اغيثوني سريعـــــــا.....أنــا وصديقتي وشرفي...........؟

[نتــــــــــاشا]

السلام عليكـمـ ورحمـة الله وبركاته


يا جمـــــــاعة الجلفــة جيتكمـ اليوم باش تعاونوني في المشكــل ديالي اللي راني شايفاتو عويص ، والحل ديالو مالقيتوش.
أنـــــا نقرا في الليســي وهاذ العام باذن الله الباك ، الحمد لله أنــا معروفة في حومتي وبين الجيران و الأصدقاء وحتى في الليسي بأخلاقي العالية والانضباط والحمد لله يارب، والمشكلة ديالي بدات من العام اللي فات في بداية السنــة، وللعلمـ أنــا عندي صاحبتي من اولى ثانوي واحنا نقعدو كيفكيف وهي صاحبتي لانتيـم وهي مربية واخلاق ماشاء الله ، وأنـا وهي دايما الأوائل في قسمنـا ، لكن المشكلة هنا هي في أول العام الدراسي تاع السنة ثانية ثانوي ، كي دخنا نقراو دخلو معانا زوج بنات جدد معيدات ، المهمـ كانو دايما جابدين روحهم ومايدسروش ، وخطرة قاللهمـ الأستاذ ديالنا لازم تتأقلمو مع لبنات تاع القسمـ وتقسرو معاهمـ ، المهم هاذ الزوج بنات بداو يتقربو منا انا وصاحبتي وهنـا بداية القصة، كانت وحدة منهم قريبة من صاحبتي ولوخرا قريبة مني بزاف ، وخطرة على خطرة كنا نتبادلو لبلايص هي تقعد معايا وصاحبتها تقعد مع صاحبتي ، حتى ولينا مداصرين بزاف ، المهمـ انا في الفترة بين 12-1.30 مانوليش للدار نقعد في الليسي نفطر وهي تقعد معايـا ، ومبعد اكتشفت بلي طريقها كي نولي للدار هو نفس الطريق اللي نجوز منو وولينا نطلعو كيفكيف للدار ، وصاحبتها تطلع مع صاحبتي، ومع اليومين اللولين كي كنا نروحو كيفكيف بديت نكتشف بزاف أمور ، أولا هي تماكيي بزاف وحوايجها مزيرين وتلبس طالون، وهذا اللي خلى الشباب كي نمشو فالطرق يقولولها كلام صراحة انا جامي سمعتو في حياتي كلام بذىء ، ومعاكسات غير متناهية ، صح انا يعاكسوني بزاف ماننكرش بصح جامي واحد قالي كلمة طايحة كيما هي ، ثانيـــا والطامة الكبرى ، كان واحد الشاب يتبع فيها وهي مدتلو النميرو ديالها والأسوء من هذا ولات تركب معاه في الطوموبيل.............. أنــــــا صراحة هنا حبس راسي ماوليتش قادرة نستوعب واش راه يصرا ، وزيد بالزيادة تركب معاه من حومتي معنتها ولاد حومتي يكونو شافوهـا وراح يقولو عليــا بلي انا كيما هي ، والمثل يقولو قولي شكون صاحبكـ نقولك شكون انت.
علمـــــا أنــا والله العلي العضيمـ جامي في حياتي مشيت ولا كونت علاقة مع اي واحد الا في حدود الزمالة والحمد لله ، وهي عمرها ما اثرت عليا ، المشكل انا كي حكيت لصحاباتي ولخياتي قالولي اجبدي روحك منها وماتزيديش تدصريها ، مثلا قالولي قوليلها بابا يجي يديني ولا اهربيلها ، مي أنــا والله غير نحشم نحرقها فلوجه ، زيد هي طفلة بزاف مليحة معايا ونية بزاااااف نحسها بلي بهلولة واللي يجي يتمسخر بيها خاطر هي نيـة ، على هاذي غاضتني باش نديرلها هكدا ، مي راني خايفة على الشرف ديالي اللي راهو في اللعب ، خفت لوكان يجي يخطبني كاش واحد ويسقسي عليا يقولول الطفلة هادي صحبتها تركب مع الرجال ويدي عليا فكرة مشي مليحة .
المهمـ أنــا هدرت معاها وقلتلها ماتزيديش تركبي معاه من حومتي فهمتها مليح وقالتلي داكور نولي نركب معاه من الفوق باش مايشوفوهاش ولاد حومتي ، يعني المشكلة هاذي انحلت مي في الطريق والله غير السمير كامل ليجان يديرونجيو فينــا حتى هبلت ، وزيد بالزيادة صاحب صاحبها هبلني قالي من قبل وقلتلو لالا انـا مانمشيش غير هني روحك ، مي هي عندها نيميرو ديالي خفت تمدهولو خاطر قلتلكم بلي هي نية .
المهمــ تعيشوا عاونوني راني ماشي مليحة نفسيــا وهاذ المشكل اثر فيا بزاف ، وقلولي واش هي النظرة ديالكم للطفلة اللي عندها صاحبتها كيما هاذي؟؟
اسكو راح تقولو عليها كيما هي ولا لا؟؟
تعيشوا عاونوني في اقرب وقت ممكن راني نستنى ردودكمــ على نار


