كيف كان أول يوم دراسي لكم في الثانوية

[عاشق تراب بلادي]

السلام عليكم ورحمة الله تعالى وبركاته
إخواني وأخواتي الاعزاء يوم 11 سبتمبر 2011 اول يوم دراسي لنا في الثانوية
فأخبرونا كيف كان شعوركم
نحن اليوم قرينا ساعتين مع استاذ العلوم الفيزيائية تعرف علينا وأعطانا أستعمال الزمن تم عطانا درس من دروس السنة الاولى تانوية في العلوم الفيزيائية

[إبرآهيمـ]

سلامـ
دخلتـ للتانويهـ واستاذ ماكانش قعدتـ في السآحهـ مبعد رجعتـ للهوْمـ

[سوسو-95]

فوووووووووووور ،،

دخلنا الصباح تلاقينا و قاع ..

دخلنا للقسم جاي عند الباب بففففف و درنا شويا مراجعة تاع علوووووووم زوج سوايع و من بعد زدنا ساعة و خرجنا الستاذ تاع الفيزيك ماجاش

و الحمد لله

[سهام-19]

ساعة فرنسي ومن بعد موسيقى وخرجنا ساتذة مازلهم كونجي ياخي بلاد نورمالمون 11 الغاشي كامل يدخل

قانون جديد في ليسي اول يوم بالطابلية عشيت نروح للدار باه نجيبها يا خي حالة هذا ما فحالو وظزيد بروسي على دخلة لازم دفتر مراسلة ولا مكانش دخلة مزيا ا ديتو نصهم زعكوهم

[bouelame]

حنا بلا طابلية

[عاشق تراب بلادي]

حنايا قالونا غدوة جيبوا الطابليات وزيد القسم نتاعنا جاي في الطابق الاول بففففف

[سهام-19]

هههه انا بروسي مع دخلة طابلية دفتر مراسلة وزيد احنا لفوق خلاص كلاسة تاعنا وعلى حساب ما سمعت احنا قسم متنقل

[arwa 15]

:mh92:حنا فاليسي دخلت لقيت صحاباتي قعدنا نحكيو ومبعد درنا تحية العلم ودخلنا للقسم وبدينا بالدرس الافتتاحي مع استاد ت.فنية ساعتين ومبعد خرجونا ;)

[نعمة القدوس]

نحجزز ومبعد نجيي

[~عبد السلام~]

..............

[biba_g]

القسم كارثة الاساتذة مثلهم وقرينا ساعة وخرجنا في نهار كامل
يوم سيىء بمعنى الكلمة والبرنامج الزمني هههه يضحك نشوف دارنا غير في الليل

[يُوسفـہ]

يوم عادي قعدنا 2 سوايع مع استاد تاع فرنسية

و خرجنا رحت للجامعة هههه مع صححيبي ماش يدير التسجيل

[نتــــــــــاشا]

انــا اليوم نضت جوايه 6.30 ههههههههه تالمون حبيت نحكمـ بلاصة نضت أنــا اللولة فالدار، المهمـ غسلت وجهي وبدلت حوايجي وخرجـت من الدار جواية 7.25 مع العلمـ موالفة نخرج على 7.40 ، رحت فالتريق نمشي وحدي كي المهبولة وكنت مازلت نعسانة المهمـ وصلت لليـسي قعدت شوية وحدي مبعد بداو يجيو لبنـات سلمت عليهمـ وقصرنا شوية حتى نشوف صاحبتي لانتيـم جاية متبسمة سلمت عليهــا وتعانقنا وبدينا نقصرو حتى خلاصت القصرة هههههههه مبعد جا السيرفايون قاللنا على القاعة ديالنا ، ورحنا انا وصاحبتي نجريو باش نحكمو بلاصة لولة، دخلت الشيخة تاع العربية بدات تقوللنا لازم تحترموني ونحترمكم ....الخ وقالتنلنا لبروقرام ديالكم شارجي ولازمـ تبعوا معايا بيان باش تقدروا تدوا الباك، وملاتلنا جدول التوقيت ، مبعد خرجنا للساحة وزدنا دخلنا قرينا زوج سوايع فلسفة ، وبقات تهدر زوج سوايع كومبلي علابالكم الهدرة تاع شيوخا لازم كذا وكذا ، المهمـ دقت 12 رحنا نجريو كامل كي لملهوفين ههههههههههه مبعد قرررنا انا وصحاباتي مانجوش لعشية ونروحو غدوة صباح ولعشية ثاني مانروحوش، المهمـ كنت نتمنى يطيحولنا شيوخا تاع لعام اللي فات سورتو كي هاذ العام الباك ، مي معليش المهمـ يكونو هاذو ثان ملاح انشالله.
هاذي هي حكايتي مع الدخول المدرسي بكل اختصار هههههههههههه

