حلوياتي للعيد

[ضوء القـمر]

مرحبا عضوات المنتدى
سلام الله عليكن جميعا
وصح عيدكم
علبالي بلي فات العيد بصح اتعمدت نفوت شوي وقت باش نربح أكثر نسبة مشاهدة
الله غالب حيلية شوي احم احم
صورت الحلويات على زوج مرات
الصورة الاولى من اليمين الى اليسار
قاطو الكروكان ( crocquant ) ، التشاراك ، الياسمينة ، مربعات البرتقال ، ومقروط الشام
http://im9.gulfup.com/2011-09-07/1315412567641.jpg

الصورة الثانية
بقلاوة الكنافة ، الدزيريات والمشكلة
http://im9.gulfup.com/2011-09-07/1315412567742.jpg

[remadna]

الله يبارك يعطيك الصحة
حلوياتك روعة
العيد مازال الوقت عليه و الأخوات مازل يحطو في حلوياتهم
صح عيدك

[الصوامعية]

يعطيك الصحة أختي و صح عيدك قاطو هاااااااااايل عجبني : مقروط الشام ،مربعات البرتقال ، crocquant
إذا أمكن تعطيني الوصفات نتاعهم و شكرا مسبقا .

[ضوء القـمر]

الله يبارك يعطيك الصحة
حلوياتك روعة
العيد مازال الوقت عليه و الأخوات مازل يحطو في حلوياتهم
صح عيدك
يبارك فيك أخت remadna وماشي راحين يكونو أحسن من حلوياتك تعلمت من عندك حوايج بزاف

[ضوء القـمر]

يعطيك الصحة أختي و صح عيدك قاطو هاااااااااايل عجبني : مقروط الشام ،مربعات البرتقال ، crocquant
إذا أمكن تعطيني الوصفات نتاعهم و شكرا مسبقا .
صح عيدك انت ثاني بالنسبة لمقروط الشام ذرك نحطلك الوصفة أما لخرين غدوة ان شاء الله
500غ مرغرين كاس سكر حرش 1 بيضة كاملة 2 صفار ملعقة صغيرة فاني 1 خميرة 2 كيسان دقيق وتلمي بالفرينة
الحشو : غرس
بعدما تعجني اعملي حربوش وحطي الغرس في الوسط ( الطريقة التقليدية نتاع المقروط ) قطعيه وغمسي في بياض البيض ثم في كوكاو بالقشور مقلي ومرحي وطيبي كي يطيب عسليه

[الصوامعية]

صح عيدك انت ثاني بالنسبة لمقروط الشام ذرك نحطلك الوصفة أما لخرين غدوة ان شاء الله
500غ مرغرين كاس سكر حرش 1 بيضة كاملة 2 صفار ملعقة صغيرة فاني 1 خميرة 2 كيسان دقيق وتلمي بالفرينة
الحشو : غرس
بعدما تعجني اعملي حربوش وحطي الغرس في الوسط ( الطريقة التقليدية نتاع المقروط ) قطعيه وغمسي في بياض البيض ثم في كوكاو بالقشور مقلي ومرحي وطيبي كي يطيب عسليه

شكرا أختي على الرد السريع بالنسبة للمارغرين ذايبة ولا طرية وسمحيلي بزاف بزاف .

[remadna]

يبارك فيك أخت remadna وماشي راحين يكونو أحسن من حلوياتك تعلمت من عندك حوايج بزاف

ربي يحفطك أختي
حتى انا صراحة تعلمت منكم الكثير
حلوياتك تاع العيد احسن انا درت غير السهل و البسيط مكانش الوقت في رمضان

[عواطف24]

الله يبارك ويعطيك الف صحة

[الراجية رحمة الله]

ربي يحفظك من العين

[ضوء القـمر]

شكرا أختي على الرد السريع بالنسبة للمارغرين ذايبة ولا طرية وسمحيلي بزاف بزاف .
السماح اختي رانا باش نفيدوا ونستفادوا بالنسبة للمارغرين تكون طرية

[ضوء القـمر]

الله يبارك ويعطيك الف صحة
الله يسلمك اختي ويبارك في عمرك
ربي يحفظك من العين
ربي يخليك ويحفظك انت ثاني

[ضوء القـمر]

