لدي مشكل كبير بالنسبة لبكالوريا ارجوا من من له الخبرة يحله

[محب الرياضيات]

المشكل هو

كلما اريد حفظ درس ..................... نكره نقيس الكراس و نروح نتفرج في تيلي


كلما نحل تمرين راني نحل مين نوصل لواحد صعيب نحبس.........



لدي مشكل ايضا في الاخطاء التافهة ..............................



لدي مشكل في الفرنسية و الانجليزية بصفة عامة ...........................



ماهي الحلول ارجوا الافادة وشكرا مسبقا

[mohamed19]

السلام عليكم انا اسضا نفس المشكل ساعدونا

[النجمة السوداء]

معليش مكانش مشكل
انت ما زلت في عطلة و علا هديك ما قدرتش تقرا
كي تبدا لقرايا يعني في الثانوية راح تلتزم اكتر و تنظم وقتك انشاء الله
الدرس لي تكتبو احفظو و ما تضيعش وقتك في التفراج و اللعب
نقلك حاجة العام لي فات في الثلاثي الاول معظمنا المعدل تاعو نقص يعني معدلات مخيبة للآمال تخليك تحس انك ما تستاهلش الباك
تعرف واش قالتلنا الاستاذة تاع العلوم قالتلنا معليش انتوما مازلتو ماراكمش عارفين تنظمو وقتكم ما زلتو تحسابو في رواحكم سنة ثانية و الحمد لله جبنا الباك
المهم ربي يوفقك
و خليك من لقرايا دركا تقدر تشوف المنهاج برك مي ما تتعمقش لخاطر راح تكره قبل ما تبدا
انشاء الله تجيبو الباك كامل بمعدلات مليحة

[adoula]

لا اظن انكم تحتاجون الى نصائح لان مشكلتكم تعود الى الاراده والرغبه والتي هي تتحكم فيها الذات

[listoma]

نفس المشكـــــــــــل لدي ..... رقم 1

[madoelodie]

عندي نفس مشكل الحفاظة و التمارين .....

[khaoula rouh]

انا كذلك اعاني من مشكل اللغات

[حامل اللواء]

في الحقيقة كل واحد منا يعاني من هذه المشاكل لكن ربما الواحد منا ينساها او يتناسها ويجد لها حلول


لكن اخي bac_2012 انت بدأت الدراسة ؟ ام تتكلم في المستقبل ليتسن لي الاجابة؟؟

[محب الرياضيات]

لا انا اتكلم على الاعوام الماضية ليس في الصيف وانما في بداية القرايا

[ورثان الجنان]

إن شاء الله تجاوزو هذا المشكل لأنو صعيييييب بزاااااااااف
خصوصا في مايخص اللغات
والله توقعو في مشكل كبير بزاااااااف في هذا العام إذا ما تخلصتوش منو
والله الموفق والمعين

[محب الرياضيات]

شكرا لكم نحن ننتظر ردود اخرى

[حامل اللواء]

اها ....طبعا ربما الممل والكلل ....

لكن دراسة الباكلوريا ...والتحضير لها والمراجعه لامتحانها شيء

اخر ....دراسة تتبعها خوف .....دراسة تتبعها آمانة وتصاحبها حدس وحذق ....


ستكون دراسة باتم معني الكلمة .....مجاهدة شوية عــام "وتتهنا "



شيء آخر عند قبل المذاكرة احب المادة ....وقبل ذلك الاستاذ لكي لا تدرس وانت " منارفي " وتفكر النتائج .ستدرس بحماسة ...وستدرس بانفعال وحيوية ...

وستكون دارسة تتذكرها في ايام حياتك .....


انصحك حاجة اخرى التلفاز طلقه ثلاثا .......

كل الاعاب او الاشياء الاخرى ابعدها عند " الانترنت لا تكثر منها هي مضيعة للوقت "

عليك بالقهوة ا "لكحلى " ان غلبك النعاس ....


وعليك بالماء ان طغت عليك الحرارة ....

وعليك بالدعاء قبل كل ما ذكرت ....

