اختلاف الطلبة ؟؟؟؟؟؟؟؟؟؟؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : اختلاف الطلبة ؟؟؟؟؟؟؟؟؟؟؟؟

مرايا الطلاب

2011-10-10, 20:07

السلام عليكم ورحة الله والاكرام

اهلا بكم اخواني و اخواتي في الله

المقبلين على الشهادة

أتمنى النجاح للجميع

أردت طرح موضوع هام ربما .... على الاقل بالنسبة لي

لاحظت تعدد أنواع الطلبة الجزائريين

هناك من رفض فكرة الاضراب *-* القرايين *-* خافو يحشرونا الاساتذة ومانقدروش نستوعبو

ومنهم من تقبلها بكل فرح وسرور *-* قرايين غلبو *-* كيما حالتي ...............ههههههههه

قالك باش نعوض وش فاتني

ومنهم من حزن بشدة *-* les couples d'amour *-* هههههههههه............... قالك خسارة ما راحش نتلاقاو

ممكن سمانة ممكن شهر ............

المهم اليوم الحديقة اللي حدا الليسي تاعنا تعمرت ....قراو فيها ......ههههههههه

ناهيك على اللي بقاو حذا الليسي

اما انا وصحاباتي ............هههههههههه.......... رحنا قرينا علوم زادلنا الاستاذ حصة .

*-* فعلا ظاهرة غريبة أصبحت الثانوية مقرا لتلاقي العشاق

عجبا لقوم افقدوا المدرسة قدسيتها والدراسة قيمتها ............*-*

والله انني محتارة ... كيف لأمة سميت بامة اقرأ ان تجعل هذه الكلمة دون معنى

يا الهي ............ سبحان الله

خيب املي في البعض ............ تمنيت لو انهم أكبر مما ظننتهم عليه

فعلا خيبوا أملي فيهم

أسأل الله لهم الهداية .......................صدقا ومن كل قلبي أتالم وبشدة عندما أشاهد هذه المظاهر مؤسف للغاية أن

يخيب املك من ظننته كبيرا بعلمه وخلقه ... ومن ظننته ممتازا ومتميزا في أن واحد

اااااااااااااااااااااااه ه ه ه ه ه ه ه

ماذا عسايا أقول .................. كلام كثيييييييييييييرررررررررر

أسال الله من كل قلبي النجاح لكل من يستحق

والهداية لكل مراهق سهى عن سبيل الرشاد

اللهم اغفر لنا وارحمنا وعافنا وارزقنا ............... اااااااااااااااااااااااااامييييييييييييين

مع تحياتي اختكم في الله *-* مريم .ع *-*

عاشقة النجاح والتميز

minou770

2011-10-10, 20:15

هذا تعميم فليس هدف كل من يذهب للمدرسة هو أن يلتقي عشيقه

lamis932

2011-10-10, 20:18

هههههههههههههه
والله عندك حق حنونة
و اللي يزيد يحمص هادوا نتاع الحدايق هوما لي يدوا الباك و المساكن اللي عام كامل يقروا و حالتهم حالا
ميكحلوش بيه كيما يقولوا

la belle sarah

2011-10-10, 20:19

تكلمت فاحسنت الكلام ....وقلت فصدقت القول
بوركت اخيتي على طرحك الرائع والممتاز والهادف
نسال الله عز وجل ان يقينا شر انفسنا وان يهدي الظالين وكل من اتبعى شهوات نفسه
اللهم نسالك التوفيق والسداد

مرايا الطلاب

2011-10-10, 20:19

معك اخي

ولكن هناك أقلية فقط اخي الكريم انا لا اعمم

أتحدث عن تلك الفئة فقط

مجرد تساؤل طرحته

شكرا للرد

مرايا الطلاب

2011-10-10, 20:25

هههههههههههههه
والله عندك حق حنونة
و اللي يزيد يحمص هادوا نتاع الحدايق هوما لي يدوا الباك و المساكن اللي عام كامل يقروا و حالتهم حالا
ميكحلوش بيه كيما يقولوا

بوركتي

وشكرا نورتيني بردك الحلوووووووووووو

^^ ^^ ^^ :mh31:

مرايا الطلاب

2011-10-10, 20:29

faysel01

2011-10-10, 20:37

اللهم اغفر لنا وارحمنا وعافنا وارزقنا ............... اااااااااااااااااااااااااامييييييييييييين

الملكة بلقيس 2

2011-10-10, 21:10

شكرا لك على الموضوع ولكن كل شيء راجع للاسرة اختي فان توفر داخل الاسرة الحب والحنان والاهتمام لما راينا مثل هذه المناضر
نسال الله ان يهدينا ويهدي امتنا الاسلامية
امين

