ماكينة الخياطة ما هو افضل نوع [الأرشيف] - منتديات الجلفة لكل الجزائريين و العرب

نسمة الكبرياء

2011-09-10, 11:52

السلام عليكم

في الحقيقة اريد ان اشتري ماكينة خياطة و احترت في اختيار الطراز هل toyota ou singer و كيف اتاكد انها اصلية فلا اريد شراء التي صنعت

في الصين و الثمن لا يهم المهم ان تكون من افضل الانواع لكي لا تتعبني اثناء استعمالها

ارجوا من الاخوات افادتي ببعض النصائح لاحسن الاختيار

حظ سعيد للجميع

بسمة محبة

2011-09-10, 15:44

السلام عليكم و رحمة الله و بركاته

أفضل ماكينة خياطة هي machine a coudre industrielle ادا كنت متمكنة و تعرفي تستعمليها روعة انا حابة نشريها هي راهي مريحة و سريعة و تحسيش بيها خلاص الماركة ما تهمش خاطر كامل ملاح. بصح غالية شوي.

اما آلات المنزلية ماعنديش فكرة ان شاء الله تلقاي لي جاوبك عليهم كاين بزاف لي راهم يستعملوهم.

نسمة الكبرياء

2011-09-10, 16:36

السلام عليكم

أشكرك اختي بسمة لكن انا ابحث عن ماكنة منزلية للاستعمال الشخصي فقط و ليس une machine industrielle

بالتوفيق

Afakmax

2011-09-10, 23:14

اختى الماركة الرائعة والناجحة هى singerاناعندى وحدة ما شاء الله

نسمة الكبرياء

2011-09-11, 22:48

اشكرك اختي

لكن هل هي اصلية وجدت واحدة بخمسة عشر الف دينار لكن صنعت في الصين لدى ترددت في شرائها

ايناس10

2011-09-11, 23:46

حتى طيوطا toyota هي نوع جيد انا لدي اثنتين داخلهم حديد وخياطتهم لا بأس بها وسهلة الاستخدام، كذالك لا استثني سانجار فهي طبعا لا يتخير عليها وبالتوفيق وباستطاعتك ان تصلي صلات الاستخارة فهي اكيد ستمنحك الثقة عند شراء هذه الماكنة ولا تستصغري الموضوع فالاستخارة في كل امورنا الدنيوية مستحبة

سامية الجزائر

2011-09-12, 07:03

اختى حتى سنجر فيه النوعي لمليح وكين لماشي مليح انا شرية واحد 3500 مهيش مليح

منئ الجزائر

2011-09-12, 21:12

اختي الكريمة انا عندي واحدة مشاء الله من نوع toyotq

نسمة الكبرياء

2011-09-12, 22:32

السلام عليكم

شكرا جزيلا لك اخت ايناس على النصيحة الطيبة و التذكير معك حق ما خاب من استخار

و الشكر الجزيل ايضا للاختين سامية و منئ على النصيحة

ايناس10

2011-09-13, 01:32

العفو عزيزتي وربي يوفقك ومتوسوسيش روحك كي تشري الحاجة تفائلي وان شاء الله يوفقك عز وجل وتكون ماكينة جيدة من نصيبك اميييييييييييين

moonlight19

2011-09-13, 11:01

اختي انا عندي وحدة toyota بيضاء اللون والله ماشاء الله

فرحة

2011-09-13, 18:30

انا عندي هاد النوع عندي عام وانا نخدم بيها هايلة
http://www.kappix.pe1ouw.nl/Husqvarna113.JPG

نسمة الكبرياء

2011-09-13, 21:17

السلام عليكم

شكرا اختي ايناس و مرة اخرى معك حق الوسواس يجعل الانسان دائم التردد

اختي moonlight اشكرك على الاضافة الجميلة

و انت أختي فرحة أفرح الله قلبك و قلب جميع الاخوات لقد اعجبتني الصورة و سأجعلها كدليل لي عند الشراء

Afakmax

2011-09-13, 21:48

سوف اعطيك نوع الماكينة وباقل ثمن اشتريتها ب800000 راهى عندى مند ثلاث سنوات خيت فيها واش نحب كملت دراهمها وحظ سعيدsinger 878

lgue001

2011-09-14, 10:06

انا عندي طيوطا شريتها جديدة لاباس بيها مريحة وسهلة الاستعمال

أم معاذ أم معاذ

2011-09-14, 11:03

لأخواتي لي عندهم toyota هل ممكن تصورولي الكاتلوج تاعها
و تحطوه أنا عندي ماكينة toyota لكن ضاع الكاتلوج بكري
و ربي يجازيكم خير

