مشكلتي مع خطيبي

[kelly2929]

أولا شكر كبير ليكم حباباتي ولكل طفلة سقسات وخمت عليا ونشكر كل وحدة تقلقت عليا ربي يخليكم ليا
وسامحوني لإني غبت عليكم بصح والله راني حاير وضايعة ومشني عارفة وش ندير
آلاء النايلية شكرا على موضوعك ولو إني حوست عليه درك ومالقيتوش
البنات الكل يسمين وbibicha w tamara و حسينة chimitta والبنات الكل ألف شكر
ولكل وحدة سقسات وش صرالي
نحكيلكم على اساس المرة اللي فاتت الخميس نتلاقاو
انا عيطلو قتلو ريحين نتلاقاو ولا لالا قالي راني نستنا فيك
تلاقينا أعطيتو ليبيس وادا قلت ماهدرش معايا نكدب هدر قالي لمي شعرك
أعدلي الخاتم في صبعك المهم برك
ومن باعد قعدنا في بلاصة 4 سوايع كاملة هو ماهدر حتى كلمة وانا كيفكيف
ومن باعد قلي هيا نروحو وقفت مشيت شوي لقيتو مازال واقف كي رجعتلو حضني
قلت صاي درك يقولي نوليو كيما قبل ويعطيني ليبيس وصاي بصح لالا
مهدر حتى كلمة وكي روحنا كيفكيف وعدات سمانة حتان اليوم الاربعاء ماعيط ماوالو
زدت انا ليوم عيط قتلو حنتلاقاو قلي راني نستنى فيك ونفس الحكاية تلاقينا وماحكينا والو
هو من النوع اللي يقول راي هو راي
وانا هكدا مانكملش من الأول قال حبسي خدمة وماتخرجي لا مع بنات ولا مع امك وانا نخرجك يومين في السمانة خلاني حتان حبست الخدمة ودرك ولات يوم في السمانة


كاين بنات قالولي انا كون نشوف خطيبي مرة في السمانة نفرح بصح كل واحد وظروفو انا خطيبي يخدم يوم بيوم يعني عندو وقت فارغ
والمسافة بيناتنا مش بعيدة 5 دقائق رانا في ولاية وحدة يعني ماكانش مصاريف
وانا مش من النوع اللي يخلي الواحد يصرف ويزيد
وزيد من الاول كانت الشروط هك قال مع امك ماتخرجيش مع اختك لالا مع الصحابات لالا حتى كي يجيوني بنات للدار ونجي نصارحو يبهدلني يقولي علاه جاوك والخلطة مش مليحة ووش حكيتو نقولو حكينا على الجهاو يقولي ماكانش منها ويتنرفا تقول مانعرف وش عاملة
يعني من الأخير انا بالطريقة هادي مانكملش



مشكتي اللي عملتها
قالي ماتخرجيش بلاماتقوليلي ومهار 27 رمضان كنا انا وياه متعاركين قاتلي ماما اشريلي كيلو سكر خرجت حانوت قدام الدار وش نقولك زوج خطوات كون نعيط يسمعوني تع الدار وهو لقاني
قالي كيفا تخرجي بلاماتقوليلي قوتلو بابا اللي قالي قالي مايهمنيش مادام انا ماعلاباليش ماتخرجيش

[kelly2929]

من بعد ماصبرت وعقبت الشهر مايعيط حتان انا نعيط ومايساقسيش وكي نتلاقاو مايحكيش
انا البارح عيط قتلو غدوة حنتلاقاو ولا لالا قالي عندي قضيات قتلو كيفاه يخي قلتي ماتخرجيش خلاه عندك يوم واحد نخرجك فيه قالي الله غالب
***شوفو كيفاه السمانة هادي الأحد والثلاثاء ماخدمش ماكانتش عندو قضيات ونهار هادا دهر عندو قضيات راني قلتلكم السيد شايف شوفة أخرى أنتوما قلتلولي أصبري

[kelly2929]

على كل حال قتلو انا نقلك حاجة انا هكدا ماتساعدنيش مادام عايش حياتك ومخرجني انا من حياتك مالا قلي من درك
قالي هادي هدرة مش تع تيليفون كي نتلاقاو نحكيو قوتلو غدو ارواح لطاكسيفوت ناع عمي نتلاقاو لتما
وكي تلاقينا اليوم بدى يجبدلي الحاشي والراشي تع بكري قالي خرجتي من قبل وماقلتيليش وعملتي ودرتي.....................
قوتلو ادا فضت قولي قالي انا ماجيتش نقولك فضت ولا لالا انا رايح نكمل هك مانعيطلك ما نتلاقو ديما ربي يسهلك حابة حابة مش حابة هادي حاجتك
قوتلو مالا ربي يسهلك أعطيتو الخاتم المرة الأولي داه ومن باعد خلاهولي فوه الطابلة وخلالي الخاتم تع لاليونس اللي مديتهولو ولبستهولو في الخطبة

[kelly2929]

يعني .................................................. ......
فض المكتوب آخر كلمة قلتهالو ربي يسهلك في حياتك حتى كي سقسيتو على الدوسي تاع لونساج قالي مادخلكش

[kelly2929]

انا مابقيتش نعيط وماما مازال ماقلتلها والو هي أصلا قاتلي ماتعيطيلوش خلاه وحايرة ومشني عارفة وش حنعمل درك
يعني باينة فظت

[بصمة قلم]

السلام عليكم ورحمة الله وبركاته
يا ختي وش رح نقولك
أولا خطيبك لا يجوز لك الخروج معه والجلوس معه بدون محرم
ولا يجوز محادثته بدون ضرورة تدعو الى ذلك
فهو أجنبي عنك
هذا فيما يخص الجانب الشرعي الذي وددت تنبيهك له
اما بالنسب للشخص نفسه
نقلك خمي شوية بعقلك و شوفي لبعيد
حياتك معاه رح تكون مزيرية راهو انسان موسوس بزاف

[kelly2929]

انا مابقيتش نعيط وماما مازال ماقلتلها والو هي أصلا قاتلي ماتعيطيلوش خلاه وحايرة ومشني عارفة وش حنعمل درك
يعني باينة فظت

[kelly2929]

مشكووورة أختي على الرد الظاهر ماكانش مكتوب

[samssou]

Ya okhti rabi y3inek bassah hadi mahich saba yhawchek 3liha w3andki tasamhi fih ida kan yhabek w nassihti lik 3aytilou w a3arfi kifech tahadri m3ah f had zmen li lguet rajel tahkam fih bidiha wsaniha wtgoul klil rabi yfaraj 3lik khoyti walah ghir hassa bik

[دموع الورد1]

اختي نصيحة مني راجعي نفسك مراكيش حتسيبي راجل كامل الكمال لله سبحانو ومكاش الي ميغلطتش انا من رايي متأخذي حتى قرار وخلي امور على حالها متعيطلوش خلي تجوز يمات بلاك يعرف بلي هو الغالط وكيما يقولو الي مكتوبة على جبين ما يمحوها اليدين وربي يجيب الي فيه الخير

[samssou]

Walah ghir gata3tili galbi malgré mana3rfakch basah matastahlich wech sralek

[monamimi]

b3id char 3lik kelly wallah guelbi rah yokhrej
nchallah maykoun guir lkhir
nwassik haja sali w ed3i rabi goli ya rabi yesserli omori w ed3i lil w nhar
nchallah maykoun guir lkhir hbibti matkalkiche rouhek
ana fi rayé gouli lmamak khir balak takder t3awnek aw tahki m3a omo

[kelly2929]