ربي يحفطك أختي
حتى انا صراحة تعلمت منكم الكثير
حلوياتك تاع العيد احسن انا درت غير السهل و البسيط مكانش الوقت في رمضان
ربي يخليك صح ماكانش الوقت في رمضان بصح أنا سرقت شوي وقت خدمتو في الايام الاولى لرمضان كل يوم نوع ودرتو في المجمد وقبل يومين من العيد خرجتو ودرتلو الديكور

[remadna]

ربي يخليك صح ماكانش الوقت في رمضان بصح أنا سرقت شوي وقت خدمتو في الايام الاولى لرمضان كل يوم نوع ودرتو في المجمد وقبل يومين من العيد خرجتو ودرتلو الديكور

الله يبارك يعطيك الصحة على الفكرة حنا نديروها في الفطار
حنا الفريز تاعنا كان مملوء في رمضان لان الثلاجة ما تبردش مليح في الصيف
على بيها ما خدمتش في الأيام الاولى تاع رمضان و ما نقدرش نخليه في العلب تروح الريحة مليحة تاعو و يبان قديم
عملتو في 6 ايام الأخيرة اللي لازم نتعبدو فيها
عندنا الجو سخون ياسر
بالنسبة للوصفات اللي طلبوها الاخوات تاع كروكان و البرتقال رايحة تحطيها؟

[ضوء القـمر]

للاخت الصوامعية الي طلبت مني بقية الانواع وكيما وعدتك رايحة نحطهم :
1 - مربعات البرتقال : 500غ مرغرين طرية + 250غ سكر ناعم ( 10 مغارف كبار ) 3 بيضات 2 صفار +قشور برتقالة + فاني + تلمي بالفرينة
الحشو : 2كيلات نواة كوكو +كيلة سكر ناعم ونرحوهم مع بعض +عصير برتقالة أو 2 + مغرفة ص خميرة + 1 م ص فاني وتكملي تعجني بالبيض لازم الحشو يكون كريمي
طريقة العمل : اطرحي العجينة وحليها بسمك معقول دائرية الشكل وضعيها في قوالب مربعة ثم ضعي في وسطها شوي معجون ثم الحشو وطيبيها بعدما تبرد ضعي فوقها القلاصاج ابيض وزيني بخطوط برتقالية كما في الصورة ومن المفروض بعجينة اللوز تصنعي حبات برتقال وتحطيهم فوق القلاصاج أنا مادرتش خاطر مايحبوش عجينة اللوز

[ضوء القـمر]

2- crocquant ):
250غ مرغرين طرية +125غ سكر ناعم ( 5 م ك )+ مغرفة ك كاكاو + 2 م ك مايزينة + بيضة و 2 صفار وتلمي بالفرينة
اعملي كريات صغيرة وضعيها في القوالب وحليها بايدك ثم طيبي كي تخرجي احشيها بوضع واحدة فوق الاخرى
الحشو كيما تحبي انا درت النسلي مخلط مع جوزمرحي
القلاصاج عندك اختيارين يا إما شكلاطة يا إما قلاصاج الشوكولا وتضعي دوائر بالقلاصاج الابيض ثم بواسطة عود الاسنان تعملي حركات كيما في الميلفاي
ثم في الاخير ضعي حبة جوز او بندق

[الصوامعية]

للاخت الصوامعية الي طلبت مني بقية الانواع وكيما وعدتك رايحة نحطهم :
1 - مربعات البرتقال : 500غ مرغرين طرية + 250غ سكر ناعم ( 10 مغارف كبار ) 3 بيضات 2 صفار +قشور برتقالة + فاني + تلمي بالفرينة
الحشو : 2كيلات نواة كوكو +كيلة سكر ناعم ونرحوهم مع بعض +عصير برتقالة أو 2 + مغرفة ص خميرة + 1 م ص فاني وتكملي تعجني بالبيض لازم الحشو يكون كريمي
طريقة العمل : اطرحي العجينة وحليها بسمك معقول دائرية الشكل وضعيها في قوالب مربعة ثم ضعي في وسطها شوي معجون ثم الحشو وطيبيها بعدما تبرد ضعي فوقها القلاصاج ابيض وزيني بخطوط برتقالية كما في الصورة ومن المفروض بعجينة اللوز تصنعي حبات برتقال وتحطيهم فوق القلاصاج أنا مادرتش خاطر مايحبوش عجينة اللوز

شكرا اختي ضوء القـمر ربي يحفضك و يعطيلك واش تتمناي .

[saida08]

الله يبارك يعطيك الصحة
حلوياتك روعة

[mimicha1977]

شكرا اختي ضوء القـمر

يعطيك الصحة

حلوياتك روعة