ربنا يجحعلنا من المتفوقين في شهادة البكالوريا

قد اعود الى الكتابة هنا ان شاء الله

[محب الرياضيات]

شكرا لك نصائحك قيمة جدا ننتظر جديدك

[نبع الندى]

شكرا جزيلا لكم , خاصة أخي صاحب الموضوع وأخي حامل اللواء , موضوع في الصميم هذا ما كنت أحتاجه ’ انتظر المزيد

[منير طيبوزة]

يا أخي نقلك بلي راك في ورطة عليك تدارك الأمر والتغلب عليه بنفسك فكلما تماديت زادت حدة هذا المشكل فكر أخي ولو قليلا

[محب الرياضيات]

لو كان عندي الحل لقمت الان بحل مشكلي و لكن لا

[سلسبيل الفردوس]

المشكل هو

كلما اريد حفظ درس ..................... نكره نقيس الكراس و نروح نتفرج في تيلي




ماهي الحلول ارجوا الافادة وشكرا مسبقا


سلام الله عليكم و رحمته و بركاته

سأحاول أن أكتب لك حلولا لمشاكلك المنتشرة بين معظم التلاميذ عن تجربة شخصية و قد لا تعجبكم لقتراحاتي ...لكن ما يهمني أنني قدمت ما أستطيع عليه

المشكل الأول:

ضعا برنامجا للحفظ أي وقتا خاصا له مثلا عندك درس في التاريخ حاب تحفظوا على سبيل المثال فقط لتوضيح فكرتي

حطلوا وقت خاص بيه مثلا الجمعة الصباح و هكا متخممش عليه طول باه متكرهش بويسك نت راك حاطو في راسك راح تحفطوا و عندك الوقت الخاص بيه ماشي مثلا كل ما تقعد تقرا تذكروا و تقول خلي نحفظوا و متحفظوش و هكا ديما حتى تكره .....أنساه حتى يوصل وقتو و دير إرادة و عزيمة و أقراه مليح بمتعة باه تفهموا و كي تفهموا أهدر مع روحك عليه مام تروح و تجي المهم راك تهدر مع روحك على الدرس و هكا تلقى روحك حفظتو بدون تعب

فكرتي هذه ماشي بصفة عامة و ماشي لأي واحد إنما ليك نت شخصيا بويسك تعيا تجبد روحك للقراية
أتمنى أن تفهم ما أقصده يعني تجنب أن تجلس و الكراس في يدك و تقرأو تكررو تكرر حتى تحفظ أكيد ستمل و ما إن تسمع صوت التلفاز تحب تروح تتفرج بصح كي ديروا على شكل قصة ممتعة و تهدر و تفهم روحك بروحك الحفظ يكون سهل جدا و ممتع و تحب ديما تروح تحفظ

ملاحظة :
كي دير وقت خاص بالحفظ كل ما يصل هذاك الوقت تحس برغبة في التفرغ للدراسة و الحفظ هذا ثبت علميا
ماشي تجيب سمانة كامل نت تخمم على درس التاريخ و كل يوم تجبد شوية تكرر و متحفظش و تمل و تقلق و هذا لا يعني أنني أقصد ترك الدروس و عدم مراجعتها أنا نهدر على الحفظ بالنسبة للمراجعة لازم تكون على الأقل خفيفة لتجنب النسيان على مدار السنة الدراسية

يعني كل ما يوصل الوقت لي حطيتو للحفظ مثلا تلقى روحك ماشي حاب تروح تحفظ معليهش ارتاح شوية و شجع روحك بروحك ...حفز روحك ...مثلا تخيل يوم إظهار النتائح...تخيل روحك تشوف في علامات المواد...قول مثلا لازم نجيب 20 في الإجتماعيات...باه نجيبها...لازم نحفظ المصطلحات و الشخصيات....عليهم بزاف النقاط....حفز روحك و املأها بالإرادة و العزيمة و الطموح و روح أحفظ في عقلك طبعا كما قتلك ...أقرا و لو بالتمسخير المهم بمتعة و هكا تشفى مليح على واش هزيت

يعني متضغطش على روحك ...لأنو الضغط يجيب الملل و النفور من الدراسة و الحفظ

حل آخر و هو أنو يفضل الحفظ في الصباح الباكر ...كي تنوض بكري راسك يكون فارغ من المشاكل و مستحيل راح تنوض باه تتفرج مباشرة راح تروح عند الكراس و دير كما قتلك و ان شاء الله يكون مردودك كبير


أخي الكريم هدرت معاك بعفوية و بالدارجة باه نفهمك فكرتي على أمل أن تفيدك و تفيد غيرك....أعتذر إن أطلت و أكثرت الكلام و كررت ......

