من عاداتنا فى العيد الاضحى

[bassamat]

:dj_17: حبيت كل وحدة من الاخوات تحط عاداتها فى عيد الاضحى
يعنى فى اليوم الاول واش طيب واليوم الثانى و اليوم الثالث اسماء الاطباق و اذا حبت تستفسر اى وحدة على الوصفة تطلب ذلك
شاركونى بالاراء

[omo mazen]

شكرا علي الموضوع و فكرتيني في العيد الاضحي و العائلة و الاهل و اللهي الدمعة هبطت انا من الاوراس و عادتنا نحضر الشخشوخة الصباح طبعا القهوة و الحلويات و عنما ندبحو كل واحد يدير حاجة واحد يغسل الكرشة و المصارن و واحد اشوط بوزلوف و واحد يغسل الاواني اما الوالدة التي توحشتها بزاف اطيب الكبدة و تلوي عليها الشحمة و مبعد تحطهم يتشواو هدا انقولولو البولفاف و هو لديد جدا و تمد لوالدي العزيز هو الاول بما انه هو رب الاسرة الدباح و نتلموا كامل ناكلو من ادين الولدة الغالية و لما انكملوا اشغلنا ونغسلوا كلشى انحطوا الشخشوخة الي طيبناها الصباح للغداء لانو بعد الشوا التاع البولفاف تبغي حاجة حارة و كي انكملو نبداو في الزيارات و في المساء انطيبا البوزلوف اما حاليا فانا في نيو يورك فالحال مختلف جدا

[sarsora777]

السلام عليكم
اختي انا في الاصل من الشرق العيد يفوت عندنا هايل خاصة مع لمة العائلة و الاحباب
في صباح العيد نروحو نصليو نسمعو التسابيح و نسبحو يا الاهي فكرتيني المهم ومن بعد نجيو من الصلاة نسلمو على بعض و نقولو عيدك مبارك ومن بعد يذبحو الرجال الخروف ويجيبولنا الراس نشوطوه ونتعاونو نغسلو الدوارة وفي هاذ الوقت تشويلنا ماما الكبدة وتبدأ ب بابا ربي يرحمو وتكون الكبدة هي اول حاجة تدخل فمنا نديرو السنة نبداو بالكبدة
ومن بعد نشويو الكبدة والكرشة والقلب و المصارن...... ويكون هذا هو غدانا ومن بعد نوجدو القهوة و القاطو ونتزوقو وتبدأ الزيارات وفي المساء نديرو الراس نحمروه في الفور مع البطاطا كيما قالت ام مازن نديرو بولفاف
اما في اليوم الثاني الصباح لازم نفطرو بخبز الدار و القاطو ومن بعد نديرو الغداء شخشوخة ونبداو نشويو في اللحم على الجمر وفي الشواية électrique وكي يجيونا ضياف نحطولهم الشواء ومن بعد القهوة و القاطو ياك نقسمو الجزرة على ثلاثة للصدقة وأهل البيت و نحطو للناس وهذا هو العيد في البلاد
اما هنا وين راني ماكان حتى عيد الخروف ما نشوفوهش خلاص عشية العيد يجينا مذبوح و مقصوص وساعات مجمول واحنا نقصوه يجي بلاشي راس ولا دوارة تحسي روحك شريتي لحم ماشي خروف هههههه وما كان لا حباب لا عائلة نزوق روحي ونقعد وحدي في الدار من قبل كنت نروح نصلي صلاة العيد ملي زيدت عدت ما نقدرش.
والله في هاذ المناسابات ماكانش قد البلاد الغربة مش مليحة*

[miri_27]

السلام عليكم انا من عين الدفلى من الوسط الجزائري.
في يوم العيد نروحو في الصباح الباكر الى المقبرة لزيارة قبر اخي رحمة الله عليه، و هذا بعد صلاة الفجر ثم ننتظر ابي حتى يأتي من المسجد بعد صلاة العيد نتجمع حوله مع امي واختي الصغيرة نسومة ونقبل عليه بعد ذلك نستناو الذباح و لما ننحر الخروف اغسل الدوارة و امي تشوط البوزلوف لانه من اختصاصها اما فيما يخص الكبدة و الرية فلا ننزعها في اليوم الاول فحسب راي ابي هذه من العادات التقاليد ، اما المصارين توع الخروف بعدما نغسلوهم جيدا نقطعوهم رقيق و نقليهم مع البصل و الثوم و نضيف لهم البهارات و في الاخير نضيف كمية من الطماطم و بعد ما يتجمر راه ايجي طبق شباب بزاف اما فيما يخص الدوارة نعملوها عصبان او بكبوكة و هذا في العشاء اما البوزلوف فابي يحبو بزاف نعملوهلو مرقة او مفور في الكوشة و يجي طعمو هايل ايهبل بعدما نحشيه بالثوم و البهارات و الزعيترة و غيره و في اليوم الثاني نشويو الكبدة على الجمر و نعمل الملفوف او نشوها على الطاجين فوق النار بعدما ايكون الكسكسي جاهز وهذا طبق امي اللذيذ الي تحضرونا مع اللحم و في الاخير انشاء الله كل عيد ايعم علينا الفرحة يارب

[bassamat]

شكرا علي الموضوع و فكرتيني في العيد الاضحي و العائلة و الاهل و اللهي الدمعة هبطت انا من الاوراس و عادتنا نحضر الشخشوخة الصباح طبعا القهوة و الحلويات و عنما ندبحو كل واحد يدير حاجة واحد يغسل الكرشة و المصارن و واحد اشوط بوزلوف و واحد يغسل الاواني اما الوالدة التي توحشتها بزاف اطيب الكبدة و تلوي عليها الشحمة و مبعد تحطهم يتشواو هدا انقولولو البولفاف و هو لديد جدا و تمد لوالدي العزيز هو الاول بما انه هو رب الاسرة الدباح و نتلموا كامل ناكلو من ادين الولدة الغالية و لما انكملوا اشغلنا ونغسلوا كلشى انحطوا الشخشوخة الي طيبناها الصباح للغداء لانو بعد الشوا التاع البولفاف تبغي حاجة حارة و كي انكملو نبداو في الزيارات و في المساء انطيبا البوزلوف اما حاليا فانا في نيو يورك فالحال مختلف جدا


والله نقرا و جسمى يقشعر ربى يعينكم على الغربة
اما الشخشوخة هل هى ضفر او رقا ق ويكفيكم الحال انكم ديروها الصباح
ربى يفضلك والديك ويحفضك ليهم ودوم عليكم النعمة

[bassamat]

السلام عليكم
اختي انا في الاصل من الشرق العيد يفوت عندنا هايل خاصة مع لمة العائلة و الاحباب
في صباح العيد نروحو نصليو نسمعو التسابيح و نسبحو يا الاهي فكرتيني المهم ومن بعد نجيو من الصلاة نسلمو على بعض و نقولو عيدك مبارك ومن بعد يذبحو الرجال الخروف ويجيبولنا الراس نشوطوه ونتعاونو نغسلو الدوارة وفي هاذ الوقت تشويلنا ماما الكبدة وتبدأ ب بابا ربي يرحمو وتكون الكبدة هي اول حاجة تدخل فمنا نديرو السنة نبداو بالكبدة
ومن بعد نشويو الكبدة والكرشة والقلب و المصارن...... ويكون هذا هو غدانا ومن بعد نوجدو القهوة و القاطو ونتزوقو وتبدأ الزيارات وفي المساء نديرو الراس نحمروه في الفور مع البطاطا كيما قالت ام مازن نديرو بولفاف
اما في اليوم الثاني الصباح لازم نفطرو بخبز الدار و القاطو ومن بعد نديرو الغداء شخشوخة ونبداو نشويو في اللحم على الجمر وفي الشواية électrique وكي يجيونا ضياف نحطولهم الشواء ومن بعد القهوة و القاطو ياك نقسمو الجزرة على ثلاثة للصدقة وأهل البيت و نحطو للناس وهذا هو العيد في البلاد
اما هنا وين راني ماكان حتى عيد الخروف ما نشوفوهش خلاص عشية العيد يجينا مذبوح و مقصوص وساعات مجمول واحنا نقصوه يجي بلاشي راس ولا دوارة تحسي روحك شريتي لحم ماشي خروف هههههه وما كان لا حباب لا عائلة نزوق روحي ونقعد وحدي في الدار من قبل كنت نروح نصلي صلاة العيد ملي زيدت عدت ما نقدرش.
والله في هاذ المناسابات ماكانش قد البلاد الغربة مش مليحة*
عزيزتى سرسورة
اولا ربى يرحم باباك ويسكنو فسيح جنانه
لاه راكى فى فرنسا:confused::confused::confused::confused:
اذا ماكيش حابة دقولى اتفهمكى اختى
والله كى دجى تشوفى تعبو
طريقة الغرب احسن و انضف
ربى يعينك ويحفضك لعايلتك
:mh31:

