ادخل و اخبرنا كيف تحصلت على الطاولات الاوائل في قسمك ......بكالوريا 2012 ياس وي كان

[محب الرياضيات]

على كل منكم ان يدخل


................ ويقول لنا كيف تحصل على الطاولة المفضلة عنده في قسمه



.................. ويقول لمادا اختارها .............. ويقول ماذا حذت بالتفصيل .........:1:

........................................ويقول الاساتدة الدين دخلوا طبعا اسم المواد فقط و 0...........ماذا قالوا ==جيب كيلوا اقلام و برويطة كراريس ===هههه



وسلام ............اذا كانت هناك اضافات فلا باس بها



..............ننتظر ردودكم بفارغ الصبر

[kamela]

يا ريت كان عندنا قسم حتى نخير طاولة ههه
catastrophe

et toi ?

[mifi]

السلام عليكم
جيت الاولى حكمت بلاصة لي نحبها مخيرة الاولى صف ثاني
جتني وحدة ناقصة في عينيها غاضتني مديتهالها شركا راني 4
الاساتذة مجاوش

[عبير الأزهار]

سلاااااااااااااام
شكرااا لطرحك الموضووووووع
اليوم انا دخلت على اني ساختارالطاولة2 من الصف2 هذه الطاولة اخترتها لانني اراها هي الانسب من ناحية النظر و سماع الاستاذ لكن للاسف دخلنا الحصة الاولى للمخابر لانو عندنا2 سوايع علوم و فيزياء ودخل علينا استاذ الفيزياء لي نت متوقعاتو يقرينا ووجه لنا بعض النصائح وطريقة عمله وايضا بخصوص الكرارايس .
بانتظار باقي الاساتذة غدا ان شاء الله ...

[فريال المحتاجة عفو الله]

هذا الموضوع تقول تعمل عليا وش نحكي و واش نخلي
نبداو بسم الله الرحمن الرحيم
دخلنا لاباس الحمد لله و حكينا وين رحتو و وين عقبتو العطلة المهم ... درنا العلم و نشوف في الغاشي يجري مالفين ما يطلعو غير بطلوع الروح
صراحة فهمتها مباشرة لأني أنا تاني مخططة نحكم طابلة مليحة
قتلكم حنا ماشيين في الرواق ( نقراو الفوق ) عاااااادي حنا وصلنا للدروج ههههههه و الغاشي كامل يجري بلاما حسيت ولليت نجري معاهم
دخلنا لقينا البعض منهم في القسم ديجا ( الله أعلم كيفاش طلعو و مين ) ... رحت مباشرة لمكاني تع العام لي فات( الصف الأول الطاولة الأولى )نلقى الطفلة ورايا طيشت الساك فوق الطابلة ما حبيتش نناقش رحت قعدت في الصف الثاني المقعد الثاني قريبة للأستاذ و كلش لانو المقعد الأول كان قريب للسبورة يعني قريبة ( يا رب تكونو فهمتوني ) هيه قرينا ساعتين مات رووووعة خلاص و أحسن أستاذ في الثانوية اللي حكمنا بدا ينصح و كلش و مبعد خرجنا للساحة على 10 جيت نطلع نلقى الطفلة لي كانت قاعدة في الصف الثالث البلاصة الأولى قاعدة في بلاصتي !!!!!!!!!!! قتلها من فضلك ياسمين ممكن تنوضي بلاصتي قاتلي لالا هادي من درك بلاصتي قتلها كيفاش ؟ قاتلي ما نشوفش لهيه السبورة بعيد و زيد يضرب فيها الضوء كي تقتحوا النافذة ؟ قتلها وش بيك أنانانية ما تشوفيش أنتي تحكمي بلاصة الناس و تخلليهم فيها قاتلي " القافز يعيش " مع أني كنت قادرة نكبرها و كنت قادرة نروح للإدارة و بسهووووولة تامة ينوضوها بصح قلت و عسى أن تكرهوا شيئا و هو خير لكم ... الحمد لله دعائي على الدوام ربي اكتب لي الخير و قربه مني و باعد عني الشر و أهله

طولت عليكم في آخر المطاف درك راني قاعدة في الصف الثالث ( قرب الباب ) الطاولة الأولى و الحمد لله نشوف مليح و عدا نهار هاايل
سلام إخوتي

