كيف احل مشكل الاساتدة

[ronaldo.bba]

اليوم في الليسي تعرفنا على كامل الاساتدة وكان واحد ما يصلح فيهم الا العلوم ,كيف اتجاوز هذا المشكل مع العلم اني شعبة علوم تجريبية باكالوريا ساعدونييييييييي انا يائسة جدا ومتشائمة رغم انني من التلميذات الممتازات (مريم ):sdf:

[ٵڶقًـ۾ًـږღٵڶڝۼےـړ]

ختي ،، مش كامل ميصلحوش ،، على الأقل كاين واحد ولا زوج


،، لأنو انا صراتلي بزاف ،، يقولو بروف مش مليح مع بداية العام (هو فقط التلميد لي قالك مش مليح ،، مكاش متفاهم معاه)


نت و ما ادراك ،، بوسيبل تجوزي عام شباب كلو دراسة و اجتهاد ،،


و نت لي عليك انك تبريباري الدرس و تكوني حاضرة كي يكون يشرح ،، و الباقي عليك فالدار


دي فوا كي يكون بروف مليح مليح بزاف تولي تتكلي عليه ،، متخدميش كامل فالدار ،،


رب ضرّة نآآفعه ختي ،، و عسى ان تكرهوا شيئا و يجعل الله فيه خيرا كثيرا


،، كل التوفيق ختي ،،

[انيس1993]

و الله كلنا كدلك . انا كل الاساتدة مستواهم ضغييييييييييف جدا ماعدا استاد الفيزياء و الفرنسية و الرياضيات

[حامل اللواء]

اسمعي لا تحقري اي استاذ ..

لانه الاستاذ ما يخسر والووو


انت الخاسرة الاخيرة


المشكل في اننا نتبع آراء الاخرين

اخطيك من الناس ما تسمعلهومش

انت الي يهمك قرايتك

وركزي مع الاستاذ وتبعي معه في القسم

راح جيبي علامة هايلة

وما نحسبوش رواحنا على اي استاذ وان كان استاذ الرياضة

لانه قراااا قرايتو وكملها ودوكا راهو يقري يطلع في الشهرية

[ronaldo.bba]

اشكركم ,بصح قريت عندهم العوام الماضية وما كانوش في المستوى كل اللي يهمهم يلقي الدرس ويخرج لا تمرين لا تطبيق وزيد توصل يحطلك تمرين غالط في الاختبارات بزاف درك باك ماشي لعب ,الحقيقة مرضوني نفسيا و صار معدلي 14 بدل 17, كيفاش ندير

[ٵڶقًـ۾ًـږღٵڶڝۼےـړ]

فورصي روحك فالدار ختي ،، استغلي ما أمكن فالقسم ،، و الباقي اقراي فالدار


و ديري لي كور ،، هدا هو الحل الوحيد


شوفي فالدار تاني ،، لي قرا يقريك ،، عوضي وش يروحلك مع لي بروف ،، و مش حاجة واعرة


بالتوفيق

[momene18]

سلام اختي شوفي بحكم تجربتي الخاصة والحمد لله نجحت وانا الان سنة 2 طب شوفي واش نصحك فالعلوم تعلمي منهجية التحليل والتفسير لازمك تولي تلعبي بيهم وباش توصلي لهادي انصحك بكتاب احمد امين خليفة خدي التمرين وحليه وحدك ومبعد شوفي الح ل وقارني بين المنهجية تاعك وتاع الكتاب اما فيما يخص الرياضيات والفيزياء فهي تعتمد عاى السرعة لازمك تخفافي خلاص فالحلان تاع التمارين ويكفيك الكتاب المدرسي وشوفي 10 زملاءك وديرو ليكور فالرياضيات والفيزياء وحداري تروحي تديري مع 40 ما تدي والو مي ما تهمليش المواد الادبية فبالعلمية تنجحي وبالمواد الدبية تتفوقي اتمنى ان اكون قد افدتك ولو بالقليل وان احتجت اي شيء انا في الخدمة

[عبير الأزهار]

سلااااااااام
والله نفس المشكل واجهني في اولى الايام
مع شفت الاساتذة قلت ساي راح العام لاني ما كنتش نتوقعهم كامل ولي كنت دايرتهم في بالي ما قروناش
وزيد كي تسمع الهدرة تاع التلاميذ تقول ما نقراش كامل
مي وليت فكرت وحدي ولقيت روحي غالطة وانا هي الخاسرة في لخر
دونك ما علينا غير نقراو ونتبعوا مع الاساتذة ونتوكلوا على ربي
بالتوفيييييييق لينا كامل ....:19:

[ronaldo.bba]

merci <اخي اmomen 16 هل اجد عندك كتاب احمد امين الجزء الثاني .

