طلب راي

[bita00]

السلام عليكم

اخواني عندي صديق جاري عاود الباك وماحبوش يهداوه يعاود وطلبو انو لازم مدل البكالوريا اكبر من 9.50 قتلو هاتلي الرولفي سكانيتو وطرفيكيتولو واش رايكم والله راني حاير مي مش باينة ونتم واش رايكم مليح واش درت ولا غلطت افيدوني ربي يخليكم

لاني كون مادرتش هاك مايقراش ان شاء الله مايفوقلوش برك وشكرا

[crowntel]

نظن هاك ماراكش تعاون فيه لوكان يفيقولوا ماتفراش

[PHARM2011]

ما نظنش راك عاونتو الادارة تحتفظ بنسخة من رولفي و لوكان يفيقولو ما تفراش بصح ندعولكم ما يفيقولوش

[bita00]

الله غالب هذه دزايرنا كون مادرتش هاك ما يقراش متاكدين بلي الادارة عندها نسخة؟؟؟

[ورثان الجنان]

خويا صدقني غير غلطت
كاين حاجة أخرى الإدارة على حد ما اظن ماعندهاش نسخة
لأنو لوكان عندها نسخة ماتطلبهاش في الدوسيي بشاش يرجعوه
لأنو أنا تانيك طلبوهالي
وأنا عندي 9.67 في باك 2011
ربي يعني وخلاص
خويا نصيحة لوجه الله
توب واستغفر ربي لأنك راك درت حاجة صغيرة في أعين الناس بصح كبيرة عند ربي
الا وهي التزوير
بالاك لوكان جرب معاهم يدخلوه
احنا قالونا غدوا نحطو القائمة في الليسي تع اللي يرجعوهم
:)

[triste bk]

انا نظن مغلتيش بلاك انا تاني نديرها و كون مدرتيش هكدة ميقراش هذي هي القوانين تاعنا لازم نديرو هكذا و لمنقراوش

[bita00]

ياخي انا نيتي طيبة وامنيتي باش يقرى برك المهم حاب نعرف كاين نسخة ولا مكانش من الرولفي في الادارة ربي يخليكم قوليلي.

[ورثان الجنان]

ياخويا والله ماعلابايل الرسمي إذا عندهم ولا لا
ربي يعين خو

[sara_sousou]

الله أعلم أدعي ربي مايفيقوش برك و ربي يهديك و ينجحوا انشاء الله

[bita00]

اوووووووف والله راكم حسستوني بلي درت حاجة من الكبائر المهم الله يعلم واش كاين في النية.ياك واحد مش رايح يتاذى من واش درت بالعكس بلاك ينجح ويروح للجامعة ويخدم خير من التشومار شكرا.ودزايرنا هاذي هي اقفز تعيش

شكرا

[kwaydar]

مادام نيتك صافية عادي ربي يوفقك نتمى ليه التوفيق و النجاح

[bita00]

بارك الله فيك اختي الله ينجحنا اجمين

[kayra guzbane]

أنا نظن راكـ ،، غلطت بزااااف و هدا راهوا باطل وما بني على باطل فهو باطل كل واحد واش ربي مكتبلوا ....حاولوا معاهم الا ما قبلوش أنا مننصحكمش بالتزوير ......

[***star***]

نورمالمو عندهم القوائم بالتفصيل