أيـــا اذا كان جديد نجي نقوللكم. وادعولي ندي البــاك يا خاوتي لعزاز
شكرا على الموضوع الجميل....

[biba_g]

انــا اليوم نضت جوايه 6.30 ههههههههه تالمون حبيت نحكمـ بلاصة نضت أنــا اللولة فالدار، المهمـ غسلت وجهي وبدلت حوايجي وخرجـت من الدار جواية 7.25 مع العلمـ موالفة نخرج على 7.40 ، رحت فالتريق نمشي وحدي كي المهبولة وكنت مازلت نعسانة المهمـ وصلت لليـسي قعدت شوية وحدي مبعد بداو يجيو لبنـات سلمت عليهمـ وقصرنا شوية حتى نشوف صاحبتي لانتيـم جاية متبسمة سلمت عليهــا وتعانقنا وبدينا نقصرو حتى خلاصت القصرة هههههههه مبعد جا السيرفايون قاللنا على القاعة ديالنا ، ورحنا انا وصاحبتي نجريو باش نحكمو بلاصة لولة، دخلت الشيخة تاع العربية بدات تقوللنا لازم تحترموني ونحترمكم ....الخ وقالتنلنا لبروقرام ديالكم شارجي ولازمـ تبعوا معايا بيان باش تقدروا تدوا الباك، وملاتلنا جدول التوقيت ، مبعد خرجنا للساحة وزدنا دخلنا قرينا زوج سوايع فلسفة ، وبقات تهدر زوج سوايع كومبلي علابالكم الهدرة تاع شيوخا لازم كذا وكذا ، المهمـ دقت 12 رحنا نجريو كامل كي لملهوفين ههههههههههه مبعد قرررنا انا وصحاباتي مانجوش لعشية ونروحو غدوة صباح ولعشية ثاني مانروحوش، المهمـ كنت نتمنى يطيحولنا شيوخا تاع لعام اللي فات سورتو كي هاذ العام الباك ، مي معليش المهمـ يكونو هاذو ثان ملاح انشالله.
هاذي هي حكايتي مع الدخول المدرسي بكل اختصار هههههههههههه

أيـــا اذا كان جديد نجي نقوللكم. وادعولي ندي البــاك يا خاوتي لعزاز
شكرا على الموضوع الجميل....


ان شاء الله ربي يوفقك و تدي اعلى المراتب اميين

[ines1995]

ana kollech bien la classe u les eleves u l'empoil du temp wakila hasbalkoum sah yaw harda hata haja mata3jab kayan haja wahda barek li mwalamtni f hadek lycée

[دنيا95]

خنا اليوم مشينا حتى العلم مدرناهش انا دخلت مقلق مع مراهش عجبني ليسي مع صباح ومبعد دخلونا لاقسام سنينا 2 سوايع وحنا تم ومبعد كي ماجا حتى واحد ايا تغصصنا وخرجنا ومبعد فلعشية خلاونا نسناو ومبعد زعكونا في شموشات شقوة هاذا واش صرا معيا ليوم وزين في هذا اني تعرفت على بنت جديدة

[دنيا95]

