و علاش راهم يشيطنوا فيا عليه؟؟؟؟؟

[fifi2009]

يا بنات انا غادي نهبل :(:(:(

البارح عيطتلي خالتي و قاتلي كي دعوتك بغيتي تتزوجي ياك عندك غير 20 سنة قاتلي علاه راكككي مقلقة علاه الناس تتزوج حتي 28 30 سنة ؟
و قاعدة في التلفون تعاير فيا و تقولي صايي بطلي هاد الزواج و روحي قراي و زهاي مع صحاباتك بانلك غير هذا؟؟؟ قاتلي انت بنت البحر و التحواس و التقلاش و تروحي تغمي روحك ''' شوفو الهدرة كي دايرة""
قلتلها انا علاه ربي جابلي مكتوبي و راني باغية قاتلي دوك تملي من الزواج و سيرتو كي تقعدي مع دارهم قاتلي هكااااااا انت درتي البارمي باه تسوقي الطوموبيل و تخدمي و تدي واحد طبيب ولا انجنيار
قالتلي روحي بطلي عليه قلتلها صايي منجمش راهم قراب يجو يشرطوا و قاعدة تعاير فيا و تقولي تروحي للعروبية تع تيارت رحوية ؟؟؟؟ و قاتلي ديتي هدا المدين ؟؟؟؟ :confused::confused::confused: يعني حاج بيت الله مع العلم عندو غير 28 سنة


شيرات انا اليل مارقدتوش و نوضت ماما في اليل و قلتلها بطلت علجال خالتي ايا ماما قالت لبابا و قالها هادي راهي تزعق ؟؟؟؟؟؟؟؟ عاودت رجعت ليا ماما و قاتلي خمي مليح قلتلها انا راني باغياتو علاجالها بطلت قاتلي ماما شوفي لروحك مشي ليها قلتلها راني باغياتو

ااااااااوف استغفر الله العظيم

[رحيق الايمان]

هههههههههه اختي مازال ما عندك ماشفتي راكي اندري تحكي في حكايتي بالصح انا عكسك سديت وذنيا و خليتهم يحكيو خالتي ومرت خالي وبنته قريب ياكلوني كي تخطبت المهم نفس واش صرالك حاجة وحدة ردي بالك نهار الي يجيو اهل الراجل انا راهم حاولو يفسدو كي مالقاوش جيهتي تصوري وحدة عرضت بنتها في بلاصتي تخيلي
نقولك حاجة وحدة جاك مكتوبك روحي ماكلاه تستني ماكش صغيرة 20تفتحي دار المهم تاقلمي ونحي العادات الي ممكن كنتي ديريها تاع اللا مسؤولية ربي يهنيك

[fifi2009]

صحيتي اختي والله المورال نتاعي راه تايح و راني بزاف خايفة

[رحيق الايمان]

اسمعي واش الهدرة هذه هوما حابين يوصلوك لهذا الشئ كون تعقبي واش عقبت واش راني نعقب ظرت واش ديري؟
قتلك حكايتك نفس حكايتي ومن اقرب الناس ليا كيفك بعد بالصح اتكلت على ربي وكملت و خليهم ينبحو حشاك اضربي الدنيا بكودبيي بدام راكي مقتنعة بالسيد وصليتي عليه صلاة الاستخارة خلاص ربي معاك وهوما ما عندهم مايقضو
راني حاسة بيك بالصح اياكي انك تضعفي الا عندك فايس او س ك ب نحكيو افضل

[samssou]

raki ki okhti ana ngoulek rouhi azawji w ahakmi darak 3la rohak hna ki krina wech darna akhretha zwej wchkoun galek beli rayeh tazwji f 28 wala f 30 ana ngoulek choufi hiatek wdeja rassoul 3lih slat wassalem beli ida jakom wahad wykoun 3la din wyarfdouh tkoun fitna fi lard w3labelak beli fitna achad mina lkatl okhayati khami mlih w asmhili ki yfoutak lkitar khaltek mech rayha tssad 3lik.salini ana kima ygoulou mayhass beljamra ghir li 3afes 3liha