[bassamat]

السلام عليكم انا من عين الدفلى من الوسط الجزائري.
في يوم العيد نروحو في الصباح الباكر الى المقبرة لزيارة قبر اخي رحمة الله عليه، و هذا بعد صلاة الفجر ثم ننتظر ابي حتى يأتي من المسجد بعد صلاة العيد نتجمع حوله مع امي واختي الصغيرة نسومة ونقبل عليه بعد ذلك نستناو الذباح و لما ننحر الخروف اغسل الدوارة و امي تشوط البوزلوف لانه من اختصاصها اما فيما يخص الكبدة و الرية فلا ننزعها في اليوم الاول فحسب راي ابي هذه من العادات التقاليد ، اما المصارين توع الخروف بعدما نغسلوهم جيدا نقطعوهم رقيق و نقليهم مع البصل و الثوم و نضيف لهم البهارات و في الاخير نضيف كمية من الطماطم و بعد ما يتجمر راه ايجي طبق شباب بزاف اما فيما يخص الدوارة نعملوها عصبان او بكبوكة و هذا في العشاء اما البوزلوف فابي يحبو بزاف نعملوهلو مرقة او مفور في الكوشة و يجي طعمو هايل ايهبل بعدما نحشيه بالثوم و البهارات و الزعيترة و غيره و في اليوم الثاني نشويو الكبدة على الجمر و نعمل الملفوف او نشوها على الطاجين فوق النار بعدما ايكون الكسكسي جاهز وهذا طبق امي اللذيذ الي تحضرونا مع اللحم و في الاخير انشاء الله كل عيد ايعم علينا الفرحة يارب
ربى يرحم خوك و يسكنو فسيح جنانه
ونعمة التقاليد
ويارب ادمها فرحة
واحفضلك والديك

[سلمى_2008]

السلام عليكم ورحمة اله وبراكته انا يا اختي شاوية وبالضبط من ام البواقي
حنا نهار العيد ماما وبابا يروحو يصليو في الجامع وانا نعدل الصالون ونسجيلهم السنيتاع القهوة مع الحلوات منكثروش منهم بويسك عيد الحم ههه العيد الصغير هو الي نكثرو فيه الحلوات اما عيد الفطر نديرو مقرود وكروكي وغربية وبقلاوة بويسك نموت عليها لازم كل عيد تكون حاضرة المهم كي يروح بابا وماما من الجامع نسلمو عليهم ونقعدو كامل نشربو قهوة كي نكملو يروح بابا يدبح الكبش وديما انا وماما الي نعاونوه ومباعد كل وحدة حاجة ماما تشوط الراس وانا واخواتاتي نغسلو الدوارة ومباعد كي نكملو نسيقو الكوزينة مليح ونبداو نسجيو الغداءاليوم الاول نديرو قليان كبدة والقلب والرية ....... مع القازوز طبعا كي نكملو اختي تغسل لماعن وبابا يروح يغف لعمامي بويسك هو الصغيرفيهم لازم هو الي يروح و في الليل نديرو شوا ويجيو عماامي كامل يتعشااو عندنا والغدو الصباح دير ماما شخشوخة تاع الضفر تغداو ومباعد نروح لدار جدتي ام الام نغفرو لخوالي ونديولهم قسمتهم تاع اللحم وفي الاخير انشاء الله كل عيد ايعم علينا الفرحة يارب

[harachia]

السلام عليكم
حنا ليلة العيد نروحو لدار جداتي نباتو باش الصباح بابا يلقا روحو واجد وزيد باش يصلي فالجامع اللي قدام الدار في هاديك اليلة نعمرو الباسينات ديال الماء باش ادا نقس الماء نلقاوه واجد ونهار العيد الصباح بابا و عمي وزيد راجل عمتي يروحو يصلو صلاة العيد و حنا النساء نخملو الدار كي يجيو من الجامع ما ياكلوش حتى يذبحو الكبش باش يدوقو شوية كبدة حنا ندبحو 3 كباش واحد ديالنا وواحد ديال عمي و التالت ديال عمتي يبداو بديالنا لان بابا هو الكبير امبعد يذبحو و يمدولنا البوزلوف و الرجلين ماما تحكم الراس و مرت عمي الرجلين وانا انقي المصارن و الدوارة وهكا حتى نكملو الكباش في 3 امبعد ماما تنود تدير الفطور تقلي البطاطا و الكبدا الريا و نفطرو بيهم كي نكملو الفطور اندورو لهاديك الدنيا و نتعاونو و نسيقوها و نبدلو و نستقبلو الدياف و فاليل نتعشاو بالبوزلوف ولا العصبان و فاليل نروحو لدارنا وغدوا منداك نديرو الشوا وطعام كاين اللي يحبو ياكلوه كي يجو لعندنا والله يجوز العيد بزاف هبال مع العائلة مع انو جداتي عندها عامين ملي توفات مي قعدنا نروحو نعيدو في دارنا القديمة في وسط الاحباب اسمحولي اني سمت و طولت عليكم و صحى عيدكم

[bassamat]

السلام عليكم
حنا ليلة العيد نروحو لدار جداتي نباتو باش الصباح بابا يلقا روحو واجد وزيد باش يصلي فالجامع اللي قدام الدار في هاديك اليلة نعمرو الباسينات ديال الماء باش ادا نقس الماء نلقاوه واجد ونهار العيد الصباح بابا و عمي وزيد راجل عمتي يروحو يصلو صلاة العيد و حنا النساء نخملو الدار كي يجيو من الجامع ما ياكلوش حتى يذبحو الكبش باش يدوقو شوية كبدة حنا ندبحو 3 كباش واحد ديالنا وواحد ديال عمي و التالت ديال عمتي يبداو بديالنا لان بابا هو الكبير امبعد يذبحو و يمدولنا البوزلوف و الرجلين ماما تحكم الراس و مرت عمي الرجلين وانا انقي المصارن و الدوارة وهكا حتى نكملو الكباش في 3 امبعد ماما تنود تدير الفطور تقلي البطاطا و الكبدا الريا و نفطرو بيهم كي نكملو الفطور اندورو لهاديك الدنيا و نتعاونو و نسيقوها و نبدلو و نستقبلو الدياف و فاليل نتعشاو بالبوزلوف ولا العصبان و فاليل نروحو لدارنا وغدوا منداك نديرو الشوا وطعام كاين اللي يحبو ياكلوه كي يجو لعندنا والله يجوز العيد بزاف هبال مع العائلة مع انو جداتي عندها عامين ملي توفات مي قعدنا نروحو نعيدو في دارنا القديمة في وسط الاحباب اسمحولي اني سمت و طولت عليكم و صحى عيدكم