انا ليوم مشينا ليسي ومشيت مقلقة مع صباح خاطرش ليسي معجبنيش ما درنا لا علم لا والوا ومبعد دخلنا لقسم وقعدنا 2 سوايع وحنا نسناو فلباطل ومبعد تنيرفينا ومشينا و صباح قبل ماندخلوا قالولنا طبليا مزيا جبتها معايا في ساك غي على زهر وفي لعشية خالونا نسناو في الشمش ومبعد زعكونا شقينا وخلاص وزين في هاذا اني تعرفت على بنت جديدة هاذي قصتي لليوم الله يدير الخير وخلاص

[akram-100]

نحن اليوم الأستاذة كانوا في إضراب

[الدرة المصونة‎]

السلام عليكم ....

بصحتكم الدخلة

أنا معايتش روحي و روحت الصباح حتى في المساء روحت سقسيت صحبتي قالتلي نروحوا عى الوحدة

روحت ما لقيت ولا أحد حتى من بعد جاو صحباتي

كروحت ما جينا نوصلوا غيرة ماقديتش تقول الصحراء

كوصلت شفت كلاسةل راني طايحة فيها لقيت روحي طايحة مع زوج صحابتي والحمد لله بصح في زوج قالولي نبركوا حداك

والله ماني عارفة حدامن نبرك

ومن بعد روحت حبيت نسجل خطرش حنا حتى اليوم نسجلوا قالونا عمروا وحد الورقة ومن بعد روحنا نخلصوا قالونا 1000و نصف

خلصنا 50د وقالنا استنوا حتى يجي المقتصد و

و اعطوه 50 ونصف

ماجاش المقتصد

قعدت انا وصحابتي حتى مقديناش نوقفوا و كتلتنا الشمس

ايا شورنا

وانتم واش درتوا فيها ؟

تحياتي...

[createur80]

وعليكم السلام ورحمة الله
ايه واش نحكي وواش نخلي راني نكتب بالسيف اليوم كان صعيب وعييت
المهم نبدا نحكي
فطنت على 6تاع الصباح ما جانيش الرقاد كنت متحمسة لهاذا النهار و كنت متخيلاتو شباب بصح ظهر العكس
صليت ورجعت للفراش ههههه قاعدة قاعدة حتى صونات الساعة و مبعج زدت قعدت ههههه ديتها غير قعاد ومبعد سمعت صوت جارتنا مالا نضت وناضو خواتي واختي الصغير دخلت للتحضيري كي نوضناها قالتنا وين راهي الورقة تاع الادوات لي عطاهانا المعلم وبدات تحوس وتبكي وتقولنا سرقتوها وقيلا نامتها هههه لخاطر جامي شافت المعلم و المدرسة
ومبعد لبست و جات صحبتي تعيطلي خرجت انا واختي ورحنا مع زوج صحاباتي
ماشفنا حتى واحد قلنا بلاك مكاش لي راه رايح و مبعد زدنا مشينا حتى تلاقينا بالاستاذة تاعي تاع الفرنسية سلمنا عليها وهدرت معانا شوية ورحنا اختي راحت للسيام وحنا واصلنا المشي ههههههه
ومبعد ماتفاهمناش على الطريق لي نروح ليها ورحنا في الطريق لي نكرها ماعليش المهم نوصلو
كي وصلنا دخلنا من وحد الدخلة لي يدخلو منها قاع الناس هههههه
سلمت على لي كانو يقراو معايا ولات المجموعة غير تكبر لبنات تاع السيام لي كنت نقرى فيه كامل قعدنا مع بعض نجمعو ونضحكو ونقرعجو القذافي وماطلقناهش
ومبعد دخلنا لليسي لخاطر الساحة لي كنا فيها هي عبارة عن طريق بين الليسي القديم و الجديد هههههه هذي حتى لليوم باه عرفتها
درنا تحية العلم ومبعد بقينا ندور الثانوية نتاعنا حتى لليوم باه بدا التسجيل
منين نروحو نسجلو يقولونا مزال ونبقاو ندورو حتى كرهت وتلاقيت مع لي كنت نقرا معاهم في الابتدائي ياسرين بزاف راني قريت في زوج ابتدائيات سلمت عليهم بيهم بصحاباتهم زعما عرفوني بصح قاع نسيتهم اليوم خدودي راهم في حالة :cool::cool: ههه مع انا نكره التسلام
ومبعد جا الوقت لي نسجلو فيه تقول راك فالسوق مكاش التنظيم والناس يطبعو انا قتلوني زعما حتى قريب نوصل استسلمت قريب طيحوني وحد الحالة والله ماننسا واش صرا فيا ا
ومبعد بقيت ندور ونحوس عبى طريقة اخرى باه نسجل مالقيتش حتى وحد المراة مانيش عارفة واش تخدم عيطتلي باه تسجلني وقاتلي الاوراق راني خادمتهملك فرحت وتفكرت بلي هذي هيا المرا لي قالي عليها بابا دارت بيا حتى شبعت وانا غير نتبع فيها وزدت قلتلها سجلي صحبتي يعني طولنا بزاف كملنا التسجيل و الدوران الحمد لله
خرجنا ورحنا نمشو حتى الصباط جاه حالو عليا ضرني مقدرتش نمشي وعععععععع وليت نمشي و نريح حتى صحبتي ضرها تاعها هههههه ونستني ومبعد شريت قرعة ماء شربت لتر منها كنت ميتة بالعطش وعطيت لصحبتي قد 5دج لي شاركتني فيها هههههه ووصلت للدار ميتا الحاجة المليحة لي صراتلي اليوم هي الفطور كان الاكلة المفضلة تاعي
وفي الاخير ماعجبتنيش الحطة تاع الليسي مكاش انضباط وكاين الاختلاط بزاف

