طلب مساعدة [الأرشيف] - منتديات الجلفة لكل الجزائريين و العرب

مشاهدة النسخة كاملة : طلب مساعدة

المؤمنة أريام

2011-09-04, 17:13

أرجو من الأخوات من تعرف مقادير قاطو الكحلوشة

أسية24

2011-09-04, 17:21

اختي نعرف مقادير كحلوش بو قلب بيض إلي يجي محشي بالنواتكوكو والعجينة فيها الكاكاو على شكل كور ويغمس في الشكولاطة إذا حبيتي نكتبهولك

المؤمنة أريام

2011-09-04, 17:34

نعم هذا هو اكتبيه لي
مشكورة كثيرا أختي على الرد

أسية24

2011-09-04, 17:36

اختي هاذي وصفة لقيتهالك في النت ما شي كيما تاعي إذاحبيتي نزيد نكتبلك تاعي
حلوة الكحلوشة
المقادير :
250 غ زبدة
كأس سكر
كأس شاي زيت
كأس نواد كوكو
حبة بيض
ثلاثة ملاعق كاكاو
كيس خميرة
فرينة
للتزيين :
كيلة نواد كوكو
كاكاو
عسل
طريقة التحضير :
حطي المارغرين في وعاء أضيفي السكر حركي الكل حتى يذوب السكر و يصبح الخليط على شكل كريمة أضيفي الزيت واصلي التحريك ثم أضيفي كأس النواد كوكو و ضفي البيضة و الكاكاو حركي جيدا إذا لاحظتي الخليط أسود لا تزيدي الكاكاو أما إذا شفتي لون بني فاتخ أضيفي الكاكاو حتى يصير أسود أضيفي الفرينة و الخميرة حتي تتحصلي على عجينة متماسكة
شكلي حربوش و قطعي مقروطات متوسطات الحجم (لا تنسي راح تزيد تكبر مع الخميرة لما تطيب )
ضعي الحلوة في صينية مدهونة و مرشوشة بالفرينة خليها تطهو
من جهة أخري نحظر خليط التزيين إذا قومي بوضع النواد كوكو في مقلات ناشفة حطيها فوق النار و حركي حتى تتقلا كليا و يختفي اللون الأبيض ( قليه مثل ما تقلي التشيشة) ثم نحيه من على النار و أضيفي له الكاكاو (غبرة /poudre) حتى يصير اللون أسود
سخني العسل و قومي بغطس المقروطات (تكون طابت و بردت ) ثم لفيها في النواد كوكو الأسود حطيها في ليكيسات و قدميها وصورتها موجودة في المرفقات

المؤمنة أريام

2011-09-04, 17:51

مشكورة أختي زيدي اكتبي لي طريقتك انتي

أسية24

2011-09-04, 18:24

العفو أختي هاذي هي المقادير يجي بنين وتحسبيه بدون طهي

كحلوش بو قلب أبيض
500غ زبدة
6صفار بيض
1خميرة الحلويات
كأس مايزينة
3 ملاعق اكل كاكاو
4ملاعق اكل سكر رطب
الفرينة حتى تلم العجينة
العقدة
250غ نواتكوكو
2 ملاعق سكر عادي
1 فانيليا ماء زهر حتى تتشكل كعجينة
التزيين
شكلاطة
الطريقة تخدمي الزبدة مع السكر ثم تضيفي صفار البيض ثم المايزينة والكاكاو بعدما تسيحيهم وفي الاخير الفرينة وخميرة الحلويات حتى تتحصلي على عجينة مثل عجينة الصابلي شكليها كور بحجم حبة الجوز وبعدما تجمعي جوز الهند مع السكر والفانيليا رشيه بماء الزهر حتى تتحصلي على عجينة شكليها بحجم حبة العنب او إحشيها مباشرة في العجينة بعدما تفتحينها بأصبع الإبهام ثم اعيدي تكويرها وضعيها في اكياس ورقية لتنضج على نار هادئة ثم بعدما تبرد جهزي القلاساج اضيفي كاس شاي حليب ل300 غ شكلاطة وقطعة جليد وقطعة زبدة حتى تتحصلي على قلاساج إغمسيها في الشكلاطة ثم ذرذري عليها جوز الهند او البريون او حلوة الفارميسال أو حلوة فضية
نتمى نكون افدتك واي سؤال راني في الخدمة

المؤمنة أريام

2011-09-04, 20:08

مشكورة أختي كثيرا