تسجيل الدخول

مشاهدة النسخة كاملة : عاجل لرجوكم ؟؟؟

karira79
2011-10-05, 10:34
السلام عليكم يالحباب طولت الغيبة مي اسمحولي الله غالب



اليوم والله ماني نورمال راني مهرود تاع الصح ومرنيش مليح قع

راح ندخل مباشرة في الموضوع :

البنت لحبيتها وحاب نتزوج بيها بالحلال وناوي عليها وربي ليعلم شحال راني صادق

في حبي ليها لخاطر حاب نستر روحي ونكمل ديني

ونعاود ونقول ربي ليعلم على صدق كلامي

عرفتها من عام وكان حب كبير بزاف وكانت تحبني بزاف يعني متعلقين بعضانا

ايا كمل العام خممت مليح وكانت اتقلي غير انت لنديك وانا كونت خايف من المكتوب ايا قررت نقطع العلاقة باه منخسرش المستقبل انتاعها ويكون وعدي ليها مخالف

ايا كنت انفوت لنت ونلقى المواضيع انتاعها تاثرت بالزاف

وعاودت رجعت ليها وفرحت مي من نهار جابت الباك

بدات تتبدل نقصت الميساجات التاوعها في البورطابل

وماعتش تقلي فوت لنت نحكو

ومين انقلها انا تلقى اعذار واسباب

بزاف صوالح

المهم بالمختصر المفيد حسيتها بعدت عليا

وكينقلها راكي بعيدا عليا تقلي غير انت لتبدلت وعودت شكاك

ماعرفتش واش اندير

راني خايف لانغلط معاها ونقطع العلاقة ونكون غلطت اكبر غلطة في حياتي

وانا النموت عليها الله غالب منكذبش داتلي عقلي وقلبي كامل

ساعدوني ياجماعة باه منتهورش راني مدمر تاع الصح

علبالي موضوع قد يضهر لناس عادي مي واش انقلكم

نستنى ردودكم ياعضاء اللمة

معنديش وحد اخر نحكيله

بارك الله فيكم وسمحوزلي على الاطالة والله غير لخصت الفكرة قد منقدر

سلام
syrus
2011-10-05, 10:42
أسف لكنني عندما وصلت لعبارة "جابت الباك" لم أستطع إكمال قراءة الموضوع ...
karira79
2011-10-05, 10:46
ارجوكم اريد مساعدة فلا تبخاو عليا
محمد جديدي التبسي
2011-10-05, 10:57
هذه العلاقات محرمة
اذا كنت تريد الزواج تذهب الى البيت مباشرة بعد رؤيتك للفتاة وليس أن تتصل بها وترسل الرسائل المتنوعة
فهو زواج فاشل قبل أن يبدأ
ثم إذا كنت هي تريد إكمال الجامعة كيف سيكون حالك وأنت تنتظرها حتى تتخرج ثم تتزوج بها
نصيحتي لك أخي أن تتقي الله في نفسك وتعرض عن هذه العلاقات
ومن ترك شيئا لله عوضه الله خيرا منه
أم احمد3
2011-10-05, 11:14
فعلا انت في حيرة
المهم تقدم لخطبتها توجد الكثير من الفتيات المتزوجات او المخطوبات في الجامعات لذا ليست الاولى
انتظر 3 او 4 سنوات والله افرج عليكم وتتلقاو في الحلال
karira79
2011-10-05, 11:51
مشكورين على الردود انتاعكم
كاوكاوة
2011-10-05, 12:02
قوللها لاكان نجي نخطبك .. وشوف ردت فعلها حنوني ..... لكان طير من الفرح فمعناها راهي تحبك ومازال ولاكان لم تتحمس هي للامر فاعرف ان الجامعة غيرتها وشافت عااالم اخر وتقول في قلبها ربما نلقى واحد افضل منك ..... قاري وعندو الدراهم والماتريال ....... المهم حنوني ماتقلق ماتمرض روحك كاين ملايين افضل منها في السوق ...... لكن جرب اسألها ولاكان قبلت تقدملها حنوني واخطبها حتى تصبح هي متعلقة بيك اكثر وتقول عندي راجل ... والصح في الوثيقة
باي
نظام الفوضى
2011-10-05, 12:07
ساهلة جدا خويا



ماتقلق راسك ما والو

نتا قلت خايف من المكتوب؟

علاه تخاف من المكتوب؟


يخي اذا كنت مسلم ومؤمن


تعرف هذا الشيء باللي بيد ربي


مالا

بما انو بيد ربي




ماعليك غير

ترجع لربي





روح صل صلاة استخارة وتوكل على ربي




والطريق رايحة تبان وحدها
مختلف
2011-10-05, 12:24
أسف لكنني عندما وصلت لعبارة "جابت الباك" لم أستطع إكمال قراءة الموضوع ...