الملكة بلقيس 2

2011-10-10, 21:10

مرايا الطلاب

2011-10-10, 21:16

شكرا لك على الموضوع ولكن كل شيء راجع للاسرة اختي فان توفر داخل الاسرة الحب والحنان والاهتمام لما راينا مثل هذه المناضر
نسال الله ان يهدينا ويهدي امتنا الاسلامية
امين

فعلا اختي

شكرا لردك النير

الملكة بلقيس 2

2011-10-10, 21:27

لا شكر على واجب اختي هذا هو الواقع بارك الله فيك على هذا الموضوع الذي جعلنا نتبادل افكارنا
دمت بخير
سلام

الملكة بلقيس 2

2011-10-10, 21:29

لا شكر على واجب اختي هذا هو الواقع بارك الله فيك على هذا الموضوع الذي جعلنا نتبادل افكارنا
دمت بخير
سلام

بشرى ملاك

2011-10-10, 21:30

الله غالب دزايرييييييين هكاااااااااااااااااااااااااااااااااااااااااااااااا اااااااااااااااااااا
يحيروا غير فففففففففففففففففففف.............................. ...............................
الله يهدينا ويهديهم
امر الجزائر محير للغاية ..............ياااااااااااارب تهدي ...................................هم وتهدينا للحق
هادي ثانوية هكا والجامعة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أمينة1994

2011-10-10, 21:31

موضوع مميز حنونتي مريم

وعندك الحق في كل ماقلته

وش نقولو ربي يهدينا ويوفقنا

آآآآآآآآآآآآآآآآآميييييييييييييييييييين

يُنبوع~العطآء

2011-10-10, 22:55

السلام عليكم والرحمة والبركة
كل ما نستطيع قوله الهداية والهداية للضال وللذي على الصراط المستقيم
اليوم استاذتنا لمادة العلوم رغم اضرابها الا انها درستنا 2ساعتين (ولدرجة روعتها اكملنا الوحدة الثانية مع حل تمارين كثيرة)
اثناء الحصة قالت لنا انظروا اليهم جد فرحين لانهم يتجولون في الساحة بكل حرية
والله معها كل الحق

dina.labelle

2011-10-11, 13:09

صح كيما راكي تقولي مي حنا يفرحوا هادوما لي تحكي عليهم هههههههههههههههههههههههههههههههههههههههههههههه.باس كوا يلقاو الوقت الاكثر لي يقعدوا فيه في الليسي مع بعضاهم.علاش نتوما ماراكمش تروحو لليسي .دجا حنا عندنا اساتذة يقروا واساتذة لا

مرايا الطلاب

2011-10-12, 09:59

هههههههههههههههههه

شكرا للأراء

حنا ةام ناش نروحو بالنسبة ليا واللي كي حالتي

اما الفئة هاديك مانعرف ممكن راهم يزورو اليسي

هههههههههههه

سلام ينبوع العطاء ديجا كملتو الوحدة الثانية وحليتو تمارين ؟؟؟

حنا غير كيما بدينا فيها

بصحتكم

يُنبوع~العطآء

2011-10-12, 18:43

السلام عليكم اختي مرايا الطلاب
بقاتلنا غير الخلاصة الاخيرة في الوحدة الثانية وحلينا منها تمرين
وبخصوص انك تروحي تقراي انا نروح وزميلاتي ونقراو مع بعض 2 سوايع كل يوم

مرايا الطلاب

2011-10-12, 19:52

اه حاجة مليحة

حنا كييكون الاضراب ما رنوحوش

ماما انا نشتي نبقا في الدار خير بش ما نروحش النهار

ونضل الدراسة بمفردي

sandy belle

2011-10-12, 20:42

السلام عليكم
انا اغتنمت فرصة الاضراب باش نتدارك وش فاتني علاخاطر تعبت شوية ليامات لي فاتو
والحمد لله قاعدة ندرس في الدار مارحتش لليسي من اول نهار للاضراب

بالتوفيق للجميع

PHARM2011

2011-10-12, 23:17

حنا رانا نروحو لليسي تقريبا كل يوم الرياضات ما دارش اضراب ماشي مترسم و على اقوالو ما يستحقش الزيادة في الاجور و يستحق كل دقيقة من البرنامج