بالعكس اختى انتى تحكى و انا نتخيل
ما طولتى ما والو كلامك جميل
ادامها الله عليكى نعمة وربى يحفضلك العائلة

[omo mazen]

والله نقرا و جسمى يقشعر ربى يعينكم على الغربة
اما الشخشوخة هل هى ضفر او رقا ق ويكفيكم الحال انكم ديروها الصباح
ربى يفضلك والديك ويحفضك ليهم ودوم عليكم النعمة
شكرا اختي بسمات و اما الشخشوخة هي رقاق و نديروا الرقاق ليلة العيد و الصباح غير نطيبوا المرقة

[المعلم78]

سلام لكل الاخوات والله فكرتينا بالعيد احنا في واد سوف نعمل هكا في الصباح نقوم من الفجر انا وسلفاتي الاثنين نبداو في ترتيب البيت والتسياق حتى نكمل ونبدو فى اخراج كل المتطلبات من قصاعي واوانى و....والطابونة وكلش عجوزتي كل عيد تبدا في ارسال صحون القاطو للجيران تبادل الصحون هههههه انا ابدا تلباس اولادي ربي يحفضهم اوالرجال راهم في المسجد والتسابيح عاملة حالة عند قدوم الرجالة من المسجد نعيدو على بعضانا وبابا اب زوجي يبدا يدبح 3خرفان ثم ينادوه الجيران باش يدبح كباشهمونحن نتقاسم السغل بين تشواط الروس وتنصيف الدوارةوعجوزتى وطفلتي اخت زوجي يشووالكبدة واللحم على المراوكل الاعمال تكون خارج ولاندخل الاشياء الا بعد تنضيفها هكدا قانون السلفات حتى تبقى الحالة نضيفةونكون نضفنا الروس وغسلناهم نخبيهموتبدا روائح الشواء متصاعدة والاولاد يحومو والشاي على الجمر ونكونو حضرنا السلطة والقازوز وتجتمع الافراد اسلافي ويرجع بابا للدار ونعملو جلسة الكل موجود وناكل اللحم والسلطة والمشروب فقط تم الشاىوثم يقسم بابا الكباش ويرسل لكل نصيبة والباقي يديره في الثلاجةوننضف الحالة البرا مع ان الداخل يبقى نضيف ونوجدو حانا لزيارة الاعمام والاخوال ونرجعو كان مع المغرب نوجد مقرونة للعشاء مع الزيارات وهكدا لكن الراس نطبخوه بعد3ايام وكدلك الدوارة نصف نعملوه عصبان والاخر يتقلى في الكوكوط مع شوي بصل وتوم وبهارات وطماطم حب وتجى روعةوهكدانتعونونكملو بكري وصح عيد الجميع

[bassamat]

شكرا عزيزاتى نورتونى بعاداتكم مع اختلافها وهذا هو الشىء الاجمل sami_2008 (http://www.djelfa.info/vb/member.php?u=1095)
المعلم (http://www.djelfa.info/vb/member.php?u=50861)harachia (http://www.djelfa.info/vb/member.php?u=50861)78 (http://www.djelfa.info/vb/member.php?u=50861)
يعطيكم الصحة

[majda archi]

بالنسبة للعيد عدنا في تقرت
ليلة العيد نبعثو نمضو السكاكين والساطور ويروح بابا عند الدباح باه يوصيه بش يجينا مور صلاة العيد.وفهداك الوقت نكونو نظفنا الدار و فرشنا صالون وفي الليل نديرو الحنة لخواتاتي الصغار في يديهم.صباح العيد يروح بابا وخويا للمسجد وتبنا الابتهالات (الله اكبر اله اكبر ...لا اله ا لا الله...) نهيو طاولة القهوة مع خبز دياري وكي جي بابا نروحو نجرو نعيدو عليه وبعدها نشربو القهوة ويدقدق الباب اجرو جا الدباح وفي لاكور يدبحوه ويجبلنا بابا الدوارة والقلب والكبدة وتبدا كل الواحد يدير في قضية انا نقسم الكبدة والقلب ونغلفهم ويعودو ملفوف واختي تشوي الفلفل فالمقلاة ويكون مقطع صغير مع فلفل الحار بالطبع وكي يتشوا ديرلو زيت زيتون +خل +ملح بالطبع.كذلك سلاطة طماطم بالبصلة الخضرة وسلاطة الجزر المفورةوبعد نزيدولها طماطم مقطع صغير و ثوم وكروية وكمون وتتشوح في المقلاة .وكي يروح الدباح نعلقو الكبش المسلوخ وماما تشوط الراس وبابا يبدا يشوي فاسياخ الملفوف (الكبدو القلب )وانا نبدى نغسل الكرشة و المصارين .وكي تكل ماما تشواط تهز جلد الكبش تنضو من الدم و الاوساخ وديرلو الملح الخشين مع الشب وتحطو فالشمس
بعدها خوتاتي الصغار ينظفو لاكور والكوزينة.ونحطو الطاولةونتلمو كامل على الشواء والسلاطات والبطاطا المقليةوالقازوز وفهدا الوقت يكون ابريق الشاي يطيب فوق الجمر نتاع الشواء.لكن غالبا نهار العيد نتغادو حتال 2 بعدها نغسلو الماعن نلبسو لبستنا والى نروحو لدار جدتي نقعدو ويتلمو عمومي وعماتي نتعشو كسكسي باللحم و قلاية والتي هي دوارة طايبة مع ثوم وطماطم و الحمص يعني مرقة حمرة ومرشوش عليها الدبشة (حشيش مقطفة) وبعدها نروحو لدار ومن غدوا نقطعو الكبش ونمدو منو ونشو مع 10 اللحم والي يجي نحطولو .اما الكرشة نقسموها على 2 نصف للعصبان لي نحشيو فيه السلق والروز والنعناع اليابس وشوي من مصارن والكلوتين والبهاراتونخيطوها ونطيبوها في وسط الشربة باه تتشرب مليح وبعدها نحوها ونحطو العصبان والجاري فالغداء ونروحو نعيدو على خوالي وخلاتي .وفالعشاء نشويو كوطلاطعلى الجمر.اما نهار ثالث يشرف سي بوزلوف للكوشة بعد ما داويناه ونتغداو بيه.صح عيدكم مصبقا

[أم يحي صهيب]

السلام عليكم لبناات كي دايرين خير
بما انني جديدة في المنتدى لقيت الموضوع يناديني
والله والله انا نقرا في ردوودكم وابكي بحرقة والله وقلبي معطووب
تفكرت العيد في بلاادي وفي داارنا مع والديا لعزااز يا يما الغربة شحال اصعيبة وكيما العادة خهادي المرة تاني راح نعيد هنا ما درتش حساابي من قبل حيت مشيت في جويلية وراني غير ما جيت في 16سبتمبر ولكن قدر الله ما شاااء فعل قعدت 3 شهووووور في البلااد وما كرهتش نزيد نقعد حيت بااطل والله

وانتوما حسستوني بلدة البلااد والعيد الاضحى والتكبير صبحية العيد والحولي منين نديرولو الحنة ويوم عرفة يا ويلي مالي نبكي راه رااسي وجعني
ما كرهتش نعيد في البلاااد ولكن الظروووف ان شااااء الله خير

ايوا عندي 5 سنين ما عيدتش مع العااايلة وعجوزي حتى هي في البلااد وراح نعيدو كي العاادة وحدنااا وبراااسنا
ايوا العيد بفرنسا يا اخواااتي ما في شئ نروح للمسجد ونجي نرقد الا دبحتي ما تحسي بيه ولا تشوفيه والله
والله المستعاان
ايوا لبناات يا ريت كل اخت تحسسني بالعيد هون

اختكم سارة المغتربة

[bassamat]

