المساعد الشخصي الرقمي

مشاهدة النسخة كاملة : قالوا الجزائر العاصمة بين أسوأ 10 مدن في العالم

*سلامة*
2011-09-02, 16:44
السلام عليكم

بحسب وحدة المعلومات بمجلة "إيكونومست" فان الجزائر العاصمة من اسوء المدن في العالم

احتلت المراتب العشرة الاخيرة مع طرابلس وهما المدنتين العربييتين الاتي تحصلتا على هده الدرجة الضعيفة جدا

وقد رتبتها بحسب نمط الحياة فيها، بدءا من مدى الاستقرار والرعاية الصحية والثراء الثقافي والبيئة والتعليم، وانتهاء بالبنية التحتية للمدينة.

لكن الذي يخطر ببالي هو هل العاصمة الجزائر سييئة لهاذ الدرجة

انا ارى انها جميلة

فهي تراث كبير

القصبة رائعة التراث الماضي الحاضر

والمنطقة الساحلية وطريقة وضع البنايات حولها ايضا روعة

لكن من حيث النظافة هنا نقدر نقول :sdf::sdf:

ومن هنا نستنتج باننا شعب عار على بلاده

لو كانت العاصمة التي شهدت اكبر الثورات وحكمها اكبر الحكام لو كانت تتكلم لتبرءت منا ولتمنت المطالبة باستبدالتنا بناس افضل :1::1::1:

هذا رايي

واش رايكم انتم
رابحي نـائل
2011-09-02, 17:02
للأسف قرأت هذه النبأ اليقين في اغلب الصحف الوطنية والذي نزل عليا كالصاعقة ... ولا مفر من الحقيقة هي من بين العواصم الاكثر سوءا في العالم من حيث التنظيم والبنية التحتية للنسيج العمراني .....ورغم كل تداعيات التي وجهت لها تبقى الجزائر زينة البلدان .... اوحيي فيكي هذا الاهتمام .... دمتي وفية .......
http://www13.0zz0.com/2011/09/02/15/917132095.jpg
*سلامة*
2011-09-02, 17:04
بارك الله فيك الاخ على التتبع

لو كان بيدي لبدلت كل سكان العاصمة وجبت من ولايات اخرى سكان يساهلو يكون في المنطقة الوجهة للجزائر
رملاك
2011-09-02, 17:30
بارك الله فيك على الموضوع
*سلامة*
2011-09-02, 17:32
وفيك بارك الله

شكرا على عطر تواجدك
امير19
2011-09-02, 17:38
والله خبر صادق وصحيح للغاية روح انت تشوف ساحة الشهداء او البريد المركزي قمامات في الطريق تلوث مشردين على الارصفة دخان ضوضاء ازدحام مروري اعتداءات على المارة والله ليس منظر عاصمة ابداا اذهب الى مدريد مثلا او لشبونة عاصمة البرتغال وسترى الفرق بام عينك
yasmine alger
2011-09-02, 17:53
العاصمة ما بقات عاصمة جطرش كامل الناس جاو ليها لوكان قعدو فيها غير ناسها لوكان تحتل مرتبة الاولى مي الله غالب اللي عندو دراهم يجي يبني و يجيب فاميلتو معاه و يستتمر في الدزاير و دوك مابقى لا حياء و لا حشمة كيم قال عبد المجيد مسكود :
قولو لي ...يا سامعين أولاد العاصمة وين ؟ ... من كل جيه جاك الماشي ، الزحف الريفي جاب غاشي الحياء و الحرم مابقى شي ، قل الإيمان والدين
وين المرمة و الشواشي بخيطانها مدليين
ما بقات-شي بنة رمضان، لا عيد لا موسم كي زمان
التقليد غموه يا إخوان، بدعوا طبايع أ خرين
تبدل الحبق بالريحان، حصراه على الياسمين
وين القفاطن والمجبود، عاد طراز الحرير مفقود
وين هم خرازين الجلود، وين هم النقاشين
وين صانع سروج العود، وين هم الرسامين
فارس الفردوس
2011-09-02, 17:58
السلام عليكم

بحسب وحدة المعلومات بمجلة "إيكونومست" فان الجزائر العاصمة من اسوء المدن في العالم

احتلت المراتب العشرة الاخيرة مع طرابلس وهما المدنتين العربييتين الاتي تحصلتا على هده الدرجة الضعيفة جدا

وقد رتبتها بحسب نمط الحياة فيها، بدءا من مدى الاستقرار والرعاية الصحية والثراء الثقافي والبيئة والتعليم، وانتهاء بالبنية التحتية للمدينة.