تحيــــــــــاتي ليكم..

[نجمة ساطعة]

علاه مقدرتيش تأثري فيها و ترجعيها للطريق المستقيم .... نصيحتي ابعد عن الشر
يا عم و غنيلو

[سلمى_2008]

السلام عليكم ورحمة الله وبرااكته حبيبتي انا من رااي تحاولي تنصحيها بلي الطريق الي راهي ماشيا فيه طريق الحررام فهمتي ادا كانت نية كيما قلتي راح تتبدل وتبعد الطريق هادا وادا مبعدتش متحشمي ماولو بعدي عليهاا واجبدي روحك وقوليلها الصراحة اما في ميخص نضرة النااس منكدبش عليك حاجة باينة رايحين يقولو راهي زيها تعرفي العبااد تاعنا اسال الله هداايتها وهداايت جميع المؤمننين

[نتــــــــــاشا]

علاه مقدرتيش تأثري فيها و ترجعيها للطريق المستقيم .... نصيحتي ابعد عن الشر
يا عم و غنيلو

والله غير سييت نغيرهــا ، دايما نقوللها لازمـ الطفلة تدير قيمة روحهــا باش يقيموهـا الناس ، نمعنيلها مي هي الله غالب ماحبتش تفهم، و ثانيـا مانقدرش نقوللها خلاص بيناتنا والله نحشمـ خاطر الطفلة مليحة معايا بزاف لدرجة ماتقدروش تتصوروها ، مي راني خايفة على روحي
شكرا على نصيحتك...

[نتــــــــــاشا]

السلام عليكم ورحمة الله وبرااكته حبيبتي انا من رااي تحاولي تنصحيها بلي الطريق الي راهي ماشيا فيه طريق الحررام فهمتي ادا كانت نية كيما قلتي راح تتبدل وتبعد الطريق هادا وادا مبعدتش متحشمي ماولو بعدي عليهاا واجبدي روحك وقوليلها الصراحة اما في ميخص نضرة النااس منكدبش عليك حاجة باينة رايحين يقولو راهي زيها تعرفي العبااد تاعنا اسال الله هداايتها وهداايت جميع المؤمننين

والله يا اختي غير نصحتها من قبل مي بطريقة غير مباشرة ، مي انا راني معولة غدوة نشالله نقولهالها ديراكت مام اذا زعفت مايهمنيش، المهم صحيتي ختي على النصيحة ديالك.

