ما رأيكم يا أصحاب بكالوريا 2012

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم ورحمة الله تعالى وبركاته؟؟

صح فطوركم كامل

تقبل الله منا ومنكم صالح الأعمال


في موضوع اليوم أريد أن أحدثكم عن الدراسة الجماعية
أي إنشاء مجموعة للدراسة؟؟

في رأيكم هل تساعدكم المجموعة على الدراسة أم لا؟؟؟

سأخبركم عن تجربتي الشخصية

كنا 3 بنات متفوقات جميعنا نتحصل على 16 و 17 قررنا الدراسة معا للبكالوريا وعاهدنا أنفسنا أننا عندما نجتمع سندرس فقط لا غير من غير أحاديث جانبية

لكن احزروا ماذا؟؟
كي نتلاقاو باه نقراو 3 سوايع
نقراو meme pas ساعة وحدة وأحيانا ما تلحقش وباقي الوقت يفوت في الشياخة والأحاديث الجانبية

لكن بعكس البنات لاحظت ان الأولاد عندما يجتمعون يدرسون فقط لا غير فهم لا يتحدثون في أمور أخرى بل يضعون الدراسة نصب أعينهم حتى يمر الوقت كاملا

ودقد قمت في أحد الفترات بالدراسة مع زميل متفوق لي في ساعات الفراغ في القسم والحمد لله كانت ساعة الدراسة رائعة جدا


لذلك في الشهر الأخير للبكالوريا قررت أن أدرس وحدي تماما و كذلك قررت صديقتاي
كنا نلتقي فقط عندما نحتاج لتبادل وثائق التمارين


يعني في رأيي مجموعة الدراسة لا تصلح للبنات

ملاحظة: رغم أن مجموعة الذكور ناجحة أكثر من مجموعة البنات للدراسة إلا أنه مازال هناك تفوق للبنات في الدراسة أكثر من الشباب

نعلم جيدا أن نسبة ذكاء الأولاد اكبر من البنات لكن مشكلة الأولاد أنهم لا يحفظون ولا يجتهدون للحفظ
تلقى واحد جاب في الرياضيات والفيزياء 20 وفي العلوم 18 أو 19 لكن المواد الأدبية 7 أو 8 أو 9
طبعا ليس جميع الأولاد فهناك من هو متفوق بامتياز في جميع المواد حتى لا اظلم احدا


أريد رأيكم في الموضوع صراحة وهل ستعتمدون على المجموعات الدراسية أم لا

[sirina_angel]

لا انا لا أؤيد الدراسة الجماعية بتاتا و لن اعتمد عليها اطلاقا فالوقت كلوا يضيع في الحكايات ..........شكرا على المبادرة اختي وردة

[minou770]

أحبذ الدراسة الفردية فهي أكثر إفادة من الدراسة مع مجموعة ( تضييع وقت )

[kamela]

نعم عندك الصح
هذي الظاهرة منتشرة بزاف
أجد ان الدراسة الفردية هي أكثر إفادة من مجموعة
العام الماضي كنت في فترة الاختبارات خاصة في الادب و الاسبانية نلتقي انا و صحبتي لكي نراجع لكن الوقت يمضي في الضحك و الكلام
وكل مرة نقولو نقراو مكانش الضحك لكن نتكلمو نتكلو حتى يفوت الوقت و نتكلمو يا ربي نصف ساعة في الدراسة
لكن تواعدنا انا و 2 صديقاتي مثلكم تماما اننا العام هذا عندنا باك و لازم نخطيو هذا اللعب و نبداو في مرحلة الجد
ان شاء الله نطبقوا كلامنا و نتعاونو و نجيبوه بمعدل جيد
+++++
يعطيك الصحة
بارك الله فيك
موضوع رائع اختي وردة
و بصحا فطورك

*****

في رايك هل المجموعة لي نكونوها باش ندرسوا فيها اذا كان بيننا تلميذ معدلو 10 -11
هل هذا راح ياثر في المجموعة
يعني هل لازم نكونوا مجموعة من نفس المستوى او مزيج

ما رايك

[✗ ┋ وَړْﮃَةُ آلـﭴَزآئـړْ ┋ ✗]

نعم عندك الصح
هذي الظاهرة منتشرة بزاف
أجد ان الدراسة الفردية هي أكثر إفادة من مجموعة
العام الماضي كنت في فترة الاختبارات خاصة في الادب و الاسبانية نلتقي انا و صحبتي لكي نراجع لكن الوقت يمضي في الضحك و الكلام
وكل مرة نقولو نقراو مكانش الضحك لكن نتكلمو نتكلو حتى يفوت الوقت و نتكلمو يا ربي نصف ساعة في الدراسة
لكن تواعدنا انا و 2 صديقاتي مثلكم تماما اننا العام هذا عندنا باك و لازم نخطيو هذا اللعب و نبداو في مرحلة الجد
ان شاء الله نطبقوا كلامنا و نتعاونو و نجيبوه بمعدل جيد
+++++
يعطيك الصحة
بارك الله فيك
موضوع رائع اختي وردة
و بصحا فطورك

*****

في رايك هل المجموعة لي نكونوها باش ندرسوا فيها اذا كان بيننا تلميذ معدلو 10 -11
هل هذا راح ياثر في المجموعة
يعني هل لازم نكونوا مجموعة من نفس المستوى او مزيج

ما رايك


بالنسبة لسؤالك أختي فهو جد صعب

فانا أصلا أصبحت لا أؤيد مجموعات الدراسة

بالنسبة لسؤالك أعتقد أنو يضيع الوقت بعض الشيء مع احترامي لجميع أصحاب المعدلات 10
لكن في رأيي إذا حبيتي ديري الخير خلي هاذ الشخص يقرا معاكم وعاونيه قد ما تقدري