لكن الذي يخطر ببالي هو هل العاصمة الجزائر سييئة لهاذ الدرجة

انا ارى انها جميلة

فهي تراث كبير

القصبة رائعة التراث الماضي الحاضر

والمنطقة الساحلية وطريقة وضع البنايات حولها ايضا روعة

لكن من حيث النظافة هنا نقدر نقول :sdf::sdf:

ومن هنا نستنتج باننا شعب عار على بلاده

لو كانت العاصمة التي شهدت اكبر الثورات وحكمها اكبر الحكام لو كانت تتكلم لتبرءت منا ولتمنت المطالبة باستبدالتنا بناس افضل :1::1::1:

هذا رايي

واش رايكم انتم

نعم يا أختي فأنا مع هذا التصنيف

فعلى سبيل المثال ......هل رأيت ماذا أصبح تحت مقام الشهيد فقد اصبح حكرا على اصحاب الملاهي و الكباريهات ....

على كل حال شكرا على الموضوع........:19:
~~ أغيلاس ~~
2011-09-02, 18:08
بارك الله فيك الاخ على التتبع

لو كان بيدي لبدلت كل سكان العاصمة وجبت من ولايات اخرى سكان يساهلو يكون في المنطقة الوجهة للجزائر

هل أنت في كامل قواك العقلية ؟؟؟؟؟؟؟؟؟؟؟؟؟؟؟؟؟

أغلب سكان ولاية الجزائر ( 16 ) جاؤوا من ولايات الجزائر الـ 47 خاصة في العشرين سنة الماضية، و تنوع السكان الذين جاؤوا من مختلف الولايات يتسبب حاليا في انقراض اللهجة العاصمية الأصيلة و استبدالها بلهجة عاصمية هجينة .

اللهجة العاصمية الأصيلة تجدها في الأحياء الشعبية و هي لهجة جميلة جدا وفصيحة جدا و تقريبا لا يتكلمها إلا كبار السن أما الشباب فلهجتهم مليئة بالكلمات المُوَلدة .

من كلامك يتضح أنك عنصرية :mad: واحد ما شدك إيلا حبيتي تسكني فالعاصمة تفضلي، الجزائر لكل الجزائريين .
بقايا الم
2011-09-02, 18:14
هل أنت في كامل قواك العقلية ؟؟؟؟؟؟؟؟؟؟؟؟؟؟؟؟؟

أغلب سكان ولاية الجزائر ( 16 ) جاؤوا من ولايات الجزائر الـ 47 خاصة في العشرين سنة الماضية، و تنوع السكان الذين جاؤوا من مختلف الولايات يتسبب حاليا في انقراض اللهجة العاصمية الأصيلة و استبدالها بلهجة عاصمية هجينة .

اللهجة العاصمية الأصيلة تجدها في الأحياء الشعبية و هي لهجة جميلة جدا وفصيحة جدا و تقريبا لا يتكلمها إلا كبار السن أما الشباب فلهجتهم مليئة بالكلمات المُوَلدة .

من كلامك يتضح أنك عنصرية :mad: واحد ما شدك إيلا حبيتي تسكني فالعاصمة تفضلي، الجزائر لكل الجزائريين .

