ارجووكم ساعدوني راني في حيرة

[tita-dz]

السلام عليكم اخواتي و اخواني ارجووووكم اعطوني حل لهدا الموضوع راني عييت و انا نخمم
مند تقريبا سنة و كاين واحد جارنا يهدر معايا بحجة انو نعجبو و بعد مدة تكلمنا في الهاتف و ما نكدبش عليكم والفتو و هو تاني ولا دائما يسقسي عليا المهم ولينا نقسرو و نهدرو على الحياة و بعد مدة اعترفلي بحبو ليا
انا في هداك الوقت فرحت بزااف المهم انا كان عندي الباك كي قرب كنت مقلقة راكم تعرفو الباك و خلايعو و كنت نتقلق من اتفه الامورمي هو ما فهمنيش و زاد كمل عليا يعني هو تاني كي يزعف ما يوليش يعرف يهدر
في هداك الوقت كي قاسني بالهدرة قتلو ما تزيدش تحوس عليا و موراها هو حوس عليا مي كان قاسني بالهدرة بزااف ملتماك ما حوستش عليه و هو تاني
المهم انا موراها جبت الباك و حققت حلم والداي و درت طب و فرحو بيا و رغم هادا صيييف كلو و هو في بالي و جامي راح من بالي و شحال من مرة نشوفو مي مقدرتش نحوس عليه لانو هدر عفايس لي ما ننساهمش
و في هاد العيد الصغير بعتلي ميساج في البورتابل قالي صح عيدك
يا الله كم كانت فرحتي كبيرة و موراها رديت على الميساج تاعو و قتلو صح عيدك و من بعد زاد بعتلي ميساج قالي ما قدرتش ننساك و جامي رحتي من بالي و....
يعني كنا نحسو نفس الاحساس انا دوك راني حاسا بلي نحبو مي ما هو ما تبدلش في عقليتو يعني ما زال كي ما خليتو ما يعرفش يهدر يقيس بكلامو
و زاد قالي انشاله نجي نختبك المشكل انو ما يديرليش لقدر و بزيادة ما كملش قرايتو و ما يخدمش
انا كي نخمم بعقلي نلقا روحي خير منو في كلش يعني قريت و جامي قستو مي كي نخمم بقلبي نعرف بلي نحبو
اعطوني حل واااااش ندير هل نحوس على انسان قلل من قيمتي رغم هادا علابالي بلي قلبو حنين ؟؟

[الامل في الله]

عاودي خمي مع روحك مليح لأنك درك و انت سنة اولى لاحظت الفوارق بينك و بينه فمابالك بعد التخرج

[سفيان01]

السلام عليك اخيتي...
أختصر كلامي في جملة واحدة"مابني على باطل فهو باطل"والحديث قياس:)
أخوك سفيان:dj_17:

[aroua]

أختي في الله جميعنا تحصل لنا مثل هذه الأمور ونحتار في اتخاذ القرار
حبيبتي انا كذالك عندي مشكل يشبه مشكلتك احترت كثيرا
واسألت اصحاب الخبرة
وسألت جيع صديقاتي
حتى مللت من ذلك ولم اجد الحل لحد الساعة الا حل واح أحد والذي اتخذته بعد عناء طويل لكن
أختي أنصحك ولن تجد خيرا منها على الاطلاق أقسم لك بالله
فمهم طرحتي مشكلتك على صديقاتك أو اخواتك أو على النات فلن تتمكني من اتخاذ القرار الأنسب
الا اذا تركتي الأمر الى ذي الجلال والاكرام
الى عالم الغييب والشهادة
الحي الذي لا يموت
القدير العليم
حبيبتي استخيري استخيري استخيري
مرة وثلاثة وأربع و...................................الخ وفي جميع الأوقات المباحة خاصة جوف الليل
واترك الأمر لله هو الذي يعطيك القرار الصحيح الذي لن تندمي عليه طوال حياتك باذن الله
فالشكوة لغير الله مذلة