[فريال المحتاجة عفو الله]

بالنسبة للأساتذة من 8 - 10 رياضيات : نفس الأستاذ من سنة أولى ثانوي و بصراحة راائع الحمد لله
من 10- 11فلسفة هههههه يهدر بزاف بصح باين مليح في ساعة حكى على 1000000000 موضوع
من 11- 12 عربية : حبيبتي أستاذة راائعة قراتني العام اللي فات نموت عليها ... ان شاء الله يعدي عام مليح معاها و مع كل الأساتذة

في المساء من 13.30 - 14.30 فيزياء قراني سنة أولى ثانوي و ما شاء الله رائع

ملاحظة : معانا ولد المدير و في الحقيقة عدل كبير ما نقلكمش كاين انحياز بصح تعرفو والدو راح يحطلنا أحسن الأساتذة و يوفرلنا أحسن الظروف لذا فهذه النقطة كانت في صالحي و صالح زملائي
و أيضا وددت إخباركم أن جميع الاساتذة لم يتغيروا ( نفس أساتذة السنة الثانية ) ما عدا أستاذ الفيزياء و الأستاذ الجديد في الفلسفة
شكرااااااااااا

[la belle sarah]

السلام عليكم ورحمة الله وبركاته
شكرا على الموضوع
النهار 1 تاعنا عدى روووووووووووعة تلاقينا حنا البنات بعد 3 شهر قدااااااااااااااااااه كنا متوحشين بعضانا
قعدنا في الساحةلحتى الساعة 10 على خاطر من 8 الى 10 مخصص للسنوات الاولى الامهم مبعد طلعنا الى الاقسام الحمد لله كان القسم الي تمنيت نقرى فيه
مبعد ولينا نتسابقوا على المقاعد وفي الاخير حكمت الطاولة 1 الصف الثاني
والحمد لله حكمونا الاساتذة اللي تمنيناهم خاصة في العلوم احسن استاذ في الثانوية وكذلك الرياضيات والاساتذة لخرين غدوا ان شاء الله
ان شاء الله يعدي عام مليح لكل الطلاب ومكلل بالنجاح وبتفوق

[محب الرياضيات]

بالنسبة لي فقد جلست في صف الاوسط الطاولة التانية ................. الحمد لله

اما عن المشاكل مع التلاميد

لم تكن اي مشاكل حيت الذين لا ينظرون جيدا كامل جلسوا في الاماكن الاولى و انا معهم واخرين

فاذا جلست في مكان وراوك جميع التلاميذ لا ياخدون لك مكانك لانهم نوعا ما الكل متربيين وقاع ناس ملاح الا واحد واحد

اما عن الاساتدة فقد دخلوا اثنان ماشاء الله

الرياضيات دارلنا تذكير كامل على الثانية من 8 حتى 10 لم نكتب مجرد درس شفوي
اللغة الادب العربي دارتلينا درس عن طريقة تحليل نص ادبي من 1.5 حتى 2.5 اعطتنا وراقي و قالتلينا كتبوها في الكراس

اما عن ليستا تاع الكراريس

1 === قنطار كراريس
2=== 5 كيلوا اقلام
3=== 5 كيلوا غلافات
الكتب ما يشقاش نكتب الرياضيات زوج الفيزياء زوج و العلوم تقول ريجيست 10 مان
هدا مكان

المجموع ======= 500000000000000000000000000000000000 دولار ...... ويبقاو يسالوك هههه



سلام

[قمر الزمان رؤية]

السلام عليكم و رحمة الله

بالنسبة لي كان اليوم جميل

الطاولة الاولى في الصف الوسط ههه يعني هوما 3 صفوف مانحبش الطاولة الاولى في الطرافة نحب في الوسط

كالعادة لقيتهم مخليينهالي ههه رغم اني ما دخلتش الاولى للقسم بصح لقيت بلاصتي هي هي واحد ما مسهاش;)

الاساتذة كامل ملاح كما كنت حابة و الحمد لله:19::19::19:

قريت عند تاع العلوم فيزيا و رياضيات و انجليزية
و الاستاذ تاع الرياضيات دخلهالنا مباااااااااشرة مع التمرين الاول تاع باك 2011 ههههه و احنا فاقدين الذاكرة

