كيف تعالجين مشكلة الطبخ بعد الزواج

[جسور المحبة]

حبيت نطرح عليكم مشكل كاين بزاف اللي يعانو منو وكيما نعرفو بلي كل بنت مقبلة على الزواج دير حساب كل شيء ومن بين لحسابات الطبخ ف كاين بنات اللي تقولك انا مانقدرش وما نعرفش نهني في الطبخ تاع الضيوف وخاصة اذا كانت في بيتها الخاص ولا حتى كي تروح دار راجلها يكون العدد كبير ممكن طيابها ما يليقش بيهم ولا حتى كي تجي توزع الاكل في الاطباق بالمختصر ما تنجمش للطبخ تاع شحال من فرد وش رايكم نتمنى كل وحدة تلقا ضالتها في هذا الموضوع

[البتول سمية]

لو طرحتي المشكل في القسم الخاص بالعرائس و تجهيزاتهم لكان أفضل أو في قسم الطبخ


صراحة فكرة رائعة وموضوع مميز و أخاف أن لا يلقى ردودا مناسبة و مشاركات كافية شافية

[العائدة الى الله]

السلام عليكم

اختى موضوع جميل فعلا اكيد سيساعد الكثيرات لكن هناك حل موجود الان هو كتب الطبخ الموجودة بكثرة عندنا
واطلب من الاخوات المتزوجات ان تعطي تجربتها الاولى في بيت زوجها وهل صادفتها مثل هذه المشاكل وكيف كان حلها وان امكن ان تفيد الاخوات المقبلات على الزواج بتدابير منزلية

شكرا لك وموفقة

[جسور المحبة]

يعطيكم الصحة ويييييييييين البقية؟ نتمنى من المتزوجات يفيدونا بتجاربهم يلا شرفونا بردودكم

[شذا الربيع]

والله أختي الكريمة لقيتيني نفكر في هذا المشكل ونحوسلو على الحل
برأيي أنه غن كانت ببيتها الخاص يكون الأمر أهون على الأقل تقدر كل مرة تعرض أفراد من عائلة زوجها وهنا تعرف رأيهم في طبخها وشوية شوية تحسن من الأمر
لكن إذا كانت رايحة تعيش مع أهل زوجها الأمر أكثر تعقيد رايحة تلقى صعوبة في طبخ الكمية اللازمة وبالطريقة الي تعودو هم عليها
إذا ما لقات حتى حل يبقى لها حل لا ثاني له وهو أن تتحدى وتتجرأ وتجرب باتكال على الله ان يوفقها ويقدرها أن تكون في المستوى لأنه لازمها هذا الأمر
وتقدر تبدا الستاج في دار باباها تحكم الطبخ لمدة شهر أو شهرين في دارهم تتكلف هي بكل أمور المطبخ وتجرب تعرض جيران ولا توزع عليهم لهنا تقدر تكتشف لوحدها النواقص تاوعها وتكملها وكل مرة تحسن من حاجة
وربي يقدرنا ويوفقنا كامل يااااا رب

[nano H]

حبيت نطرح عليكم مشكل كاين بزاف اللي يعانو منو وكيما نعرفو بلي كل بنت مقبلة على الزواج دير حساب كل شيء ومن بين لحسابات الطبخ ف كاين بنات اللي تقولك انا مانقدرش وما نعرفش نهني في الطبخ تاع الضيوف وخاصة اذا كانت في بيتها الخاص ولا حتى كي تروح دار راجلها يكون العدد كبير ممكن طيابها ما يليقش بيهم ولا حتى كي تجي توزع الاكل في الاطباق بالمختصر ما تنجمش للطبخ تاع شحال من فرد وش رايكم نتمنى كل وحدة تلقا ضالتها في هذا الموضوع
السلام عليكم
مشكيتش كاين شابة في هذا الزمن متعرفش طيب
خصوصا الجزائريات شطرات وتتعلم الكزينة وهي
صغيرة.متخميش بزاف تلقاي لعاونك.ر

[nano H]

السلام عليكم

اختى موضوع جميل فعلا اكيد سيساعد الكثيرات لكن هناك حل موجود الان هو كتب الطبخ الموجودة بكثرة عندنا
واطلب من الاخوات المتزوجات ان تعطي تجربتها الاولى في بيت زوجها وهل صادفتها مثل هذه المشاكل وكيف كان حلها وان امكن ان تفيد الاخوات المقبلات على الزواج بتدابير منزلية

شكرا لك وموفقة

السلام عليكم
انا على تجربتي تزوجت 22سنة نعرف شويا
كان عندي سكني الخاص بصح لقيت لعوني كثر
خير زوجة باباه زوجي علمتني في لمكنتش
نعرف نطيبو خصوصا كي جونا بزاف ضياف .

[أماني بلعلى]

السلام عليكم
موضوع هام راني موسوسة من الطبخ هايبة بزاف لأنو خبرتي قليلة مازالني نقرا يعني الكوزينة ندخلها في الويكاند والعطل وشوية بديت نتحسن ماي راني مقلقة وخايفة وكي نشوف وصفة جديدة نقول إييييييييييه خلات وانا متصلحليش

[جسور المحبة]

وهذا هو المشكا اختي اماني اللي راني نقصدو يعني كي ما تنجحش الطبخة الوحدة وش يكون ردة فعلها؟

[Meriemchawiya]

السلام عليكم هناك حل بسيط اذا كان عندك ضيوف بزاف حاولي تستعيني بأختك ولا أخت زوجك ولا حتى عجوزتك هكدا مرة على مرة تتعودي
و حتى في فترة الخطوبة المفروض أمك تخليلك كل العرضات و الطيابات اللزمين في العرضات الكبار
أهم حاجة متخفيش أنا شخصيا وين تكون عندنا عرضة نقوم بيها و ماما ما تمس والو و يقولولي طيابك بنيييييييين و هذا جا بعد ما بديت نعاون ماما و شوية شوية عرفت هي كيفاه تنسحب من الكوزينة خلاص

[جسور المحبة]

اين انتم يا اسرة المنتدى؟

[ميلار القدس]

واش هاد الافكار المطابقة مي مش مشكل ان شاء الله يلقى ظالتنافي الموضوع لدرتو يا جسور المحبة

[imane1]

تزوجت وانا لا أحسن الطبخ

لم أكن ماهرة , ولم أخف الأمر عن زوجي وعن حماتي


بعد زواجي بدأت أمتهن الطبخ , استعنت كثيرا بالكتب

وبالسؤال , أتصل بوالدتي حفظها الله ان أشكل علي أمر

فتجاوزت جزءا كبيرا من مشكلتي


لا أخفي انني كنت في بعض الاحيان افسد بعض الاطباق

احيانا افسدها كليا واحيانا افسد شيئا منها , كالملوحة مثلا وقلة المرق فيها و و و

ولازلت اقع في هذا المشكل من فترة لاخرى ..


لكن الاهم انني اتعلم كل يوم وصفات جديدة


ويساعدني في ذلك زوجي المتفهم , فهو لا يزيد عن الضحك كموقف له اتجاه أكلة ما افسدتها

وعزمت كثيرا من اهلي واهله .. ومرت المواقف بخير ..



لا شيء مستحيل اذا توفرت الارادة والوعي ..