مرسي حنونة ربي يخليك ليا

[monamimi]

wallah ya kelly ana 3andi nafss mochkel ta3ek ygoli matokhrjiche dima w matrohiche 3and shabatek
w guali matakhdmiche mais ana guir ngolo ih w nsayess fih bark psq 3labali rayh iji youm w yarja3 normal
enti lgualta li dertiha anek ki tlaguitih mahkitiche m3ah psq lazem nikache dima
dorka c trop tard mais matkhamiche bark brabi nchallah lakan 3ad yhebek sah y3ezek aw yarja3lek
w mat3awdiche nafss gualta w wess3i balek m3ah bark psq j suis sur rjal li yhebou yohkmou yaser aw iji nhar w yenssaw 3la kolech w yet3amlou bien m3ana

[kelly2929]

انا صبرت ياسر وسوفريت ياسر معاك وهو يحكم ياسر في قلبو اليوم كي اهدر معايا جبدلي حوايج تاع قبل عندهم عام وحاجة
وهو ولا يسمع للناس قالي مانزيدش نعيط انا صحيبي قالي والله نسيت التيليفون وكتاه هزيتو مانعيطش خلاه لخطيبتي ...السيد حاب يدير كيفو
والخرجة زعما كي شغل مكرا هو يخرج مانسقسيهش وين تروح ووين تجي بصح انا مانخرجش خلاه لا مع ماما لا مع صحاباتي لاوالو واي بلاصا نقولو رايحة يوقلي لالا
هادي مابقاتش عيشة

[kelly2929]

انا صبرت ياسر وسوفريت ياسر معاك وهو يحكم ياسر في قلبو اليوم كي اهدر معايا جبدلي حوايج تاع قبل عندهم عام وحاجة
وهو ولا يسمع للناس قالي مانزيدش نعيط انا صحيبي قالي والله نسيت التيليفون وكتاه هزيتو مانعيطش خلاه لخطيبتي ...السيد حاب يدير كيفو
والخرجة زعما كي شغل مكرا هو يخرج مانسقسيهش وين تروح ووين تجي بصح انا مانخرجش خلاه لا مع ماما لا مع صحاباتي لاوالو واي بلاصا نقولو رايحة يوقلي لالا
هادي مابقاتش عيشة

[kelly2929]

الله غالب الفراق محتم
انا من قبل كونت قابلة بكلش مادام نتلاقاه يومين في السمانة ونعقب نهار كامل معاه في التلفون فرضت في الخرجة سوى وحدي ولا مع الصحابات ولا مع ماما فرطت في كلش بصح ادا هو مانلقاهش في حياتي ماعندي مع من نحكي ولا عندي مع من نتوانس وزيد مايخرجنيش هادي سامحوني بانتلي ياسر

[kelly2929]

انا مانزيدش نعيطلو خلاه لو كان حاب يعدل كان صباح عدلها مش يقفلها يقولي انا نكمل هك مانعيط في التيليفون مانتلاقاو ديما حبيتي حبيتي ماحبيتيش ربي يسهلك
الله غالب مكتوبي هك

[دموع الورد1]

انا مانزيدش نعيطلو خلاه لو كان حاب يعدل كان صباح عدلها مش يقفلها يقولي انا نكمل هك مانعيط في التيليفون مانتلاقاو ديما حبيتي حبيتي ماحبيتيش ربي يسهلك
الله غالب مكتوبي هك

شوفي قالك هاك قوليلو ايه بينيلو بلي كيما هو محبش يهدر معاك متهدريش معاه وراجل غير شوف المراة محوسش عليه وحدوا يعاود يعيط خليه يمات متحوسيش عليه وتشوفي النتيجة

[مون1]

مساء الخير كايلي توحشتك بزاف
ماعلبليش الى مزالك متفكرتني صح غبت على المنتدى لفترة بسبب ظروف صعبة
ومشكلتي تقريبا تشبه مشكلتك ولكن الفرق هو انه ماما هي السبب
فيما بعد سافرغ قلبي لانه امتلا ولم اعد اجد صديقاتي بسبب انشغالاتهن في مجالات الحياة

المهم تابعت دائما قصتك ولم يكن عندي الوقت الكافي للرد عليك او اجابتك
وكدا مرة ادخل المنتدى من اجلك فقط حتى اراكي ان كنت موجودة ام لا؟
لاتحدث معك فمشكلتك احزنتني كثيرا

كل ما استطيع قوله لك انه قدر الله وماشاء فعل و عسى ان تكرهو شيئا وهو خير لك
لكن بصراحة في قصتك مع هدا الشخص رخم لاحترامي الكبير للحب الكبير الدي جمعكما
اراه لغى شخصيتك من الوجود وحاول ان يسيطر عليك تماما لا عمل لا خروج لا صديقات
ورغم تضحياتك الكثيرة من اجله اقل خطئ بدر منك وبدون قصد عملها مشكلة كبيرة

أختى العزيزة صحيح هو يخاف عليك ويغار ولكن ليس لدرجة ان لا يتركك تخرجين حتى مع امك

ادن ان تزوجته ممكن حتى يمنع عليك الدهاب لزيارة اهلك

أضن ان الحل الامثل هو مراجعة علاقتك معه مع نفسك وخدي منها العبرة
فلربما رجعتما لبعض ساعتها اتمنى حقا ان لا تلغي شخصيتك وتحاولين ان تكوني قوية
ليس معناه المشاكل او شي من هدا القبيل اعود بالله بالعكس قصدي هو ان لا تعملي الا بقناعاتك

تعلمين ان الرجال صحيح يحبون من تطيع رايهم ولكن لا يحبون من تنصاع لاوامرهم دائما وتصمت

أدكر مرة اخبرتنا انك كنتي تحضرين معك قارورة الماء من البيت فقط حتى لا يصرف هو وحتى الغداء على ما ادكر

حبيبتي لا تذلي نفسك له ارجووووووووووكي فان رجع هو فلا تنسي نفسك وشخصيتك فلا تلغيها

على كل لا زلت في عز شبابك وكما قلت سايقا وعسى ان تكروهو شيئا وهو خير لكم
عيشي حياتك اشغلي نفسك حتى لا تفكرين فيه ومن يدري فقد يبعث الله لك من هو خير منه

اما امك فانصحك بان تخبريها فلا فائدة من التاجيل وسترين كم ترتاحين لما تخبريها متاكدة انها ستدعمك نفسيا

وفقك الله دائما وابدا
وعذرا على الاطالة

[kelly2929]

أختي مون راني متفكراتك ومانسيتكش بالعكس تولهت لغيابك بصح قلت بالاك انا اللي ماشفتش مشاركاتك برك لإني كيما راكي علابالك بالي ماشي متهني وحتى المندى مابقيتش ندخل ياسر كيما قبل حاسا باللي كلش ماصطلي

[kelly2929]

صح مون انا كنت نجيب معايا الماء باه مايشربش وحتى اني نجيب بارد خلاه علاخاطر هو يحبو بارد وانا مانشربش على خاطر مايوالمنيش البارد حتى في الصيف
وحتى الغدا كونت نجيب معايا من الدار ونقولو ماكلاه ماتخسر
ماحبيتلوش الخسارة واستخسرت في روحك حتى صريفات زايدة يصرفها قلت غير باه يلم على روحو
الله غالب انا هك نية ياسر

[kelly2929]

ايه مون انا كنت ندي معايا قرعة تاع الماء باه مايشريش ونجيبها باردة لإنو هو يحب البارد وانا مانشربش على خاطر مايوالمنيش
وحتى الغداء كونت نجيب معايا من الدار
ماحبيتلوش الخسارة وإستخسرت في روحي حتى صريفات غير برك باه يلم روحو ومايفسدش
الله غالب كنت نية ياسر ونيتي دارت فيا هك