[abdel02]

-أجيدي روحك وقوليلها بابا البارح شافنا مين كنا طالعين ولي جان يتالبو فينا وقالي انا نبدا نجي نديك ونجيبك...
-بدلي النيميرو تاعك وما تمديه الا للثقة من صحاباتك...
-إذا مادرتي والو ما تخافيش خاطش ربي يسمع و يرى...
-ألتهاي بقرايتك خاطش الباك هو المستقبل المهني تاعك...وشباب اليوم يفضل العاملة على الماكثة في البيت وكلما تنجحي في قرايتك كلما تكون عندك اكبر الفرص للعمل والحصول على المال "الحلال".
-مين تنجحي في حياتك كلشي يجي من بعد...الرجال يجرو مورا باباك باش انتي تقوليهم ok...
تقبلي نصائح خوك فتحي تاع الشلف..

[سلمى_2008]

شباب اليوم يفضل العاملة على الماكثة في البيت هههه عجبتني هادي جيت تقول الرجال تاع ضرع يحبو الامراة المتدينة دو الاخلااق العالية على الامراة الفاسقة الي لا تؤدي صلاتها قول هك احسن واحسن يا اخ فتحي

[رميساء صوصو]

السلام عليكم ورحمة الله وبركاته ...
أختي نأكدلك بلي راكي رائعة باخلاقك.....الله يحفظك ويكثر من امثالك.. ابدا ماكيش مثلها هاذي الطفلة لانك لجات هنا وحاولت تصليح الامور..في رايي نقلك الطفلة انا شفت مثلها..لذا حاولي قد ما تقدلري نصحها مادانها تحبلك الخير اكيد لازم ديريلها خير..هي ربما مسكينة ما عندهاش لي ينصحها ويجبدها للطريق المستقيم لذا لا تياسي وحاولي تجعليها مثلك حتى بعد سنين...الله يكون معاك..

[نتــــــــــاشا]

السلام عليكم ورحمة الله وبركاته ...
أختي نأكدلك بلي راكي رائعة باخلاقك.....الله يحفظك ويكثر من امثالك.. ابدا ماكيش مثلها هاذي الطفلة لانك لجات هنا وحاولت تصليح الامور..في رايي نقلك الطفلة انا شفت مثلها..لذا حاولي قد ما تقدلري نصحها مادانها تحبلك الخير اكيد لازم ديريلها خير..هي ربما مسكينة ما عندهاش لي ينصحها ويجبدها للطريق المستقيم لذا لا تياسي وحاولي تجعليها مثلك حتى بعد سنين...الله يكون معاك..

يعطيك الصحة وربي يخليك، أنـــا هذا هو رأيي ثاني جابلي ربي ماكاش اللي ينصحهــا ، خياتها كل وحدة لاتية بروحهـا ويماها عجوزة مسكينة ماتعرف والو حتى العربية ماتعرفش، وباباها معاود الزواج، على هاذ الشىء انا حبيتلها الخير وحبيت نجبدها من الطريق السىء كيما قلتلي انت.
ميرسي ربي يحفظك ويهنيك



-أجيدي روحك وقوليلها بابا البارح شافنا مين كنا طالعين ولي جان يتالبو فينا وقالي انا نبدا نجي نديك ونجيبك...
-بدلي النيميرو تاعك وما تمديه الا للثقة من صحاباتك...
-إذا مادرتي والو ما تخافيش خاطش ربي يسمع و يرى...
-ألتهاي بقرايتك خاطش الباك هو المستقبل المهني تاعك...وشباب اليوم يفضل العاملة على الماكثة في البيت وكلما تنجحي في قرايتك كلما تكون عندك اكبر الفرص للعمل والحصول على المال "الحلال".
-مين تنجحي في حياتك كلشي يجي من بعد...الرجال يجرو مورا باباك باش انتي تقوليهم ok...
تقبلي نصائح خوك فتحي تاع الشلف..

شكـــــــــرا على النصائح اللي راح نتخذها بعين الاعتبار انشالله، وربي يحفظك.