و باقي المواد مازال

كتبنا البرامج وجاااااااااري النقل الى كراريس المادة ههه:19:

ان شاء الله ربي يوفقنا و يوفقكم أجمعين

[ٵڶقًـ۾ًـږღٵڶڝۼےـړ]

بالنسبة للأساتذة من 8 - 10 رياضيات : نفس الأستاذ من سنة أولى ثانوي و بصراحة راائع الحمد لله
من 10- 11فلسفة هههههه يهدر بزاف بصح باين مليح في ساعة حكى على 1000000000 موضوع
من 11- 12 عربية : حبيبتي أستاذة راائعة قراتني العام اللي فات نموت عليها ... ان شاء الله يعدي عام مليح معاها و مع كل الأساتذة

في المساء من 13.30 - 14.30 فيزياء قراني سنة أولى ثانوي و ما شاء الله رائع

ملاحظة : معانا ولد المدير و في الحقيقة عدل كبير ما نقلكمش كاين انحياز بصح تعرفو والدو راح يحطلنا أحسن الأساتذة و يوفرلنا أحسن الظروف لذا فهذه النقطة كانت في صالحي و صالح زملائي
و أيضا وددت إخباركم أن جميع الاساتذة لم يتغيروا ( نفس أساتذة السنة الثانية ) ما عدا أستاذ الفيزياء و الأستاذ الجديد في الفلسفة
شكرااااااااااا


هههه لوكان مش قصة وليد المدير ،، لوكان قلت تقراي معايا و انا معلاباليش


هههههههه نفس التوزيع تاع اليوم هههه


ربي معاكم ،، بالتوفيق

[rimayeva]

زعما روحت انا الاولى للقسم بش نشد الطاولة الاولى كيدخلت تشوكيت لقيتهم الطاولات الاولى و الثانية مشدودين غدوا انشالله نجيب طاولة نحطها في الاول ولي يصرا يصرا

[fsadek]

السلام عليكم أنا أستاذ رياضيات اليوم ماكنتش حاب نروح بصح الواجب يملي عليا باش نروح المهم روح رحت للثانوية فإذا بالرقابة دايرين اضراب لا عليناساعة و احنا نخطخطو من الادارة للساحة نريح في قاعة الاساتذة و نوض تقلقت صح حبيت نروح بعد نص ساعة جا المدير و وحدو مسكين هو و الناظر راحو يسقمو في الصفوف نتاع التلاميذ المهم الأمر الي خلاني نعاونهم كانو لاوحدهم روح من بعد قلت للناظر دورلي على 1 علوم 2 راهي عندي معاهم حصة و راني طولت قالي روح للقاعة 2 انا نبعثهم ليك كي دخلت قعدت و حدي و من بعد جاوني 6 من الناس 2 ذكورة و البقية إناث و معظم القسم منك و الي جاو تباين عليهم حابين يروحو فشلوني صح صح المهم بديت بسم الله و احكيت ليهم على البرنامج و بلي مش كما الرابعة متوسط كما الثانوية روح و من بعد عطيتهم تمرين نتاع ذكاءو طلبت منهم يحلوه ماجاو يحلوه بذاك الحساب قالو ليا بلي رانا نسينا ياحسراه لا علينا عاونتهم في الحل و قدمت ليهم النصائح بلي لازم تخدمو و كفاش تراجعو و العمل راه مش غير على النجاح لازم من ذركة يحضرو انفسهم للباك و بلي الرياضيات راهي فهامة مش حفاظة غيرها روح المهم في وسط الحصة جابلي الناظر قائمة فيها أسماء التلاميذ مركيت أسماء الحاضرين و معظم القسم ناقص لاعلينا انا الصح حبيت نبدا في الدرس الأول نتاعي بصح قلت ليهم روحو يا تلاميذ احكولي على المشاكل الي كانت تواجهكم في الرياضيات قالو ليا كاين تمارين واعرة خصوصا المسائل طبعا رانا نحكو على الرابعة متوسط المهم حاولت نبسط ليهم الأمر لأنو فعلا الامر ساهل قلت ليهم لي عندو سؤال يتفضل سيقسي أول سؤال سقساوني هو واش اسمي ضحكتو اعطيتهم اسمي روح السؤال الثاني ممكن ندو عشرين ولا ولو قلت ليهم ممكن جدا خصوصا في الرياضيات سؤال يجيب سؤال حتن لحق الوقت و خرجو تسرحو دريكت رجت ندور على القسم لاخر سنة ثالثة لي باش نقريه ما لقيت ولا تلميذ رحت للإدارة قعدت نص ساعة و من بعد تسرحت ان شاء الله تكون لا البدية خاطر انا فشلوني ان شاء الله ربي يعاون التلاميذ و ربي يوفقهم