[kelly2929]

المشاركة خرجتلي مرتين
مشكوورين البنات على الرد

[مون1]

حطي في بالك بلي مول النية دايما يربح

[kelly2929]

انا من اليوم مابقيتش نعيطلو خلاه بصح علابالي كون يعدي حتى شهر كامل علابالي مايسقسيش
يبقى ديما يخمم انا اللي غالطة وهو الصحيح

انا المهم مانزيدش نعيط خلاه
وش رايكم ؟؟؟

[مون1]

علابالكي انا تاني نية كيما انتي ولا كثر منك

وخسرت بزاااااااااااااااااااااااااف على جال النية والحشمة الي بزاف

بصح مع خطيبي صح كنت نحشم منو بزاف بصح كوراجيت روحي وحطيت معاه حطوط حمراء مانسمحلوش لو كان يعديها
هو الي رجع يطلب مني السماح لو كان يفوتها
الزواج لازم يكون التفاهم من الاول وبصراحة تاني رجعت تقريبا ما نحكم والو في قلبي الي توجعني نقولهالو في وجهو بصح اكيد باسلوب ظريف
ليس لاحرجه وانما فقط حتى لا يكرر الامر
اختي من تجربتي الثقة بالنفس وعدم التنازل الكثير
لكن بعض التنازل والمسامحة والتغاضي جيدة لكن الاكثار منها تعرفين المثل القائل ادا زاد الشيء عن حده انقلب الى ضده

[مون1]

كايلي فهمني برك تعيشي انتوما تركتو بعضاكم ولا لا لا

[kelly2929]

على بالك راني خرجتي فيه المرة اللي فاتت قالي راكي ادعيتي فيا افرحي عجبك الحال
انا لتما مافهمتش وش قصدو بصح البيامات هادي فهمت
من باعد ماقبلولو في لونساج رجعولو الدوسي

[kelly2929]

راني قتلك وش صرا بالكلمة اد قريتي مشاركاتي تعرفي
قالي ان نكمل هك مانعيط مانتلاقاو ديما قوتلو انا هكدا ماتساعدنيش قلي ربي يسهل قوتلو وليك تانا اعطيتو الخاتم مش كي عاد خارج خلاهولي وخلالي الخاتم تع لالييونس اللي لبستهولو انا في الخطبة وش تفهمي منها

[kelly2929]

باين باللي فضت

[ffwassim]

ختي انا نقولك حاجه والله غير خطيك منه
هذا والله يمررلك عيشتك غير قيلك
حبسي دوك مدام مكان والو
ماكيش دايبة معاه الاولاد
وكون يسمع بلي راكي تكونيكتي هنا باين يدير حالة والا ما قالكش انساي كلشي ما بيناتنا

[رحيق الايمان]

اختي من خلال واش حكيتي سامحيني راكي راح ترمي روحك في بير انت راح تزوجي ماش تدخلي للحبس كاين حاجة اسمها دين وعادات ما ديريش حاجة الي تخل بيهم و فرات بالصح السيد هذا راهو زودلها هذا من ذرك نهار تكوني عنده في الدار واش يديرلك فكري مليح من فم البير و لا من قاعو ضرك خير ما تندمي كي تطفر صلي صلاة الاستخارة وما تعيطيلوش و الي دارها ربي مرحبا بيها

[*جوداء*]

السلام عليكم اختي

قرات القصة تاعك واستنتجت بزاف اشياء ولقيت انكم انت وياه غلطتو في كثير من الامور
العلاقة من الاول لازم تكون جدية ومبنية على المسؤولية واكثر شيء يخليها مليحة وماشية فالطريق الصحيح هو ان والدين الطفلة والرجل يكونو مطالعين على كل تطور يحصل في حياة هذان الخطيبان قبل الزواج ..
اما اذا اصبح الخطيبان يعملو واش يحبو ويخرجو ويدخلو وقت لي حبو فتخرج العلاقة عن اطارها وعن جمالها وتصبح فوضوية كما صرا في حالتك اختي ...
اكره كلمة لو ولكن اقولها لو انك من الاول حكمتي رجلك عليه وحتى الكلام في الهاتف معاه يكون في حدود المعقول ماكانش يتجرا يتعامل معك بهذي الطريقة ..صدقيني هو يتصرف هكذا بحكم انو شبع منك بدليل راه يقلك مش حاب نسمع صوتك ولا نشوفك ..وفيه شيء اخر يقدر يوضحولك اكثر من هكذا ؟؟
انت احرقتي كل اوراقك معاهوماخليتي حتى شيء يخليه ينتظر يعرفو .لا من عقليتك ولا من طريقة لباسك ولا من تصرفاتك ولا من مشاعرك..وليتي كتاب مفتوح قراه اكثر من مرة وكره من القراة تاعو
لكن الامر اللي تجهلو البنات ان المراة لازم تكون كشهرزاد وتعمل من حياتها امام زوجها او خطيبها الف ليلة وليلة وكل ليلة وكل يوم فيه مفاجئة جديدة يستنا باش يشوفها وهو بدورو رايح يعمل المستحيل باش يكتشف فيك اكثر واكثر ....

نقلك يا اختي حاولي تعيشي حياتك بعيد عنو وكوني واثقة من نفسك لانك اذا ماكانش عندك ثقة في نفسك كيفاش تطلبي منو يثق فيك ..كوني كيما النجمة باش يشوفك بعيدة وماتكونيش ارض يعفس فيك ويفوت ويمل من رؤيتك طول النهار ..
من المفروض كنت انت تتمنعي من الخروج معو والكلام معو طول النهار مش انت لي تطالبه بالكلام والخروج ..
اطلت عليك الكلام اختي ولكن حالتك مثل حالة الكثير من البنات كوني متاكدة لان هذي الاخطاء تقع فيها الكثير من البنات بدون ما تحس وفي الاخير يلاقو نفس النتيجة
تمنياتي ليك بالتوفيق في الاخير

[مون1]

اسفة انقطعت الانترنات عندي وعادت
اقرائي ما كتبه البنات لكي لتاخدي العبرة فقدكف ووفو
اعلم انحالتك صعبة وفي حاجة لمن يواسيكي لا من يضع اللوم عليك
ولكن يا عزيزتي هدا درس للايام القادمة فالانسان يتعلم من اخطائه اتمنى من كل قلبي ان تجلسي جلسة مصارحة مع نفسك وتسترجعي كل ذكرياتك
واخطائك حتى تتعلمي منها مستقبلا
بالنسبة لي يجب ان تفرحي لان الخطا اتى منه وليس منكي رغم انك ساعته
ربما تسالين كيف؟
ساخبرك
انت سمحت له بالتدخل في ادق خصوصيات حياتك سمحت له بالتحكم فيك كيفما شاء
صحيح هو سجنك في قفص لا عمل لا خروج لا صديقات
وانت وافقت بمحض ارادتك فكنت له لوحده تخرجين معه فقط وتتكلمين معه فقط
اكيد ادق تفصيل حياتك تخبريه بها لانه مادا عساكي تحكين معه وانت لا جديدعندك يدكر لانه ببساطة انت مسجونة
فليس لديك الجديد الدي يسليه

