بقلاوة عيد الفطر 2011 من عند شهد العسل

[*شهد العسل*]

المقادير
4كيسان فرينة
كاس سمن ذائب
قرصة ملح رطب او مغربل
فاني
حبة بيض
كاس ماء و ماءالزهر خليط طبعا
اجمعي العجينة ادلكيها شوية قسميها 11 كرية
ديريهم في كيس بلاستيكي ترتاح
العقدة
رطل كاوكاو مرحي
100 غ لوز بقشورو مرحي
100غ جوز مرحي
250غ سكر عادي
مغرف سمن
ماء الزهر
خلطيها شغل راكي تفتلي في الطعام تجي مشتتة
ادهني بلا بالسمن و حلي الكرية بالمايزينة ولازم رقاق بزاف
بين الطبقة و اللطبقة ادهني بالسمن ذائب و فيه مغرف صغيرة خمارة
ديري 6 من الاسفل ثم الحشو ثم 5 من فوق
لوني شوية من العجينة الزائدة بالكاكاو حليها في تاع الرشتة نفس الشيء للعجينة البيضاء و زيني بها كما تحبي انا درتهم متناثرين تقدري تستفيهم انت واش تحبي
الطبقة الاخيرة قبل الرشتة ما تدهنيهاش اظغطي عليها شوية برك بالحلال باش تلسق
وقطعيها مقروطات او مربعات اهنيها بالسمن وديريها اطيب
كتخرجيها اسقيها بالعسل هكاك بارد مباشرة
خليها تبرد و قطعيها و ديريها في الكيسات
و هاهي ليك و صح عيد الجميع
http://up.djelfa.info/uploads/13146097961.jpg

[adnan69]

مااااشاء الله اختي شهد روووعة البقلاوة
ولكن عندي سؤال صغير لماذا زدتي الخمارة للسمن
ارجو ان تشرحيلي لاطبقها مستقبلا وعيدكم مبارك

[امل العاتر]

بصحتك البقلاوة وبصحتك الحلو تاع العيد كله جا رائع
وتقبل الله منا ومنكم صالح الاعمال

[remadna]

الله يبارك يا شهد
صح عيدك

[*شهد العسل*]

مااااشاء الله اختي شهد روووعة البقلاوة
ولكن عندي سؤال صغير لماذا زدتي الخمارة للسمن
ارجو ان تشرحيلي لاطبقها مستقبلا وعيدكم مبارك
الله يسلمك
زدت الخمارة للسمن باش تجي مورقة استيس
وصح عيدك اختي

[*شهد العسل*]

بصحتك البقلاوة وبصحتك الحلو تاع العيد كله جا رائع
وتقبل الله منا ومنكم صالح الاعمال
انت الرائعة و الحلوة يا صحبتي
الهم امين

[sousouprof]

ماشاء الله و الله باينة بنينة يعطيك الصحة ختيتي

[bassamat]

يعطيك الصحة يا شهدودة
صح عيدك

[الصوامعية]

رائعة يعطيك الصحــــــــــــــــــــــــــــة يا شهد و صح عيدك .

[امراة لاتقهرها الاحزان]

الله يبارك جزاكي الله خير

[هديةالرحمان]

يعطيك الصحة اخي بارك الله فيك

[زهروان]

روعة يعطيك الصحة حبيبتي

[ffwassim]

باين بلي تعبتي فيها مي انا معجبتنيش
مشكوة

[allmaza]

ايه مليحة زينونة كيفك
حابة نفهم الطرقة لي زينتي بيها من الفوق

[OU SS AMA]

الله يبارك يعطيك الصحة عندي سؤال انا درت البقلاوة من دون بيضة يعني كون نديرها واش رايح يتبدل قصدي جي مليحة ساعديني عن قريب رايحة نديرها بماذا تنصحيني

[mima438]

هايلة اختى يعطيك الصحة ..... تشبه كثير ااا للبقلاوة الى عملتها في العيد .

[mimicha1977]

روعة يعطيك الصحة حبيبتي شهد
حتى انا نعملها ديما فيها تعب شويه ان شاءالله راح نحط صورها

[amani17]

http://alsbtain.alatham.com/qatifoasis/upload//13306-1-806279151.gif

[رقيقة بطبعي]

شكرآ جزيلا على الموضوع الرائع و المميز

واصل تالقك معنا في المنتدى

بارك الله فيك على الوصفة المميزة ...

ننتظر منك الكثير من خلال ابداعاتك المميزة