[ٵڶقًـ۾ًـږღٵڶڝۼےـړ]

................ ويقول لنا كيف تحصل على الطاولة المفضلة عنده في قسمه

لي زيلاف كي دخلو ،، كانو لاتين يشوفو ف لاكور(جامي شااافوها) ،، هداك الوقت انا راني فالقسم و راني ديجا حكمت une table

التانية الصف التاني كيما العادة ،، وشنو حكمتها و عاودت خرجت ،، كي وليت لقيت زوج يضاربو عليها


كل واحد ينوض في لوخر ،، قتلهم بلعقل ،، نوضو في زوج عندي 10 سنين ملي حكمت هاد البلاصة ،،


ناضو بدون نقاش ،، هههه

.................. ويقول لمادا اختارها .............. ويقول ماذا حذت بالتفصيل .........

والفت هاديك البلاصة ،، مليحة تساعد فتابلو ،، و خير الامور اوسطها //


راني حكيت بالتفصيل ههه

........................................ويقول الاساتدة الدين دخلوا طبعا اسم المواد فقط و 0...........ماذا قالوا ==جيب كيلوا اقلام و برويطة كراريس ===هههه

من 8 ، 10 ,, رياضيات ،، الاستاد لي تمنيتو طاحلنا الحمد لله ،، درنا تقويم تشخيصي و جازت الحصة خفيف ظريف ،، و قالنا جيبو كراس طول و عرض ادا لقيتو كتر من 288 يجيبو ههه

من 10 ، 11 ،، فلسفة ،، شحال متهدرررررررررررررررش ،، ساعة ما حبست ،، حتى قريب بكيت ،، قاتلنا منقولكمش على الكراس ،، ماكمش اطفال صغار

من 11، 12 ،، كانت عندنا عربية ،، و محضرتش ،، روحت



وسلام ............اذا كانت هناك اضافات فلا باس بها


هدا وش كاين ههه ،، مشكور على الموضوع

[حامل اللواء]

الصف الاوسط الطاولة 3


وما زال الشجار على الطوابل ههههه

[جينان الفردوس]

سلام عليكم انا ماتيلام يعنى عدد الاولاد اكثر من بنات صباح دخلت للقسم مع زوج صحباتى لقيت لولاد برك تما يهدرولبلايص فارغين عادى معندناش هد مشكل تع بلاصة لحاب يقرا يقرا يا لوكان بريح فى لرض لسونسيال عندو ارادة مش شرط بلاصة اولى عندنا طفلة تجى 1 فى قسم تريج فى طابلة 4 واخيرة فى صف 1 معدل 16 تاعها (يعنى اقرو مش شرط فى طابلة ) اما انا قلت مندبدلش بلاصتى تع عام لفات 1 صف 2 امممم اقرب طاولة للمكتب باسكو عندنا 4 صفوف وعدد تلاميد 24

[محب الرياضيات]

بالنسبة لي فقد جلست في صف الاوسط الطاولة التانية ................. الحمد لله

اما عن المشاكل مع التلاميد

لم تكن اي مشاكل حيت الذين لا ينظرون جيدا كامل جلسوا في الاماكن الاولى و انا معهم واخرين

فاذا جلست في مكان وراوك جميع التلاميذ لا ياخدون لك مكانك لانهم نوعا ما الكل متربيين وقاع ناس ملاح الا واحد واحد

اما عن الاساتدة فقد دخلوا اثنان ماشاء الله

الرياضيات دارلنا تذكير كامل على الثانية من 8 حتى 10 لم نكتب مجرد درس شفوي
اللغة الادب العربي دارتلينا درس عن طريقة تحليل نص ادبي من 1.5 حتى 2.5 اعطتنا وراقي و قالتلينا كتبوها في الكراس