ههههههه

سيرِيس هـــذَا لمَّاح وذكِي


كلام جمِيل

يعنِي [ حب مراهقَـة ] يخضــع للمزاجِيات أكثر منه حاجاتْ أخرَى

والطفلَة ( كِي تجِيب الباك ) وتشُوف عالم آخر >>>> تتبدل العقليَّة وتكثر الأذواقْ



لذلكَ

إنت طحت ضحيَّة [ فارغ مراهقَة ]



شيءْ آخر



هذِي ( الجلفَة إنفو )
ماشِي ( اللمَّة )


لذلكَ

حاوِل التأكد قبلَ [ نقل موضوع ما ] أو علَى الأقل [ قراءتِه ]


ومتخافشْ كاين [ غـــيرهَا ]


أنا أهم حاجَة نقدرْ نقولهالكْ ...... ونضمن

هيَ أنك ماراحشْ تمُوت http://www.qassimy.com/vb/images/icons/icon10.gif
karira79
2011-10-06, 09:16
بارك الله فيكم على كل الردود
ونحيتو عليا بزاف
مي عندي تعقيب على الاخ مختلف
انقلك حاجة انا في عمري 30 سنة فتنا المراهقة من وين
هذا حب تاع زواج ماشي تمسخير
مرة اخرى يعطيك الصحة
سفيان01
2011-10-06, 11:14
السلام عليك أخي...
أخي الكريم"مابني على باطل فهو باطل" وأنت بنيت علاقة محرمة مع فتاة ليست زوجتك...أخي الكريم بالرجوع إلى الشرع فقد عصيت الله عز وجل...وإن كنت تحبها فعلا فعليك بالتقدم لخطبتها باش تعرف رأيها الحقيقي فيك وتدخل البيوت من أبوابها لا من النافذة...ونصيحة أخرى إذا قبلت بك بعد الخطبة فهي ستظل محرمة عليك حتى تعقد عليها العقد الشرعي...وإن لم تقبل بك فعليك هجرانها وأن لاتكلمها ثانية فهذا حرام...اللهم إهدنا جميعا:)
أخوك سفيان:dj_17:
nano H
2011-10-06, 13:02
السلام عليكم يالحباب طولت الغيبة مي اسمحولي الله غالب



اليوم والله ماني نورمال راني مهرود تاع الصح ومرنيش مليح قع

راح ندخل مباشرة في الموضوع :

البنت لحبيتها وحاب نتزوج بيها بالحلال وناوي عليها وربي ليعلم شحال راني صادق

في حبي ليها لخاطر حاب نستر روحي ونكمل ديني

ونعاود ونقول ربي ليعلم على صدق كلامي

عرفتها من عام وكان حب كبير بزاف وكانت تحبني بزاف يعني متعلقين بعضانا

ايا كمل العام خممت مليح وكانت اتقلي غير انت لنديك وانا كونت خايف من المكتوب ايا قررت نقطع العلاقة باه منخسرش المستقبل انتاعها ويكون وعدي ليها مخالف