وطحت وحدي بصح مزال معلاباليش شكون لي يقراو معايا مراهمش معلقين القوائم الله يجيب الخير
راني طولت بزااااااااااااااااف نقلكم قراو بلعقل باش مايتخلطولكمش السطور

[fati18]

سلام : )

اذا ماعندكمش مانع رح نحكي يومي بالتفصيييييل الممل
: D

a : لالا ماعندناش مانع

شكرا : ))

نضت الصباح على 7 نعسان
تقهويت و لبست حوايجي و رحت

في الطريق تلاقيت بمجموعة نعرفهم و لما وصلنا للثانوية لقيت صحابي
لاحضت ان الجميع جاب كراس المرسلة غير انا
مع الاول خفت لكن دخلت عادي
دخلنا للثانوية انا و 3 من صحابي اما بقية الاولاد بقاو برا
دخلنا للساحة وين لقينا روحنا وسط جيش تع بنات حتى قاللنا واحد ' واقيلا غلطنا و دخلنا ليسي تع بنات : O '
درنا الصف في وسطهم
قاللنا واحد ' هاذ اليسي يشبة لمدرسة لي تورناو فيها هاري بوتر
http://mayang.com/england/images/10%20-%20trip%20to%20oxford%20-%20christchurch%20college%20-%20some%20harry%20potter%20was%20filmed%20here.jpg


http://www10.0zz0.com/2011/09/11/12/470491765.jpg

صح ماكانش بزاف اختلاف
ملاحظة: اليسي تاعنا هو الصورة الثانية -.-''


الحارسة العامة خيرت بنت و بقات تحوس على كاش ولد باش يطلعو العلم حتى شفتني انا -_- ( جامي طلعت العلم منذ الابتدائي واقيلا طلعتو خطرة )
ومبعدا دارو cd تع قسما في البوست حتى اتضح ان l cd كان مريي : D
قعد يغني و يحبس تحسب حاجة راهي حاصلتلو : S
طلعت العلم بششششوييية عللا حساب الريتم تع ال cd
مبعد دخلو الاولاد لخرين و طلعنا للاقسام
بالسيف باش كل واحد لقا قسمو كالعادة
دخلت للقسم تاعي لي مانعرف فيه حتى واحد

