علموني نهدر اللهجة الجزائرية ...العاصمية... [الأرشيف] - منتديات الجلفة لكل الجزائريين و العرب

تسجيل الدخول

مشاهدة النسخة كاملة : علموني نهدر اللهجة الجزائرية ...العاصمية...

laid.degaa

2011-09-15, 21:50

اود منكم ان تعلموني اللهجة العاصمية انا مواهب من واد سوف

ليليان فرحات

2011-09-15, 22:05

السلام عليكم
ما غايتك في تعلمها؟؟

سارة

2011-09-17, 01:20

خويا اهدر قالي وقتلك وعوج في الهدرة مع الاخر هادا ماكان

مانو

2011-09-17, 14:45

خويا اهدر قالي وقتلك وعوج في الهدرة مع الاخر هادا ماكان

ههههههههههههههه وش راكي تقولي خيتو + العاصمية فننننننننننننننننن

merz1919

2011-09-21, 16:10

تمياط oui

sarah elnino

2011-09-21, 20:35

ماكاش موشكل خو ساهلة ارواح لعندنا للعاصيمة و نعلموا خونا اللهجة العاصمية

laid.degaa

2011-09-22, 21:45

السلام عليكم
ما غايتك في تعلمها؟؟

نحب نتعلمها اولا لاني احب العاصميين وثانيا عندي فميلتي تم تعجبني هدرتها

شعب الجزائر مسلم

2011-09-23, 22:30

واش حبيت حنوني نجوز لعندك تم و نقولك الحالة انتيك سافا .هبطت لوساندي عند موحا زومبي و قالي بلي راهو في سالومبي لعند يماه اي الله يدوم القستو خو

maroi05

2011-09-24, 08:09

مكاش بروبلام ارواح يا خو للعاصمة و نعلموك كيفاش تهدر مرحبا بيك خويا لعزيز ارواح و بعد تعلهما

الامل بالله

2011-09-27, 17:51

شوف المسلسلات الجزائرية تتعلمها و الله غير ساهلة ماهلة كي الماء

فتـ حييةـاة

2011-12-12, 23:46

ساهلة ماهلة تفرج a3 فليكسي 10الف و احكي ساعتين مع لافامي تاوعك في العاصمة تتعلم

djhaker

2011-12-13, 07:26

شوف المسلسلات الجزائرية تتعلمها و الله غير ساهلة ماهلة كي الماء

ههههههههههههههههههههههههههههه

zounday

2012-01-10, 18:56

sahla mahla arwah lina kho n3almouhalak yak

hameed

2012-01-14, 17:38

السلام عليكم...
ألاحظ دائما فرقا بين كلام العاصميين الكبارو بين لهجة الشباب التى يكتنفها الكثير من التكلف

usthb3

2012-01-17, 08:34

الغيرة تهدر حبيبنا ، بصح انتيك ، pas de candia ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بن محمد مسعود

2012-01-26, 17:25

يا حبيبنا شعب الجزائر ماراكش الجيروا ههههه و إذا حبيت نقولك علاش نقولك ماكاش مشكل صاديقي ههههه

يوسُف سُلطان

2012-01-26, 19:07

السلام عليكم
اللهجة العاصمية الأصيلة ذهبت مع الأجداد
ولم يبق منها سوى الشيء القليل .
أمّا لهجة شباب اليوم فيغلب عليها طابع التكلّف و التشفير والتعقيد .
وأصبحت الألفاظ أكثر مرونة ، وربّما تغيّرت بتغيّر الفصول .
ناهيك عن الاستعمال المُفرط للّهجات الأجنبية .
وأهمّ ما يُميّز اللّسان العاصمي أنّه لا يعترف بحرفيّ "الثاء" و " الذّال" وتُنطق "تاء" و "دال" على الترتيب .
وتُنطق "الطّاء" في بعض الألفاظ "تاءً"
- ربُّما سنستعين "بواحد وليد حومة يعلّمنا معا الدزيرية ."

abdu99

2012-01-31, 15:12

حياكم الله اخوتي ابناء الجزائر الشقيقه
انا من السودان ومقيم في السعودية
حابي اتعرف على لهجتكم لو ما في مانع

mimi-dz

2012-01-31, 17:09

يا اخي علاه واشبيها لهحتك كل لهجة عندها حلاوتها انا نحب نحكي لهجتي اما العاصمية نحكيها مع صحباتي كي نكونو نضحكو وما نقصدش انها مضحكة ولكن فقط هي لهجة غير لهجتنا وبالنسبة ليا اللهجة لحلوة هي لهجة اقصى الشرق كيما عنابة وتبسة

غنوشة

2012-02-02, 15:14

وش راك ياخو ،أجي عندنا لعشا نطيبولك شريب بيطا (يعني بيض) ومعها البوراك يامحينك يهبل ،ونزيدولك مقروط بل لعسيلا ونسيت بش نقولك مطولش علينا ،على خطر ،رانا ريحين نزوروا مريطة (مريضة)،
هذا ماجاء في دهني من كلمات إن شاء الله تكون فهمتها

