تسجيل الدخول

مشاهدة النسخة كاملة : ماهي أحسن طريقة لصنع un glassage des gateaux?

نسمة الكبرياء
2011-09-12, 22:08
السلام عليكم

الله يبارك الاخوات في هذا القسم مبدعات

و لهذا اريد ان اسأل عن أحسن طريقة لتحضير le glassage des gateaux المشكلة اني جربت عدة طرق لكن لم اتحصل على نتيجة جيدة من حيث الشكل و كما نراه في المحلات

فاين السر يا ترى في نجاحه اتمنى ان اجد الجواب الشافي
مبروكة الصحراء
2011-09-13, 12:25
و الله اختي أضم صوتي لصوتك و يا ريت العضوات يكونو عندهم فكرة و لي تتدخل تعطينا مقادير مضبوطة حتى نضمن النجاح و يا ريت أيضا يكون مجرب من العضوة شخصيا

مشكل القلاصاج العديد يواجهوه و انشاء الله نلقاو الحل
تحياتي الخالصة لكل عضوة ترد علينا
tamara31
2011-09-13, 13:01
سلام عليكم انا عندي طريقتين وفي زوج صالحين
الاولي طلعي 2 بياض بيض متل الثلج بلباتور ومن بعد ضيفي سكر مسحوق مغربل تدريجيا وخلطي دائريا من اسفل الا الاعلا باه مايطيحلكش بياض البيض ومن بعد ضيفي 5ملاقع كبار عصير ليمون و5 ملاعق كبار ماء زهر وخلطي بلمغرف وزيدي سكرا حتي تتحصلي على قلاساج شار روحه مليح وملاحظة ادا حبيتي ديري ملون دوبيه في ماء زهر
الطريق التانية غربلي سكر وحطيه على جيهة ومن بعد ديري بياض حبة بيض وحليه بيدك مايح وضيفي السكر وعجنيه بيدك متل الخبز حتى يتشكل عجينة يابسة نوعا ما
عصري ليمون وصفيه باه يبقى كيما الماء وبقاي ضيفي ليمون على عجنة بيض وسكرا وحكيه بيدك حتى يولي قابل للعمل عليه وادا رخفتيه زيديله السكر
وان شاء الله نكون افدتك
هاجر 76
2011-09-13, 13:08
سلام اخواتى
ةالله انا جربت شعال من النوع نتاع القلاساج -نتاع السيرو مع البياض البيض -و تضربى البياض مثل الثلج و من بعد تضيفي سكر قلاصي بصح ماجاونيش حساب الي بغيت
درك جربت طريقة شفتها فى التلفاز جربتها وجاتني مليحة
تفرغي كيس نتاع السكر قلاصي في زلافى ولا حاجة غامقة و تحطي فيهم بياض 1 بيض و عصير ليمونة وومغرف اكل ماء الزهر وتبدي تضيفى في الماء قليل وتبدي تعجنى مليح بيديك يليق
في الاول يكون قاسح وتضيفي بشوية من العجن حتي تحسيه جاك يلائم
وكي تحطي فيه الحبات نتاع الحلوىخليه يسيل على كامل الجوانب و ستناي شوية وتديرى الماع يجيج هايل
نتمنى نكون نفعتكم اخواتى تقبلو مروري
F1984
2011-09-13, 16:06
انا نخدم القلاصاج بالحليب مايجيش ناشف ابدا عندما ينشف وطريقة كتالي
نحط كمية قليلة من الحليب البارد ومبعد نزيد سكر قلاصي غير بشوية ونخلط وماتنسايش شوية زيت باش يجي يبرق وزيد عصير الليمون ومبعد جربيه على الحبة اذا شفتيه جاري زيدي السكر اما ادا شفتيه يابس بزاف زيدي الحليب وهذه الطريقة مضمونة مئة بالمئة
جربيها ورديلي الخبر
نسمة الكبرياء
2011-09-13, 21:06
السلام عليكم

أهلا و سهلا اخت مبروكة الصحراء

و ما شاء الله الاخوات tamara ; petra ; F1984 قدمنا لنا طرق جميلة جدا فالشكر الجزيل مني لكل واحدة باسمها حقيقة الطرق تبدو فعالة و في نهاية الاسبوع سابدأ ان شاء الله بالتجربة

اتمنى لي و لكم كل النجاح و التوفيق
أم أسرار
2011-09-13, 21:31
1verre à thé d'eau de fleur d'oranger
1verre à thé de lait
1verre à thé d'huile
sucre glace(au besoin)jus de citron

dans 1 récipient verser le lait ajouter l'huile+l'eau de fleurs d'oranger,bien mélanger le tout avec la main,incorporer progressivement le sucre glace.bien mélanger(toujour avec la main)jusqu'à ontention d'un mélange épais.en dernier,ajouter le jus de citron,mélanger pour obtenir 1 glaçage épais
الصفحة البيضاء
2011-09-14, 00:55
3 بياض البيض+1ملعقة كبيرة زيت+5ملاعق كبيرة ماء زهر+ملعقة كبيرة عصير ليمون+سكر مسحوق

جربيه و ماغاديش تندمي
مبروكة الصحراء
2011-09-15, 15:39
السلام عليكم

أهلا و سهلا اخت مبروكة الصحراء

و ما شاء الله الاخوات tamara ; petra ; f1984 قدمنا لنا طرق جميلة جدا فالشكر الجزيل مني لكل واحدة باسمها حقيقة الطرق تبدو فعالة و في نهاية الاسبوع سابدأ ان شاء الله بالتجربة

اتمنى لي و لكم كل النجاح و التوفيق

و الله العضوات كلهن مشكورات و انا عجبني نتاع الحليب غادي نسييه و نشوف
شكرا لك على طرح الموضوع حبوبة
نسمة الكبرياء
2011-09-15, 16:01
السلام عليكم

أختي حب و وصال
merci beaucoup pour la recette c tres bon

أختي الصفحة البيضاء اسمك جميل و أشكرك على الوصفة

و شكرا على المرور مبروكة الصحراء أرأيت ان الاخوات لم يبخلن علين بأحسن الطرق

أتمنى لهن الحظ السعيد