كلامك اخي صحيح بارك الله فيك
90 % lمن سكان العصمة ليسو اصلين العاصميين الاصليين تقريبا انقرضو

ان شاء الله ماتكونش عنصرية موجودة و كلنا اولاد بلد واحد
رحمون
2011-09-02, 18:15
[FONT="Arial"][/Fiهذي حاجة باينة قبل مايقولوهاONT]
~~ أغيلاس ~~
2011-09-02, 18:25
العاصمة ما بقات عاصمة جطرش كامل الناس جاو ليها لوكان قعدو فيها غير ناسها لوكان تحتل مرتبة الاولى مي الله غالب اللي عندو دراهم يجي يبني و يجيب فاميلتو معاه و يستتمر في الدزاير و دوك مابقى لا حياء و لا حشمة كيم قال عبد المجيد مسكود :
قولو لي ...يا سامعين أولاد العاصمة وين ؟ ... من كل جيه جاك الماشي ، الزحف الريفي جاب غاشي الحياء و الحرم مابقى شي ، قل الإيمان والدين
وين المرمة و الشواشي بخيطانها مدليين
ما بقات-شي بنة رمضان، لا عيد لا موسم كي زمان
التقليد غموه يا إخوان، بدعوا طبايع أ خرين
تبدل الحبق بالريحان، حصراه على الياسمين
وين القفاطن والمجبود، عاد طراز الحرير مفقود
وين هم خرازين الجلود، وين هم النقاشين
وين صانع سروج العود، وين هم الرسامين

أنت أيضا عنصرية مثل سلامة :mad:

و الله ما كاين حتى فرق بِين سكان العاصمة و غيرهم اللي مربي مربي و اللي نضيف نضيف و اللي موسخ موسخ . و ايضا العاصمة راهي عاصمة ماشي ولاية عادية فيها الخدمة و فيها استثمارات و غِيرُو .
علابالك لوكان سكان الولايات الـ 47 ما يجوش يخدمو فالعاصمة تصرا مجاعة كيما مجاعة الصومال :1:
حاليا راهي كاينة أزمة خبز في بعض مدن العاصمة لأنو الخبازين أغلبهم ماشي منا و راحوا يعيدو معا امّاليهم و اللي نْساهم ما عندهمش التابونة و ما يعرفوش يخبزو راهم يْعانوا .

الحمد لله الوالدة الكريمة خبازة ماهرة، لو كان تصرا أزمة فمنطقتنا ما تحكمناش المجاعة :1:

أما الأبيات التي أوردتها فجميلة جدا و أظنك نسيتي جزء من بيت .

قولو لي يا سامعين أولاد العاصمة وين ؟
قولولي يا سامعين بْنِيَّات البهجة وين ؟
من كل جيه جاك الماشي . . . الزحف الريفي جاب غاشي
الحياء و الحرم مابقى شي . . . قل الإيمان والدين
وين المرمة و الشواشي . . . بخيطانها مدليين
ما بقات شي بنة رمضان . . . لا عيد لا موسم كي زمان
التقليد غموه يا إخوان . . . بدعوا طبايع أ خرين
تبدل الحبق بالريحان . . . حصراه على الياسمين
وين القفاطن والمجبود . . . عاد طراز الحرير مفقود
وين هم خرازين الجلود . . . وين هم النقاشين
وين صانع سروج العود . . . وين هم الرسامين
*سلامة*
2011-09-02, 18:27
هل أنت في كامل قواك العقلية ؟؟؟؟؟؟؟؟؟؟؟؟؟؟؟؟؟

أغلب سكان ولاية الجزائر ( 16 ) جاؤوا من ولايات الجزائر الـ 47 خاصة في العشرين سنة الماضية، و تنوع السكان الذين جاؤوا من مختلف الولايات يتسبب حاليا في انقراض اللهجة العاصمية الأصيلة و استبدالها بلهجة عاصمية هجينة .

اللهجة العاصمية الأصيلة تجدها في الأحياء الشعبية و هي لهجة جميلة جدا وفصيحة جدا و تقريبا لا يتكلمها إلا كبار السن أما الشباب فلهجتهم مليئة بالكلمات المُوَلدة .

من كلامك يتضح أنك عنصرية :mad: واحد ما شدك إيلا حبيتي تسكني فالعاصمة تفضلي، الجزائر لكل الجزائريين .