[رميساء صوصو]

ويحفظك انت ايضا ختي

[mondah]

لك ان تختاري بين شرفك وصديقتك

[عُضو مُحترم]

-أجيدي روحك وقوليلها بابا البارح شافنا مين كنا طالعين ولي جان يتالبو فينا وقالي انا نبدا نجي نديك ونجيبك...
-بدلي النيميرو تاعك وما تمديه الا للثقة من صحاباتك...
-إذا مادرتي والو ما تخافيش خاطش ربي يسمع و يرى...
-ألتهاي بقرايتك خاطش الباك هو المستقبل المهني تاعك...وشباب اليوم يفضل العاملة على الماكثة في البيت وكلما تنجحي في قرايتك كلما تكون عندك اكبر الفرص للعمل والحصول على المال "الحلال".
-مين تنجحي في حياتك كلشي يجي من بعد...الرجال يجرو مورا باباك باش انتي تقوليهم ok...
تقبلي نصائح خوك فتحي تاع الشلف..


عندك الصح في كل شي

الا تاع العاملة راك غالط وحد الشوية


تقبلي نصائح اخويك فتحي و محمد تاع شلف

[الامل في الله]

شوفي اختي ادا لم تستطيعي الهروب منها مباشرة فغيري الثانوية انت و صديقتك و لا تقولي انها غبية لأن الغبية لا تركب سيارة غريب

[abdel02]

شباب اليوم يفضل العاملة على الماكثة في البيت هههه عجبتني هادي جيت تقول الرجال تاع ضرع يحبو الامراة المتدينة دو الاخلااق العالية على الامراة الفاسقة الي لا تؤدي صلاتها قول هك احسن واحسن يا اخ فتحي
أرجو أن لا يفهم كلامي خطأ...أنا إخترت كلمة شباب ولم أقل رجال...وقصدي الناحية المادية...لأن أغلب الشباب أصبحت لا تهمه المتدينة بقدر ما يهمه منصبها وجمالها نسأل الله العافية...

[abdel02]

عندك الصح في كل شي

الا تاع العاملة راك غالط وحد الشوية


تقبلي نصائح اخويك فتحي و محمد تاع شلف صح عيدك موح...أما بعد
أعلم جيدا أن لأخي محمد شهامته وكرامته...ولن يقبل بالعاملة ولو جف واد الشلف...أرجوا أنك قد برأت من سقمك...وإلا كنت قاب قوسين أو أدنى من زيارتك في بيتك بطزينة بيض وعلبة قاطو كاسكروط...راني قريب نولي واحد من عندكم ولا داعي للتخلاط...

[kiara_chemlife]

صح ايقولوا مع من شفتك شبهتك انا انقولك بعدي منها وقللي اشوي من هدرتك امعاها ما تجبديش نيشان باه ما تجرحيهاش دوك اتحاسب روحها واتحس بالذنب وتوليلك واتسفسيك اعلاش راك جابدة وفي داك الوقت خبريها وقليلها باي هذا الشيء الي راه اديره ما راهش عاجبك وانتي بنت فاميليا وخيريها وحطيها امام الامر الواقع يا اتحبس من هذا الشيء واتولوا كيما كنتوا ولا اتبعد عليك وتخطيك باش ما تجركش امعاها واتروحي في الفام في الباطل واظلمي روحك والسلام عليكم.

[z.abdo]