[fifi2009]

عندك الحق اختي سومسو

[fifi2009]

اسمعي واش الهدرة هذه هوما حابين يوصلوك لهذا الشئ كون تعقبي واش عقبت واش راني نعقب ظرت واش ديري؟
قتلك حكايتك نفس حكايتي ومن اقرب الناس ليا كيفك بعد بالصح اتكلت على ربي وكملت و خليهم ينبحو حشاك اضربي الدنيا بكودبيي بدام راكي مقتنعة بالسيد وصليتي عليه صلاة الاستخارة خلاص ربي معاك وهوما ما عندهم مايقضو
راني حاسة بيك بالصح اياكي انك تضعفي الا عندك فايس او س ك ب نحكيو افضل

غادي نحل ***** و نحكو فيه لكني غير مسجلة فيه قارعيلي نسجل و ندخل مشكوروةة اختاه

[pomaria_aindefla]

هدي باغت تديهولك

[fifi2009]

لا خالتي متزوجة و بدراري نتاعها

[رحيق الايمان]

راني نستنى فيفي وربي يبارك بنات رايكم صواب

[fifi2009]

*****ي هو nanona355

[marwa50]

okhti etekli ala rabi

madame ajbek errajel wdarkom kabline bih matmedish l'occasion lhta wahed ydeber alik, apar darkom, w en plus errajel mdiyen win telkayha ya3ni ykhaf rabi matetkelki ma walo rabi ykamalek




méme ana kalouli kemelti kraytek wderti permis bah tedi kavi men ain defla ,
mai dok ki tekhtebtlou kamel sektou alor shofi wash yyekhrej alik et rabi yhanike :)

[fifi2009]

sahiti marwa rabi ykhalik lina dimaa

[smilingghost]

سلام اختي
انا اول مرة راح نتدخل في موضوع و السبب انو الموضوع حسيتو يهمني
اختي ان راني من راي خالتك .رتكي مازلتي صغيرة و مزال عليك الوقت على المسؤولية.
انا راني تزوجت 20 سنة و من راجل احبه لكن اختي راني ندمت بزاف وكون يرجع بيا الوقت و الله ما نتزوج غير في سن 30 او 35 .
انا هذه تجربتي و الله لا اريد الا المصلحة لك بالرغم اني لا اعرفك.
تقبلي مروري

[fifi2009]

مشكورة على المرور

[رحيق الايمان]

سلام اختي
انا اول مرة راح نتدخل في موضوع و السبب انو الموضوع حسيتو يهمني
اختي ان راني من راي خالتك .رتكي مازلتي صغيرة و مزال عليك الوقت على المسؤولية.
انا راني تزوجت 20 سنة و من راجل احبه لكن اختي راني ندمت بزاف وكون يرجع بيا الوقت و الله ما نتزوج غير في سن 30 او 35 .
انا هذه تجربتي و الله لا اريد الا المصلحة لك بالرغم اني لا اعرفك.
تقبلي مروري

اختي سامحيني بالصح انا ضدك 20سنة اذا كانت واعية للمسؤولية تتزوج لانه 30 او 35 خلاص كبيرة حاجة وحدة اذا كانت تقرى انا معاك حتى تكمل بالصح واحدة قاعدة في الدار تحكم دارها خيرلها
سامحيني على التدخل

[البنفسجة]

اختي في الله اذا تزوجتي علي 30 زوجك شحال يكون في عمرو هذا الاطفال وقتاش تجيبوهوم وقتاش تربيوهم انا عمري 21 و مقتنعة انو مكان واش نزيد نستنى حتى زوجي صغير ( لكن عقو اكبر من اشخاص في العائلة كبار عليه ب10 سنين ) و مقتنعة تماما و حاسة بلي نقدر ان اء الله 20 سنة راكي واعية تكزني صغيرة اذا خليي شخص اخر يقرر مصيرك في مكانك و عمرك ما راح تقتنعي اذا سمعت دوماللمشوشين هذ الفرصة تحلم بها الكثير اكيد منهن من تفوقك جمالا علما وادبا لا تفرطي فيها وعليك بالاستخارة وربي يجيب لي فيه الخير