[ronaldo.bba]

sorryy momen 18>

[اشراقة ميمي الصبح]

اختي مريم انا ديت الباك هاد العام ب15.82 والله العظيم كون تشوفي الاساتذة الي قريت عندهم واحد ما يصلح وزيدي الليسي تاعنا جديد وحنا اول دفعة بكالوريا كرهنا حياتنا وكرهنا القرايا ورغم هاذا كاين الي دا الباك ب17
لازم تقراي وتبعي معاهم واكثري من الاسئلة
وديري الدروص الخصوصية في الفيزياء والرياضيات لانها تعاونك حتى لو كان الاستاذ تاعك جيد
لاني كنت معارضة الدروس الخصوصية لكن عملول اقتنعت بيهم

[الامل بالله]

اختي في وقتنا هذا اصبح التلميذ يحكم على الاستاذ و انا صراحة بدلت الثانوية بسبب هذا و راني خايفة نندم متحمي على حتى استاذ قبل ما تقراي عندو باتوفيق

[bahayou]

Non ne t'en fais pas

[momene18]

نعم لدي اختي لكن لا اعرف كيف اوصله لك

[ronaldo.bba]

ابعثلي رابط التحميل من فضلك ان كان كتاب الكتروني او مكان التحميل فاناجد محتاجة له ولا يباع في مكتباتنا ,,,,,,, متشكرة

[listoma]

اختي مريم انا ديت الباك هاد العام ب15.82 والله العظيم كون تشوفي الاساتذة الي قريت عندهم واحد ما يصلح وزيدي الليسي تاعنا جديد وحنا اول دفعة بكالوريا كرهنا حياتنا وكرهنا القرايا ورغم هاذا كاين الي دا الباك ب17
لازم تقراي وتبعي معاهم واكثري من الاسئلة
وديري الدروص الخصوصية في الفيزياء والرياضيات لانها تعاونك حتى لو كان الاستاذ تاعك جيد
لاني كنت معارضة الدروس الخصوصية لكن عملول اقتنعت بيهم

غريـــــــــــــــــــــــــــب

[listoma]

بالنسبــــــــــــــــــــة ليا تقريبا كــــــــــــل الاساتذة هذا العاام ... أول مـــــــــــرة يدرسو التيرمينااااااال .. مي الحمد لله راهم مع البدايــــــــــــــة يبانو ناشطين و يخدمو معانا ... و يحضرو للدرس و كلشي ... برك أستاذ الفيزياء .. شوية ما قدرتش نتأقلــــــــــــــــم معااه .. لأنو شوية يخدم مع اللي درسهم العاام اللي فــــــــــــــــــات ... مي لازم نوالف معااه و نحاول نحبــــــــــــــــو لأنو في الاخير أنا اللي راح نخســــــــــــــــر فلافــــــــــــار ....ههه...ه
تقبلِ مروريْ

[momene18]

اسف اختي والله ماسكانيتو ولكن المهم نشوف كفاه نسكانيه ونبعتهولك اوكي

[اشراقة ميمي الصبح]

****************

[اشراقة ميمي الصبح]

اختي مريم انا ديت الباك هاد العام ب15.82 والله العظيم كون تشوفي الاساتذة الي قريت عندهم واحد ما يصلح وزيدي الليسي تاعنا جديد وحنا اول دفعة بكالوريا كرهنا حياتنا وكرهنا القرايا ورغم هاذا كاين الي دا الباك ب17
لازم تقراي وتبعي معاهم واكثري من الاسئلة
وديري الدروص الخصوصية في الفيزياء والرياضيات لانها تعاونك حتى لو كان الاستاذ تاعك جيد
لاني كنت معارضة الدروس الخصوصية لكن عملول اقتنعت بيهم

غريـــــــــــــــــــــــــــب
اخطات ومن منا لا يخطا لقد انتبهت للخطا لكني نسيت تصحيحه
ام انك تظنني اكذب

[listoma]

اخطات ومن منا لا يخطا لقد انتبهت للخطا لكني نسيت تصحيحه
ام انك تظنني اكذب

لا طبــــــــــــــــعا ... أنا جد متتبع لمواضيعك ... و جد متأسف لوضع ذلك الرد ... أستسمحك أختاه ...

[مسيردى]

التعيينات قدر محتوم لامفـــر منـــه
يجب التأقلم و تأكدي أن جل المجهود تأخذينه في المنـــزل و الدروس الخصوصيــــة

[نرجس المنتدى]

اختى نحن نعانى المشكل نفسو ولكن يجب ان اى سؤال يصادفنا يعنى صعب بالنسبة لنا ان نطرحه للاستاذ يعنى لا يمكن ان يكون استاذ نتخرج وهو لديه تجربة يعنى عندو خبرة واختى انا ننصحك ماتسمعيش للناس يصعبو فى الامور وهيا ساهلا خلاص لى يتبع ويسمع ويركز اكييييد ينجح
بالتوفيق لينا ان شاء الله

[اشراقة ميمي الصبح]

لا طبــــــــــــــــعا ... أنا جد متتبع لمواضيعك ... و جد متأسف لوضع ذلك الرد ... أستسمحك أختاه ...
لا عليك اخي
استسمحك انا كذلك على ردي

[✗ ┋ وَړْﮃَةُ آلـﭴَزآئـړْ ┋ ✗]

لا تقولي ذلك أختي
نحن كانت استاذة اللغة الفرنسية والفلسفة كارثة وعملنا عليهم إضراب السنة الماضية

علابالكم واش قالنا المدير
باغيين تقراوا ولا تقعدوا ما عندي ما نديرلكم لأنو الأساتذة معينين من وزارة التربية ولا يمكن تغييرهم
الحل أختي حاولي تستفيدي من هؤلاء الأساتذة قد ما تقدري أسأليهم أنت أسئلة لأنو التلاميذ اللي يخدموا الأستاذ ماشي الأستاذ اللي يخدم من عندو لأنو الأستاذ كي يشوف التلميذ لا يسأل يحسبو فاهم
اتفقي مع زملائك كي ما تفهموش حاجة اسألوا الأستاذ
واعتمدوا على أنفسكم في البيت حاولوا حل أكبر عدد من التمارين والمواضيع
وبإذن الله ستنجحون