أختي الغالية نتاشا
انا اصحك كشب ونظرته لفتاة كما حكيتيي لنا قصتك
أولا هناك أمور لا يمكن التلاعب معها سواء كانت مع زميلتك أو حتى أختك
ثانيا انت قلتي لا تستطيعي أن تنفصلي عليها انا أقول لك انت في طريقك إلى الهاوية ولو رايتك تمشين مع تلك الفتاة في شارع لن أحترمك لأن الصديقات يفكرن بالمثل
ثالثا يجب أن تتكلمي مع صديقتك وتقول لها إما أن تتوقفي عن كل هذه الأفعال أو لن تمشي معها ثانية
رابعا .آخر حل تستطيعيكذبي عليها كذبة مثلا قولي لها لقد وصل الخبر لأبي بانني أعاكس كثير في الطريق وأمشي معك وانت تجذبين الشباب على عكس قبل ان تتعرفي عليها ولهذا قولي لها إسمحيلي إما أن تغيري من ملابسك وعقليتك إما نتفارق
عزيزتي هذه الامر لا يمكن العب معها وسيأتي يوم وتندمين على الرفقة السوء ولا تتحرجي من صديقتك و تحني عليها كل واحد عندو أهلو يخافو عليه وإذا حبيتي ديري مزية أنصحيها لكن لا تمشي معها
أخوكم عبدو

[منى]

لي صافي قدام ربي أكيد رايح يلقى غير الخير ان شاء الله.. ربي يبارك في أخلاقك و يعطيك ألف صحة أنا خلعت كي قريت العنوان،، لكن ألف و حمد شكر لله أنو كاين بنات يخافو على هذا المستوى،، شوفي يا بنتي شدي الوسط خير ما تبلي روحك بيها و تعودي معروفة بصحبتها و ما تزليهاش بجاه ربي برك حاولي تهديها لطريق الخير،، و النية راها في القلب ما يعرفهاش إلا الواحد الأحد، ما يهمكك حتى واحد و تقولي منوي،، كاين ياااااااااسر ناس يلعبوها نية و هما من أشر الناس عمرك ولا ديري الأمان في الناس إلا أمك و اخواتك و حتى أهلك (مع أنو الأهل في بعض الأحيان ما يرفقوش ببعضهم) و فكرتيني هذي حكاية صحبة أنتيم و أنتي صغيرة غير اخطيك منها مزلتو صغار و مزال شخصياتكم ميش باينة، الصحابات راكي تبقاي تغربلي فيهم حتان تفوتي 25 عام باه ممكن تصحلك وحدة،، هذي صحبتك ادعيلها بصدق ربي يهديها.. و ان شاء الله ما يكون قالخير
و حدودك في هداية صحبتك هذيهي:
قال رسول الله صلى الله عليه وسلم : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم .
عند القلب أحبسي ميش تلوحي روحك على جالها و ممكن تلقاي روحك في مشاكل أخرى

[منى]

أختي الغالية نتاشا
انا اصحك كشب ونظرته لفتاة كما حكيتيي لنا قصتك
أولا هناك أمور لا يمكن التلاعب معها سواء كانت مع زميلتك أو حتى أختك
ثانيا انت قلتي لا تستطيعي أن تنفصلي عليها انا أقول لك انت في طريقك إلى الهاوية ولو رايتك تمشين مع تلك الفتاة في شارع لن أحترمك لأن الصديقات يفكرن بالمثل
ثالثا يجب أن تتكلمي مع صديقتك وتقول لها إما أن تتوقفي عن كل هذه الأفعال أو لن تمشي معها ثانية
رابعا .آخر حل تستطيعيكذبي عليها كذبة مثلا قولي لها لقد وصل الخبر لأبي بانني أعاكس كثير في الطريق وأمشي معك وانت تجذبين الشباب على عكس قبل ان تتعرفي عليها ولهذا قولي لها إسمحيلي إما أن تغيري من ملابسك وعقليتك إما نتفارق
عزيزتي هذه الامر لا يمكن العب معها وسيأتي يوم وتندمين على الرفقة السوء ولا تتحرجي من صديقتك و تحني عليها كل واحد عندو أهلو يخافو عليه وإذا حبيتي ديري مزية أنصحيها لكن لا تمشي معها
أخوكم عبدو

ههههههه فكرتني في روحي مرة مشيت مع وحدة متبرجة لأقصى الحدود كي شافني بابا قالي تمشي معاها نبطلك من القراية،، قتلها تربحي ماكيش عاجبة أهلي،، راحت لصحاباتها و قاتلهم راها مزعة مني،، ربي يهديها،، و الحمد لله ربي كفاني شرها