بسمة محبة

2011-09-14, 11:46

لأخواتي لي عندهم toyota هل ممكن تصورولي الكاتلوج تاعها
و تحطوه أنا عندي ماكينة toyota لكن ضاع الكاتلوج بكري
و ربي يجازيكم خير

السلام عليكم و رحمة الله و بركاته أنا مكينتي singer

لكن أختي ضعي اسم ماكينتك و رقمها في محرك البحث قوقل رح يخرجلك الكاتالوج نتاعها و ربي يوفقك ان شاء الله.

نسمة الكبرياء

2011-09-15, 16:05

سوف اعطيك نوع الماكينة وباقل ثمن اشتريتها ب800000 راهى عندى مند ثلاث سنوات خيت فيها واش نحب كملت دراهمها وحظ سعيدsinger 878

أشكرك اختي آفاق على المعلومة المفيدة بالتوفيق

نسمة الكبرياء

2011-09-15, 16:11

اختي lgueشكرا جزيلا على مشاركتك الطيبة

اهلا وسهلا اختي أم معاد الاخت بسمة تحية لها على المشاركة المفيدة

اتمنى لكن نهاية أسبوع مريحة

سلسبيل123

2013-02-21, 20:29

السلام عليكم انا عندي شحال وانا نحوس المكينة لمليحة
وقلولي على toyota وكي رحت نشريها قالي مكانش مكينة اسمها
toyota نطلب من الي عندوا يحطلي صورتها نشوفها

fifyana

2013-02-22, 11:50

سانجار مشهورة مليحة برك السومة هي لي تحدد مليحة ولى لا بالتوفيق اختي

ام مريم اسراء

2013-02-22, 12:26

انا بصراحة مجرد هاوية للخياطة و اشتريت من شهرين ماكينة singer tradision انا خصصتها للاستعمال الشخصي مثل كف الدراوات او الحياطة البسيطة و لاني مش خياطة اشتريتها رخيصة اضن 20000 او اقل اما االماكينات الصناعية مرحش تفيدك اذا كنتي مش همتهني الخياطة لكن انا تنبهت بان مكنتي متعملش - التسريج - اي السورفيلاج اضن لازم تتاكدي من وجود هته الميزة لانها مهمة جدا حتى في الخياطة المنزلية و ربي يوفقك اختي الكريمة

الدنيا

2013-03-21, 14:02

مممكن نتعلم معاكم

الصمت حكمة

2013-03-21, 17:40

أنا عندي super zig zag للإستعمال اليومي و الصح الصح جامي تعبتني نصحني بيها صاحب محل تصليح آلات الخياطة في البليدة. أما عن الماكينة اللي تخدم السورفيلاج تجي وحدها ماكناش ماشينة خياطة تديرو وغاليين شوية...........تحياتي

ام مريم اسراء

2013-03-21, 17:50

ربي يوفقك اختي و ييسرك تشري احسن موديل

djihanegirl

2013-03-29, 14:01

انا عندي هاد النوع عندي عام وانا نخدم بيها هايلة
http://www.kappix.pe1ouw.nl/husqvarna113.jpg

أختي فرحة ما ذابيك تقوليلي بكم الثمن و الماركة ما هي ؟

ام عبودة

2013-03-29, 18:11

:19:مارسديس:19:

belrachid latifa

2013-05-01, 10:35

اشكرك على انا في حيرة واريد شراء ماكينة جيدة.لقد اعجبتني ما سعرها و نوعها؟

أم عائشة 10

2013-05-01, 15:42

أحسن أنواع الماكنة singer
الشخص لي أصلحلي الماكنة نتاعي قال لزوجي أحسنهمBROTHER

والله أعلم

OM RITA

2013-05-01, 16:31

انا تاني عندي طيوطا وشريتها مند 4 سنين ونخدم بيها ي الصيف والشتاء وتدير الزيقزاق وانواع اخي من الرشمات شريتها هداك الوقت ب12000 يعني مليون ومتين
وحظ موفق لكي