يُنبوع~العطآء

2011-10-13, 16:46

اه حاجة مليحة

حنا كييكون الاضراب ما رنوحوش

ماما انا نشتي نبقا في الدار خير بش ما نروحش النهار

ونضل الدراسة بمفردي

ياك قلتلك بلي استاذتنا تع العلوم تقرينا غير حنا رغم اضرابها
لازم نروح + وكي ما تقريناش نلم البنات ونقراو مع بعض
كاين بنات ماشي فاهمين ولا نتعاونوا
+ نحلوا تمارين الوظائف مع بعض

chadli06

2011-10-13, 16:51

ههههههههههههه عيش la vie

yalova

2011-10-17, 23:50

مريم أول حاجة ما تقوليليش مانيش قاصداتك كعادش الداب راهو فهم بلي راكي قاصدتني .... حتى اذا كنتي ما كيش قاصدتني اسمحيلي ..... mais ما تنسايش بلي راني منهم .
en plus راني نشوف بلي رجعتيني كيما إبليس في لحكاية صح ممكن نكون ندير في حاجة غالطة mais كاين لي راهم يديروا في حوايج كثر مني واذا قصدك عليا أنا ومريم غير ما تخافيش أنا راني مقادرها كثر من ختي ... زيد راكي تقولي * خيب البعض أملي * شكون هاذوا المتميزين لي خيبوا أملك: ميمونــــة ؟ ......
أنـــا اذا يبالك خيبت أملك راهو كعادش ما عرفتينيش مليح ... علاه نتي عرفتيني عامين يبالك راكي عرفتيني .... أنــــا من لي كنت هكا واذا حابة سقسي عليا كفاه كنت je pense راح تلقاي شكون لي يجاوبك .... en plus علاه تشتيوا تبعوا فيا بزاف الحاجة لي نديرها تلعبوا في رواحكم غاضكم الحال مني ... malgré مادرت والو ونتوما لي تشتيوا تكبروا في الأمور ـ واذا باغيا تحاسبي لغاشي علاه ما تروحيش تحاسبي تاقي ؟ هو فعايلوا ما يعلم بيهم غير ربي آآآه ولا كعادش يسين ديما ساكت وناس ملاح تمسحو فيه الموس ... وكامل حكمتو درتو في وجهي كعادش شفتوني معاها ..... والله ساعات كي نشوفكم ديرو كيما هكا نقول صدقوا لي قالو : الصحبة تاع الليسي تاع مصلحة .... وصح راني تأكدت كي قريت هذا الموضوع ... mais ماعليش ما يدوموا غير les amis تاع صح و أنا منو هكا نعرف شكون لي نخالط ... اذا كنتو صح des amis تاعي كنتو تفرحولي mais أنا راني نشوف غير في العكس كل ما نكون مع مريم تبداو تشنفوا وانا كنت نصبر مي خلاص بزااااف مرقتوها والله غير مرقتوها ... الله غالب هذا هو يسين يا مريم قبل ما تعرفيه ودكا راكي عرفتيه فشاء من شاء وكره من كره وكيما يقولوا : إرضاء الناس غاية لا تدرك ....
المهم واش راح نقولك انا كنت حاطك في مكانة ختي وكثر وجامي درت الثقة في وحدى كيما نتي مي الله غالب دكا طحتي من عيني وصعيب بــــــــــــزاااف باش تولي مريم لي كنت نعرفها، أنا كنت حاطك نتي هيا l'amie لي نقادرها بزاااف تفرحي كي نفرح وتقلقي كي نقلق مي أنـــــا دكا وليت كي نقلق واحد لا نلقاه قدامي يواسيني ..... الله غالب راكي مرقتيها بزااف كثرتي فيها آ بن عمي ودرتيلي دي جاست مانيش باغي نذكرهم مي دكا صاي راكي تجاوزتي الحدود و أنا الله غالب ما قدرتش نزيد نصبر .... واش راح نقلك ربي يهديني آمين مي ما تنسايش بلي ربي راهو عمبالو واش كاين في قلوب لعباد وعمبالو قداه من مرة صبرت عليــــــك ونتي كنتي كل يوم تزيدي تشكي فيا برا وأنا نقول ما عليش راهي كي ختك ... و انا رايني نقولها و نعاودها أنا ما تبدلتش راكي نتي لي تبدلتي ما وليتيش مريم لي كنت نعرفها ف 1ere ....
ماعليش ربي راهو كاين، حسبي الله ونعم الوكيل وخلاص ...
ومارسي على * التمنشير * فيا اون لاين .

مرايا الطلاب

2011-10-18, 13:12

ياسين مارسي على الرد الجميل

سوء التفاهم هذا مبعدا نتفاهمو عليه

طحت من عينك هادي تغيظ بزااف

فريال المحتاجة عفو الله

2011-10-18, 13:25

الله يصلح الأمور بيناتكم و تتفاهمو ان شاء الله
هذا عام نتعاونو فيه و المهم أكثر هو البكالوريا :)
موفقين إخوتي