النجمة القطبية

2012-02-02, 23:42

Sirina 1997

2012-03-20, 17:41

makanech khir men lahja 9santiniya la vérité hayla

موح الحراشي

2012-03-22, 03:51

ههه،مليح،كاين لهجة عاصمية مليحة و كاين لي شويا شويا ،محسوب لامودا زعماك،ميخفالكش بلي كامل الجزائريين يحبو اللهحة العاصمية ،بصح كاين لي ميبينش برك

الورود المنسية

2012-03-22, 08:07

etoiale

2012-12-24, 16:36

اللهجة العاصمية فور بصح تاع اجدادنا خير من اللهجة تاع الشباب
انا من بومرداس لهذا فلهجتي تشبه اللهجة العاصمية
بصح يا خاوتي مكانش خير من لي يتمسك بلهجتو
ايا هكدا في امان الله

allamallamallam

2012-12-24, 19:44

اود منكم ان تعلموني اللهجة العاصمية انا مواهب من واد سوف

سلام عليكم

سوفى و شاتى تتعلم الدزيريه ؟؟؟؟ واى صعيبه عليك ؟؟؟

بصح معليهش تقدر تتعلمها يا بايا

شوف عند حرف ثاء انطقه تاء و الذال دال و الضاء و الظاء ايضا دال ...... ما تنساش تبدأ الكلام بسرعه ثم تتوقف فجأه ... هذا هو سر اللهجة الدزيريه

اللهجه الدزيريه العاصميه هى لهجة حنينه على الأذن خاصة اذا تكلمت بها المرأه و الشابه ... فهى مفتنه نوعا ما .... زيد لهجه لطيفه و خفيفه و تستمد مفرداتها من العربيه الفصحى و بعض الكلمات التركيه و تأثير الاندلسي و اضح فيها
اللهجه الدزيريه القديمه شويه تسمعها فى أغانى الشعبى القروابى و العنقه و دحمان الحراشى و عزيوز و تسمعها كذالك فى بوقاله فى التراث الدزيرى العاصمى .... يعنى لهجه لها تاريخ عريق

لكن بعد النزوح الريفى ظهرت لهجة هجينه من الدزيريه الأصيله مع بعض المفردات الفرنسيه و التكلم بالأنف .... مثال ؟؟؟؟؟؟؟ياخو سافا وين راك فى باب عزون و لا راك فى بااااب الواد ياخو رد بالك ما تروحش قباله راك تدخل تريولى و يقريسوك ؟؟؟؟؟

و متنساش يا خو .... بعض المصطلحات العاصميه مثل قباله ,, دوكه ,.,بزاف ...تشفتشاقه ... قانا ...... الخ

فهمت يا بايا .... واذا حبيت تتعلمها شوف صويلح و كمال بوعكاز ....... هاكا خو ....

سلام

~~ أغيلاس ~~

2012-12-26, 01:17

............

هههههههههه

وش درت يا علام بش دارولك خط ازرق ؟

:1: .

caesar

2012-12-26, 18:13

لعلمك
العاصمة راحة ازمان
دك ساكنينها عيباد من برة ههههه
ويوجد نوعان من العاصمية
كاين العادية
وكاين تع الجيل الصاعد
يعني تع المافيا
واللي هي

واااااش يااا احبييييبي

صاااافا
واااش كاش اجديد
تكرها
اتعلم الاولة خير
ههههه

الرڨيڨ

2013-04-11, 14:57

نعم صحيح اللهجة العاصمية القديمة بسيطة عكس اللهجة الجديدة التي ابتدعها الشباب

من اراد تعلم اللهجة الاصلية للعاصمة فليذهب عند العجائز و الشيوخ لهجتنا القديمة ما فيهاش تكلف ابدا

الرڨيڨ

2013-04-30, 12:45

شحال نكره هاديك تع شربا بيطة ههههه كارثة
و ارواح دوقا ههههه
هادى تع بيطة وين بالضبط فى العاصمة

يا اختي لماذا الكره كل واحد و لهجته هذه اللهجة الحقيقية لسكان العاصمة القدامى يعني الذين سكنوا الجزائر و ضواحيهاو المتيجةزمن الثعالبة و الاندلسيين و نسميهم الفحص ومنهم من العرب الثعالبة الصنهاجيين الاندلسيين العرب الادارسة الذين اتوا من المغرب ...الخ
و نطق العاصميين للضاد على شكل طا اتى من تاثير الاندلس مثل ما يتكلموا بعض من ناس تلمسان و لا يخى عليك ان الكثير من العائلات الفحصية كما نسميها كانت تعيش و تحكم في الاندلس و لعلمك في اللهجة العاصمة الحقيقية لا نقول ارواح بل نقول أيا بالشدة

MiSs SpACe

2013-05-01, 19:23

يا خويا ارواح لعندنا لباب الواد نعلموك مرحبا بيك
وزيد اكتب هنا الكلمات لي راك حاب تتعلمهم ومكاش مشكل
:)