[زينوبة زيزو]

مع من شافتك شبهتك اختي جبدي روحك منها مبعد ما تنفعكش خيري شرفك اخير ليك
تقبلي مروري

[امبراطور البحر1]

الفاكهة الميض

[امبراطور البحر1]

الفاكهة المصابة تعدي التي تكون بجنبها فالحذري اختي الكريمة هي اختارت هذه الطريق وستندم في الاخير ندم شديد لانها لن تدرك العواقب الا بعد ان تطفر وهنا الطامة .انصحيها لكي لا تقم عليك الحجة عند ربي بانك لم تنصحيها .وابتعدي عنها .الباب لجيك منو الريح سدو واستريح.

[عُضو مُحترم]

صح عيدك موح...أما بعد
أعلم جيدا أن لأخي محمد شهامته وكرامته...ولن يقبل بالعاملة ولو جف واد الشلف...أرجوا أنك قد برأت من سقمك...وإلا كنت قاب قوسين أو أدنى من زيارتك في بيتك بطزينة بيض وعلبة قاطو كاسكروط...راني قريب نولي واحد من عندكم ولا داعي للتخلاط...

ok pa de tekhlat

:1::1::1::1::1:

[نورسين.داية]

صراحتا هذه الصديقة تمشي في طريق أو منهج معين كيف تعتقدين أنه سينتهي ؟؟؟؟؟؟؟؟ ليس لهذا السؤال عدة إجابات و لن يقنعني أحد أنها سوف تمشي في هذا الطريق بدون نتائج سلبية ..............فهذه نتيجة حتمية لم اقررها أنا ....بل الواقع هو الذي أثبت هذه الحقيقة
لدى عزيزتي أنتي إختاري إما ان تكملي معها الطريق و نلقين المصير المحتوم أو انكي تتخدين قرارا حاسما بغض النظر عن نوع العلاقة التي تربطكي معها
و لا تنسي أن أمامك شهادة الباكالوريا .................فقيمي ايهما اهم : صداقتكب بهذه الفتاة أم شهادتكي و مستقبلكي الدراسي و العملي
فأنتي قرري وفقكي الله عزيزتي ................أرجو أن تتقبلي رأي بقلب رحب

[chahrazed-m]

اختي نصيحة مني
مدامك نصحتيها وما تبدلتش
اجبدي روحك
وانت تقولي نحشم نجبد روحي وهي مليحة معايا
اجبدي روحك بالعقل نقصي لحكايات معاها
من بعد عودي ما تروحيش معاها ديري اي سبب
وولي اقعدي مع صحبتك الاخرى احسنلك

[نورالهدى**]

اجتنبيها والا ستندمي ندامة كبيرة


عندي رفيقتي هكدا كنا انتيم فلبريمار والسيام وفلليسي نحارفت انحراف كبير وكون ماحكاوليش عليها الناس انا مافقت بيها لانو كين اشياء بزاف ماتبانش عليها


ودرك سمعتها راهي فلحضيض فالطريق يقولولها ليجان كلام عمري ماسمعتو


انا وليت مانحكيش معاها وحتى الخزرة مانشوفش معاها


حبيت نروح نقول ليامها بصح يماها مي ماعنديش الجرأة


انتي ادعيلها وماتحاشميهاش مي هاوشيها باش تكد روحها


بصح انك تصاحبها فهدا شيئ خطأ واتركي العواطف جانبا

[sabah93]

فوتيها ختي
كيما قلتي قولي شكون صاحبك نقولك شكون نت والناس راهي ماترحمش

[djamel123]

المهمـ أنــا هدرت معاها وقلتلها ماتزيديش تركبي معاه من حومتي فهمتها مليح وقالتلي داكور نولي نركب معاه من الفوق باش مايشوفوهاش ولاد حومتي ،