[- بصمة خير -]

كاينا جملة قولتيها تكفي باش نجتوبوك و باش تعرفي الاجابة
"ما يديرليش لقدر " واش تساناي منو مايقادركش واش تحوسي منو

اخيط مهنووووووووووووووووووووو

زيد
"و بزيادة ما كملش قرايتو و ما يخدمش"
لوكان مانفوتو لقرايا و نهدرو على الخدمة
ماهوش خدام في بالك جاي يجطبك
واش يقول لداركم مدولي بنتكم و راني نعيشو بالحب
ماكنش منها

وانت حسا روحك خير منو راكي تتعبي معاه بزااااااافف و يدور الزمان و يتعب معاك و يكره

و الزواج قرار نديروه بالعقل و القلب ماشي العقل و الا القلب برك

و لوكان نهدرو في الدين و حق الله علينا
حرام لوكان تزيدي تهدري معاه و تزيدي تهدري معاه يزيد مايقادركش


طيعي الله و ماتخافيش
الله يمدلك اللي يستاهلك سواءا هو و لا واحد اخر

[- بصمة خير -]

أختي في الله جميعنا تحصل لنا مثل هذه الأمور ونحتار في اتخاذ القرار
حبيبتي انا كذالك عندي مشكل يشبه مشكلتك احترت كثيرا
واسألت اصحاب الخبرة
وسألت جيع صديقاتي
حتى مللت من ذلك ولم اجد الحل لحد الساعة الا حل واح أحد والذي اتخذته بعد عناء طويل لكن
أختي أنصحك ولن تجد خيرا منها على الاطلاق أقسم لك بالله
فمهم طرحتي مشكلتك على صديقاتك أو اخواتك أو على النات فلن تتمكني من اتخاذ القرار الأنسب
الا اذا تركتي الأمر الى ذي الجلال والاكرام
الى عالم الغييب والشهادة
الحي الذي لا يموت
القدير العليم
حبيبتي استخيري استخيري استخيري
مرة وثلاثة وأربع و...................................الخ وفي جميع الأوقات المباحة خاصة جوف الليل
واترك الأمر لله هو الذي يعطيك القرار الصحيح الذي لن تندمي عليه طوال حياتك باذن الله
فالشكوة لغير الله مذلة


الحمد لله وجدتي الحل ليك

و هي ماهيش تشكي راهي تحكي قصتها و تحاوس على النصيحة من لي كبار عليها

[بنت الحجاج]

حبيبتي استخيري استخيري استخيري
مرة وثلاثة وأربع و...................................الخ وفي جميع الأوقات المباحة خاصة جوف الليل

تستخير !!

و هل تقدم لخطبتها ، و احتارت حتى تستخير ؟

الاستخارة لا تكون إلا في المباح يا أختي ،

و علاقتها مع الشاب حرام ، لذا فالأمر واضح .

[ألمـ وعشناه ...]

أختي ما بني على باطل فهو بااااطل

على حسب حكايتك ماكي تحبيه ما مالو .. نظن والفتي بيه برك وهذي الطريق زينهالك الشيطااااان

أختي اذا حبيتي تنسايه والله تنسايه فكري فقرايتك برك ... الطب راهي صعيبة وتسنا منك تفكيرك كامل ... اخطيك من كلش يشوشك ... ومعلابالكش واش مخبيلك ربي .... بلاك يبعتلك ولد الحلال اللي يجيك لباباك ويطلبك وهذي عزة وكرامة بالنسبة ليك .. وتولي كي تتفكري الحكاية هذي تضحكي على روحك وتحمدي ربي انو هداك للطريق الصحيح .....
اختي انتي قوي صلتك بربي وبدلي النمرو تااااعك وابداي حياتك في طاعة ربي والله يفتحلك الأبوااااب كلها ....