ايا كنت انفوت لنت ونلقى المواضيع انتاعها تاثرت بالزاف

وعاودت رجعت ليها وفرحت مي من نهار جابت الباك

بدات تتبدل نقصت الميساجات التاوعها في البورطابل

وماعتش تقلي فوت لنت نحكو

ومين انقلها انا تلقى اعذار واسباب

بزاف صوالح

المهم بالمختصر المفيد حسيتها بعدت عليا

وكينقلها راكي بعيدا عليا تقلي غير انت لتبدلت وعودت شكاك

ماعرفتش واش اندير

راني خايف لانغلط معاها ونقطع العلاقة ونكون غلطت اكبر غلطة في حياتي

وانا النموت عليها الله غالب منكذبش داتلي عقلي وقلبي كامل

ساعدوني ياجماعة باه منتهورش راني مدمر تاع الصح

علبالي موضوع قد يضهر لناس عادي مي واش انقلكم

نستنى ردودكم ياعضاء اللمة

معنديش وحد اخر نحكيله

بارك الله فيكم وسمحوزلي على الاطالة والله غير لخصت الفكرة قد منقدر

سلام

السلام عليكم انصحك بأن تفكر مليح في هدا الموضوع للان الفتاة التي ترتبط بها رايحة تكون عرضك وأم ولادك في المستقبل ومدام قلت راحت للجامعة اكيد رايحة تتغير وهدا حال جميع لبنات مع ان كاين بزاف بنات ولاد فافيليا
منحبش نظلم بصح نسبة قليلة للأسف بالنسبة لهده الفتاة اسمحلي نقلك ماكنتش تحبك كما قلت للآنها بمجرد راحت للجامعة تبدلت عليك ربي سهلك وينور طريقك ,
السيدة كرمين
2011-10-06, 13:16
السلام عليكم

أخي العلاقة كما قال لي سبقوني هي محرمة و الافضل دخول البيوت من أبوابها

ثانيا لماذا افترضت أن الجامعة غيرتها .... أخي البنت لما تدخل الجامعة خاصة لأول مرة

فانها تكون خايفة من الفشل و مقلقة على مستقبلها و مجتمع جديد لابد أنها تتعرف عليه

وزيد سيستام الدراسة الجديد ل م د منهك جدا ومشارجي وصعب على الطلبة الجدد

حاول تكون متفهم و متعقل وحكيم فكر في الظروف لي تغيرت مش البنت

اطرح عليها فكرة الارتباط الرسمي

ربي يوفقك ويسمعنا اخبار الخير
sarl02
2011-10-06, 13:17
بارك الله فيكم على كل الردود
ونحيتو عليا بزاف
مي عندي تعقيب على الاخ مختلف
انقلك حاجة انا في عمري 30 سنة فتنا المراهقة من وين
هذا حب تاع زواج ماشي تمسخير
مرة اخرى يعطيك الصحة

والله انا من طريقة كلامك كنت حاسبك في عمرك 20 سنة ..قلت معليش لكن ...30سنة وادتلي عقلي و قلبي وو....واش هذا.... الراجل في هذه المرحلة لازم اكون في اتم نضوجه ....وليست بنت 19 او 18 الي اديرلك هكذا.....ليس عيبا ان ترتبط ببنت 18 او 19 لكن يجب عليك احتواءها يعني انت لازم تكون قدوتها بحكم راك فايتها خبرة في الحياة .....ونصيحة من اخ في مثل عمرك تقريبا و امجرب ..اذا لم تستطع احتواء هذه الفتاة ..وانظن راك تعرف ما هو الاحتواء بجميع معانيه...اتركها اححسن خير لك ولها...سلام عليكم.
Forever Agerie
2011-10-06, 13:49
السلام عليكم

الحب قضاء وقدر لا ينكر وقوعه من يؤمن بالله تعالى وباليوم الآخر، قال معلم البشرية عليه افضل الصلاة وازكى سلام: (الأرواح جنود مجندة ما تعارف منها ائتلف وما تناكر منها اختلف) رواه البخاري ومسلم.
و انظر الي قول معلم البشرية عليه الصلاة والسلام فلتعمل به على الفور,عن ابن عباس رضي الله عنهما ان رجلا قال "يارسول الله في حجري يتيمة قد خطبها رجل موسر ورجل معدم، فنحن نحب الموسر وهي تحب المعدم، فقال صلى الله عليه وسلم: (لم نر للمتحابين غير النكاح) اخرجه ابن ماجه والحاكم
لذى اخي الفاضل
اطرق بيت من تحب ان كنت فعلا تحبها
ميمنة الجزائر
2011-10-06, 14:09
الحب وسنينو رآه يجيب غير المشقة بمولاه

خليها على ربي وبارزان من الدخول عبر النافذة

الباب احسن وخليها في الضوء اذا قبلت الله يباح واذا ماقبلتش

راك كبير وتعرف سلاحك وين لكن هاذا الحب لا يكون الا اذا كان بشرف

يعني ساطع مثل الشمس ماشي مخبي وربي يرزقك الصدق في نواياك

والله اعلم بعباده