع ملح وكمون لمحبي الاكل الحار يمكن اضافة فلفل دريس نقلي قطع الدوارة مع الدرسة على نار هادئءة نمرق قليلا بعدها نضيف الطماطم المصبرة لحص والماء الكافي نغلق طنجرة الضغط ولا ننسى اضافة ربطة الحشيش لي هو القصبر نحسب حوالي 35د نضيص الزيتون وشهية طيبة.يمكن ايضا اضافة شرائح من الجزر للطبق تؤكل مع المطلوع

[majda archi]

مممممممممممممممم شهتيني ويعطك الصحة.خسارة غير لوكان جات مرفقة بصورة للطبق

[/زهرة عصفور الجنة/]

في العيد ان شاء الله نصورها ونحطهالكم

[ام خديجة1]

الله الله عليك اختي منى طبق يشهي وخصوصا بالزيتون

[ليساء11]

مممممممممممممممم شهتيني ويعطك الصحة

[/زهرة عصفور الجنة/]

الله يعافيكم

[جيجلية]

باينة بنينه

شكرا على الوصفات الرائعة اللي تقدميهانا

[/زهرة عصفور الجنة/]

شكرا اخيتي

[bassamat]

شكرا اختى منى

[/زهرة عصفور الجنة/]

العفو اخت بسمات

[أم القادة]

http://forum.tawwat.com/images-topics/images/rd/0011.gif

[/زهرة عصفور الجنة/]

وفيكي بارك الله ام قادة

[أم سيرين1]

يعطيك الصحة اختي يبان بنين بزاف انا ماعمري درت الدوارة بالزيتون فكرة جديدة ان شاء الله نجربها
الف شكر غاليتي على الوصفة الله يجزيك كل خير

[my lamis]

يطيك ألف عافية صحيتي على الوصفة صح سمعت بيها بصح جامي جربتها متخيلتش بنة الدوارة مع بنة الزيتون بصح باينة حلوة و نشالله نجربها و ثان سمعت بالدوارة مع الطعام إسمحيلي نسقسيك إذا تعرفيها يعني يطيبو الدوارة عادي و سقو بيها الطعام كيما المرق و لا كيطيبو كلشي إخلطوهم مع بعض و قدموهم و مشكورة ختي


http://www10.0zz0.com/2011/11/30/14/561876539.png

[ميمنة الجزائر]

يطيك ألف عافية صحيتي على الوصفة صح سمعت بيها بصح جامي جربتها متخيلتش بنة الدوارة مع بنة الزيتون بصح باينة حلوة و نشالله نجربها و ثان سمعت بالدوارة مع الطعام إسمحيلي نسقسيك إذا تعرفيها يعني يطيبو الدوارة عادي و سقو بيها الطعام كيما المرق و لا كيطيبو كلشي إخلطوهم مع بعض و قدموهم و مشكورة ختي


http://www10.0zz0.com/2011/11/30/14/561876539.png

لالايا اختي هذيك يسموها عصبانة

ديريها وقطعي كلحوايج الدوارة الا الكرشة وزيديلها شوية رية وشوية لحم تاع الصفاق اذا تعرفيه وتوليها مليح بالبصلة وشوية توم ما شي بزاف قدر حبتين لا غير وزيدي القصبر المرحي والدبشة اي القصبر اخضر وايضا التوابل مثل الفلفل اسود الملح الفلفل الحمر بنوعيه الحار والحلو وزيديلها شوية تاع الروز ماشي طايب وحطيها فالاكياس تاع الكرشة اللي راكي تكوني منضفتها ومخيطتها بخيط خشينبالمسلة صغيرة

ودير البرمة ديالك بنفس التوابل اي الكسبر والفلفا اسود واحمر بنوعيهوالبصل والثوم كبفكيف

غير الارز لا تعمليه ودير اهذيك الكرات يطيبو وامرقيه بالماء سخون وزيدي هحمص مشمخ وزيدي الخرشف والفت

وخليها تطيب مليح في الكوكوت وكي تطيب تكوني درتي الكسكس ديالك بالدهان الحار

وتستفيها في طبسي وتمرقي بالمرقة اللي تزيديلها في الاخير شوية فقط حليب قيس نص فنجان لا غير

والله تجي ما تتشبع وارجو انني افدتك حبيبتي

اما ما يخص الدوارة حنا نديرولها البصلة بزاف ونزيدو في الاخير فلفل حار اخضر يمد البنة فقط ما نحلوهش

[my lamis]

بارك الله فيك ختي ميمنة مشكورة تعبتك و الله شهيتيني فيها نشالله نجربها حنا جامي نديروها و كيسمعت بيها حسبتها دوارة عادي مشكورة مرة ثانية

http://www14.0zz0.com/2011/11/30/22/862313038.png

[ام محمد ميدو]

عزيزتي منى مشكورة على الوصفة لي جاتني شوية غريبة على خاطر ما تعودناش الدوارة بالزيتون:rolleyes: انا زوجي ما يحبش الدوارة بلاك ندير هدي الوصفة بلاك تعجبو سلمت يداك و بارك الله فيك

[جمانة1987]

انا كنت انديرها كي كنت في دارنا قبل ما نتزوج جي هايلة اخذتها من كتاب اطباق اقتصادية للعالية خليفي

[/زهرة عصفور الجنة/]

http://www.d3a7.net/za5arf/shokrmror/4.gif

[jackin]

بارك الله فيــك
شكرا على المشاركة العطرة و الموضوع الجد رائع
نسأل الله لك النجاح والتميز و التوفيق

[/زهرة عصفور الجنة/]

وفيكي بارك الله اختي