فريولة ابتسام

2013-05-01, 16:53

ختي كاين بزاف انواع تاع الماشينة و كلهم ملاح مثلا اذا كنتي تخدمي في الدار لازملك الماشينة ذات اللون الاسود راهي تخيط كل انواع القماش بيزو بيزو....القماش الخشن ...الجينز.....يعني تاع الدحيس او ماتخافيش عليها وليمارك الملاح هي السنجير والاصلية ماراكيش رايحة تلقايها في الجزائر لازم توصي عليها من الخارج وكاين تويوتا..و المرسيدس وانا عندي واحدة من نهار شريتها ماتخسرتش عندها8سنوات والي يجي يخيط بيها او ماتتخسرش او راهي تدير 900الف بالطابلة ولا 800بالموتور
اخت هدا النوع تاع الماشينات ملاح بزاف بصح ماتفينيلكش اللباس يعني اللباس لازملو السورجي وادا كان حجاب ولا فيستا ولا....لازملو فتحات تاع القفالي...
والماشينة اللي تدرهم لونها ابيض وفي نفس الوقت تخيط هذه الماشينة تديرمليون ونصف واحسن الماركات تويوتا وسنجير وكاين الماشينات الكبار كيما الي قالولك عليها الاخوات جايمسي وبراذر هي رائعة وسريعة جدا اذاكنتي مبتداة ماراكيش رايحة تقدريلها تستعمل في ليزاتوليي انا شريت وحدة عندها شهر اونص جمسي7-28 دير زوج ملاين و950وكاين الماشينات تاع السورجي الصغيرة تاع الدار ترفد3بوبينات تاع الخيط تدير مليون وكاين الكبار وترفد3 بوبينات يديرو3ملاين ونص واكين تاع 5 بوبينات يديرو4900و الماركات الملاح سانجير وجيمسي وبراذر وانانقولك اذا كنتي مبتداة احسن الماركات راكي رايحة تعاني معاها واذا كنتي محترفة اسوا الماركات راكي رايحة تسلكي معاها حتى ولو كانت تاع الشينوا يعني على حساب يدك

anna glauben

2013-05-01, 19:04

السلام
اختي انا عندي وحدة من بكريييييييي يعني تقدري تقولي عندها 15 ولا 16 عام و هي تاع ماما جابوهالاه من فرانسا وهي BERNINA
و الحمد لله خدمتها مليحة بزززااااااااااف و معاها الاكسيسوارات كاامل تاعها و هي تخيط و دير زيقزاق و تاني تطرز و فيها بزاف حوايج
و تاني عندي 2 ماشينات singer مي جامي جربتهم و حدا بيدال و وحدة بالموتور ,

أم إسماعيل

2013-09-30, 18:08

تبردو القلب ياجماعة ربي يبارك فيكم و يقضي حوائجكم كيما راكم تقضيو في وائج الناس حبيت نقول أنا ثاني محترة في تحديد نو الماكينة السوداء و لا البيضاء مع العلم أني مبتدئة وحابة نتعلم نخيط جبب ليا برك ..... واش تقولو

سمرجان

2013-09-30, 18:29

ربي يعيينك اختي اظن احسن ماركة سانجار singer
30 سنة وأمي تخيط بيها والحمد لله لدرك مازالت صحيحة بصح جابوهالها من فرنسا

أم إسماعيل

2013-10-01, 16:55

صحا بصح حارتلي بين لماشينة السوداء العادية و الأخرىاللبيضاء جاوبوني عيشكم....

terzi

2013-11-21, 21:58

من بحثي واطلاعي هناك brother fs 40 ممتازة من كل النواحي الخياطة و السورفيلاج والتطريز وخياطة جميع الانواع الجين الفراشات و الالبسة وذالك بشائها مع كل ملحقاتها بحيث ان وحدها سعرها 205 اورو وملحقاتها حوالي 80 اورو ..........................تحتوي على 40 برنامج من الخياطة والطرز والسيرفيلاج و البوتونيار وهي الية وليسة ميكانيكية تحتوي على شاشة lcd ....سريعة........كنت اتمنا ان يزيدو فيها الحروف يعني طرز حروف الابجدية الفرنسية المهم ممتازة

maarafmiloud

2014-04-27, 13:51

السلام عليكم ورحمة الله وبركاته انا حبيت نتعلم الخياطة وحابة نشري ماكنة خياطة بصح ماعرفتش واش نخير راني محتارة انصحوني جزاكم الله

maarafmiloud

2014-04-27, 14:02

بارك الله فيكم وربي يحفضكم انامبتئة وحابة ماكنة لي نقدر نخيط بيها كلش ويكون ثمنها معقول .

