نداء لجماعة المعدل 18 [الأرشيف] - منتديات الجلفة لكل الجزائريين و العرب

تسجيل الدخول

مشاهدة النسخة كاملة : نداء لجماعة المعدل 18

ملاك اسا

2011-09-21, 06:28

يُوسفـہ

2011-09-21, 07:06

سمحلي اختي انا ماش من صحاب 18

حنان2012

2011-09-21, 08:05

صباح النور حبيبتي
واش راكي ؟
أول شئ متشرفة بيك حبيبتي

انا موالفة ندي 18 بصح هاذ العام معلبليش
ربي يجيب الخير

1- على قداه تنوضو صباح ..........انا صباح نوض نصلي الفجر في وقتو و من بعده خلاص مانرقدش نبقى نايضة على طول
2- على قداه ترقدو ............ بصراحة ماعنديش وقت محدد نرقد فيه 10 //11//12 على حساب القراية لي تكون عندي
3- وشي هي الاوقات لي تقراو فيها ...........بعد صلاة العشاء او المغرب حفظ و بعد العصر دراسة
4- ماهي طريقتكم في المراجعة والحفظ و التحضير ......بصراحة ماعنديش طريقة محددة normal كيف كامل لي يقراو
نتمنى اني نكون مابخلتش عليك
ان شاء الله تستفيدي
تحياتي ايمانــــ
0_0

arbkhay

2011-09-21, 09:08

وانا تاني مانيش مصحااااااااااااااب 18

خلود-عنابة

2011-09-21, 11:28

و انا مشني من جماعة 18 :(

اسراء؟

2011-09-21, 11:48

انامن جماعة 17ومرات 18 /////نوض بكري +نصلي العشاء ونرقد اعتمد على التركييييييييييييييييز مع الاستاذ ونحاول ناقشه في كل كبيرة وصغيرة +انا قبل مانقرا الدرس في الكلاسة نحضروا في الدار باه نستوعبوا بسرعة كيشرح الاستاذ+بعد ماارجع من المدرسة تريح شوية ونبدا نحل في الواجبات اذا مكانش نراجع الدروس تاع غدوا والاهم التقرب من الله والدعاء في السجود وارضاء الوالدين اتمنى اكون قد افدتكم واي استفسار على مدار السنة انا في الخدمة /ربي يوفقنا جميعا ان شاء الله اختكم في الله *****زهية*****

lili*

2011-09-21, 12:14

السلام عليكم خاوتي كتبت هذا الموضوع باش نتعلمو نضمو وقتنا اثناء العام الدراسي
لذلك ادعو الاخوة لي تحصلوا على المعدل 17-18 ولا موالفين يتحصلو عليها يفيدونا في هذا الموضوع
ولازم يجاوبو هذه الاسئلة وممكن نزيدو اسئلة اذا كان تفاعل مع الموضوع
1- على قداه تنوضو صباح
2- على قداه ترقدو
3- وشي هي الاوقات لي تقراو فيها
4- ماهي طريقتكم في المراجعة والحفظ و التحضير
نتمنى ما تبخلوناش وما تكونوش أنانيين
شكراااااااااااااااااااااااااااااااااااااا

1- ننوض على 6 ونص
2-نرقد على 10 وفي الشتا على 9 ومراات على 11 مانسهرش خلالالاص في اوقات الدراسة هه غير في العطل تصيبيني كي طير الليل الناس راقدين وانا فاطنا هه
3-نقرا في اي وقت ماعنديش وقت محدد لكن خاصة بعد المغرب
4-طريقتي في الحفظ والله عادي كي يقربو الفروض ننوض نحفظ (لاني نكره المواااد الحفظية) اما الاشياء تاع المراجعة كما الرياضيات والفرنسي والانجلي والعلوم والفيزياء هذي تقرييييبا مراجعة يومية عن طريق مراجعة خفيفة من الكراس ونحل التمارين لكن ماشي بزاف هه
واهم شي حااولي كيفاه تحضري الدرس تاعك في المنزل قبل ماتقراوه في القسم لان هذي الطريقة تخليك تبقاي متذكرة المعلومة وتترسخ مليييح وتاني بحثي قد مااتقدري لان وانت تبحثي راح تصادفي معلومات ربما قد تفيدك مستقبلا
وبس
لكن فقط ملاحظة بسيطة اذا اردت ان تكوني من المتفوقين يجب ان تستمعي لنصائح الكل يعني حتى لي مايجيبوش 18 و17 يقدرو يفيدوكي
يعني ببساطة كي تطلبي النصيحة من شخص يجب ان تستمعي للراي الذي تريدين الحصول عليه والراي المخالف والراي لي مايعجبكش ويلاامك
لان مثلا من النصائح الغير جيدة (يعني التي تسبب مثلا الفشل) هذي تعاودي تترجميها لطريقة مساعدة وبالتالي تضمني النجاح
وكما يقال يوجد في النهر مالا يوجد في البحر
اتمنا لكي دوااام التوفيق والنجاح حنونة
سلالامو;)

Asoun dz

2011-09-21, 13:04

السلام عليكم

1- على قداه تنوضو صباح

غالبا 7ونص لخطرش الليسي قريب بزاف ومنراجعش في الصباح

2- على قداه ترقدو

11/12

3- وشي هي الاوقات لي تقراو فيها

نقرا بعد العصر أو المغرب

4- ماهي طريقتكم في المراجعة والحفظ و التحضير

ليست لدي طريقة محددة مي الحفظ عدوي اللدود , نحفظ قبل الفروض و الامتحانات فقط اما المراجعة اليومية نتبع في القسم مليح و نحوس نفهم باش تجيني المراجعة سهلة