اما عن ليستا تاع الكراريس

1 === قنطار كراريس
2=== 5 كيلوا اقلام
3=== 5 كيلوا غلافات
الكتب ما يشقاش نكتب الرياضيات زوج الفيزياء زوج و العلوم تقول ريجيست 10 مان
هدا مكان

المجموع ======= 500000000000000000000000000000000000 دولار ...... ويبقاو يسالوك هههه



سلام

[عدنان سات]

أنا مازلت مادخلتش وشبيكم

[صبرينة318]

لم استطع ان اخنار طاولة لان من اليوم الاول اضراب مع العلم اننا كنا مستعدين جميعا للحرب ولكن رجعونا لدار اوقالونا اضراب و مزال انتظار............................................ ......................................

[قمر الزمان رؤية]

لم استطع ان اخنار طاولة لان من اليوم الاول اضراب مع العلم اننا كنا مستعدين جميعا للحرب ولكن رجعونا لدار اوقالونا اضراب و مزال انتظار............................................ ......................................

إضراب ؟؟؟ و من اليوم الأول ؟ الى متى ؟

[نسيم الليل]

السلام عليكم

انا اول ما دخلت لليسي سألت على قسمنا وين جاي

بعد العلام طلعت للكلااسا في الوقت لي كانو ينطمو في الصفوف

اخترت البلاسا الثانية في الصف الثاني ( و في نظري هو الاحسن ) ... موقع استراتيجي

الساعة الاولى قرينا فيزياء درنا الدرس المقرر تاع الوحدة الوطنية + طلبت منا روجيستر
الساعة الثانية فرنسية و طلبت منا كراس ص288
و من 10/12 رياضيات عند استاذي درسني السنة الثانية درنا مراجعة في ساعة و خرجنا على ال 11

و في المساء تفاهمنا ما نجوش

فات النهار عآدي و ان شاء الله الايام القادمة تكون أحلى

[محمد أمين الجزائري]

أحنا دخلنا 8-9 رياضيات ، حكينا شوية مع الأستاذ تاعنا تاع العام لي فات (الذي أحبه كثيرا بصراحة)
و على 9 رحنا للقسم تاعنا اللي قرينا فيه السنة الثانية (الحنين إلى أيام الماضي هه ) شفنا أصحاب السنة الثانية رياضيات للأسف الذكور كامل مجاوش و محبيناش ندخلو
المهم بخصوص الأماكن
أحنا قسم رياضي الطاولة الأخيرة هي الرابعة وعدد التلاميذ 23 المهم مكاش هذاك النزاع على البلاصا
+
الطاولة الأولى في الصف الوسطاني بقات فارغة .
بخصوص الدراسة (لن نعود حتى يوم الأحد المقبل بإذن الله و سنبدأ بالدرس الأول مباشرة بإذن الله)

[lato oscuro]

نحنا دخلنا على 14:00 و غير 13 تلميذ من اصل 40و حكمت البلاصة الاولى
و انشاء الله نجيبوا الباك بمعدل جيد جدا انشاء الله

[بهاء الدين 93]

سلاااااااااااااام
شكرااا لطرحك الموضووووووع

كيما قالت سهير
لي زيلاف كي دخلو ،، كانو لاتين يشوفو ف لاكور(جامي شااافوها) ،،
انا غير رفعو العلم سيلونسيوزمو
ماكاش نشيد
رحت مباااااشرة لقائمة القاعات
ديت القاعة تاعي
رقم 2
رحت دشنت القاعة , جميييع الامان كانو قدامي
كيما العادة
حكمت المكان لي نحبو ، الطاولة الثانية الصف الاوسط
الساعة الاولة ديناها جمايع
ماكاش قراية
الساعة الثانية قرينا راضيات عند افضل استاذ بالمؤسسة و قرينا عندو العام الماضي
نعرفوه مليح
لا داعي لتلك المحادثة الروتينية
طلبلنا كراس 288 صفحة
و غير غدوا ان شاء الله ندخلو في البروغرام
خرجنا للراحة مبعد ما زدناش قرينا الى الغد ان شاء الله
بالتوفيق للجميع
سلام

[صبرينة318]