maarafmiloud

2014-04-27, 14:29

حابة نعرف اسعار مشينات الخياطة

maarafmiloud

2014-04-27, 14:42

ختي كاين بزاف انواع تاع الماشينة و كلهم ملاح مثلا اذا كنتي تخدمي في الدار لازملك الماشينة ذات اللون الاسود راهي تخيط كل انواع القماش بيزو بيزو....القماش الخشن ...الجينز.....يعني تاع الدحيس او ماتخافيش عليها وليمارك الملاح هي السنجير والاصلية ماراكيش رايحة تلقايها في الجزائر لازم توصي عليها من الخارج وكاين تويوتا..و المرسيدس وانا عندي واحدة من نهار شريتها ماتخسرتش عندها8سنوات والي يجي يخيط بيها او ماتتخسرش او راهي تدير 900الف بالطابلة ولا 800بالموتور
اخت هدا النوع تاع الماشينات ملاح بزاف بصح ماتفينيلكش اللباس يعني اللباس لازملو السورجي وادا كان حجاب ولا فيستا ولا....لازملو فتحات تاع القفالي...
والماشينة اللي تدرهم لونها ابيض وفي نفس الوقت تخيط هذه الماشينة تديرمليون ونصف واحسن الماركات تويوتا وسنجير وكاين الماشينات الكبار كيما الي قالولك عليها الاخوات جايمسي وبراذر هي رائعة وسريعة جدا اذاكنتي مبتداة ماراكيش رايحة تقدريلها تستعمل في ليزاتوليي انا شريت وحدة عندها شهر اونص جمسي7-28 دير زوج ملاين و950وكاين الماشينات تاع السورجي الصغيرة تاع الدار ترفد3بوبينات تاع الخيط تدير مليون وكاين الكبار وترفد3 بوبينات يديرو3ملاين ونص واكين تاع 5 بوبينات يديرو4900و الماركات الملاح سانجير وجيمسي وبراذر وانانقولك اذا كنتي مبتداة احسن الماركات راكي رايحة تعاني معاها واذا كنتي محترفة اسوا الماركات راكي رايحة تسلكي معاها حتى ولو كانت تاع الشينوا يعني على حساب يدك
يعطك الصحة يااختي و ربي يجعلها في ميزان حسناتك

maarafmiloud

2014-05-11, 18:33

االسلام عليكم
راني حابة نتعلم الخياطة خاصة خياطة القنادر الجزايرية نتمنى نلقى شكون تعاوني راني حابة نتعلم بسرعة .ونتمنى نعرف واش من ماركة تاع ماشينة الخياطة لمليحة .

الموقنة بالله

2015-03-13, 20:18

انا صبت singer فيها 60 غرزة بمليون ومئتين برك وخفت نشريها واش رايكم

Sakr-nail

2015-03-19, 18:18

يمكنك الاستعانة بهذا الموقع:

http://alsabbanest.com/ar/

oumouways mamam

2015-03-19, 21:16

انا عندي سانجار...مليحة

حنان/سلام

2015-03-30, 11:14

لبنات قولولي رايكم في ماشينة تاع الخياطة endustrielle sling man أفضل أو gemsiومن الأفضل من فضلكم أرجوا الرد منكم

madjid25

2015-10-18, 21:46

اردت شراء yamata واش رايكن

71mama

2015-12-13, 08:54

pour moi janome est la meilleur fabrication japonaise

أنس الوجود

2016-02-22, 17:19

Slm svp li ya9dire yaawini
Ana chrite machine taa triza brother in innvois 750 liya3rif kifah ta5dim ou ya3rif system ta3ha yachrahli psk mafhimtch kifah ntelechargi laha les motif ta3ha et mrc

minakouki

2016-02-22, 20:08

كاينة singer بيضاء و مكتوبة بالاحمر مليحة

عقد النجوم

2016-06-06, 12:53

راكم دوختوني نروح نشري نتاع السورفيلاج