يالبنات راني ختكم عاونوني راني في ورطة

[دعاء سامي]

صباح الخير .واش راكم وربي يعاونكم على بالي بلي راكم مع القاطو وتوجاد العيد.انا اليوم من السحور قررت نعمل قاطو نتاع قرن الغزال شفتو مكتوب في المنتدى درت الحبات لولين وجربت وكي طابو لقيت العقدة نتاع الكوكاو يابسة خلاص .درتلها السكر ولميتها بالبيض.كيما قالولو عليه .المصيبة وين راجلي من جاء يجيب لحوايج نتاع القاطو غير بالسيف قالي كلشي غالي ومصروف رمضان وكسوة عيد لولاد رشاتني .وكان يجي ويلقا القاطو يابس والله تخلى عليا.تعيشو يالبنات دبرو عليا واش ندير للعقدة باه تلين وتطرى.وكاشما واحدة عندها دبارة غير تمدهالي الله يخليكم ان شاءالله وصح عيدكم سلام

[بسمة محبة]

السلام عليكم

ربي يعاونك اختي

ممكن تزيدي البيض للحشوة تولي طرية لكن كي تعمريها في العجينة متكثريش لأنها تتنفخ بسبب البيض

هذا الحل لي نديرو وكان جيت في بلاصتك

وبالاك ضرك يدخلو العضوات ويساعدوك بحلول أحسن

ان شاء الله تلقاي الحل وتحمري وجهك قدام زوجك

سلام.

[أم هنيدة]

أختي ننصحك أضيفي لها ماء الزهر حنا البارح كانت عندنا عقدة بالبيض بقات من لي سيقار يبست زدنا لها ماء الزهر أصبحت طرية واستعملناها عقدة في التشاراك ربي يعينك

[دعاء سامي]

الله يخليكم حنوناناتي والله فدتوني دك نجرب ونشوف

[مليكة01]

اكتبى لنا مقادير العقدة

اذا السكر كثير ضفيلها الكوكاو مرحى اذا عندك زيادة حتى تنقصى كمية السكر فى العقدة

[دعاء سامي]

لالا العقة درتها نورمال 2كيلات كوكاو بكيلة سكر ونعجن بالبيض

[remadna]

ديري 1 م ك زبدة في العقدة
تجي 3 كاوكاو و 1 سكر
اذا كان يتعسل عسليه سخون

[هدى20]

العقدة هي 3 كيلات كاكاو بكيلة سكر وديري بيضو واحدة برك والباقي ماء زهر
حتى تتلم الحشوة

[fushia]

lazem tzidzlha zebda kima 9is 2 mgharef la farce ta3k yebset men sokr+l3dham zidi zebda tetra