لقيت طفل واحد و الباقي بنات قلت ' يكونو مازال ماجاوش لخرين '
قعدت في الكرسي نثاوب قريب نرقد
ولخرين قاعدين يقصرو يقصرو يقصرو حتى جا وحد الاستاذ اعطانا استعمال الزمن

قاللنا ; يوم الاحد من 8 الى 10 عندكم ساعتين رياضيات ' قلت في نفسي '' باسم لله ياربي ''

موراهم ساعتين تكنولوجيا -_-"
و الخ المهم استعمال زمن يخوف مافيه حتى ساعة فارعة زيادة على هذا نوليو ندخلو على 1 و نص وكاين نهار نخرجو حتى 5 و نص : ((

ثم جات استاذة اخرى اعطاتنا قائمة الادوات و هدرت معانا شوية ومبعد خرجنا وقبل مانخرجو انا و2 صحابي ضربنا دورة في اليسي
لقينا وحد الباب و سمعنا فيه هدرة قاللنا واحد واقلا هنا يقراو صحاب الاداب رحنا نضربو طلة اذا بها الادارة تما :s

هربنا وخرجنا نجريو وخلاص : (


b : عندنا مانع اختصر اعلينا خلينا نروحو

ok

باختصار القسم معجبنيش و ماشي باين بلي فيه وحدين يعرفو يقراو

: )
يا خويا عييتنا دي كنت طلع هداك العلم
اما بالنسبة لليسي كاين شويييييييية تشابه من برا بصح من داخل الله يستر
كلايس كشفة
حنا دخل عدنا واحد استاد لا سلام ولا كلام وبدا يملي علينا
غير كمل قالنا تقدرو تخرجو وراح
من بعد لقيت قاع شعب خارج خرجت معاه وحتى لعشية مارحتش
ليسي مكان حالا

[الدرة المصونة‎]