[fifi2009]

اختي في الله اذا تزوجتي علي 30 زوجك شحال يكون في عمرو هذا الاطفال وقتاش تجيبوهوم وقتاش تربيوهم انا عمري 21 و مقتنعة انو مكان واش نزيد نستنى حتى زوجي صغير ( لكن عقو اكبر من اشخاص في العائلة كبار عليه ب10 سنين ) و مقتنعة تماما و حاسة بلي نقدر ان اء الله 20 سنة راكي واعية تكزني صغيرة اذا خليي شخص اخر يقرر مصيرك في مكانك و عمرك ما راح تقتنعي اذا سمعت دوماللمشوشين هذ الفرصة تحلم بها الكثير اكيد منهن من تفوقك جمالا علما وادبا لا تفرطي فيها وعليك بالاستخارة وربي يجيب لي فيه الخير

:dj_17:
مشكورة بزاف اختي ربي يحفظك قوليلي راكي متزوجة؟؟؟؟؟؟؟:confused::confused::

[souma32]

فيفي تديري براي الشيرات لي بعيد على القارص يقول حامض انتي ربي جابلك تنستري بالحلال علاه تسمعي للهدرة اي حاجة راه الواحد يبغي يديرها الف رأي يجيه انا تاني كي انخطبت ما يقولوش مبروك لالا و انتي وين راكي رايحة ترمي روحك و هدا منين جاك و هدا كيفاش لو كان تسمعيلهم تكرهي حياتك و هدا لي يحوسو عليه انا تاني صرالي كي رحيق الايمان شركو فامهم و قعدو يعرضو في بناتهم قدام اهل راجلي كل واحدة جابت بناتها و جات خليك من الهدرة و شوفي للرجل حاولي تفهميه و يفهمك

[ليلك الروح]

سلام اختى صح رانى حاسة بيك
مادامك مازلت مشوشة وما راكيش غارفة واش تديري
زيدي صلى صلاة الاستخارة وادعى ربى ينحى عليك هذا الغموض ويصلحلك حوالك اكيد رح ترتاحى ويفرج عليك
شوفى حطى كامل الاحتمالات قدامك يعنى اطرحى كامل التساؤلات وجاوبى
اولا بعد المسافة واختلاف العادات واهم شىء انك تتقبلى عادات اهل زوجك ؟؟؟؟؟
خالتك عندها نقطة ما راهيش غالطة فيها وبلا شك هى راهى خايفة عليك وخايفة ما تتاقلميش مع اهل زوجك بحكم المنطقة الى رايحة تسكنى فيها ....
انا نقولك زيدي خمى مليح الزواج مسؤولية مارانيش نخوف فيك مى لازم تخمى مليح

[البنفسجة]

:dj_17:
مشكورة بزاف اختي ربي يحفظك قوليلي راكي متزوجة؟؟؟؟؟؟؟:confused::confused::

بالعقد الشرعي و المدني كنما زال العرس ;)

[ليلك الروح]

سلام اختى صح رانى حاسة بيك
مادامك مازلت مشوشة وما راكيش غارفة واش تديري
زيدي صلى صلاة الاستخارة وادعى ربى ينحى عليك هذا الغموض ويصلحلك حوالك اكيد رح ترتاحى ويفرج عليك
شوفى حطى كامل الاحتمالات قدامك يعنى اطرحى كامل التساؤلات وجاوبى
اولا بعد المسافة واختلاف العادات واهم شىء انك تتقبلى عادات اهل زوجك ؟؟؟؟؟
خالتك عندها نقطة ما راهيش غالطة فيها وبلا شك هى راهى خايفة عليك وخايفة ما تتاقلميش مع اهل زوجك بحكم المنطقة الى رايحة تسكنى فيها ....
انا نقولك زيدي خمى مليح الزواج مسؤولية مارانيش نخوف فيك مى لازم تخمى مليح .............ما تدى غير مكتوبك حبيبتى