يكثر خيرك
،،،،،
هاذي اللي قدرتي عليها؟؟؟
بدل ماتنصحي صحبتك تقوليلها أركبي من الفوق ماتركبيش من التحت؟؟
يعني هذا الركوب الشرعي ولاكيفاش؟؟
انت المفروض تقوليها ان الركوب أصصصصصلا خطأ
واذا أصرت على الخطأ فهي من طريق وأنت من طريق

[صُبح الأندلس]

يا أختي أنت لي نية مشي هي
و كيما يقول مهبول و يعرف باب دارو
لو كانت نية ما تركبش مع واحد ما تعرفهش و تعطيه رقمها ....الصاحب ساحب و ستزين لك الأمر إن آجلا أو عاجلا فانسحبي قبل فوات الوقت و لتغضب هي و لا يغضب عليك الله و أسرتك و المجتمع
قولي لها بصريح العبارة أهلي رأوك تركبين مع الرجال و هددوني بإيقافي عن الدراسة لو مشيت معك

[نتــــــــــاشا]

يعطيكمــ الصحة يا جماعة على النصائح ديالكمــ ، والله فرحتوني كي عاونتوني
ونصحتوني، المهمـ راح نعمل بالنصائح ديالكمـ انشالله

تحيـاتي ليكمـ....

[نسمة الكبرياء]

السلام عليكم

في الحقيقة اريد ابداء رأي في الموضوع لانه حساس جدا

أولا أختي في مثل هذه الامور لا بديل و أقول لا بديل عن الشخصية القوية و الحازمة و لا مكان للمجاملات حتى مع أقرب الاشخاص

تقولين لها ابي رآني لماذا بل قولي انا لا أريد ان أسير معك في الشارع و هذا قراري لا مزاح فيه و لا رجعة حتى و ان تابت و عادت لا يجب ان تسير معك في الشارع و هذا أمر لا نقاش فيه أبدا

من تسمح ان تؤذي نفسها بهذا شكل و هان عليها أهلها كيف لا تهونين عليها و تضمنين ان لا تؤديك ذات يوم

انت تقولين أريد ان أنصحها لا بأس لكن النصيحة لا تتعدى جدران القسم الذي تدرسون فيه فان خرجتم انت في طريق و هي في طريق

و لا تخافي الناس أذكياء فمن نظرة في وجه الانسان تتكون و لو فكرة مبدئية عن أخلاقه ان كان جيد أو سيئ

لكن اعيد واكرر و انا أختك في الاسلام حتى و ان تابت فلها رب كريم يغفر الذنوب اما أنت فلا تتنازلي أبدا و لو بخطوة واحدة معها في الشارع بعد الان و ليكن الفراق الابدي بينكما و ربما يكون هذا درس لها حتى لا تعود بالطبع ان كان لها ضمير يوقضها

بالتوفيق

[amin_mokhtar]

سلام عليكم .......بارك الله فيك اخت على حرصك للحفاظ على شرفك............ فانت لست منهن ....... المائعات المنافقات اللواتي يدعين العفة والطهارة وهن ...........

[youcef salah]

حسب ما فهمت صديقتك تمر بظروف صعبة وخاصة المشاكل العائلية ولا أحد يهتم لها .
لا تتركيها وحاولي مساعدتها ولك أجر عظيم .
مالفائدة من الهروب منها وتركها على شفا حفرة
مادام أنتي كما تقولين واعية وعارفة صلاحك وما يتخافش عليك ابقي معها وبطريقتك أنقذيها شيئا فشيئا .
ولو تطلب الأمر تأخذيها لبيتكم وتعامليها مثل أختك . ربما تحتاج حنان ورعاية .
صحيح هناك نوع من البنات ساذجات (بهلولة) ويمكن التلاعب بها بسرعة . كما يمكن إنقاذها بسرعة .
لو تنصحيها وتنقذيها وتنجحوا الباك كيف كيف تكوني ضربت عصفوران بحجر واحد .