نتمنى ما تبخلوناش وما تكونوش أنانيين
شكراااااااااااااااااااااااااااااااااااااا

العفوووووووووووووو

الياس خلاف

2011-09-21, 16:31

نقوللكم كلام يفيدكم انا منيش من جماعة 18 ولاكن من جماعة 17
المهم
النوضان تصلي الفجر وترجع ترقد خاطر راك تغلب فالنهار وترهق روحك كي تنوض بكري بكري سوى ايام الحفظ ....
اقراو فيالعشية وراء المغرب ولا بعد العشاء واتهلاو كي تكملو قرايتكم وتخضير نتاع غدوا ارقدو وارتاحو وتمددو مليح وانعمو بالفراش
والصباح وين فقتو فقتو بصح ميش بعد 7 نتاع الصباح المهم متنساوش تصليو الفجر في وقتو واذا راح عليكم النوم ارتاحو خلاص وتاملو الشروق وبالكم وسعوه وخيالكم ايضا واعرفو وش راح ديرو انا قصد كي تروحو للمدرسة كونو سيريو يعني جديين ومتهاونوش وتتراماو بين البنات ولا البنات بين الاولاد يعني المرأة مرأة والجل رجل وكي تدخلو للقسم لازم يتوفر بينكم اخلاص كامل للاساتذة وتبعوهم قلب ورب وتناقشوهم وتحاولو انتم الي تكلحو الباقي وتتفوقو بكل المجالات لكي تبدون رايكم في الدرس بالمشاركة وغيرها
والله يوفقكم ومتنساوش طيعو والديكم وتبعدو عن التخاليط خاطر راكم تروحو فيها

fr95

2011-09-21, 17:48

على قداه تنوضو صباح 7.15
2- على قداه ترقدو 10.30
3- وشي هي الاوقات لي تقراو فيها 18-20.30
4- ماهي طريقتكم في المراجعة والحفظ و التحضير الكتابـــــــــــــــــــة في الحفظ و الفهامة

fr95

2011-09-21, 17:49

كل شخص عندو طريقتو يرتاحلها و تساعدو حسب وقتو وشخصيته

اسراء؟

2011-09-21, 17:52

مشكورون على النصائح انا عن نفسي استفدت شكرا

عالمة الطب

2011-09-21, 18:25

انا من اهل 17 و مرات 18
نوض صباح على 6.30 نصلي وندعي ربي هذا اهم شيئ

انا نراجع دروسي بعد العصر مراجعة عادية

و نحفظ مواد الحفظ عندا نهاية كل اسبوع و مواد الفهامة كل يوم

رميساء خولة

2011-09-21, 18:38

]انا من اصحاب 18 ونجيب ثاني 17
نوض على 7 تع الصباح المدرسة قدامنا في العشية نسهر نحفض وندير الواجبات نصلي عادي ساعات يفوتني الفجر في الصباح نولي كي نوض نخلفو ورا العشاء تقايني مشغولة بالواجبات والحفض خاصة كيتعود مواد علمية(فيزياء رياضيات وعلوم فؤنسية انجليزية) نرقد على ال11-12-13 بعد ما نصلي صلاة العشاء كل يوم هكة ساعات نغلب نولي نرقد في الليل على 11-12:dj_17::dj_17::dj_17:[/SIZE]

ندى1996

2011-09-21, 18:47

1- على قداه تنوضو صباح 6.5 تاع الصباح ونخرج من الدار على السبعة وربع ونوصل الثمانية غير ربع
2- على قداه ترقدو انا نرقد 9 وخطراش ونصف لحساب العشاء قيساش يكون ههههههههه
3- وشي هي الاوقات لي تقراو فيها مي نجي مينليكون ديراكت نصلي نشرب قهوة ونروح لشومبرتي نقرا
4- ماهي طريقتكم في المراجعة والحفظ و التحضير ماعنديش طريقة محددة

algerienne142

2011-09-21, 21:23

-انا جبت 18.58 فالبيام
على قداه تنوضو صباح.................... السبعة هاكا جهد مانوجد روحي لليكول
2- على قداه ترقدو ...................10 ال11 هاكا
3- وشي هي الاوقات لي تقراو فيها .....................بعد مانتفرج و نحكي و نزهى و كي نجي راح نرقد
4 طريقتي فالمراجعة ياختي انا منكدبش عليك منتعبش قاع روحي فالايام العادية ندير غي تماريني بحرص و كي يجو الفروض والاختبارات نجبد قلبي النهار كامل و انا نقرا بصح نقرا ساعة مادة معينة من بعد نريح ساعة و نقرا مادة اخرا هاكا هاكا حتى نكمل
ياو بصح مديروش عليا انا نفهم مليح فالكلاسة منحتاجش نراجع ولا نحضر باسكو نتبع و نركز مليح مليح مع الاستاد فالحق قرايتكم قاع تجيبوها فالقسم

ملاك اسا

2011-09-22, 06:45

شكراااااا جزيلا اخوتي افدتوني كثيرا انا من جماعة 16 و مشكلتي الحفاظة جامي حفظت ولا تعبت روحي بصح سنا بعيت نلحق لـ 17 و 18 باذن الله
خويا الياس بالنسبة للراحة نظن تكون في الليل خير من الصباح لانوعلميا يكون الاستوعاب والتركيز في الصباح لذا تبالي لازم نوضو نصليو وما نرجعوش
شكرااااااااااااااااااااااااااااااااااااااااا مرة اخرى لمشاركاتكم نتمنى الستفاد الجميع من هذا الموضوع
شكراااا