[ياسمين92]

انا من رايي اخطيك ملهدرة تاع النسا و ديري واش كاين في راسك يعني ادا انت راكي مقتانعة بيه و راه عاجبك وعلاش تقولي لالا و صحلك راجل مدين و حاج بيت ربي و يقولولك اخطيك هادو بيهم يخسرو برك
المهم عاودي صلي صلاة الاستخارة و ما تزيديش تخلي اراء الاخرين تتحكم فيك و تقرر مصيرك
اما بالنسبة للاخت اللي قالت نتزوج في 30 و لا 35 سنة انا نقوللها بلي في هاداك الوقت يكون فاتك القطار و ادا صحلك يصحلك من الكرفة تاع الدنيا يعني يا كبير يا ماشي خدام ..............
نصيحة مني اتزوجي صغيرة و ربي ولادك في عقلك و اخطيك ملهدرة تاع الشكيل هادي خرجة و هادا بحر و هادا بارمي و علاش كي تتزوجي راكي حاسبة روحك رايحة تموتي في الدار اكيد رايح يخرجك و يزهيك

[بنت عين وسارة]

حنونتى مزلتى صغيرة انا ثانى مريت ب هاذى تجربة و طرشة وذنية مى رانى مندمة بزاف و لوكان غير سمعة راى غاشى تاخذى راي خمى مليح و خلي قطار يفوتك خير من يفوت عليك عيشى حياتك فى غرضك زواج مشى هارب عليك و خالتك فى بلاسة ماماك و يماك مسكينة راهى تالفتلها عليها متعرفش تدبر عليك ربى يوفقك حنونة صلي و دعى

[الماسة الحساسة]

اختي الصراحة راحة يلك صح مازولتي صغيرة و الزواج او مسؤلية و لكن انا ضد التدخل نتاع خالتك وانتي نورمالمو ماتسمعي حتي احد شوفي غقلك واش راه ايقول وغي خطيك من او نحبو كيتشوف لصح المستقبل نتاعك ونتاع ولادك اهم المهم اختي زبي يهديك وماتنسايش الاستخارة ويلا داقت بيك الاحوال ادعي ربي يفرج علينا كامل رانا نعومو في نفس البركة

[بنت عين وسارة]

نتمنى انو تعجبك نصيحتى سقسى ل مجرب و متسقسيش طبيب

[ريكا ايموا]

نتي تاني شيطنيهوم
^^ bon courag =)

[ام مريم الجزائرية]

السلام عليكم مبارك عليك اختي وربي يكملك ونتمناو لك الهنا لينا وكامل الاخوات
شوفي اختي اولا 20 سنة ماكيش صغيرة راكي بالغة وعاقلة وتميزي المليح من الدوني انا تزوجت على 19 سنة والحمد لله مانيش نادمة وربي رزقني الاولاد ربي يهديهعم وينبتهم نباتا حسنا في هذا الوقت صعيب تصيبي راجل راجل راه كاين الذكور برك الا من رحم ربي خمي مليح
انا صرالي هكا مع عمتي ولكن ماسمعتلهااااااااش والحمد لله ربي يدوم الهناء
اما الاخت اللي قالت 30 او 35 ربي والرسول ماقالش تزوجوا بهذاك السن احنا مسلمين نخموا في الزوال للتكاثر ليباهي بنا الرسول الكريم في هذاك السن وينة تولدي وينة تربي وووووو الله يهدينا ماتزعفيش من ردي لازم نمشوا بالشرع في كل حاجة
نزيدك حاجة توكلي على ربي وخلي نيتك خالصة لله يفرج عليك وماتنسايش سقسي مليح على العريس اولا
سمحيلي راني طولت عليك بصح لازم
ربي يوفقنا للخير