بالنسبة للعيد عدنا في تقرت
ليلة العيد نبعثو نمضو السكاكين والساطور ويروح بابا عند الدباح باه يوصيه بش يجينا مور صلاة العيد.وفهداك الوقت نكونو نظفنا الدار و فرشنا صالون وفي الليل نديرو الحنة لخواتاتي الصغار في يديهم.صباح العيد يروح بابا وخويا للمسجد وتبنا الابتهالات (الله اكبر اله اكبر ...لا اله ا لا الله...) نهيو طاولة القهوة مع خبز دياري وكي جي بابا نروحو نجرو نعيدو عليه وبعدها نشربو القهوة ويدقدق الباب اجرو جا الدباح وفي لاكور يدبحوه ويجبلنا بابا الدوارة والقلب والكبدة وتبدا كل الواحد يدير في قضية انا نقسم الكبدة والقلب ونغلفهم ويعودو ملفوف واختي تشوي الفلفل فالمقلاة ويكون مقطع صغير مع فلفل الحار بالطبع وكي يتشوا ديرلو زيت زيتون +خل +ملح بالطبع.كذلك سلاطة طماطم بالبصلة الخضرة وسلاطة الجزر المفورةوبعد نزيدولها طماطم مقطع صغير و ثوم وكروية وكمون وتتشوح في المقلاة .وكي يروح الدباح نعلقو الكبش المسلوخ وماما تشوط الراس وبابا يبدا يشوي فاسياخ الملفوف (الكبدو القلب )وانا نبدى نغسل الكرشة و المصارين .وكي تكل ماما تشواط تهز جلد الكبش تنضو من الدم و الاوساخ وديرلو الملح الخشين مع الشب وتحطو فالشمس
بعدها خوتاتي الصغار ينظفو لاكور والكوزينة.ونحطو الطاولةونتلمو كامل على الشواء والسلاطات والبطاطا المقليةوالقازوز وفهدا الوقت يكون ابريق الشاي يطيب فوق الجمر نتاع الشواء.لكن غالبا نهار العيد نتغادو حتال 2 بعدها نغسلو الماعن نلبسو لبستنا والى نروحو لدار جدتي نقعدو ويتلمو عمومي وعماتي نتعشو كسكسي باللحم و قلاية والتي هي دوارة طايبة مع ثوم وطماطم و الحمص يعني مرقة حمرة ومرشوش عليها الدبشة (حشيش مقطفة) وبعدها نروحو لدار ومن غدوا نقطعو الكبش ونمدو منو ونشو مع 10 اللحم والي يجي نحطولو .اما الكرشة نقسموها على 2 نصف للعصبان لي نحشيو فيه السلق والروز والنعناع اليابس وشوي من مصارن والكلوتين والبهاراتونخيطوها ونطيبوها في وسط الشربة باه تتشرب مليح وبعدها نحوها ونحطو العصبان والجاري فالغداء ونروحو نعيدو على خوالي وخلاتي .وفالعشاء نشويو كوطلاطعلى الجمر.اما نهار ثالث يشرف سي بوزلوف للكوشة بعد ما داويناه ونتغداو بيه.صح عيدكم مصبقا

شكرا عزيزتى

ربى يحفضلك عائلتك من كل سوء

السلام عليكم لبناات كي دايرين خير
بما انني جديدة في المنتدى لقيت الموضوع يناديني
والله والله انا نقرا في ردوودكم وابكي بحرقة والله وقلبي معطووب
تفكرت العيد في بلاادي وفي داارنا مع والديا لعزااز يا يما الغربة شحال اصعيبة وكيما العادة خهادي المرة تاني راح نعيد هنا ما درتش حساابي من قبل حيت مشيت في جويلية وراني غير ما جيت في 16سبتمبر ولكن قدر الله ما شاااء فعل قعدت 3 شهووووور في البلااد وما كرهتش نزيد نقعد حيت بااطل والله

وانتوما حسستوني بلدة البلااد والعيد الاضحى والتكبير صبحية العيد والحولي منين نديرولو الحنة ويوم عرفة يا ويلي مالي نبكي راه رااسي وجعني
ما كرهتش نعيد في البلاااد ولكن الظروووف ان شااااء الله خير

ايوا عندي 5 سنين ما عيدتش مع العااايلة وعجوزي حتى هي في البلااد وراح نعيدو كي العاادة وحدنااا وبراااسنا
ايوا العيد بفرنسا يا اخواااتي ما في شئ نروح للمسجد ونجي نرقد الا دبحتي ما تحسي بيه ولا تشوفيه والله
والله المستعاان
ايوا لبناات يا ريت كل اخت تحسسني بالعيد هون

اختكم سارة المغتربة

ربى ايصبرك وفوت عليك لعواشر خفاف و ملاح هل انت جزائرية او مغربية
و ان شاء الله يعرفك على ناس يخففو عليك الوحدة نتاعك

[moslihe29]

انا من مدينة معسكر بالرغم انا وزوجى من نفس المدينة الى ان تقاليدنا مختلفة ماحب يزعفنى وماحبيتش نزغفو مزجنا بين تقاليدنا المختلفة فاصبح لنا تقليد خص بنا اولا يذهب هو لصلاة العيد ولما ياتى يجدنى قمت باعمال التنضيف وطيبت خبز الدار المطلوع وحضرت الرفيس تاغ الغرب وهذا من عادات اهل زوجى يدبح زوجى الخروفوانا اقوم بلوازم التنضيف بعد ماننتهى من الخروف اقوم اناوهووالاولاد بتنضيف الحوش واقوم بشى الكبدوصنع الملفوف والسلطات والمخللات والمشروبات وبعدها فى المساء ادهب عند ابى لاغفره وناكل حقى تاع الشى اناوزوجىواولادى وغدا نذهب عند اهل زوجى لان العيد عندهم حتى الغد عاد باه يشوو ويديرو الملفوف اليوم الاول للتنضيف فقط وفطور اليوم الثانى الكسكس بالضلعة والعشاء الطواجين

[janna]

:dj_17:
و الله يا أختي الفكرة عجبتني كثير و الأخوات النغتربات نقلهم الله يصبركم على الغربة راكم أثرتوا فيا بزاف حتى بكيت عليكم
عندي إبن عمي في فرنسا هو كذلك يحكي نفس الشيء مع أنو معاه عائلتو لكن ناقصاتو العائلة الكبيرة
بالنسبة للعيد حنا في الشرق الجزائري يفوت هايل نديروا الحنة في ليلة العيد لينا و للكبش العزيز،أول يوم فيه يروحو الرجال لصلات العيد و كي يخرجوا من الصلات نتغافروا ثم يروحو الرجال يذبحوا الأضحية و كي يجيبوا للنساء الحوايج نتاع الخروف يغسلوا المصارن و الكرشة و يديروا الشواء و بوزلوف
أمافي اليوم الثاني ننوضوا الفجر نطيبوا الكسكس باللحم طبعا و نخرجوا لبرا
من بعد يجي وقت الزيارات للأهل و الأقارب و اللي يتخم يتخم و اللي مايتخمش مايتخمش
و صحة عيدكم مسبقا

[bassamat]

:dj_17:
و الله يا أختي الفكرة عجبتني كثير و الأخوات النغتربات نقلهم الله يصبركم على الغربة راكم أثرتوا فيا بزاف حتى بكيت عليكم
عندي إبن عمي في فرنسا هو كذلك يحكي نفس الشيء مع أنو معاه عائلتو لكن ناقصاتو العائلة الكبيرة
بالنسبة للعيد حنا في الشرق الجزائري يفوت هايل نديروا الحنة في ليلة العيد لينا و للكبش العزيز،أول يوم فيه يروحو الرجال لصلات العيد و كي يخرجوا من الصلات نتغافروا ثم يروحو الرجال يذبحوا الأضحية و كي يجيبوا للنساء الحوايج نتاع الخروف يغسلوا المصارن و الكرشة و يديروا الشواء و بوزلوف
أمافي اليوم الثاني ننوضوا الفجر نطيبوا الكسكس باللحم طبعا و نخرجوا لبرا
من بعد يجي وقت الزيارات للأهل و الأقارب و اللي يتخم يتخم و اللي مايتخمش مايتخمش
و صحة عيدكم مسبقا