والنتيجة انه مل منك


اختى صلي الاستخارة وارجعي الى الله وعيشي حياتك
واحمدي الله انه خلصك من سجن ولا تحزني ابدا لانه هو المخطئ
لان المراة لما ترى عدم اهتمام الشريك بها طبيعيا في لحظة غضب تقول له انتهى كل ما بيننا
لكن الرجل المدي يحب هده الفتاة المفروض يفهم بالفطرة ويحاول تهدئتها او تركها لتفر
ولكنه ما صدق نفسه فتحتي له سيرة الانفصال فقام هو بقلع خاتم الخطوبة

انسي هدا الشخص وحاولي ان تبدئي من جديد
وفقكي الله دائما وابدا
دعواتي لك بان يرزقك الله ما يعوض عليك
في امان الله

[صافية القلب]

حبيبتي كيلي والله راكي في عقلي وقلبي يا اختي لعزيزة لبنات راهم كفو ووفوا يعطيهم الصحة اول حاجة وتاني حاجة اجبدي عليه ولا كيما نقولوا احقريه ودرك ديري الحاجة اللي مقنعاتك حبيتي تخدمي اخدمي اخرجي مع ماماك المهم شوفي ليك انت واش حابة حاولي ترضي نفسك مش هو ضل صلاة الاستخارة واكثري الاستغفار وهني بالك علبالي راكي تعبانة بزاف .واهم حاجة انساي التلفون بلاكي تعيطيلوا والله ياخي قتلك يا كيلي باين عليه ضمنك والراجل بطبعوا ما يحبش اللي تخمم عليه وددلوا راهو يفهمها ضعف اختي انساي الهم ينساك وانا كون جيت منك والله منسقسي عليه على خاطر معلابالوش بيا وقالك مول النية الا ما ربح يسلك على خير واللي فيه الخير يجيبوا ربي

[شوقية]

السلام عليكم و الله يا اختي ماكي خاسرة والوا انا كانت ختي الصغيرة مخطوبة و خطيبها يعرف غير لالا منعها على حبباتها او حتى لافامي وصلت به حتى حب احبسها من القرايا اهنا اختي ديسيدات او حبست و الحمد لله راهي مليح خير ملي كانت معاه غير في المشاكل وين كنت وين راحتي علاش بطيتي هدي مليحة هدي ماشي مليحة والله غير بزاف الزواج ثفة

[shadow30]

ختي لعزيزة اولا نسقسييك يعني هدا عاقد عليك يعني رااح تطلقوو
كاينة حااجة كون جا يحببك تع صح مهما يكون يشد فييك وميسمحش فييك هده كون جا كل همه انه تكون لييه وحده مشي هكا يتشنف
وتانياا ختي كلشي بلمكتوب خلاص باينة راه ناوي يحبس حلييك منوووو كاين الف منو انشالله تلقاي في اقرب وقت واحد يفهمك خرمنه وتنسايه وكملك ربي معاه
متخميش بزااف مزلتي صغييرة ومزالها دنيا طوييييييييييييييييييلة قدامك ومعمرة بالمفاجات

[azhars]

الله يجيب الخير ويصلح احوالكم لي يقيمكش دروك ميقيمكش من بعد بلاك نظرية خاطئة
انا تاني مدابزا معاه على نفس السبب انا قالي متحكيش مع صحاباتك في التيليفون وبدلي البيس قتلو صحا
ابعثلي وحدة والبورطابل اصلا خسرلي اشريلي واحد قالي لا كي نحب نحكي معاك نعيطلك عند ماماك باه تركبيها داير 61 0
واش درت كسرت البيس وراني قاعدا هكاك ودايما يقولي كي تكني عندي نتهلا فيك وديرك في عينيا راني طامعا ومنعرف تصيب ولا تخيب
اذا كان باغيك مهما صرا يرجعلك نتي اصبري وشوفي

[kelly2929]

مشكووورين يالبنات على الردود انا نحب اللي يصارحني واللي ينعتلي غلطاتي
وردودكم ماشاء الله انا نزيد نعقد مع روحي مليح وبالنسبة ليه كيما قلتولي مانزيدش نعيط خلاه وادا كان مكتوبي معاه فظ هنا الله غالب
انا نخليها على ربي وفرات

[kelly2929]

مشكووورين يالبنات على الردود انا نحب اللي يصارحني واللي ينعتلي غلطاتي
وردودكم ماشاء الله انا نزيد نعقد مع روحي مليح وبالنسبة ليه كيما قلتولي مانزيدش نعيط خلاه وادا كان مكتوبي معاه فظ هنا الله غالب
انا نخليها على ربي وفرات

[nour hayat]

حبيبتي كيلي والله راكي في عقلي وقلبي يا اختي لعزيزة لبنات راهم كفو ووفوا يعطيهم الصحة اول حاجة وتاني حاجة اجبدي عليه ولا كيما نقولوا احقريه ودرك ديري الحاجة اللي مقنعاتك حبيتي تخدمي اخدمي اخرجي مع ماماك المهم شوفي ليك انت واش حابة حاولي ترضي نفسك مش هو ضل صلاة الاستخارة واكثري الاستغفار وهني بالك علبالي راكي تعبانة بزاف .واهم حاجة انساي التلفون بلاكي تعيطيلوا والله ياخي قتلك يا كيلي باين عليه ضمنك والراجل بطبعوا ما يحبش اللي تخمم عليه وددلوا راهو يفهمها ضعف اختي انساي الهم ينساك وانا كون جيت منك والله منسقسي عليه على خاطر معلابالوش بيا وقالك مول النية الا ما ربح يسلك على خير واللي فيه الخير يجيبوا ربي

هدا واش حبيت نقولك ارجعي لخدمتك ورجعي علاقاتك مع حباباتك حنونة وربي يجيب اللي فيه الخير

[kelly2929]

انا تانا خممت هك واللي فيه الخير يجيبو ربي

[kelly2929]

ختي لعزيزة اولا نسقسييك يعني هدا عاقد عليك يعني رااح تطلقوو
كاينة حااجة كون جا يحببك تع صح مهما يكون يشد فييك وميسمحش فييك هده كون جا كل همه انه تكون لييه وحده مشي هكا يتشنف
وتانياا ختي كلشي بلمكتوب خلاص باينة راه ناوي يحبس حلييك منوووو كاين الف منو انشالله تلقاي في اقرب وقت واحد يفهمك خرمنه وتنسايه وكملك ربي معاه
متخميش بزااف مزلتي صغييرة ومزالها دنيا طوييييييييييييييييييلة قدامك ومعمرة بالمفاجات



لالا ماناش عاقدين عاملين خطبة برك حتى الفاتحة ماناش عاملينها كونت حنعملها في فيفري

[أحاسيس مرهفة]

ربي يجيب الخير يا ختي كيلي صلي و استخيري الرحمان و انشاء الله يجيك الجواب

[charachoucha]

يا اختي كيلي و الله دايما نتفكرك و محيرة عليك بزاف و نقولك حاجة الاولى بالاكي تزيدي تعيطيلو راهو ضمن دايما بالاربعاء تعيطيلو و تحلليه باش يخرجك الخميس الجاي ان شاء الله كي متعيطيش راهي تبانلو و ادا يحبك راهو يولي يعيطلك و ادا هو معندوش شخصية قاعد يعاند في صحابو حتى في الامور الخصوصية انت متكونيش كيما هو لازم ميلغيلكش شخصيتك
كان لازم من الاول متقبليش تبطلي الخدمة و تقبلي تلغي كامل عالاقاتك حياتك متقتصرش غير عليه كيما قالو ناس بكري راجلك على ما ولفتيه
علابالي بلي راكي حزينة لكن انا نقولك خممي برك بلي ربي راهو عاطيلك صحتك و مخليلك والديك الدنيا و ما فيها

[charachoucha]

انا و الله من علاقتي مع خطيبي عرفت بلي الراجل انتي اللي تولفيه و تفهميه انو هاد الحاجة لازم تديريها و مافيها والو و ماكيش تديري لا في حرام و لا في عيب و معندوش الحق يقولك ماتديريهاش راهو يقتنع و يسكت و اما ادا انتي كي يقلك متديريش هاديك الحاجة مثلا بطلي الخدمة او متخرجيش انت تروحي تقوليلي حاضر حبيبي عندك الحق مالازمش نخدم و مالازمش نخرج انت اللي تعرف واش ندير و واش منديرش اكيد نهار اللي تخالفيه و تخرجي يطيح السماء على الارض و يدير حالة

[جوهرة الغرب.]