[احرار]

السلام ما تظلميش خالتك يا اختي بالاك عندها الحق قالك الي فايتك بليلة فايتك حيلة هي راهي متزوجة و تعرف الزواج راهو ماشي ساهل خاصة اذا والفتي نوع من المعيشة مثل الحرية كما قالتلك خالتك البحر و الطنوبيل ....كي تتزوجي تروح هذه الحرية خاصة الا راكي رايحة تعيشي مع الناس و خاصة الا كانوا طبايعهم مش كيما انتوما كما ان يكونو محافظين.لا اقول انكي لا تتستطعين الزواج او التاقلم لكن هل فكرتي جيدا هل انت مستعدة نفسيا و جسديا للتخلي هن كل ما تعيشينه عند اهلك هل انت قادرة على العيش مع العائلة الكبيرة لا تلبسين ما تريدين و لا تقومين بكل ما تريدين و هذا احتراما لهم و لعاداتهم فكري جيدا و اعيدي التفكير. انا اسالكي على اي اساس قبلتي بهذا الرجل هل لانكي تحبينه ام انكي انهيتي دراستك و.....ارجوا ان يوفقكي الله و ان اردي علي

[- بصمة خير -]

السلام عليكم و رحمة الله تعالى و بركاته

اولا نقولك مبروك عليك و ان شاء الله اذا كان فيه الخير ليك ربي يكملك و يكتبولك

تانيا خالتك الله اعلم واشي هي نيتها ممكن نيتها سليمة و ممكن لالا الله اعلم الاعمال بالنيات
حنا نقولو راهي تحوسك الخير برك ماشي الشر
هذا رايها هي يعني ممكن راهي صحيحة و ممكن لالا

تالتا
نقولك الاستخارة كل يوم كل يوم كل يوم

الراجل مدين و حاج بيت ربي ماشاء الله الله يبارك
و انت عاجبك
حطي ربي في بالك و اقبلي و ان شاء الله ربي يكملك

ربي يوفقك

و احكينا واش صارا معاك


انت تقراي ؟؟؟؟

[naouma b]

[QUOTE=fifi2009;7524266]يا بنات انا غادي نهبل :(:(:(

البارح عيطتلي خالتي و قاتلي كي دعوتك بغيتي تتزوجي ياك عندك غير 20 سنة قاتلي علاه راكككي مقلقة علاه الناس تتزوج حتي 28 30 سنة ؟
و قاعدة في التلفون تعاير فيا و تقولي صايي بطلي هاد الزواج و روحي قراي و زهاي مع صحاباتك بانلك غير هذا؟؟؟ قاتلي انت بنت البحر و التحواس و التقلاش و تروحي تغمي روحك ''' شوفو الهدرة كي دايرة""
قلتلها انا علاه ربي جابلي مكتوبي و راني باغية قاتلي دوك تملي من الزواج و سيرتو كي تقعدي مع دارهم قاتلي هكااااااا انت درتي البارمي باه تسوقي الطوموبيل و تخدمي و تدي واحد طبيب ولا انجنيار
قالتلي روحي بطلي عليه قلتلها صايي منجمش راهم قراب يجو يشرطوا و قاعدة تعاير فيا و تقولي تروحي للعروبية تع تيارت رحوية ؟؟؟؟ و قاتلي ديتي هدا المدين ؟؟؟؟ :confused::confused::confused: يعني حاج بيت الله مع العلم عندو غير 28 سنة


شيرات انا اليل مارقدتوش و نوضت ماما في اليل و قلتلها بطلت علجال خالتي ايا ماما قالت لبابا و قالها هادي راهي تزعق ؟؟؟؟؟؟؟؟ عاودت رجعت ليا ماما و قاتلي خمي مليح قلتلها انا راني باغياتو علاجالها بطلت قاتلي ماما شوفي لروحك مشي ليها قلتلها راني باغياتو

