الشوكولاطة البيضاء

[أم معاذ أم معاذ]

ديما ما تصلحليش نزيديلها شوي حليب و ما تصلحش
نزيدلها شوية زبدة تفسد و نطيشها
ربي يبارك فيكم كاش نصائح
حابة نخدم بيها خطوط و تجيني متواصلة
أو نغلف بيها القاطو



اللهم ارزقها الجنة كل من تقدم نصيحة لي

[fushia]

dhewbiha fi bain marie bla matzidi walou la zebda wala 7lib w attention ygisha lma te9dri tzidi moghref sghira zit bach tji briante
matkhelich lma yeghli bzf ne9si 3lih

[أم معاذ أم معاذ]

dhewbiha fi bain marie bla matzidi walou la zebda wala 7lib w attention ygisha lma te9dri tzidi moghref sghira zit bach tji briante
matkhelich lma yeghli bzf ne9si 3lih


بارك الله فيك أختي متأكدة ياخي من أنك ما تزيديها حتى حاجة
و ربي يحققلك كا تتمناي
نزيد نشوف آراء البقية

[ابنة الجزائر25]

مام انا عندى نفس المشكل قلت ممكن الشيكولة البيضة تاعنا موش مليحة

[miri_27]

السلام عليكم انا مداري انديرها في حمام مريم و لما ماتكفينيش اي يبقالي القليل منها و انكون مازلت ماكملتش القاطو ديالي نأخذ الكاسرونة و انديرها في حمام مريم بعد ذلك انزيد لها شويه حليب و حوالي 02 مك و كذلك مص زبدة و نحاذر باش مايحكمهاش الماء و تصلح معايا الحمد لله هذا مكان بالاك ياأختي زدتيلها الحليب بزاف لانه الشكولاطة حساسة بزاف بلخف تفسد

[soussou_saida]

salam
ana tani ndireha fi bain mari w neidelha helib w zebda lakine kemiya kalila
lakine mate3jebniche ki nekaliha bayda toujour nzidelha coloran

[*أم كوثر*]

السلام عليكم اول ما بديت نستخدمها كانت دايما تغلبني الى ان وجدت الحل
ابرشيها بسكين و حطيها في حمام مائي و الحمام المائي الماء لي فيه كي يغلي ما تخليهش يقيس سطح الانية لي تذوبي فيها الشوكولا يعني تدوب على البخار وماتخليهاش تطول مجرد ما تبدى تدوب حركيها بمغرف و نحيها
و ادا اضفتيلها الحليب تصلحلك بصح لونها ما يبقاش ابيض و تصبح باااهتة
جربي و رديلي

[اية الرحمن1988]

بالنسبة ليا الشيكولا البيضاء نشري نتاع الميزان ونذوبها كيما قالت الأخت في حمام مائي ونزيدلها الزبدة تولي تمشي مليح

[أم معاذ أم معاذ]

بارك الله في الجميع
أن نديرها في إناء صغير و نحطها تفور في كسكاس

[أم معاذ أم معاذ]

كمية الزبدة لي تزيدوها قداه

[*أم كوثر*]

يا ام معاد نصيحة ماتزيديلها والووو

[عواطف24]

اليك طريقة مجربة واكيدة - ذوبيها على البخار يعني الماء مايمسش الاناء لي فيه شوكولا - ونقصي النار وما تحركيهاش حتى تذوب وحدها --وابدئي في استعمالها مباشرة وتقدري تستعمليها عدة مرات وبنفس الطريقة --

[remadna]

تفسد يعني ينفصل الدسم تاعها على الشكولا و تعود حرشة؟
حتى انا مثلك
لكن نخليها شوية وحدها بعيدة على النار 5 دقائق و من ثم نعاود نحركها تجمل روحها و تجي روعة رطبة
نضيف الماء وحده

[tulipe2]

السلام عليكم
اختي الفاضلة مثلما قالت لك الاخت في الرد الاول لا تضيفي شيئا لها
قطعيها الى احجام متوسطة كي لا تاخد الكثير من الوقت و ضعيها في بان ماري و لكي ينجح يجب ان يكون الوعاء الذي فيه الماء المغلي اصغر من الوعاء الذي تضعين فيه الشوكولا كي لا يمسها البخار
لا تطيلي كثير بمجرد ان تبدا في الذوبان انزعيها من الحمام و اخلطيها جيدا
حتى ان كنت تعتقدين في البدابة انها فسدت واصلي الخلط و ستصبح جيدة باذن الله
اتمنى ان تصلح لك بهده الطريقة

[katia25]

أنا مانزيدلها والو...نخليها فوق حمام مائي بدون أن يلمس الماء الوعاء الذي فيه الشيكولة ندلل النار عليها خلاص.
بالتوفيق أختي

[الابداع متعة]

انا في الاول جتني نوعية مصلحليش ابدا وبعد ما سالت القيت نوعية جيدة صلحتلي انت حاولي اسالي على النوعية وربي يوفقك

[ام دعاء ومارية]

السلام عليكم اختي شوفي حورية المطبخ

تابعي خطوات تذويب الشكولا وان شاء الله تصلحلك

[ام تقوى 2009]

انا حتى لو تيبس او يخرج منها الزيت نبقى فقط نحرك جيدا وتولي عادي:19::19::19::19:

[هاجر 76]

شوفى يااختى انا تجربتى مع الشكولاطة نحطها فى حمام مائي ومجرد تدوب نخلطها جيدا وادا كانت تقيلة نضيفلها اما حليب او ماء لكن لازم يكون ساخن يعني نفس درجة الحرارة نتاع الشكولاطة