شكرا اختى جانا على تفاعلك مع الموضوع و على روحك المرحة خاصة للكبش العزيز عجبتنى

[janna]

اسمحولي على الكلمات الاخيرة راهي كتبتهم بنتي صغيرة حبت تضحك الاخواة شوية باش ينساو الغربة :mh31:

[bassamat]

انا من مدينة معسكر بالرغم انا وزوجى من نفس المدينة الى ان تقاليدنا مختلفة ماحب يزعفنى وماحبيتش نزغفو مزجنا بين تقاليدنا المختلفة فاصبح لنا تقليد خص بنا اولا يذهب هو لصلاة العيد ولما ياتى يجدنى قمت باعمال التنضيف وطيبت خبز الدار المطلوع وحضرت الرفيس تاغ الغرب وهذا من عادات اهل زوجى يدبح زوجى الخروفوانا اقوم بلوازم التنضيف بعد ماننتهى من الخروف اقوم اناوهووالاولاد بتنضيف الحوش واقوم بشى الكبدوصنع الملفوف والسلطات والمخللات والمشروبات وبعدها فى المساء ادهب عند ابى لاغفره وناكل حقى تاع الشى اناوزوجىواولادى وغدا نذهب عند اهل زوجى لان العيد عندهم حتى الغد عاد باه يشوو ويديرو الملفوف اليوم الاول للتنضيف فقط وفطور اليوم الثانى الكسكس بالضلعة والعشاء الطواجين


شكرا ريى يالف بينكم وزيد المحبة قد رشات المطر امين
ونعم العادات

[ام مرية]

الله يسامحك يا اخت سارة والله والله غي بكيتيني انا تاني عندي خويا في فرانسا وهذا العام ما جاش
المهم حنا في دارنا نوضو بكري نهار العيد انا اندير المسمن مين كنت عند امي وكي تزوجت هذو 6 سنين نديرو في داري ونديهولها وندي الكيش نتاعي بنهار من قبل لاني ساكنة في بطيمة الذيق ومن بعد اصلاة يجي خوا يا يذبحلنا لانوبا ما يعرف يدير والو من غير الورقة والستيلو حتى اثناء الذح ما يحضرش باش ما يوسخش القندوة ههههههه ونتعاونو انا خاوتي الزوج في السخ وم بعد نغسلادوارة والهيدورة ونسيق الحوش من الذبح لاني مانحبش ماما تخدم ونديرو الشوا و اللفوف يحبوا خويا لريض بزاف ما نعرف اذا قدر السنا ياكل راهوتعبان ياسر هذو الشهر المهم وفي العشية نشوط الزلوف وفليل نديرو لرقبة جواز بالجلبانة والقرنون هذي عادت دارنا م نديروها والبزلوف طبعا ونتلمو انا واختي المتزوجة ونسا خاوتي وولادهم وكل واحد ييب حق الوالدين اما انا نخليلهم حقهم تن وندي كي ونروح لداري وغدوة من ذاك ندي حق عجوزتي وسلافي الكبار لانهم يسكنو في بلدية اخرى بعيد عليا للاسف سمحولي طولت بزاف نسيت روحي

[maiar]

السلام عليكم


انا تاني من الشرق نسكن في قسنطينة و لكن لا اعرف ماهي عاداتهم يوم العيد و لكن نحكيلكم على اصلي من ولاية ميلة
اليوم الاول في الغذاء نديرو الكبدة مقلية مع الفريت و السلاطة و الكسرة تع المطلوع و في العشاء الكسكس بالعصبانة و الكرشة
اليوم الثاني في الغذاء نديرو الشخشوخة تع السيار و في المساء نديرو الشواء
اليوم الثالث على حساب كل مرة كيفاه

ربي يوصلنا ليه ان شاء االه

[bassamat]

الله يسامحك يا اخت سارة والله والله غي بكيتيني انا تاني عندي خويا في فرانسا وهذا العام ما جاش

المهم حنا في دارنا نوضو بكري نهار العيد انا اندير المسمن مين كنت عند امي وكي تزوجت هذو 6 سنين نديرو في داري ونديهولها وندي الكيش نتاعي بنهار من قبل لاني ساكنة في بطيمة الذيق ومن بعد اصلاة يجي خوا يا يذبحلنا لانوبا ما يعرف يدير والو من غير الورقة والستيلو حتى اثناء الذح ما يحضرش باش ما يوسخش القندوة ههههههه ونتعاونو انا خاوتي الزوج في السخ وم بعد نغسلادوارة والهيدورة ونسيق الحوش من الذبح لاني مانحبش ماما تخدم ونديرو الشوا و اللفوف يحبوا خويا لريض بزاف ما نعرف اذا قدر السنا ياكل راهوتعبان ياسر هذو الشهر المهم وفي العشية نشوط الزلوف وفليل نديرو لرقبة جواز بالجلبانة والقرنون هذي عادت دارنا م نديروها والبزلوف طبعا ونتلمو انا واختي المتزوجة ونسا خاوتي وولادهم وكل واحد ييب حق الوالدين اما انا نخليلهم حقهم تن وندي كي ونروح لداري وغدوة من ذاك ندي حق عجوزتي وسلافي الكبار لانهم يسكنو في بلدية اخرى بعيد عليا للاسف سمحولي طولت بزاف نسيت روحي

شكرا على تفاعلك اختى وان شاء الله يدومها لمة
وربى يشفيلكم المريض وان شاء الله يخلفها العام الجاى و يكملكم الملفوف

السلام عليكم


انا تاني من الشرق نسكن في قسنطينة و لكن لا اعرف ماهي عاداتهم يوم العيد و لكن نحكيلكم على اصلي من ولاية ميلة
اليوم الاول في الغذاء نديرو الكبدة مقلية مع الفريت و السلاطة و الكسرة تع المطلوع و في العشاء الكسكس بالعصبانة و الكرشة
اليوم الثاني في الغذاء نديرو الشخشوخة تع السيار و في المساء نديرو الشواء
اليوم الثالث على حساب كل مرة كيفاه

ربي يوصلنا ليه ان شاء االه










ونعم التقاليد شكرا على التفاعل
وربى يوصلك و يوصلنا ليه

[ام ابتهال و ياسر]

:dj_17: صباح الخير عليكم.... واش راكم انشاء الله لباس؟؟؟
ربي يبارك في الأخت ألي طرحت الموضوع أنا عضوة جديدة و فكرت فيه لكن سبقتني العزيزة، المهم أنا من بسكرة و العادات تاعنا متختلفش بزاف عليكم، نبداو من ليلة العيد ندير الحنة للخروف و الأولاد الصغار وهدا بالصور و الغدوا نضوا بكري مع صلاة الصبح نصلو و بعد ندخلوا المطبخ نديرو البربوشة لخاطر في نصف اليوم يتجملو عدنا الأهل و هكاك الخروف مايكفيش المهم... و بعد يروحوا الناس إلى صلاة العيد و بعد الصلاة يعايدو بعضاهم الرجال و كل واحد يروح إلى دارو يدبحو الخروف و النساء يعاون بالغسيل و كاين ألي راهو في المطبخ يشوط الراس و في نفس الوقت نطيبو الكرشة و المسور و الكبدة .....و نزيدو معاهم الطماطم تاع الحب و الفلفل الحار و الثوم، حنا عدنا في الصباح الرجال هوم ألي يزورو و كيجو لازم تحطي من هداك الخليط تاع الكرشة.......... باش يدوقوا من خورفك و بالطبع كاين القهوة و القاطو لكن يحبو اللحم هو عيد اللحم، و بعد الغداء يخرجو النساء يزورو كل وحدة يون حابة توح أحنا في الصل مانروحو حتى لبلاصة لخاطر بابا هو لكبير عمامي و نساهم و أولادهم هوما الى جيو عندنا و هكا النهار يفوت و سط الهل و اللمة. و النهار الثاني نطيبو الكتف، و النهار الثالث نطيبو الراس.ومع هدا كل كاين الشوى وا نستغناوش عليه و السلام :mh92:

[ام خديجة1]

شكرا لطرحك موضوعا متميزا مثل هذا فكل واحد وعاداته ما شاء الله الجزائر طويلة وعريضة بالاعراف والتقاليد فنحن في بلادنا يفطرو بالحلويات وفي الغداء بالمشويات (القلب +الكبدة +الطحال +......) وفي العشاء يقدم البوزلوف سواء مع الكسكس او محمر وفي اليوم الثاني الفطور على الحلويات ومبعد يبدا وقت الشواء على الفحم وفي العشاء الشخشوخة ................
كل هذا ما حضرتش فيه منذ 7سنوات كنت نجوز رمضان فقط في البلاد الحنينة اما العيد الكبير ولادي ما يحسوش بيه كي تجيبي كبش العيد المذبوح للدار حتى يرقدو الاولاد....................................تحياتي

[ام البناات15]

السلام عليكم
شكرااا لصاحبة الموضوع انا في الحقيقة قريت تقريبا كامل الردود وماشاء الله على العائلات انتاع بلادي كل واحد واش يتفنن
الله يبارك فيهم

ولي عودة ان شاء الله

[أم يحي صهيب]

ربى ايصبرك وفوت عليك لعواشر خفاف و ملاح هل انت جزائرية او مغربية
و ان شاء الله يعرفك على ناس يخففو عليك الوحدة نتاعك
[/right]








لا يا اختي جزائرية ؟مشكوورة ما قصرتي

[أم يحي صهيب]

يارب بلهفه قلبى وعيونى الممتزجه بدموع الشوق اترقب حجاج بيتك وبداخلى شوقآآآ جامح بأن اتعلق بستاااااااااااااائر كعبتك المشرفه لآقول لقد جئت اليك ياربى جئت لبيتك وبداخلى امنيتآ اريد تحقيقها وهى ان اصبح امآ وما هو عليك بعزيز حجيجك هناك برحابك وانا هنا ابكى واحدث نفسى لو كنت بينهم لبكيت بكاااااااائآآآآ مابكاه احد من خلقك حتى اسقط من هيبتك وعظمتك مغشيآآ على ......لو كنت بينهم لآقسمت عليك الا تخرجنى من بيتك هذا الا وانا احمل بشائر الامل لنبته طفلآ بداخلى ....لو كنت بينهم ياربى لاعفرت وجهى بتراب مكه لعلك ترزقنى ....لو كنت بينهم ياربى لاغتسلت من زمزم تبركآآ ورقيتآآآ...لبدنى ......

اااااااااااااه ياربى يامن تعلم مابداخلى اااااااااااه اقولها لك وحدك وانا هنا وقلبى ببيتك هناك ااااااااااه ياربى
..بداخلى رحمآآآ يشكو اليك عقم جدرانه
يشكو اليك ضعف قوته يشكو اليك قله حيلته .............

ربى اترقب حجاج بيتك ودموعى تزرفو المآآآ متمنيتآآآ وجودى بينهم لاشكوك عقمى وعجزى على اسعاد زوجى

[أم يحي صهيب]

حياااكم الله يا اغلى اخوات كي راكم غاية

والله كل اخت تحكي وقلبي معطوب
يا ريتني في الجزاائر مع اهلي


والله دمعت عيني وحسيت بحرقة وانا بشوف ردوودكم سبحان الله


يا ربي فرج علياااا

انا نهاار العيد نروح للمسجد ونجي نكمل نهاري في الرقاااد

حتى عجوزتي في البلااد وخلاتني وحدي هنا


وكيما قالت الاخت ام خديجة الخروف يجي مدبوح ما تشوفيه ما والو


البنة وين هي ؟

ان شااء الله نجوز معاكم العيد هون

:1::1:

[imy88]

العيد تاع العاصمةالجزائراقبل العيد ييمات نقو دار تغسرو لبيوت وكوزينة وكلش باش تكون دنية مقيقة في العيد امبعد ليلة العيد انروحو نحنو للكبش ونحنو حنا بصح انا ما نحبش الحنة غد منداك نوضو بكري نحطو الحلوة تاع العيد اوح بابا اصلي وكي اجي يدبحةو الكبش وهو وخويا وساعات مع عمي امبعد كي يدبحوح وكلش كل واحد واش اشد خويا اشوط مع ببا انا وماما دوارة نقيوها ومسارن انا انكون من صباح نقيت البطاطا وجدتها وكلش احنا انهار اللول نقلو الكبدة والقلب وفي ليل انديرو بوزلوف وغد من داك عصبان وفليل تاعو انديرو شوى كي نكملو كامل اتحرحير تاع الكبش انسيقةو كامل الدنيا
ومبعد مور لفطور انروحو الدار خال ماما هدي دايما عدتنا من قبل ما تموت جداتي وغد من داك انروحو الدار جدي تاع ماما اديرو بزلوف ولا دوارة وناكلو كاملكيف كيف

العيد اكون هايل كي تكون الغاشي وضح ك
وان شاء الله انجوزوه بصحة ولهنا برك

[ام البناات15]

السلام عليكم ورحمة الله وبركاته

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين
كيف حالك إن شاء الله دائما بخير ؟

واش راكم لاباس

وينكم يا لبنات
ارواحو حكيولنا شوية على عداتكم يوم العيد الاضحي

واولاا نستقبله بتنظيف البيت

وشراء الجمر وتمضية السكاكين
ونلعب مع الكبش ونحنيله في ليلة العيد في راسه
هههههه

هو وبناتي في يديهم


انا ياسيدي ندير دائما زوج نواح انتاع الحلويات قبل العيد


ونهار العيد نتقواو بيهم

لان راجلي ما يصبر حتى ناكلو الكبد هو الاول

وانا تاني هههههههههههههههه

وزيد كي يجي من الصلاة نهنىء بعضنا البعض بقدوم العيد

وننحر اضحيتنا بمساعدة جارنا

ومن بعد راجلي يخليني حاصلة اروحي
في لمريسة
ويروح يدبح لكثير من الجيران طبعا مع الاول كنت نفرح كي يدبحلهم
بصح من بعد حسيت بلي هدا بروفيتاج

ها تعلمو يا بلعمي.................