يا اختي الكريمة
راني حاسة بيك وبالحالة اللي راكي عايشة فيها لكن تتعذبي شهر اليوم وماتتعذبيش كامل حياتك والله الاحسن ليك انك تبعديه وتعيشي حياتك ومادام نيتك حسنة ربي سبحانو مايضيعكش وضرك يرزقك بزوج احسن منو بالكثير واللي يوالمك ويسعدك ان شاء الله
كوني قوية ومؤمنة بالعلي القدير وسترين
وتمنياتي لك بالسعادة والهناء والتوفيق

[سَلْسَبِيّلْ]

يا اختااه ما نقدر نقولك والو هذا راه حاب شكيت يمشيك على قوستوه هادي واحد و باينتو موسوس بزااااف م اصلااا كون تطلعي للسماء
اذا كان من مكتوبك راه راح يوصلك و اذا كان ما هوش من مكتوبك و الله وديري واش ديري نصيبك رايح يلحقك و الله الموفق ربي يهنيك
و خلاااص مع خاالص تحياتي تقبلي مروري سلاااك

[kelly2929]

والله يالبنات وش نقوللكم البارح في الليل قلت الماما قالت نفوت يامات ونعيط لأمو
وانا خممت بيني ربين روحي صح علابالي باللي هدرتكم كاملة صحيحة بصح
قلت يعني كون كي تلاقيتو البارح مااهدرتش معاه بجدية هكداكا كون حكيت معاه بحنانة شوي ولا لا

[kelly2929]

والله مانعرف وش نخمم راي يدي وراي يجيب

[kelly2929]

اللي كاتبها ربي تلحق

[souma32]

صباح الخير كيلي كي صبحتي اختي ان شاء الله تكوني بخير استخيري ربي هو يعرف الاصلح و ان شاء الله ما يكون غير الخير

[kelly2929]

صباح الخير راني شوية شوية وانتي

[دموع الورد1]

اختي كيلي نحكلك حكايتي وانت خذي عبرة منها انا كي كان عمري 16 سنة تعرفت على شخص يعني اكان نقولك شحل كنت نحبوا لدرجة جنون جازت 3 سنوات واحنا مع بعض المهم لحقت 19 سنة جاء لدارنا يخطبني صراحه عمري ما حسيت بالفرحة متل هداك نهار والله ياختي راني نكتب ودموعي على خدي المهم بعد ما خطبني سيد تبدلوا احوالوا ولا يقولي متروحيش متجيش ولا ميحبش يعيط نفس قصتك يعني انا يمكن كنت صغيرة وحاجة الي جات في بالي انوا شاف شوفة من جهة اخرى بصح انا حاجة الي مكنتش عارفتها باباه مرض وجاه السرطان الله يعفينا بقينا على هديك حالة دايما مشاكل حتى نهار الي خذى قرار وحدوا وتصل ماما وقالها خلاص والله يختي من صدمة طحت نغميت وكي حليت عينيا في سبيطار وحبيت نهدر مقدرتش تعقنت خلاص 3 ايام وانا منهدرش حتى رقيت باش ربي شفاني والحمد الله انا من يومها حلفت منواليش مراها صراو احداث بزاف الوالد انتاعو مات وهو يماه خطبتلوا والان راهو متزوج عندو ولد انا راني مخطوبة لشخص اخر وربي يهنيني معاه

[shadow30]

اختي لعزيزة متخميش بزااف ومتعمريش راسك لكاتبهالك ربي يتوصلك ادا كان مكتوبك مهما تباعتو راه تتلقااو والا ماكش مكتوبك مهما ديري مااا وانشالله لفيها خيير ربي يكملهالك
انتي ادرى وحدة فينا بحالتك الا راكي متاكدة بلي راه يضغط عليك ووهاضملك حقك ومنهار لول بدا يعيشك فجحييم ==كما قالت الاخت من قبل تحملي شهر انسايه خرمن تعيشي كامل حياتك فجحيم مع واح فارض روحه عليك فوق الحدود وانتي ادرى بحالتك ==خلي الامور لربي الا هو مهوش قادر يسمح فيك هو ليجري مراك وعيطلك وحوس عليك ==انتي اصبري ثم اصبري اعفسي على قلبك وستناي وشوفي واش راها مخبيتلك الاايام معاه وادعي ربي سبحاانه ===انشالله بعد شدة ربي يفرج علييك

[souma32]

ربي يفرج اختي كيلي صحتك اهم من كلش و الله تصرا حاجة لا قدر الله حتى واحد ما ينفعك فوضي امرك لله المشاكل هادو كامل الناس تعاني منهم واش هو الواحد يطلب من ربي الرضى و الشيء لي يرضي ربي و يدعي ربي اللهم أجرني في مصيبتي و اخلفني خيرا منها و ماكان علاه تقعدي غير تتنازلي انا واحد حاب يلغي شخصيتي ما عندي ما ندير بيه كي عرفني قبل عرفني هاك عجبو عجبو ما عجبوش يبلط البحر كيما يقولو

[souma32]

شوفو البنات كاين كتاب انا شفته مليح و عجبني و انتوما تحكموا http://www.4shared.com/get/Q0ITY4Hh/______.html

[kelly2929]

مشكورين يالبنات على وقفتكم معايا
انا قررت اني منزيدش نعيط خلاه ونشوف ادا كتبلي ربي الفراق نرض بالمكتوب وادا كتبلي نرجعو.............................
.وماما قالتلي انا نعقب سمانة هادي ونعيط لأمو

[kelly2929]

مشكورين يالبنات على وقفتكم معايا
انا قررت اني منزيدش نعيط خلاه ونشوف ادا كتبلي ربي الفراق نرض بالمكتوب وادا كتبلي نرجعو.............................
.وماما قالتلي انا نعقب سمانة هادي ونعيط لأمو

[kelly2929]

وراكم على بالكم ماما اصلا مش عاجبها قالتلي هادا ماعندو خدمة قدقد ماعندو سكنة قبلنا بيه وصابرين عليه وزيد من الفوق يعمل في المشاكل
قاتلي هادا المشاكل التافهة الصغيرة يعمل عليها هك مالا مرة وحدوخرا على جال كلمة ولا زوج يطلق نورمال

[kelly2929]

البارح قلت بالاك نبعت ميساج بصح البنات الكل قالولي ماتزيديش تعيطي وانا نوتق بكلامهم
مانزيدش نعيط خلاه ونشوف

[soumsouma]

يا اختي نا تتسرعيش هكدا و لا اكثر يبان دك على حقيقتو خير من بعد الزواج و اذا كان يستهلك و ربي مكتبهولك يولي و اذا ما يستهلك ربي يعوضك ما تمرضي روحك ما والو اختي راني حاسة بيك و علمينا بالجديد
ربي يفرج علينا

[soumsouma]

ما تبعثي ما والو خليه هو يبعث اذا مازال عينو فيك

[kelly2929]

كاشما يكون جديد راني نقولكم متهنيين

[kelly2929]

تهلاو في رواحكم

[kelly2929]

وإدعولي إن شاء الله مايفرطش فيا ونرجعو كيما قبل

[kelly2929]

إن شاء الله ياربي

[souma32]

ربي يسهل و يفرج عليك تهلاي في روحك و خلي الامر لصاحب الامر

[احرار]

و الله يماك عندها الحق كيما يقول المثل الزطل و التفرعين.