هههههههههه اصبر واشبيك داخل عليا بالعنصرية

انا بنت العاصمة خويا ونزيدلك جدودي كانو من بين الي اسس العاصمة

لكن ولاد العاصمة تاع الصح ماولاوش يبانو

ماكاش واحد سقسيتو عن اصلو الا وقالي انا من كذا وكذا

لكن الي رالهم ساكنين درك هنا حنا نقولولهم سكاااااااااااااااااااااااان العاصمة الي مادابيا نبدلهم بسكان طيببين من ولايات اخرى مثل تاع الجنوب


هنا حب يقول ماشي انا الي عنصرية انت الي عنصري

انا عاصمية وماحليتش فمي

على كل شكراااااااااااااااااااااااااااااااااااااااااااااا على ردك نورت
yasmine alger
2011-09-02, 18:29
هل أنت في كامل قواك العقلية ؟؟؟؟؟؟؟؟؟؟؟؟؟؟؟؟؟

أغلب سكان ولاية الجزائر ( 16 ) جاؤوا من ولايات الجزائر الـ 47 خاصة في العشرين سنة الماضية، و تنوع السكان الذين جاؤوا من مختلف الولايات يتسبب حاليا في انقراض اللهجة العاصمية الأصيلة و استبدالها بلهجة عاصمية هجينة .

اللهجة العاصمية الأصيلة تجدها في الأحياء الشعبية و هي لهجة جميلة جدا وفصيحة جدا و تقريبا لا يتكلمها إلا كبار السن أما الشباب فلهجتهم مليئة بالكلمات المُوَلدة .

من كلامك يتضح أنك عنصرية :mad: واحد ما شدك إيلا حبيتي تسكني فالعاصمة تفضلي، الجزائر لكل الجزائريين .

كلامك اخي صحيح بارك الله فيك
90 % lمن سكان العصمة ليسو اصلين العاصميين الاصليين تقريبا انقرضو

ان شاء الله ماتكونش عنصرية موجودة و كلنا اولاد بلد واحد













iهدي هي خويا الهدرة ديال الصح يعني العاصمية مابقاتش غير اللي اصلهم عاصيمي كيما انا و الله تصدقني مينداك نقول كلمات مايفهموهمش يبداو يضحكو عليا زعمة انا اللي منعرفش والله غير نحير فيهم
~~ أغيلاس ~~
2011-09-02, 18:30
لا أصدق هذه الإحصاءات .

أيُعقل أن تكون أغلب دول إفريقيا أفضل من الجزائر ؟؟؟؟؟؟؟؟؟؟؟
yasmine alger
2011-09-02, 18:49
أنت أيضا عنصرية مثل سلامة :mad:

و الله ما كاين حتى فرق بِين سكان العاصمة و غيرهم اللي مربي مربي و اللي نضيف نضيف و اللي موسخ موسخ . و ايضا العاصمة راهي عاصمة ماشي ولاية عادية فيها الخدمة و فيها استثمارات و غِيرُو .
علابالك لوكان سكان الولايات الـ 47 ما يجوش يخدمو فالعاصمة تصرا مجاعة كيما مجاعة الصومال :1:
حاليا راهي كاينة أزمة خبز في بعض مدن العاصمة لأنو الخبازين أغلبهم ماشي منا و راحوا يعيدو معا امّاليهم و اللي نْساهم ما عندهمش التابونة و ما يعرفوش يخبزو راهم يْعانوا .

الحمد لله الوالدة الكريمة خبازة ماهرة، لو كان تصرا أزمة فمنطقتنا ما تحكمناش المجاعة :1:

أما الأبيات التي أوردتها فجميلة جدا و أظنك نسيتي جزء من بيت .

قولو لي يا سامعين أولاد العاصمة وين ؟
قولولي يا سامعين بْنِيَّات البهجة وين ؟
من كل جيه جاك الماشي . . . الزحف الريفي جاب غاشي
الحياء و الحرم مابقى شي . . . قل الإيمان والدين
وين المرمة و الشواشي . . . بخيطانها مدليين
ما بقات شي بنة رمضان . . . لا عيد لا موسم كي زمان
التقليد غموه يا إخوان . . . بدعوا طبايع أ خرين
تبدل الحبق بالريحان . . . حصراه على الياسمين
وين القفاطن والمجبود . . . عاد طراز الحرير مفقود
وين هم خرازين الجلود . . . وين هم النقاشين
وين صانع سروج العود . . . وين هم الرسامين





