المساعد الشخصي الرقمي

مشاهدة النسخة كاملة : شهد ادخلي وعاونيني

نسيبة 2009
2011-08-27, 21:53
مساء النور وصح فطورك
شهد دار خطيبي راهم جايين نهار ثاني عيد وحابة ندير فطور بالطبع راني حابة نشاورك واش نديرلهم
والله راني محيرة بزااااااااااااااااف اما بالنسبة للحلوى راهي محلولة راني درت
الجوزة
ليباركات
لي صابلي
لي روس
وزيد البقلاوة
واللوزية واش رايك نزيد ولالا
*شهد العسل*
2011-08-27, 22:03
شكرا اختي الي شاورتيني وربي يتمملك بالخير وبالرفاء والبنين
انشالله كل عام وانت بخير
انا من ولاية الجلفة و في حالتك حنا نديرو طعام باللحم غنمي و نقدمو معه الدلاع و البطيخ و العنب
والرايب
او ديري شخشوخة بالحم او دجاج
تباني ديري حوايج كما هاك تقليدية لاننا ملينا من الشربة و الطواجن
والقاطو راكي درتي انواع هايلة بصحتك ربي يحفظلك يدياتك
وربي يهنيك و يزين سعدك
*شهد العسل*
2011-08-27, 22:05
ايه في بالي بزاف الانواع تاع القاطو ماكان علاه اللوزية واذا كنت حابة ديري ربي يعاونك
نسيبة 2009
2011-08-27, 22:08
يعطيك الصحة حنونة بارك الله فيك
راني رايحة ندي برايك ان شاء الله والله عييت وانا نخمم
وانت شهودة ربي يخليلك راجلك ويحفضلك اولادك وصحتك يا رب العالمين