[soumsouma]

يا اختي باينة تحبيه و راكي متعلقة بيه ان شاء الله يحس بيك و يولي خير من لي كان

[kelly2929]

من جيهة نحبو نحبو وهو الحاجة المليحة فيه خطيه النساء والخدع ومش من النوع اللي يمردي البانيت ويخزر معاهم في غيابي وهادا بشهادة قداه من وحدة وواحد سوا صحاباتي ولا فاملتي كي يشوفوه البرا
بصح كي نخمم نقول وش فايدت الحب ادا كان الوقت كامل نعقبوه مشاكل ولا نعقب يومين ملاح وشهر في التمرميد والمشاكل وش الفايدة
ناس بكري يقولو ادي اللي يحبك ماتديش اللي تحبيه

[دموع الورد1]

راني حاسة بيك وراني مريت بالنفس التجربة ويقولك ما يحس بالجمرة غير الي كواتو ربي يصلح اموركم ان شاء الله

[kelly2929]

البنات انا نقولكم صح غداكم رانا درنا كسكسي اليوم
راكم معروضين تتغداو معايا ههههههههههههههههههه
خلوني في بالكم وادعيولي
بااااااااااااااااااااااااااااااااااااااااااااااااا ااااي

[souma32]

بالصحة و الهنا كيلي حنونة مطرح ما يسري يمري كيما يقولو هههههههههههههه تهلاي في روحك و ربي يهنيك يارب

[kelly2929]

البنات انا نقولكم صح غداكم رانا درنا كسكسي اليوم
راكم معروضين تتغداو معايا ههههههههههههههههههه
خلوني في بالكم وادعيولي
بااااااااااااااااااااااااااااااااااااااااااااااااا ااااي

[soumsouma]

بصحتكم و ماتنساي نستناو الجديد

[kelly2929]

متهنيين كاش جديد راني نقوللكم انتوما الأولين

[ليل حواء]

يا أختي والله ماتتسرعي وتنهي هاك علاقة وهاك حب أنت متأكدة أنو يبغيك لكن من جهة أخرى لازم تتكلمي على الي يقلقك وماتخليهش يضرك أو حتى يفهمك علاه يدير هاك
كلامو مع صحابو ونضرتو ليهم تخليه يخاف من المستقبل وأنو زوجتو تولي تتحكم فيه ماتنسايش رانا جزايرين وعنا كاملهاذ العقلية مالازمش تخلي غضبك يسيطر على انوثتك
من جهة أخرى صمت المرأة عند الرجل يقلقو ويولي يفهم حوايج أخرى
هيا وينو كيدهن عظيم وينو ذكاء المرأة
الكل يقول انك دللتيه وساعدتيه بزاف هاك
مالا اذا كتب بيناتكم ربي الرجوع لازم تخططي واش اديري وواش تقولي
واذا ماقدرتيش تتحملي هاك صراعات ايام الخطوبة فما بالك بالزواج لازم تتحملي ولكن واش الحل انك تتناسي هاذ الموضوع واشغلي نفسك بأي شيء .
أدعي في صلاتك ورانا ندعولك كامل لاننا كامل نحسو بيك أختي اخرجي زكاتك واستغفري كثيرا ليأتيك الفرج من الله أن شاء الله


على فكرة انا أنتظر واش اديري مع خطيبك ومازال الخير*** لايأس ***

[shadow30]

رناا كامل حاسيين بيييك وبمراارة الفراق ورنا كامل معاك بعد ربي سبحاانه اصبري برك شوي وستنااي ردة فعله ان شالله ربي يكون فعونك وعون كل مغبون
رانا نستناو فييك وانشالله تولي ومعاك اخبار مفررحة
صحا فطوررركم وجمعة مباركة

[samoura05]

سلام اختي كيليي متكونيش نسيتيني برك راني قريت حكايتك وغاضني الحال في بلصتك راني حاسة بيك قلك الحاجة ديريها في بالك الراجل عمرك متجري وراه خليه جا جا مجاش يجبو على راسو ديري قيمة الروحك ومتبينليوش راكي ميتة عليه انا وخطيبي خلاص بطلت منو معجبنيش الحال معاه بطلت وراني رايحة نرجعلو خاتمو مختراكش صليت صلاة الاستخارة وحسيت قلبي مرتاح كي بطلت انتي صلي صلاةالاستخارة ومتقلقيش روحك ولي فيه الخير ربي يجيبو

[soumsouma]

على كل امراة حابة تنجح في زواجها تتزوج بلي يحبها ماشي بلي تحبو و ما تجري مور واحد ما يقدرها ما يعرف قيمتها لازم المراة تدير قيمة لنفسها باه يقيمها الراجل و الله يا اختي راني نسمع بحكايات بنات يحللو في الرجال و حابين يشرو رجال بدراهمهم و الرجال ما يحبو وحدة لي تذل روحها و لي مكتوب مكتوب و والزواج حياة عمر كامل لازم نخممو مليح الزواج محسوب على المراة اكثر من الراجل ربي يكون معانا .
مازال نستناو الجديد و رانا كامل متفاعلين معاك

[ايزاوة]

أخت كيلي ما تقلقيش روحك لي مكتبها ربي تفوت المهم انتي ما تعيطيلوش نهائيا واسناي وصلي و استخيري وا دعي ربي والي فيه الخير يجيبو ربي عسى أن تحبو شيئا وهو شر لكم

[YAMIFLEUR]

سلام اختي
قريت قصتك و راني حاسة بيك.حبيت نقولك برك بلي انت تسرعتي كنحيتي الخاتم من يدك كان لازم تثقلي روحك .و حاجة اخرى خلي الشك بلي كاين واحدة اخرى اخر شكوكك الا اذا شافاتو عينك.......و على بالك بلي ككنتي تجيبي الماء و الغدا معاك كنتي تحقري فيه لان ماكانش لازم ديري هاك ...انت كانت نيتك تنقصي المصروف بصح هو كان يفهمها حقرة بلي راك متقدرش تشري..........خليه يشري خليه يصرف ثما يحس برجولتو خاصة انكم مازلتو مخطوبين........معودتيش تكلميه خليه يرجع وحده ...وراح يرجع و ناكدلك بلي راح يرجع .....كبري بالك و اصبري مع الوقت راح يفوت كل شي و على حساب كلامك راهو يحبك لان ماكانش حاجة تبين انك مكيش في قلبو.............................................. .................................