اضراب اليوم الاول فقط قالوا تهديد لوزارة التربية راح ياجلوها اكتوبر

[adoula]

انا دخلت لليسي بقيت في الساحه ندور ومانيش عاارف لكلاس انتاعي ؟؟؟
اااه ومبعد كعرفت لكلاس انا داير في روحي انا الاول الي غرفت لكلاس ايا كدخلت القيت روحي انا الاخر بفففففففففففففففففف
وقعدت في الطاوله الاخره بففففففففففففففف........اااااو ...احزروا منهو اول استاذ دخل ....استاذ اافلسفه واااااااااااااااااااااااك
انا مصبرتش كملت حصته رجعت للدار ... نفس الشئ اليوم الثاني الاختلاف فقط في عدم مجئ الاستااذ في اليوم التالي دخلت بقيت 15د ورجعت هههههههههههههههههههه

[بن محمد مسعود]

يا جماعة راكم كبار بركاونا من هاد المواضيع لي تجيبوا بيهم الوقت نورمالمون دروك تريفيزوا و لا ديروا حاجات ملاح ماشي قاعدين تلهوا في عباد الله كاين ناس عندهم إمتحانات هاد العام و نتوما في بلاصة لا تعاونوهم قاعدين تتقعدوا بينا الله يهديكم

[الميرسوفت]

واش دخل لقراي في البلاس نعرف وحدين يحققوا نتائج مليحة في اخر القسم والحراسة مشدة يعني لانقيل ولاهم يحزنون
+ مرة دابزوا وحدين على لبلاس وحنا 18 في كلاسى لسقو كل طوابل مع بعض وجمعو الكراسى حدا بعد وقالهم الاستاد كلكم في الطاولة الاولى هههههههههههه هدا الحل وزيد بالزيادة واش من كلايس تتحدت عليهم حيلان مقشرين وفيهم كتابات حب و. الخ لا داعي لدكرها
والله يغيدوني الاحرار لما يجوا يفوتو الباك والله الراجل في عمره 45 عام يقرى ديك الكتبة يتلف ويروحلوا كل شيء

[مسيردى]

انا دخلت كالعادة لبلاصتي
تاع العام اللي فات الاولى في الجانب الأيسر لقيتها فارغة جلست و مكانش واحد طمعلي فيها باسكو عارفين العاقبـــة مليح مليح

[~خيرات حِسان~]

حنا في قسمنا غير كملت تحية العلم بداو يتجارو على الأماكن ههههههــ

[ورثان الجنان]

بسم الله
السلام عليكم
ماكاش اجة عجبتين كيما قصة الأخت فرياااااااااااال هههه
لوكان تاستيتو فيلم ولوكان راهم عغبوه في هوليود (حكاية طويلة بزاااااااااف ههه ربي يعين وخلاص)
أنا مازال مادخلتش للكلاصة ومازال ماعرفتش شكون صحابي (لأني معيييييييييد واااااااااااااااااااااااااااااا)
بالتوفيق للجميع
+ ملاحظة كيما قالت إحدى الأخوات
النجاح ماهوش مرتبط بالطاولة
نعرف واحد كان يقرى 2 ثانوي العام اللي فات يقعد في الطاولة 5 ولا 6 يجيب 16 و 17 الله يبارك
يعني أنت وشطارتك في القراية ماشي في الطاولة
تنبيه:
القرااااااااااااااااااااااااااااااااااااااااااية من الآن وماش يحتى يبداو الأساتذة يفارسو ويزربو في الدروس
:)

[ورثان الجنان]

وي نسيت ماقلتلكمش بلي الليسي ديالنا ذكووور برك
ماعلابالهمش خلاص بالطاولات
البارح جزت لليسي باش نتلاقى بالأساتذة اللي قراوني العام اللي فات وطلعت لأقسام السنة 3
ياو تقول ماعندهمش هم مع القراية مايخمو لا على طاولة لا على أستاذ (ضاربينها بركلةههههههههه)
واحد مريح في الساحة لاخر واقف مع الاستاذ لاخرج خارج على 9
والليسي فرغ بنسبة 90 بالمئة على 10
ومع هذا تصيبهم يديو الباك بأعلى المعدلات
ومرات أعلى النتائج تصيبهم فيها