لالا راك غالط ي خويا العزيز ماكاش فرق بصح كاين فرق يختلفو بزاف شوف التقاليد برك وعلاه غير العاضمة اللي فيها استتمارات علاه ماشي كامل يديرو استتمار عند باب دارهم هكدا نكونوا 48 عاصمة و صح هديك تع مكاش الخبز حتى انا علمتني ماما نعجن و ندير كلش سلامت يدية لعزاو الخير فاليدين و الشر في اليدين فهمت لوكان غير جات عندنا كاش بقرة تاني خطرش ازمة ديال لحليب كتر مالخبز اما بالنسبة للاليات الشاعر قال الولاد خطرش زمان حنا عندنا الحرمة حنا منهدروش بالطفلة حنا نهدرو بالراجل ماشي كيما الوقت اللي وصلنا ليه نسا كتر مالرجال في التريق
و الحمد لله الحرمة مازالها و ربي يدومها ان شاء الله و خلاصة القول :
الحديث : (( لا فرق بين عربي أو أعجمي إلا بالتقوى ))
sihem22
2011-09-02, 18:50
السلام عليكم


اولا عيدكم مبارك اخواني واخواتي .اللي حبيت نقولو انو كل واحد ساكن في العاصمة يعرف حق المعرفة كيفاش ولات شوارعها بدون ما نطلع على التصنيف العالمي انا وحدة كنت نسكن في قلب العاصمة حتى واننا رحلنا برك لضواحي العاصمة لكن زمان كنا شباب وبنات الحومة نخصو يوم في الاسبوع باش نهتموا بنظافة العمارة اما الان كي وليت نروح لحومتي الله لا يشوفكم هذاك المنظر. رغم التطور المزعوم لكننا في انحطاط متصاعد في كل النواحي وانا اعتذر على هذا التعبير

والان كيفاش هل نبقاو متقبلين هذه الوضعية ولا نديرولها حل خصوصا ان العاصمة هي واجهة بلادنا
~~ أغيلاس ~~
2011-09-02, 19:01
هههههههههه اصبر واشبيك داخل عليا بالعنصرية

انا بنت العاصمة خويا ونزيدلك جدودي كانو من بين الي اسس العاصمة

لكن ولاد العاصمة تاع الصح ماولاوش يبانو

ماكاش واحد سقسيتو عن اصلو الا وقالي انا من كذا وكذا

لكن الي رالهم ساكنين درك هنا حنا نقولولهم سكاااااااااااااااااااااااان العاصمة الي مادابيا نبدلهم بسكان طيببين من ولايات اخرى مثل تاع الجنوب


هنا حب يقول ماشي انا الي عنصرية انت الي عنصري

انا عاصمية وماحليتش فمي

على كل شكراااااااااااااااااااااااااااااااااااااااااااااا على ردك نورت

اسمحيلي على تهجُّمي عليك و أظنه مبَرّرا لأن الكلام حمال لوجوه . انتي ماشي عنصرية حتى أنا ماشي عنصري :)

و بالنسبة لكلامك على العاصميين الأصليين نقولك حاجة : ما كاش عاصمي اصلي لأنو لوكان نجو نحوسو على العاصميين تع الصح تصرا فتنة كبيرة .
~~ أغيلاس ~~
2011-09-02, 19:45
لالا راك غالط ي خويا العزيز ماكاش فرق بصح كاين فرق يختلفو بزاف شوف التقاليد برك وعلاه غير العاضمة اللي فيها استتمارات علاه ماشي كامل يديرو استتمار عند باب دارهم هكدا نكونوا 48 عاصمة و صح هديك تع مكاش الخبز حتى انا علمتني ماما نعجن و ندير كلش سلامت يدية لعزاو الخير فاليدين و الشر في اليدين فهمت لوكان غير جات عندنا كاش بقرة تاني خطرش ازمة ديال لحليب كتر مالخبز اما بالنسبة للاليات الشاعر قال الولاد خطرش زمان حنا عندنا الحرمة حنا منهدروش بالطفلة حنا نهدرو بالراجل ماشي كيما الوقت اللي وصلنا ليه نسا كتر مالرجال في التريق
و الحمد لله الحرمة مازالها و ربي يدومها ان شاء الله و خلاصة القول :
الحديث : (( لا فرق بين عربي أو أعجمي إلا بالتقوى ))