[محب الرياضيات]

شكرا لك ارجوا ان تسامحيني لقد اتعبتك الكتابة وشكرا مجددا

[سلسبيل الفردوس]

ملاحظة أخرى :

ممكن نت كي راك في العطلة و تتخيل بكري كي كنت تقرا و يصادفك هذا المشكل ممكن بسبب الضغط في هذاك الوقت

حاول تنسى المشكل هذا لربما تكون تخلصت منو و نت معلابالكش خاصة بعد العطلة راح تلقى روحك متحمس خاطر كنت في راحة

مادام نت تعرف روحك بلي هندك هذا المشكل لي تشوف فيه صعيب و راح يعرقلك على الدراسة ارتاح مليح في هاذ العطلة و أبدا تقرا

مع بداية العام الدراسي و أبدا بدون ضغط و تدريجيا و خصص أوقات للراحة و إذا لقيت بلي التلفاز ميش راح يخليك تقرا حاول تعود روحك

تدريجيا باه تنساه و لا خصصلو وقت صغير جدا تدريجيا حتى تكره منو هو يا بعد و تعود غير تخمم على القراية و لباك و كل ما يصادفك

هاذ المشكل متقلقش و أخرج أمشي المهم رفه على روحك و حفز روحك كما سبق و أن قلت لك و هكا كي ترجع تلقى روحك عندك

قابلية للحفظ ما أقصده أن تنسى مشكلتك و متبقاش تخمم فيها حتى ترجع فكرة سلبية عندك...بالعكس أبعث لراسك غير الأفكار

الإيجابية ...قول هذا ماشي مشكل طووول ....التلفاز راح يعطلني على واش بغيت؟.........مستحيل.....قول هذا مشكل صغييييييير قدام إرادتي طموحي

و متنساش الذكر و قراءة القرآن و الدعاء و تنظيم الوقت و وضع برنامج خاص و تخصيص أوقات للراحة و الدراسة بمتعة و بدون ضغط

[سلسبيل الفردوس]

شكرا لك ارجوا ان تسامحيني لقد اتعبتك الكتابة وشكرا مجددا



الكتابة ماشي مشكل عندي

المهم عندي هو تكون قريت مليح واش كتبتلك و فهمتني و فهمت الحل المقترح

و الأهم هو نكون أفدتك و أفدت الكثيير

ربي يعاونكم و يوفقك و يعطيكم ما تتمناوا

[okba-22]

ربي يقدر الخير

[محب الرياضيات]

ان شاء الله كل واحد منا يتخلص من مشاكله

[miss.cool]

سلام اخي
مثلما قالت الاخت سلسبيل الفردوس (http://www.djelfa.info/vb/member.php?u=209689)


و ربي يوفقك

اما مشكلك مع اللغات ماعليك غير تحل مواضيع فيهم صدقني راهم ساهلين


و ادا احتجت اي شرح او معرفتش تحل تمرين او موضوع فيهم او احتجت شرح لاي درس راني هنا نعاونك

[راجية النجاح]

احلف على التليفيزيون قول والله مانزيد نتفرج حتى نكمل كلش
ودير كيما دارت وحدة زميلتي العام ليفات وطريقة ناجحة والله
قالت والله مانتعشا حتى نحل التمرين
وكل مرة ولات تقعد مع التمارين وتصبر عليهم




مانيش نتمسخر هدي صح حلول

[محب الرياضيات]

شكرا لكم على الافادة نرجوا من الله ان يمحنا الفوز بحق واستحقاق وجدارة

[✗ ┋ وَړْﮃَةُ آلـﭴَزآئـړْ ┋ ✗]

عادي أنا أيضا كنت أعاني من هذه المشاكل
نهز الكراس نجي راح نحفظ ويجيني الملل نحب نقفلو
لكن نحتم على روحي نحفظ
ندير في بالي الباك وباللي لازم نحقق نتيجة مليحة
وندير في بالي والديا حابة نخليهم يفتاخرو بيا

[سلسبيل الفردوس]

المشكل هو



كلما نحل تمرين راني نحل مين نوصل لواحد صعيب نحبس.........



لدي مشكل ايضا في الاخطاء التافهة ..............................







ماهي الحلول ارجوا الافادة وشكرا مسبقا



بالنسبة للتمارين في المواد العلمية

أنصحكم بما يلي:

فهم الدرس جيدا في القسم ...فهم كل نقطة في الدرس مع الأستاذ سقسيه...مقدرتش....عاودلوا في الدار...المهم أفهم مليح ....sقسي زملائك...............

كي تفهم ملييييييييييييييح...تأكد أنك لن تجد صعوبة كبيرة في حل التمارين
بعد الفهم الجيد و الإحاطة بجميع النقاط المقررة في المنهاج
الجأ للتمارين السهلة البسيطة
بصدد التطبيق و التمرس على النقاط المهمة و البسيطة في الدرس
مثلا في الرياضيات هناك تمارين تطبيقية لكل نقطة
مثلا................. على سبيل المثال فقط درستو المتتاليات الحسابية ......روح حل تمارين تطبيقية سهلة عليها حتى تبقى دائما متذكر لمفهوم و خصائص المتتالية الحسابية