المهم كي يجي يلقاني نقيت الدوارة وشوط بوزلوف

وبديت انا ولدي نشعلو الفحم باش نشويو الكبد بالشحمة اممممممممممممممممممم

وطبعااا ليفريت والسلاطة.وانواع المشروبات الغازية كل واحد واش يحب نشريله ونديرله خاطره في العيد

ومن بعد ناكلو ونشبعو انا خطرات ما نشبعش على خاطركش ولادي يشفوني ونعطيلهم حقي انتاع الكبد والقلب ههههههههههههه
ميكسور بصح حنين هههههههههههههه


المهم ونسيق ونقي ونلبس انا واولادي ونروحو نتعشو عند ......عجوزتي ..بصح هدا المرة والله لا لا بادن الله حتى الغدوة باش نروحلهم

مكان علاه انمم فيهم

وهكدا لغدوة نعيد على دارنا بصح قبل ما نروح نكون شويت لولادي ويا كلو حتى يشبعو

ونروحو لبعض الاقارب ونروحو لدا رنا في الليل نشويو ونفرحو وربي ينعاد علينا وعليكم بالصحة والهناء

[bassamat]

العيد تاع العاصمةالجزائراقبل العيد ييمات نقو دار تغسرو لبيوت وكوزينة وكلش باش تكون دنية مقيقة في العيد امبعد ليلة العيد انروحو نحنو للكبش ونحنو حنا بصح انا ما نحبش الحنة غد منداك نوضو بكري نحطو الحلوة تاع العيد اوح بابا اصلي وكي اجي يدبحةو الكبش وهو وخويا وساعات مع عمي امبعد كي يدبحوح وكلش كل واحد واش اشد خويا اشوط مع ببا انا وماما دوارة نقيوها ومسارن انا انكون من صباح نقيت البطاطا وجدتها وكلش احنا انهار اللول نقلو الكبدة والقلب وفي ليل انديرو بوزلوف وغد من داك عصبان وفليل تاعو انديرو شوى كي نكملو كامل اتحرحير تاع الكبش انسيقةو كامل الدنيا
ومبعد مور لفطور انروحو الدار خال ماما هدي دايما عدتنا من قبل ما تموت جداتي وغد من داك انروحو الدار جدي تاع ماما اديرو بزلوف ولا دوارة وناكلو كاملكيف كيف


العيد اكون هايل كي تكون الغاشي وضح ك
وان شاء الله انجوزوه بصحة ولهنا برك

ماحسنها لمة ربى يفرحكم و يحفضكم

السلام عليكم ورحمة الله وبركاته

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين
كيف حالك إن شاء الله دائما بخير ؟

واش راكم لاباس

وينكم يا لبنات
ارواحو حكيولنا شوية على عداتكم يوم العيد الاضحي

واولاا نستقبله بتنظيف البيت

وشراء الجمر وتمضية السكاكين
ونلعب مع الكبش ونحنيله في ليلة العيد في راسه
هههههه

هو وبناتي في يديهم


انا ياسيدي ندير دائما زوج نواح انتاع الحلويات قبل العيد


ونهار العيد نتقواو بيهم

لان راجلي ما يصبر حتى ناكلو الكبد هو الاول

وانا تاني هههههههههههههههه

وزيد كي يجي من الصلاة نهنىء بعضنا البعض بقدوم العيد

وننحر اضحيتنا بمساعدة جارنا

ومن بعد راجلي يخليني حاصلة اروحي
في لمريسة
ويروح يدبح لكثير من الجيران طبعا مع الاول كنت نفرح كي يدبحلهم
بصح من بعد حسيت بلي هدا بروفيتاج

ها تعلمو يا بلعمي.................

المهم كي يجي يلقاني نقيت الدوارة وشوط بوزلوف

وبديت انا ولدي نشعلو الفحم باش نشويو الكبد بالشحمة اممممممممممممممممممم

وطبعااا ليفريت والسلاطة.وانواع المشروبات الغازية كل واحد واش يحب نشريله ونديرله خاطره في العيد

ومن بعد ناكلو ونشبعو انا خطرات ما نشبعش على خاطركش ولادي يشفوني ونعطيلهم حقي انتاع الكبد والقلب ههههههههههههه
ميكسور بصح حنين هههههههههههههه


المهم ونسيق ونقي ونلبس انا واولادي ونروحو نتعشو عند ......عجوزتي ..بصح هدا المرة والله لا لا بادن الله حتى الغدوة باش نروحلهم

مكان علاه انمم فيهم

وهكدا لغدوة نعيد على دارنا بصح قبل ما نروح نكون شويت لولادي ويا كلو حتى يشبعو

ونروحو لبعض الاقارب ونروحو لدا رنا في الليل نشويو ونفرحو وربي ينعاد علينا وعليكم بالصحة والهناء
امين رانى نقرا فيها و نضحك ربى يخليك
و يحفضلك مولا بيتك و توكليه الكبدة ودومها عشرة

[الصوامعية]

شكرا على هذا الموضوع أختي بسمات خلتينا نتعرفو على عادات بعضنا البعض
أنا من مدينة خميس مليانة ولاية عين الدفلى عداتنا تقريبا متشابهة .
قبل العيد بنهار نجيبو كبش نديرولو الحنة في جبهتو غدوة من ذاك بعد لنذبحو الكبش كل و حدة في الدار واش تدير وحدة تحكم الزلوف وحدة تحكم الدوارة و الأخري راهي في الكوزينة تديرنا الفطور لي هو كبدة مقلية شطيطحة مع سلاطة خص و بطاطا مقلية و العصير
أما العشا نتاعنا يكون شطيطحة زلوف و عصبان
في الغد و هي النقطة المشتركة بين الجميع في العادات و هي المشوي و كل واحد في الدار واش يحب كاين ليبغيه مقلي وكان ليبغيه مشوي على الجمر و كاين ليبغيه مشوي في الطاجين اما الفطور نديرو طعام باللحم بمرقة بيضاء و اللبن .
فيما يخص زيارة القبور نروحو ليهم نهار ثاني عيد مع الصباح للترحم عليهم وزيارة قبر أبي رحمه الله .
نطلب من كل أخت تقرا موضوعي وراهي رايحا تصوم عرفات تدعيلي ربي يسرلي أمري عندي ضروف متخلنيش نصوم هذا العام

[bassamat]

شكرا على هذا الموضوع أختي بسمات خلتينا نتعرفو على عادات بعضنا البعض
أنا من مدينة خميس مليانة ولاية عين الدفلى عداتنا تقريبا متشابهة .
قبل العيد بنهار نجيبو كبش نديرولو الحنة في جبهتو غدوة من ذاك بعد لنذبحو الكبش كل و حدة في الدار واش تدير وحدة تحكم الزلوف وحدة تحكم الدوارة و الأخري راهي في الكوزينة تديرنا الفطور لي هو كبدة مقلية شطيطحة مع سلاطة خص و بطاطا مقلية و العصير
أما العشا نتاعنا يكون شطيطحة زلوف و عصبان
في الغد و هي النقطة المشتركة بين الجميع في العادات و هي المشوي و كل واحد في الدار واش يحب كاين ليبغيه مقلي وكان ليبغيه مشوي على الجمر و كاين ليبغيه مشوي في الطاجين اما الفطور نديرو طعام باللحم بمرقة بيضاء و اللبن .
فيما يخص زيارة القبور نروحو ليهم نهار ثاني عيد مع الصباح للترحم عليهم وزيارة قبر أبي رحمه الله .
نطلب من كل أخت تقرا موضوعي وراهي رايحا تصوم عرفات تدعيلي ربي يسرلي أمري عندي ضروف متخلنيش نصوم هذا العام
اللهم يسر لها امرها و المؤمنين
اللهم انزل عليها و على امة محمد بركة هاته الجمعة

[tamara31]

صباح انوار
ياحسراه على يمات عيد كي كانت تجي حلوا درك كلشي صماط
انا راح نحكيلك على كي كنا زمان
بابا كان الله يبارك بصحته هو لي يدبح درك راه مريض نطلبله شفاء والله غير راني نبكي تفركت كي كنا نفوتو لعيد
كانو خاوتي خواتاتي عمومي خوالي كامل مع بعض درك كلشي تلاشا يجي دباح يدبح وانا نغسل دورا ونشوط بوزلوف
وللفطور نديرو كبدة وودوارة مرقة
ولعشية نروحو للاهل بصح مابقاش عيد كيما كان زمان
وصح عيدكم وكل عام وانتم بالف خير

[bassamat]