[ايزاوة]

و أنا أيضا عندي نفس الاحساس صلي و اصبري و انشا الله ربي يفرج عليك وعليه و توليو خير من بكري

[soumsouma]

ما كاش جديد اختي تقلقنا عليك

[fatouma alg]

ربي معاك اختي ولي فيها الخير ربي يجيبها انت صلي صلاة استخارة وادعي ربي والي كاتبها ربي نوصلولها

[kelly2929]

مساء الخير يالبنات وش راكم إن شاء الله بخير

[kelly2929]

ربي يخليكم ليا على ردودكم كلها قريتها وعاودت
على كل حال الى الآن مازال ماكانش جديد ماعيط ماوالو ونورمالمو غدوة مايخدمش وعلى بالكم باللي الشهر هادا الأخير كنت انا اللي نعيط صباح نقولو خارجين ولا لالا ظهرتلي او يستنى فيا غدوة انا نعيط
بصح انا صاي مش حنعيط

[kelly2929]

ربي يخليكم ليا على ردودكم كلها قريتها وعاودت
على كل حال الى الآن مازال ماكانش جديد ماعيط ماوالو ونورمالمو غدوة مايخدمش وعلى بالكم باللي الشهر هادا الأخير كنت انا اللي نعيط صباح نقولو خارجين ولا لالا ظهرتلي او يستنى فيا غدوة انا نعيط
بصح انا صاي مش حنعيط

[kelly2929]

كاش جديد راني نقولكم

[ايزاوة]

أهلا أخت كيلــــي الحمد لله كي لقيتك دخلتي و الحمد لله كي راكي بخير ما تقلقيش روحك وكملي كيما راكي و ما تعيطيلوش و خليه و شوفي واش كاين تاع داركم واش قالولك خصوصا باباك واش رايو فالموضوع؟

[kelly2929]

والله بابا إلى حد الآن مازال مااحكا والو وزيد الأمور تع ماتخريش وماتديريش وماتعمليش ماسمعش بيها بابا راني نقول غير لماما
مرة احكا قدامو بالتمسخير قالو بابا مادخلكش فيها مادام في دار باباها ماتحكمش

[kelly2929]

ومن ناحية العيد بابا لاعلاقة خلاه ماسقسى لاجاب لامجابش

[ايزاوة]

ما تهمكش حكاية العيد أخت كيلي المهم كي تكوني مهنية ومرتاحة وباباك عندو حق و من عندي أنا نقولك بلي راهو يعيا ويوليلك خاطر ما عندوش الجرأة باه يقول لباباك خلاص أني بطلت وكون جا بطل صح كون راه بعت باباه ولا عمو ولا خالو المهم لازم يحكيو الرجالة هذي حاجة ماهيش بيناتكم برك راهي بين زوج عايلات واش رايك؟

[ايزاوة]

ولا على الأقل عيطت أمو وقالت لماماك علاه أرواح وبطل برك

[سحر الغروب]

ربي يكون في العون باين عليه داهش مسيكين

اخطيك والتاي في روحك يا طفلة اللي مكتبو ربي يوصلك بلا ما تروحيلو..

[kelly2929]

انا تانا والله كرهت كونت ديما نحكم في قلبي ونسكت
وديما نفوت يامات نعمل نية في الهبال ونعيط ومالقري هو يغلط بصح نكبر قلبي ونقول ماعليش نسامح ماعليش يجي النهار ووحدو وحدو يتعدل
قداه من مناسبة عدات وعقبتها نبكي وديما نقول ربي يفرج

[أماني بلعلى]

السلام عليكم
متزعفيش مني بصح أنتي يلي حليتيلو العين كون تفاهمتي معاه ولوكان في لول فهمتيه بلي تحتاجي الخرجة بزاف باش تحضري وتشري بصح أحمدي ربي كي عشيتي مكيش عاقدة على خاطرة يصراو مشاكل كبار ،خطيبي دايما يعيط يصيب تليفون مصكر وكي نتوحشو نحلو ونبعثلو فليكسيلي هو بالخف ياكتيفي ويعيطلي ويقولي وعلاش راكي مصكراتو نبردو ونقولو تيليفوني فاسد وهدا نتاع الدار ويسقسيني وقتاش رحتي للجامعة نقلو كنت ثمة هاذا وين جيت يعيط ومبعديولي يسكت ودائما يقولي معامن خرجتي نقولو وحدي يقولي لاه نقولي كي نعود في دارك حاسبني على الدخلة والخرجة وراني لاباس معاه محليتلوش العين المهم ادعي ربي ومتدخليش يماك ولا أختك في النص خلي المشكل بناتكم واليام تبنلو بلي راه غالط وان شاء الله تفرج عليك

[kelly2929]

صح مانيش حابة نبعد عليه وفي نفس الوقت نقول تجيني درك نتفارق معاه وانا مخطوبة خير من باعد نكون متزوجة ولا عندي الأولاد
وفي نفس الوقت نقول والله اللي يجي هاداك هو مانعيط مانسقسي ماوالو اللي كاتبها ربي تلحق

[أحاسيس مرهفة]

صليتي استخارة ولا لالا

[kelly2929]

على بالي باللي انا اللي حليتلو العين ومن الأول الغلطة تعي
انا كنت حاسبة كي نعملو رايو ونرضيها هكدا نكسبو ظهرت انا لي جبت المشاكل لروحي
الشي اللي نعملو كامل نعمل فيه من قلبي بصح نيتي اللي وصلتني هك

[kelly2929]

والله مازلت

[أحاسيس مرهفة]

صلي أمالا و ادعي ربي يحسن أحوالك

[حسينة 36]

واش راكي تستني؟؟؟؟؟؟؟؟؟؟؟؟؟؟؟؟؟؟

[kelly2929]

من كتر التخمام عودت نحب نيفيتي مانخممش

[simsima-asmaa]

ربي يكون معاك في محنتك لانو اصعب شي انو الشخص اللي تحبيه يتصرف معاك بهادي الطريقة
لكن بيناتنا اختي احتا ثاني من الاول ما ناخدوش براي الاولياء انتاوعنا و نتفاهمو مع الطرف الثاني وحدنا و نلبيولهم واش حابين على اساس رانا نطيعو فيهم و مع الوقت نكتشفو صعوبة واش حطينا نفوسنا فيه
على العموم يا اختي
الان انتي فقط اللي تعرفي خطيبك و تعرفي عقليتو و بالتالي انتي الوحيدة اللي رايحة تعرف كيفاش تتصرف في هادي الحالة
و ربي يعينك لانك في موقف لا تحسدين عليه

[kelly2929]

صح عند الحق حاسا روحي صح باللي انا غلطت كي تساهلت معاه ودرتلو رايو
الندامة ماتنفعش درك وانا مانخممش خلاه على اللي فات لإنو مهما نهدر نضحك ولا نبكي مش حنبدل حتى حاجة انا تخمامي على اللي جاي

[kelly2929]

والحل الوحيد اللي خرجت بيه درك واللي ماكنتش نعمل بيه من قبل هو نخلي الأمور على حالها ووين توصل توصل

[imene english]

واش نقولك اختي ماتزعفيش راكي مبعدة بزاف عل امور الشرع لا يجوز لمي روية خطيبك و الجلوس معه لساعات الله يهديك اختي وين لقيتوها هذه العقلية و داركم مايشوفوكش كي تتلاقاي بيه و انتي علاه ماتكونيش رزينة اسمحيلي عنده الحق كي زيرك و مايخليكش تخرجي لانه باين رجلك خفيفة و علاه تظلي تحوسي عليه باش تشوفيه واشبيك هذا زواج ماشي لعبة و كي خطبك مش معناته كل وقت تلفون و كل يوم تشوفيه اسمحيلي يا اختي عل كلامي و لكن تكلمت معاك بصراحة ربما حت واحد مايقولهالك و لكن حاسبي نفسك و أزيدي افهمي الأحكام الشرعية لديننا و العلاقة مع الخطيب يجب ان تكون دون لقاات و لا خلوة كيفاه تتلاقاي معاه في طاكسيفون علاه ماتكونوش مستورين في داركم قدام الأهل حب يهدر معاك يستأذن والديك لانه عندكم داركم ماراكيش عايشة في طاكسيفون صراحة اختي انتي ماعرفتيش تتسابق و شوفي تسرعك وين وصلك مدلك الخاتم و انفصلتا بلا مايعلمو والديك توبي ال الله اختي و تجنبي هذه التخطا في المستقبل و كوني ثقيلة و رزينة الزواج ماشي نتلاقاو و تلفون و خاتم و طاكسيفون الله يسترك يا اختي ماتخليش ربي يغضب عليك و اكرر أسفي ماتزعفيش مني لأني لوكان اي وحدة في مكانك راني قلتلها كثر من هذا ربي يستلم أمورك شحال في عمرك*