بعد التمارين السهلة أبدا طور التمارين درجة بدرجة حل تدريجيا و حاول مترجعش للكراس مثلا لمراجعة القانون لأنو من المفروض راك دربت عليه في التمارين التطبيقية....كي توصل لحاجة صعيبة كما تقول متقلقش و فكر بتريث و هدوء و حاول توظيف الخصائص التي تطرقتم إليها في الدرس بعد قراء السؤال جيدا و التدقق في المعطيات و تدرج التمرين و أكيد ستصل للحل بإذن الله و حاول أن تقوم بتناول التمارين التي تملك حلولها باه متحبسش إذا ملقيتش روحك خلاص عندك الحل باه تعرف أخطائك و تعرف الحل للسؤال لي حصلت فيه
المهم متخليش السؤال الصعيب عائق ليك باه تكمل ...فكر جيدا و بهدوء لأنو هناك نوع من الأسئلة يحتاج لبعض الوقت مالا متقلقش و تقول كيفاه عييت نحل هذا السؤال........و بالمناسبة معظم التمارين لي راح تصادفك راح تلقى حلولها مستحيل تخرج من إطار الدرس و الخصائص لي قريتوهم عليها قتلك أفهم الدرس مليح...............
و بالمناسبة الأسئلة الصعبة و التي تحتاج إ‘لى ذكاء خارق مستبعدة في البكالوريا
معظم الأسئلة في الباك من الدرس و خصائصو و بهاذ الأسئلة تقدر تتحصل على علامة مليحة

إذا الحل هو:
الفهم الجيد فمن الخطأ حل التمارين بدون فهم الدرس و مراجعته جيدا
البدء بالتمارين السهلة و التدرج في حل التمارين
الهدوء و التريث في حالة سؤال يحتاج خله لبعض الوقت
إعادة قراءة السؤال و فهم المطلوب جيدا
التدقق في المعطيات
التعامل بذكاء مع تدرج أسئلة التمرين
محاولة توظيف الخصائص و النقاط و المفاهيم المتطرق إليها في الدرس
اللجوء للحل بعد المحاولات العديدة

في نهاية المطاف و بعد التطبيق و التمرن و التمرس الجأ إلى ما يلي :

انتقاء التمارين حسب نوعيتها و أفكارها
تسجيل الأفكار الجديدة
أي لا تضيع و قتك في حل ما فهمته و ما تعرفه من التمارين المكررة ...ابحث عن الجديد ....



بمرور الوقت ستنسى ...فآفة العلم النسيان...لذا حل حل تمارين للتذكير

ماشي كي تدخل لوحدة أخرى تنسى الوحدة السابقة و العكس أيضا ماشي تهتم بوحدة واحدة و الأستاذ دخل في وحدة جديدة و نت مزال تدور مع الوحدة السابقة

و للتذكير في بعض الأحيان تضطر لمراجعة الدرس و تذكره فقط فحسب رأيي لا يهم عدد التمارين كما يهم الفهم الجيد و التعامل بذكاء مع التمارين في سبيل الفكرة الجديدة

[سلسبيل الفردوس]

بالنسبة للأخطاء التافهة

احذر منها

ستجعلك تدفع الثمن غاليا

ممكن يروحلك التمرين كامل بسبب خطأ تافه
ه
لهذا تتبع ما يلي :


عندما تقوم بالحل .....احسب و حل الأسئلة بهدووووء و تركيز و تثبيت

و كي تجاوب بطريقة لقيتها للحل سقسي روحك قول علاه راح ندير هاذ العملية ...واشي هي الفايدة من هاذ الخطوة ...ماشي تضرب و تقسم كما حبيت و متفهمش واش راك دير .......و هذا انطلاقا من الدرس


ممكن تستغرب و تقول كيفاه بهدوء و لازم السرعة من أجل ربح الوقت .....ما أقصده يكون في دون الإمتحان و تدريجيا و خطوة بخطوة تتعود على الحل بتركيز و بسرعة و تلقى روحك تحل دون أخطاء تافهة كما سميتها

و في الأخير راجع الحل بتركيز و هكا تفيق لأخطائك لأنو كل بني آدم خطاء ...............

لهذا لازم تخصص وقت للمراجعة .....

[سلسبيل الفردوس]

كثرت بزااااااااااااف للشرح على أمل الإفادة

أرجو أن تكونوا قد استفدتم و لم تذهب كلماتي الكثيرة هباء منثورا

بقي مشكل اللغات لي عودة للثرثرة في هذا المجال ...ههههههههههه

أسأل الله لكم العون و التوفيق و السداد

ربي يحققلكم أحلامكم

أتمنى لكم عام بكالوريا سعيد مليء بالجد و الإجتهاد و النتائج المرضية لكل واحد منكم

[البلبلة]

متابعة ان شاء الله

بارك الله فيكم