صباح انوار

ياحسراه على يمات عيد كي كانت تجي حلوا درك كلشي صماط
انا راح نحكيلك على كي كنا زمان
بابا كان الله يبارك بصحته هو لي يدبح درك راه مريض نطلبله شفاء والله غير راني نبكي تفركت كي كنا نفوتو لعيد
كانو خاوتي خواتاتي عمومي خوالي كامل مع بعض درك كلشي تلاشا يجي دباح يدبح وانا نغسل دورا ونشوط بوزلوف
وللفطور نديرو كبدة وودوارة مرقة
ولعشية نروحو للاهل بصح مابقاش عيد كيما كان زمان
وصح عيدكم وكل عام وانتم بالف خير
ربى يشفيلك الاب و يفضلهولكم
ربى يعين كل واحد فى هذى الدنيا على مشاغلو لان على قد ماكثرت جفت صلة الرحم
الله يهدينا

[هاجر 76]

عيدكم مبروك يالبنات ان شاء الله يعيدو وتعاودو بالصحة والستر
انا درك رايحة نحكيلكم عادات مدينة سيق فى عيد الاضحى وهي شوية مغايرة عن باقى الوطن حنا فى سيق النهار الاول نتاع العيد نبدوه بالقهوة والحلوى ومن بعد صلاة نتغافرو فيما بعضنا وحتى الجيران و الاقارب بالهاتف و من بعد االدبح ونبداو بالنظافة كيما انا غسلت الكرشة و المصارين مع الوالدة واختى شوطت البوزلزف بلعانى باش البطانة تخليهالى دايما تحشيهالي
على 10 و ربع كملنا رحت طيبت الكرشة بالحمص مرقة وهدي عادتنا و فى اليل نديرو البوزلوف مقلى باللصوص وللغد يبدا الصح من 9 نتاع الصباح حتى 1 الشواء كبدة والكفتة والصوصيص ماش كاع الناس يخدموه ومن بعد تبدا المغافرة نتاع الاهل بالزيارات ولليل محمر باللحم وللغد اللحم كوتلات فى الفرن يجي هايل
هدي هي عاداتنا نتاع سيق

[bassamat]

عيدكم مبروك يالبنات ان شاء الله يعيدو وتعاودو بالصحة والستر
انا درك رايحة نحكيلكم عادات مدينة سيق فى عيد الاضحى وهي شوية مغايرة عن باقى الوطن حنا فى سيق النهار الاول نتاع العيد نبدوه بالقهوة والحلوى ومن بعد صلاة نتغافرو فيما بعضنا وحتى الجيران و الاقارب بالهاتف و من بعد االدبح ونبداو بالنظافة كيما انا غسلت الكرشة و المصارين مع الوالدة واختى شوطت البوزلزف بلعانى باش البطانة تخليهالى دايما تحشيهالي
على 10 و ربع كملنا رحت طيبت الكرشة بالحمص مرقة وهدي عادتنا و فى اليل نديرو البوزلوف مقلى باللصوص وللغد يبدا الصح من 9 نتاع الصباح حتى 1 الشواء كبدة والكفتة والصوصيص ماش كاع الناس يخدموه ومن بعد تبدا المغافرة نتاع الاهل بالزيارات ولليل محمر باللحم وللغد اللحم كوتلات فى الفرن يجي هايل
هدي هي عاداتنا نتاع سيق
و نعم العادات هى شوية مختلفة لكن هذا ما يميز جزائرنا الحبيبة

[liliane24]

موضوع هايل راه لحق وقته

[بيزة الشاوية]

السلام عليكم
اختي انا في الاصل من الشرق العيد يفوت عندنا هايل خاصة مع لمة العائلة و الاحباب
في صباح العيد نروحو نصليو نسمعو التسابيح و نسبحو يا الاهي فكرتيني المهم ومن بعد نجيو من الصلاة نسلمو على بعض و نقولو عيدك مبارك ومن بعد يذبحو الرجال الخروف ويجيبولنا الراس نشوطوه ونتعاونو نغسلو الدوارة وفي هاذ الوقت تشويلنا ماما الكبدة وتبدأ ب بابا ربي يرحمو وتكون الكبدة هي اول حاجة تدخل فمنا نديرو السنة نبداو بالكبدة
ومن بعد نشويو الكبدة والكرشة والقلب و المصارن...... ويكون هذا هو غدانا ومن بعد نوجدو القهوة و القاطو ونتزوقو وتبدأ الزيارات وفي المساء نديرو الراس نحمروه في الفور مع البطاطا كيما قالت ام مازن نديرو بولفاف
اما في اليوم الثاني الصباح لازم نفطرو بخبز الدار و القاطو ومن بعد نديرو الغداء شخشوخة ونبداو نشويو في اللحم على الجمر وفي الشواية électrique وكي يجيونا ضياف نحطولهم الشواء ومن بعد القهوة و القاطو ياك نقسمو الجزرة على ثلاثة للصدقة وأهل البيت و نحطو للناس وهذا هو العيد في البلاد
اما هنا وين راني ماكان حتى عيد الخروف ما نشوفوهش خلاص عشية العيد يجينا مذبوح و مقصوص وساعات مجمول واحنا نقصوه يجي بلاشي راس ولا دوارة تحسي روحك شريتي لحم ماشي خروف هههههه وما كان لا حباب لا عائلة نزوق روحي ونقعد وحدي في الدار من قبل كنت نروح نصلي صلاة العيد ملي زيدت عدت ما نقدرش.
والله في هاذ المناسابات ماكانش قد البلاد الغربة مش مليحة*

أنت على الاقل في الغربة لا عليك لوام شوفي اللي متغرب في بلادو

[sondse1]

اسعد الله مسائكم
حنا في لمسيلة
نروحو بعد صلاة الفجر للمقبرة نزورو موتانا و نقراو عليهم الفاتحة "جدة بابا و خالي و عمامي 2 و عمتي و ابنة عمتي و ابنة اختي " و نعيولهم بالرحمة و المغفرة ليهم و لجميع الامة الاسلامية
اليوم الاول نكونو موجدين الشخشوخة بيوم قبل "يوم عرفاء ولا يوم قبلها " "الشواط برك"
و الوالد العزيز و خاوتي ربي يحفضهم يروحو يصلو و انا نضف الحالة و نسقم الصالة و غرفة الجلوس "الهول"
و نوجد القهوة و الحلوى و الجو
و كي يرجع بابا و خاوتي نقبلو عليهم و من بعد يذبح بابا و يعاونو خويا
كي يكمل انا و ماما نشوطو البوزلوف و خاوتي يغسلو الكرشة و المصارين "قبل كانت تسلهم اختي مي ذرك تزوجت "
نقليو الكبدة للعايلة و تكون هي فطورنا
و من بعد القهوة و الحلوى
ومن بعد نسيقو الحالة و نضفو الكوزينة و المراح
انا نقلي الكرشة و المصارين و الكبدة و الرية و القلب و ندير الكسرة +الفلفل+السلاطة
و ماما تدوزن البوزلوف و اللي راح يكون للعشية و العشا مع الشخشوخة و المرق تاع البوزلوف نضيفو منو للشخشوخة يجي تحفة
و من بعد نزينو رواحنا مع الزيارات
اليوم الثاني يكون فيه العيش "البركوكس" برقبة الخروف في الغدا و من بعد يبدا الشوا و القليان "للعايلة و الزوار من الاهل و الاحباب"
اليوم الثالث نديرو الكسكس في الغدا و في العشا نديرو حاجة خفيفة كل مرة كيفاه
و نزورو الاهل في الليل بيت جدي من بابا و في اليوم الثاني بيت جدي من ماما
و احنا لبنات كامل نتجمعو في اليوم الاول بعد صلاة الظهر و نروحو ندورو على كامل الاهل من عمات و اعمام و خالات و اخوال و بقية العايلة

و في الاخير ينعاد علينا و عليكم بالصحة و العافية