مساعدة أنا في حيرة من أمري [الأرشيف] - منتديات الجلفة لكل الجزائريين و العرب

مشاهدة النسخة كاملة : مساعدة أنا في حيرة من أمري

hamza2905

2011-10-09, 16:43

السلام عليكم ورحمة الله وبركاته. .قريت خمس سنين أو منبعد تخرجت مهندس دولة في 2009.انا الان انا أدرس سنة ثانية مدرسة الدكتوراه شاركت في مسابقة مدرسة الدكتوراه او نجحت غير باش ندي شهادة مدرسية نجيب بيها السورسي باش نخدم للأسف مالقيتش خدمة بقيت نقرا من فوق قلبي نجحت او المشكلة اني نجحت ماجور في المرتبة الاولي او سجلت في الستة الثانية لنفس الهدف اي باش نجيب سورسي نخدم بيه أعطاني الاستاد المشرف موضوع البحث ولحد الان مادرت فيها والوا لانوا في زهري صدر قانون الاعفاء علي المتخرجين في 2009 تأثرت كثيرا أو ندمت لي مركيت في الماجيستار . والان راني لقيت خدمة أخيرا فيتري مارأيكم في وضعيتي راني ناوي نخدم او نبطل لاني راني قاعد نشوف لي تخرجوا معايا راهم يخدموا لاباس عليهم او كاين حتي لي ناوي يخطب أو ناس عندهم ماجيستار او ماركيين في الدكتوراه حالتهم أتشف يسناو في المنحة تاع 12000 دج كل شهر أو كيما خشيت لهدا المنتدي واحد يقول السلاك 45000 دج. او واحد أخر يقول لا السلاك 60000 دج فهمونا باراك الله فيكم .راني في حيرة من أمري

Nacer Eddine 2011

2011-10-09, 20:08

شوف يا ولدي مادام ربي رزقك بخديمه فروح أخدم على روحك
و حوش ليك مسيريف ينفعك في مستقبلك

فالدراسات العليا تتطلب لعلالي
وليخزر لعلالي يقبضو الفرتيج
وكيما راك أتشوف الناس الكل أو الأغلبيه مرضى بيه

:30:

فتوكل على الله
ومتنساش تدعيلي

nourkhouloud

2011-10-09, 20:18

أخي هذا أمر صعيب شوي باش ندخلو فيه
لكن أنا أنصحك بصلاة الإستخارة
و ربي يجيبلك الي فيها خير

لجين الاحلام

2011-10-09, 22:44

اخي حسب امكانياتك اتخذ قرارك
اذا كنت تستطيع التوفيق بين الدراسة والعمل فذلك أحسن لأنك سنة ثانية وبالتالي سينقص ضغط الدروس وباستطاعتك اكمال الدراسة والعمل
ولا تنس استخر المولى عز وجل وبالتوفيق ان شاء الله

tatitechno

2011-10-09, 23:23

دائما الدبلوم اولي

خير ملي تكبر وتولي تقرا من جديد

hamza2905

2011-10-11, 11:27

باراك الله فيكم جميعا سوف أصلي صلاة الاستخارة وأتوكل علي الله

malak-angel

2011-10-11, 13:54

أنا أظن أخي أن التوفيق بين الدراسة و العمل هو الخيار الأمثل، و كما قلت فأنت في السنة الثانية و الأول على الدفعة فوالله خسارة أن تضيع هذا كله فالعمل مهم و الدراسة كذلك مهمة و لو أنها متعبة قليلا فتحمل ، و الله ولي التوفيق أخي

bsiham

2011-10-15, 14:00

تندم لانك مركيت فالمجستير ؟؟؟؟؟؟؟؟؟؟؟؟ ربي يهديك وحياتك راه يديرلك ربي فيها طريق متدنقش غير قدامك شوف لبعيد وان شاء الله ربي يوفقك................بصح لازم عمرك متندم كي قريت

فزاع

2011-10-15, 16:54

أنا ثاني ننصحك خويا اتصلي استخارة وربي افرج عليك واحد ما ادبر عليك شهادتك خيرلك جيبها وحطها تحت راسك راه اجي النهار إلي تحتاجها وبركا ما اتشوف للناس لخرين ربي اعطاك نعمة استحفظ واتهلى فيها .
ربي اوفقك ونور طريقك

ابو عبدالله

2011-10-15, 17:34

السلام عليكم

اخي والله كم من واحد يتمنى انه يربح مسابقة ماجستر وخاصة انك تقول انك ماجور رائي الخاص قرالك خير راك مازال الصغير على الزواج وعلى الخدمة

وهذه كلمات من واحد مجرب ربي يوفقك

ابو عبدالله

2011-10-15, 17:35