واخطيك اخطيييييييييك من طريق الشيطاااان

[عُضو مُحترم]

بالنسبة له انتي مشروع فتاة مُتعة

خصوصا مع الحرية المعطاة لك مع الدراسة الجامعية

انا مثل اخوك الكبير و انصحك قائلا

اخطيك منو و من غيرو

طيعي ربي

طيعي والديك

اقراي

حافظي على روحك

و بس

[z.abdo]

الخطأ دائما يترتب عليه متاعب ومشاكل

[نورسين.داية]

يا أختي هذا لا يحترمك و لا يعرف للإحترام طريق و لو كان في المستوى المطلوب لو دخل المنزل من بابه و ليس عام و هو يحكي معاك و الله ليس في المستوى لكن ماتزعفيش من كلامي أنتي التي فتحتي له الباب لعدم إحترامك من اول خطوة بدأتها معه من خلال حديثك المطول معه و انتي تعلمين جيدا ان والداكي لن يقبلى هذا التصرف
فإذا أنتي لم تحترمي والديك و خنتهما فمابالك هو الذي لا تربطكي به أي علاقة و لو كان يحمل ذرة الإحترام و الجدية لخطى خوة الخطبة على الأقل موش عام و هو يحكي و في آخر المطاف لما احس انكي سوف تبتعدين يقول لكي انه لا يمكنه الإستغناء عليكي صدقيني ما هي إلا لعبة او كدبة يتمرير الوقت
أنا نعرف راجل جدي يتقدم لوالديك بصفة رسمية و مايبقاش عام وهو يحكي صدقيني لا احترمه بتاتا و انسى القضية نهائيا

أرجو ان تتقبلي رأي عزيزتي فلا تتركي الفرصة لهذا النوع من أشباه الرجال

[اناناسة]

السلام عليكم، لا تتركي الأحلام الورديه وما نراه في الأفلام يأخدكي بعيدا...و لا تتنتظري منه أن يخطبك لأنه لن يفعل...صدقيني...إختاري ما إختاره لك الله...كوني عفيفه،حافظي على نفسك يأجركي الله و يرزقكِ خيرا منه بإذنِ الله...قد يبدو لكِ الأمر صعبا لكنه في الحقيقه هو الأمر الصواب...أُأكد لكي إذا حاولتي فإن الله سيساعدك...وفقكي الله وحفظكي من كل شر ....آمين آمين

[tita-dz]

و الله ريحتوني احبائي شكرا لكم جميعاااااااااااا وانا علابالي بلي غلطت كي زدت هدرت معاه مي ان شاء الله نحيه من بالي

[سِدْرَةِ الْمُنْتَهَى~]

السلام عليكم ورحمة الله وبركاتـه
الشيطان شحال شطرناه وسمحنا له بأن يزيّن لنا أخطاءنا ويستصغرها لنا ليدخلنا في متاهات أخرى نحن في عنى عنها
أختي في الله الأمر لا يحتاج لا الى حيرة ولا إلى تفكير ولا إلى استخارة
وإنما قطع العلاقة نهائيا
ليحبك يخاف عليك كما يخاف على أخواته ويأتي لبيتكم من الباب
بعدها عاد نقولولك استخيري
اسأل الله أن يجعلنا أقوياء أمام همزات الشيطان ومداخله علينا

[djamel123]

اريد أقولك انت وللمشاركين
أنا منيش مفتي لكن اللي نعرفو أن الاستخارة تكون في الأمور الحلال فقط
يعني مثلا بعد ماجبتي الباك هذي السنة احترتي بين الطب والصيدلة تروحي تستخيري
أما هاذي أصلا حاجة باطل ..كيفاش تستخيري؟؟
وش تدعي في الاستخارة؟؟ حابة تقولي
"اللهم اني أستخيرك نكمل مع صاحبي ولا والو malgré قاسني بزاااف بكلامو"
هاذا طبعا غير ممكن
الا اذا اختار هو العلاقة الشرعية وهنا استخيري

[نجمة ساطعة]

جابلي ربي موضوع راشي فكك منو و ريحي راسك