ااااااااوف استغفر الله العظيم[

السلام عليكم
نصيحة لك ان تكون دائما مقتنعة بالشي التي تريدنه و لا تتأثري بقرارت الاخرين
اما عن سنك والزواج مرات تلقاي بنات كبار في العمر وعقليتهم اكثر من صغار
مادام عجبك السيد ولد فامليا تكلي على ربي .
ربي يستر عليك وعلى كل المؤمنين.

[naouma b]

[QUOTE=fifi2009;7524266]يا بنات انا غادي نهبل :(:(:(

البارح عيطتلي خالتي و قاتلي كي دعوتك بغيتي تتزوجي ياك عندك غير 20 سنة قاتلي علاه راكككي مقلقة علاه الناس تتزوج حتي 28 30 سنة ؟
و قاعدة في التلفون تعاير فيا و تقولي صايي بطلي هاد الزواج و روحي قراي و زهاي مع صحاباتك بانلك غير هذا؟؟؟ قاتلي انت بنت البحر و التحواس و التقلاش و تروحي تغمي روحك ''' شوفو الهدرة كي دايرة""
قلتلها انا علاه ربي جابلي مكتوبي و راني باغية قاتلي دوك تملي من الزواج و سيرتو كي تقعدي مع دارهم قاتلي هكااااااا انت درتي البارمي باه تسوقي الطوموبيل و تخدمي و تدي واحد طبيب ولا انجنيار
قالتلي روحي بطلي عليه قلتلها صايي منجمش راهم قراب يجو يشرطوا و قاعدة تعاير فيا و تقولي تروحي للعروبية تع تيارت رحوية ؟؟؟؟ و قاتلي ديتي هدا المدين ؟؟؟؟ :confused::confused::confused: يعني حاج بيت الله مع العلم عندو غير 28 سنة


شيرات انا اليل مارقدتوش و نوضت ماما في اليل و قلتلها بطلت علجال خالتي ايا ماما قالت لبابا و قالها هادي راهي تزعق ؟؟؟؟؟؟؟؟ عاودت رجعت ليا ماما و قاتلي خمي مليح قلتلها انا راني باغياتو علاجالها بطلت قاتلي ماما شوفي لروحك مشي ليها قلتلها راني باغياتو

ااااااااوف استغفر الله العظيم[

السلام عليكم
نصيحة لك ان تكون دائما مقتنعة بالشي التي تريدنه و لا تتأثري بقرارت الاخرين
اما عن سنك والزواج مرات تلقاي بنات كبار في العمر وعقليتهم اكثر من صغار
مادام عجبك السيد ولد فامليا تكلي على ربي .
ربي يستر عليك وعلى كل المؤمنين.

ملاحظة انا لست عضو جديد بل قمت بتغيير في الاسم وهذا للاسباب خلط في اسماء وهذا فيه راحة لي .

[tamara31]

يا اختي انا نقولك عام طويل يهدرو ويملو خليهم الهدرة راها باطل ونقول لخالتك رحوية ماهمش عروبية انا فاميلتي تماك وكامل قاريات و عندي فاميلتي مرا راها انسبيمتور تاع ديوانا هنا في وهران هادي تاع فلان عروبي وفلانة عروبية راحت بكري دركناس راها متقدمة
وانتي سدي ودنيك وريحي والله يداوي لحال ربي يسهلك

[صُبح الأندلس]

خالتك معها حق ليس عندما قالت لك ارفضيه بل لأنك فعلا لست قادرة على تحمل المسؤولية بعد و الدليل رفضت خطيبا تريدينه فقط لأن خالتك أثرت عليك بكلامها و ربما غدا تتزوجينه و تطلب منك أن تتطلقي فتفعلي أيضا إرضاء لها أو تأثرا بكلامها
معذرة إن كان كلامي قاسيا