يستحيل تكون كاينة 48 عاصمة في الماريكان و اليابان و لالمان ماصراتش . و ماشي الناس كامل عندهم لملاين بش يقدرو يعملو استثمارات قدام باب الدار . و اللي يسكن في راس لجبل و اللي يسكن فالصحرا مع من يدير استثمار ؟ و وين يقريو ولادهم ؟ الناس راهم يهربو للمدن الكبرى بش تتحسن حياتهم شوية، كاين بعض المناطق في ولايات متعددة الطبيعة راسك يحبس بصح لا طريق لا تيليفون لا أنترنت و زيد لمسايد على بعد كيلمترات، فهميني برك كيفاش الناس ما يرحلوش ؟
و بالنسبة لكلامك على الحرمة عندك الحق، الحالة تخلطت، ربي يهدي الجميع .
*سلامة*
2011-09-03, 12:00
اسمحيلي على تهجُّمي عليك و أظنه مبَرّرا لأن الكلام حمال لوجوه . انتي ماشي عنصرية حتى أنا ماشي عنصري :)

و بالنسبة لكلامك على العاصميين الأصليين نقولك حاجة : ما كاش عاصمي اصلي لأنو لوكان نجو نحوسو على العاصميين تع الصح تصرا فتنة كبيرة .

لالا يا خويا علاه تصرا فتنة كبيرة

عادي

التاريخ يشهد ان من اسس الجزائر العاصمة هم قوم جاو من منطقة اسمها بني مزغنة وهي مكان واقع قرب بلدية الميهوب التي تقع في تابلاط ولاية المدية وهي اقرب للجزائر العاصمة من مدينة المدية

:1::1::1:
سلاف26
2011-09-03, 12:05
هم يضحك و هم يبكي نحتل المراتب الأولى فقط في الأمور السيئة
مشكور على الموضوع
*سلامة*
2011-09-07, 20:36
بارك الله فيكم جميعا على ردكم الرائع

http://nbachemistry.wikispaces.com/file/view/%D9%84%D8%A7_%D8%AA%D9%86%D8%B3%D9%89_%D8%B0%D9%83 %D8%B1_%D8%A7%D9%84%D9%84%D9%87.gif/100511989/%D9%84%D8%A7_%D8%AA%D9%86%D8%B3%D9%89_%D8%B0%D9%83 %D8%B1_%D8%A7%D9%84%D9%84%D9%87.gif
شهد حنان
2011-09-07, 21:28
ايه يا اختي سلامة وبعض المنتديات عنونو به مواضيعهم

ولا يضرب بنا المثل
StartimesDZ
2011-09-07, 21:56
اظن انهم يقصدو من بين عواصم العالم بالتاكيد
*سلامة*
2011-09-08, 11:14
ايه يا اختي سلامة وبعض المنتديات عنونو به مواضيعهم

ولا يضرب بنا المثل




ربي يصلحنا ويصلحهم
بقينالهم مهزلة

شكرا على عطر مرورك
http://nbachemistry.wikispaces.com/file/view/%D9%84%D8%A7_%D8%AA%D9%86%D8%B3%D9%89_%D8%B0%D9%83 %D8%B1_%D8%A7%D9%84%D9%84%D9%87.gif/100511989/%D9%84%D8%A7_%D8%AA%D9%86%D8%B3%D9%89_%D8%B0%D9%83 %D8%B1_%D8%A7%D9%84%D9%84%D9%87.gif
*سلامة*
2011-09-08, 11:16
اظن انهم يقصدو من بين عواصم العالم بالتاكيد

ممكن

تحياتي

:19::19::19: مرورك رائع

http://nbachemistry.wikispaces.com/file/view/%D9%84%D8%A7_%D8%AA%D9%86%D8%B3%D9%89_%D8%B0%D9%83 %D8%B1_%D8%A7%D9%84%D9%84%D9%87.gif/100511989/%D9%84%D8%A7_%D8%AA%D9%86%D8%B3%D9%89_%D8%B0%D9%83 %D8%B1_%D8%A7%D9%84%D9%84%D9%87.gif