وعليكم السلام ورحمة الله
ايه واش نحكي وواش نخلي راني نكتب بالسيف اليوم كان صعيب وعييت
المهم نبدا نحكي
فطنت على 6تاع الصباح ما جانيش الرقاد كنت متحمسة لهاذا النهار و كنت متخيلاتو شباب بصح ظهر العكس
صليت ورجعت للفراش ههههه قاعدة قاعدة حتى صونات الساعة و مبعج زدت قعدت ههههه ديتها غير قعاد ومبعد سمعت صوت جارتنا مالا نضت وناضو خواتي واختي الصغير دخلت للتحضيري كي نوضناها قالتنا وين راهي الورقة تاع الادوات لي عطاهانا المعلم وبدات تحوس وتبكي وتقولنا سرقتوها وقيلا نامتها هههه لخاطر جامي شافت المعلم و المدرسة
ومبعد لبست و جات صحبتي تعيطلي خرجت انا واختي ورحنا مع زوج صحاباتي
ماشفنا حتى واحد قلنا بلاك مكاش لي راه رايح و مبعد زدنا مشينا حتى تلاقينا بالاستاذة تاعي تاع الفرنسية سلمنا عليها وهدرت معانا شوية ورحنا اختي راحت للسيام وحنا واصلنا المشي ههههههه
ومبعد ماتفاهمناش على الطريق لي نروح ليها ورحنا في الطريق لي نكرها ماعليش المهم نوصلو
كي وصلنا دخلنا من وحد الدخلة لي يدخلو منها قاع الناس هههههه
سلمت على لي كانو يقراو معايا ولات المجموعة غير تكبر لبنات تاع السيام لي كنت نقرى فيه كامل قعدنا مع بعض نجمعو ونضحكو ونقرعجو القذافي وماطلقناهش
ومبعد دخلنا لليسي لخاطر الساحة لي كنا فيها هي عبارة عن طريق بين الليسي القديم و الجديد هههههه هذي حتى لليوم باه عرفتها
درنا تحية العلم ومبعد بقينا ندور الثانوية نتاعنا حتى لليوم باه بدا التسجيل
منين نروحو نسجلو يقولونا مزال ونبقاو ندورو حتى كرهت وتلاقيت مع لي كنت نقرا معاهم في الابتدائي ياسرين بزاف راني قريت في زوج ابتدائيات سلمت عليهم بيهم بصحاباتهم زعما عرفوني بصح قاع نسيتهم اليوم خدودي راهم في حالة :cool::cool: ههه مع انا نكره التسلام
ومبعد جا الوقت لي نسجلو فيه تقول راك فالسوق مكاش التنظيم والناس يطبعو انا قتلوني زعما حتى قريب نوصل استسلمت قريب طيحوني وحد الحالة والله ماننسا واش صرا فيا ا
ومبعد بقيت ندور ونحوس عبى طريقة اخرى باه نسجل مالقيتش حتى وحد المراة مانيش عارفة واش تخدم عيطتلي باه تسجلني وقاتلي الاوراق راني خادمتهملك فرحت وتفكرت بلي هذي هيا المرا لي قالي عليها بابا دارت بيا حتى شبعت وانا غير نتبع فيها وزدت قلتلها سجلي صحبتي يعني طولنا بزاف كملنا التسجيل و الدوران الحمد لله
خرجنا ورحنا نمشو حتى الصباط جاه حالو عليا ضرني مقدرتش نمشي وعععععععع وليت نمشي و نريح حتى صحبتي ضرها تاعها هههههه ونستني ومبعد شريت قرعة ماء شربت لتر منها كنت ميتة بالعطش وعطيت لصحبتي قد 5دج لي شاركتني فيها هههههه ووصلت للدار ميتا الحاجة المليحة لي صراتلي اليوم هي الفطور كان الاكلة المفضلة تاعي
وفي الاخير ماعجبتنيش الحطة تاع الليسي مكاش انضباط وكاين الاختلاط بزاف

وطحت وحدي بصح مزال معلاباليش شكون لي يقراو معايا مراهمش معلقين القوائم الله يجيب الخير
راني طولت بزااااااااااااااااف نقلكم قراو بلعقل باش مايتخلطولكمش السطور


ههههههههههههههههههههههههه

شكرااا ..

[رافنزل]

باين كامل مافوتناش يوم باهي حتا انا ماكانش كامل مليح 2 سوايع لولين ماجاش حتا شيخ والتوقيت مامدولناش والمراقبين مدايرين اضراب تلاميذ يدورو فرات واحد لاهو فاهم وين يقرا السنة الأولى راحو لرواق تاع لباك والباك راحو لثانية والناس كل دور تخلطت مانعرف وكتاه تخلس هاد التمسخيرا

[وردة مـن ذهـب]

على الصبح وقفنا وحد ال45 دقيقة فالساحة سمعنا النشيد الوطني و منبعد خطبة طويييييييييييلة و عرييييييييضة حتى وجعونا رجلينا و حرقتنا الشمس و منبعد فاعدين ندورو فالليسي درنا جولة استطلاعية
و الأساتذة ماقيمونا ما طلو علينا

على ال10 روحنا و ماوليناش

[عاشق تراب بلادي]

إن شاء الله يوم الغد يكون أروووع ،، ؟؟

[سهام-19]

سلام جماعة واش راكم ؟

نقولكم اصح معجبنيش الحال كامل راني مخنوقة وحابة نولي للكلاسة اخرى راهم يبدلو بالمعريفة ادعيولي يبقلو يبدلوني والله مورال 0 ربي يستر برك

[سارة 95]

انا في اول يوم دخلت مع صحاباتي وقعدنا نحكوا حتى جات الثامنة درنا تحية العلم وطلعنا الى اقسامنا الاولات كلهم الفوق وقرنا ساعتين ادب وخرجنا ومكان لا طبلية ولا كرطاب