[C.A.Я.B.O.N]

وعليكم السلام و رحمة الله و بركاته

أختي الفاضلة أنصحكي بصلاة الإستخارة

و تيقني بأن الله عزوجل سيوفقك لما فيه خير

موفقة إن شاء الله

[naouma b]

:dj_17:
مشكورة بزاف اختي ربي يحفظك قوليلي راكي متزوجة؟؟؟؟؟؟؟:confused::confused::
السلام عليكم
انشاالله تقتنعي بكلامنا لان في صلاحك انا زوجت مزال مدرتش 22 سنة وجبت ولاد

صدقيني في الزواج مدرسة وخبرة وكل مرة تتعلمي من حاجة بصح تعرفي كيفاش


تتصرفي بخصوص مع الراجل .ربي يسر امرك .

[أسية24]

أختي المشكل ليس في سن الفتاة وإنما في وعييها فقد تكون الفتاة في سن الثلاثين لكن عقلها ليس عقل إمرأة وليست صالحة لتحمل المسؤولية وكثيرات تزوجن في سن العشرين ونجحن في إدارة بيوتهن وملكن قلوب أزواجهن أنصحكي أختي بقراءة الكتب الخاصة بالحياة الزوجية في جميع جوانبها وأسأل الله أن يقدم لكي ما فيه الخير ولا تأبهي بكلام الناس لأن أكثر الناس لا يعقلون ومن يضمن لكي أنكي إذا فوتي هذه الفرصة سياتيك طبيب ليطلبك هل ستتعلقين بالغيب وتتركين النعمة التي أعطاها الله لكي

[عُضو مُحترم]

غارت منك

كيفاش تتزوجي بواحد غني و متدين و انتي عمرك بس 20 سنة؟؟؟؟

هذا لا يحدث لجميع البنات

حاباتك تعنّسي و تلحقي 28 و 30

استخيري ربي

و تزوّجي و طيعي زوجك


الحياة ماشي زهو و تمسخير كيما قالت خالتك

الحياة عبادة و كفاح و مسيرة

و اذا حابت تزهى

قولي لها خلي بناتك يزهاو و يحوّسو على شط البحر

ينفعهم التحواس و البارمي

[amina nourhanne]

ختي لغزيزة مادام انك مقتنعة بزوجك و قلبك مايل ليه ربي يبارك و يكمل الدنيا ماشي غير زهو و خلاص والزواج ماشي قبر و les moments لي تعيشيهم مع زوجك حلالك احسن الف مرة من كي تكوني براسك ولا مع البنات، ربي يوفقك لما هو خير لك

[bibicha]

SALAM saraha ana srali ta9riban wech sralak mais plus grave w ga3 9alouli diti kavi w ga3 mais chi li nkoulak 3Lih q ida rajlak dayrlak 9ima w y9ader el mra w ya3raf kimatha atakli 3La rabi fi waktna hata w tadih men tindouf wala m rasse el jbal el mohim rajal li ya3raf kimet el mra w yahtaramha c tt

[قطر الندى55]

السلام عليكم
اختي ارى ان لا تصغي لخالتك بما انه لا يوجد اي مشكل من ناحية خطيبك
ربي يسهل و يهنيك لازم نتفاؤلوا و مانتشاؤموش
ماتخليش الاخرين ياثروا فيك خلي شخصيتك و ضميرك و خوفك من ربي برك في بالك
و اذا فتحت خالتك معاك الموضوع قوليلها بلاحترام لا اريد التكلم في هذا الموضوع
ربي يهنيك و يهدينا و يهديكم

[نسائم الهدى]