[kelly2929]

اولا عمري 24
تانيا على بالي مليح وش قاعدة ندير ونعرف نميز بين الغالط والصحيح صح نتقبل رايك بصح في الأول والأخير يبقى رايك انتي مش راي انا
تالتا رجلي مش خفيفة انا نقرا في الجامعة وهادا عامي الأخير وكون ماتبعتش رايو هادا خطيبي اللي تقولي عليه عندو حق كي زيرك راني كملت قرايتي درك وكونت نحدم في شركة سونلغاز في الإدارة ماشي وين يخلصو تريسيتي يعني بلاصة محترمة ومافيهاش الداخل والخارج كون ماتبعتوش وماضيعتش الفرصة من يدي راو درك مترسمة على الأقل نعاون روحي ونعاون حتى دارنا في المصاريف وكون درك راني نخبي مع راجلي باه نشريو دار

[kelly2929]

يمكن انا غالطة في حويج وعطيت الحق البنات اللي نوتق فيهم يهدرو وش يحبو بصح مش لدرجة تجي تقولي عليا خفيفة حاسبتني نهار كامل وانا في الزنقة نخرج بلا سبة
على العموم مشكورة على رايك

[kelly2929]

والطاكسيفون اللي تحكي عليه راهو تاعنا يعني ملكنا ساعات كي ماتجيش طفلة تخدم تتحتم عليا انا اللي نحل الطاكسيفون ونديباني حتان تجي الطفة ولا نشوف شكون يقعد فيه لازم الواحد يقعد في رزقو
حاسبتني من تاكسيفون لتاكسيفون واش حسبتيني ماعنديش اللي يحكم فيا

[kelly2929]

وربي راهو على بالو بيا وعاطيني على حساب نيتي وقداه من مرة صراو حاجات حسيتهم إشارات من ربي انو ماشي غضبان عليا وللدقيقة هادي تع درك
على كل حال مشكورة على ردك انا نروح غير

[kelly2929]

البنات غدوة ان شاء الله بااااااااااااااااااااااي

[احرار]

ربي معاك يا كيلي انت راكي بهمك و هما يزيدولك خص شوية و يتهموك بالزنا هذه طريقة خاطئة في النصح. اصبري و لا تخبري والدكي فيمكن ان يرجع و يكون النصيب فلا تشوهي صورته امام اهلك و لكن قبل الرجوع ان شاء الله يجب ان تشترطي بعض الامور التي راحت عليكي من قبل. ربي يفتح عليك

[ياسمين16]

حنونة ربي معاك و ما تسمعي لحتى واحد خاطر واحد ما يعرف ظروف الاخر هدا هو المجتمع تاعنا يحكمو عليك بال ما يعرفوك المهم كيما قالولك البنات خليها تمشي وين وصلت وصلت و انتي ما تزيدي تديري والو و شوفيه هو واش يدير من بعد قرري و ما تقولي لحتى واحد من داركم اقراي عقوبة الزمان باه كون تولو ما يبقاوش داركم شادينهالو فهمتيني كيلي ربي معاك يا حنونة .

[أماني بلعلى]

السلام عليكم
أختي كيتي خلاص صكري الموضوع على خاطر تخلطت عليك الاراء وهكدا رايحة تمرضي :confused::o:o:o


يا رب نعيد الحب ألي كان
:o:o:o:o
ربي يفرج عليك حنونة

[ايزاوة]

سلام أخت كيلي ما تقلقيش روحك وما يحس بالجمرة غير لي عافس عليها و رغم هذا يبقى هذا رأيها و احترميه وما تقلقبش روحك المهم كيما قالولك لبنات ما تخبريش والديك خلي الأمور تمشي وين توصل توصل كيما قلتي ما تدريش ربي يصلح الأحوال و تتصلح الأمور تبقى ديما صورتو مليحة عند أهلك هذا من جهة ومن جهة أخرى بالاك راهو يمر بظروف ماهيش مليحة

[ايزاوة]

يعني بالاك راه مقلق على لافونير بالاك راهو يدلل بالاك راهو حاب يعرف قيمتو عندك أنت عليك غير تسناي و تصبري وتدعي ربي و تصلي وحاجة أخرى راهو ما بطلش كون جا بطل صح كون راهو خبر داركم راني قلتلك هذي حاجة بين زوج عايلات ماهيش لعبة بالاك راه مقلق على لونساج المهم لي فيه الخير يجيبو ربي و حابة نتواصل معاك بال***** اذا ممكن؟ كي تدخلي رديلي أختي وربي يهنيك

[حمدا لله كثير]

والطاكسيفون اللي تحكي عليه راهو تاعنا يعني ملكنا ساعات كي ماتجيش طفلة تخدم تتحتم عليا انا اللي نحل الطاكسيفون ونديباني حتان تجي الطفة ولا نشوف شكون يقعد فيه لازم الواحد يقعد في رزقو
حاسبتني من تاكسيفون لتاكسيفون واش حسبتيني ماعنديش اللي يحكم فيا

choufi ya okheti koun jiti nta3e taxifonat koun makiche binatna hnaya
wal okhet hadi rahi balek madayna bazaf ala biha
wangoulek hada houwa
w hada houwa mon s*k*y*p*p*e*


bousarhouda
w atasli biya fi aye wakte w kima thazihe goulili bahe nfasih
w rabi ysahel

[alaaemica]

حنونة ما تقوليش بلي فضت خاطر ما علابالكش واش كاتبلك ربي و انا من راي نتي تحبيه و صبرتي معاه بزاف ماتريحيش كلش في لحظة و كيما يقولو المؤمن مصاب و ربي سبحانو يختابر فيك احتسبي امرك الى الله و خلى لروحك فرصة تخمي فيها هادا راهو زواج لازم يكون الساس صحيح نتية راكي باينة نية و ناس ملاح و مول النية لا ما ربح يسلك على خير راني متابعة موضوعك من الاول و نقولك الجمرة يحس بيها غير اللي كواتو و القلب الا عشق صعيب باه يفارق نتمنى ربي يكملك معاه خاطر راه انسان ماشي ملاك يعنيى مكانش اللي ما يغلطش و ممكن راه مكوي عليك كثر منك مي ما ننصحكش تعيطيلو نتي خليه باخد وقتو و يعرف قيمتك خاطر راكي باينة حنينة و تدخلي للقلب و في هدرتك مكانش حاجة تبين بلي راه باغي لفراق ننصحك تصبري شوي و للي كاتبة تلحق بلا ما تحوسي عليها راني نستنى في اخبار مفرحة و نشالله تسمعي خبر يفرحك انتظر جديدك و لا تحزني مهما كان الجديد لان الخير فيما كتبه الله لنا شءنا ام ابينا القدر هو القدر و ما تندميش علي فات خلي كلش وراك حاولي تفكري في حياتك و مستقبلك و ما تطيحيش صحتك خاطر ادا غبنتي روحك نتي الخاسرة و من جيهة اخرى ما تنجمي تبدلي والو و ماهيش نهاية الكون و ممكن يكون ربي مخبيلك حاجة خير من هك ف عليكي بالصبر انتظر جديدك