يا بنات انا غادي نهبل :(:(:(

البارح عيطتلي خالتي و قاتلي كي دعوتك بغيتي تتزوجي ياك عندك غير 20 سنة قاتلي علاه راكككي مقلقة علاه الناس تتزوج حتي 28 30 سنة ؟
و قاعدة في التلفون تعاير فيا و تقولي صايي بطلي هاد الزواج و روحي قراي و زهاي مع صحاباتك بانلك غير هذا؟؟؟ قاتلي انت بنت البحر و التحواس و التقلاش و تروحي تغمي روحك ''' شوفو الهدرة كي دايرة""
قلتلها انا علاه ربي جابلي مكتوبي و راني باغية قاتلي دوك تملي من الزواج و سيرتو كي تقعدي مع دارهم قاتلي هكااااااا انت درتي البارمي باه تسوقي الطوموبيل و تخدمي و تدي واحد طبيب ولا انجنيار
قالتلي روحي بطلي عليه قلتلها صايي منجمش راهم قراب يجو يشرطوا و قاعدة تعاير فيا و تقولي تروحي للعروبية تع تيارت رحوية ؟؟؟؟ و قاتلي ديتي هدا المدين ؟؟؟؟ :confused::confused::confused: يعني حاج بيت الله مع العلم عندو غير 28 سنة


شيرات انا اليل مارقدتوش و نوضت ماما في اليل و قلتلها بطلت علجال خالتي ايا ماما قالت لبابا و قالها هادي راهي تزعق ؟؟؟؟؟؟؟؟ عاودت رجعت ليا ماما و قاتلي خمي مليح قلتلها انا راني باغياتو علاجالها بطلت قاتلي ماما شوفي لروحك مشي ليها قلتلها راني باغياتو

ااااااااوف استغفر الله العظيم
يا اختي فيفي واش نقولك؟
راكي عندك خالات دونجي واشنو هدا؟
نقولك حاجة لوكان هدا السيد جا في عمروا كثر من 30 سنة نقولك ساهل الحال قوليلوا يجي يخطبني :1:
أمزح فقط لا داعي لتغضبي وتطرديني حسنا؟:d :d :d
أختي لتفهميني جيدا
هو حاج بيت الله والحج ليس نزهة لباريس أو لندن لا
بل من يذهب إليه وهو صغير يكون موقنا بما فعله وما يترتب عليه فعله وعدم فعله وهذا أمر جيد وليس سيئا كما صورته لك خالتك
ونصيحة مني(رغم أنني لم أمر بما تمرين به فخالاتي ما شاء الله عليهن حنونات)
لا تسمحي لأي كان سوى والديك بالتدخل في خياراتك
وإن كان هذا السيد قد أعجبك فلا تصغي لأي أحد تقدمي في ما نويته لأنك اليوم صغيرة لكن بعد 5 أو 6 سنوات لن تكوني كذلك ولن تنفعك خالتك أو عمتك أو أي شخص
بل كل إنسان سيعيش حياته وينسون حتى بأنك موجودة فلا تعطيهم الفرصة ولا تسمحي لهم بتنغيص حياتك
بل قولي لمن ينتقدك(أنا من اخترت حياتي وسأعيشها كما أريد وليس كما تريدون وأنا مسؤولة عن قراراتي والنتائج المترتبة عن ذلك فمن أراد قول كلمة حق فليقل ومن أراد أن يوسوسني وينغص عيشي فليصمت وفقط ومن تريدني أن لا أتزوج فلتترك هي زوجها لنرى إن كانت تستطيع ............نقطة نهاية)وبعدها لن يحدثك أحد في الأمر
وخلي عندك شخصية قوية لا تسمحي لهن بتوجيهك أو تسييرك وواصلي ما قررت يا أختي فيفي فكما يقول أخي
عندما يذهب شاب للحج فهو يعرف ماذا يفعل وليس كل شاب قادر على ذلك.
أعتذر على الإطالة أختي
ودعك من كلام الناس فهو كما يقول المصريون لا يودي ولا يجيب
وربي يجيبلك اللي فيه الخير
سلااااااااااااااااااااااااااااام