أنا أحيانا كنت أدرس زملائي في القسم
مثلا أحد زملائي لم يفهم جيدا التحويلات النقطية نختار ساعة فارغة في القسم وأعيد تلقينه الدرس
منو مراجعة ليا ومنو مساعدة لزميلي
ومنو تدي فيها أجر وربي يوفقك في البكالوريا

هذا رأيي ونتوما شوفوا واش يخرج عليكم

[محب الرياضيات]

انا وضعت في برنامجي ايام اتلاقى فيها انا و اصدقائي من اجل

1= المورال يطلع


2= نتبادل الكتب

3 نتبادل الوتائق

4 نتحدت عن البكالوريا


5 بنسبة قليلة نقراو شوية

[ٵڶقًـ۾ًـږღٵڶڝۼےـړ]

لدي وقت من 12 حتى 1و الربع ،، انا وصديقاتي في النصف الداخلي


للمراجعة الجماعية ،، خارج هدا التوقيت لا أحبذ بتاتا المراجعة ،،


كيما قلتي تروح كامل فالشياخة و التقرعيج ،، و القراية واااالو


المجموعة ادا خرجت على الليسي متقراش ،، سوا دراري و لا بنات


،،


مشكورة على الطرح و إن شاء الله كل واحد يصيب الحاجة لي تساعدو


بالتوفيق

[listoma]

سلام /
بالنسبــــــة لينا ( الذكور ) و الله ما تغلطي أختي دي فوَ يكونو سيريو مي الى جبد واحد هدرة خلات غير روح اقرى وحدك ... ( الهدرة غي على البنات ) و الغناء شاعل و القارو و الشمــــة ( عفانا الله ) رحت معاهم وحد الخطرة ما استفدت والو رجعت أنا أستاذ دروس الدعم .... قررت ما نزيد نقرى مع حتى طفل ...
... المهم ... بالنسبة ليا أنا كنت مين ذاك نقرى مع إبــــــنة خالتي تجيب امتياز ( سوايع تدخل بعضويتي للمنتدى ههه...ه ) المهم و الله روعـــة تعرفي الأفكار العادية و الدرس نكونو فاهمينهم ...و نتناقشوا غير فلأفكار الجديدة و اللي شوية واعرة ( نفس النيفو ) أيضا فالفيزياء كنت نحل من غزوري و نديلها الموضوع تعاود تحلو هيا و كانش فكرة ما فهمتهاش نعاونها و العكـــــــس و إلا ديراكت نروحو لأستاذ الدروس الخصوصية ..... و الله عجبتني قراية بزااف هكذا .... و مام فالعلوم أنا تمنيت كون جا موشي نفس الأستاذ يقرينا باش نتبادلوا الأفكار ... و نشوفو فهامة كل واحد مي الله غالب كل ما نتلاقاوا نصيبو نفس الأفكر اللي عندي راهم عندها ....

[الجـَرَاح ْ]

الدراسة الجماعية مفيدة جدا اذا عرفتم كيف تدرسون ومع من تدرسون
وللعلم تلك الشياخة و الحديث الجانبي له اثر ايجابي ايضا :) فهو يبعد ضغط الباك عن التلاميذ
المهم احسن وقت للدراسة الجماعية هو الفصل الثاني لكن ليس بالقدر الكبير وانما مثلا مرة او مرتين كل اسبوع :)
حقيقة ونصارحوا بعضانا :) الدراسة ولد بنت هي الافضل :) لانو مع الحشمة وكل شيئ لا مجال للاحاديث الجانبية الا البعض منها لابعاد الطابع الرسمي الممل :)

[✗ ┋ وَړْﮃَةُ آلـﭴَزآئـړْ ┋ ✗]

الدراسة الجماعية مفيدة جدا اذا عرفتم كيف تدرسون ومع من تدرسون
وللعلم تلك الشياخة و الحديث الجانبي له اثر ايجابي ايضا :) فهو يبعد ضغط الباك عن التلاميذ
المهم احسن وقت للدراسة الجماعية هو الفصل الثاني لكن ليس بالقدر الكبير وانما مثلا مرة او مرتين كل اسبوع :)
حقيقة ونصارحوا بعضانا :) الدراسة ولد بنت هي الافضل :) لانو مع الحشمة وكل شيئ لا مجال للاحاديث الجانبية الا البعض منها لابعاد الطابع الرسمي الممل :)

أؤيد كل ما تقوله أخي "عن تجربة شخصية"
شكرا على إدلاء رأيك بالموضوع

[~خيرات حِسان~]

لا أحبذالدراسة الجماعية أبدا بالرغم من أنني لم أجربها و لا مرة فكل دراساتي كانت فردية
الا أن في فترة انجاز البحوث ، يمر الوقت دون أن ننجز شيئا فقط في التفاهات و الحكايات ، فأضطر لتحضير البحث لوحدي في البيت
و من هنا استنتجت بأن الدراسة الجماعية لا تجدي نفعا

[فريال المحتاجة عفو الله]

فعلا معك حق أختي وردة فالدراسة الجماعية ليست سوى مضيعة للوقت و اسأليني عنها لأنني دفعت الثمن غاليا حين حاولت الدراسة مع صديقة لي كنا نلتقي دائما لمدة 3 ساعات أحيانا و ها هو هاتفها يرن و هاهي أمي تحضر الحلوى و المشروبات و ما إن يطرأ على بالنا موضوع حتى ضاعت تلك الساعة في الحديث عنه
المهم التلاثي الأول دفعت ثمن المراجعة الجماعية غاليا لكني تداركت الأمر في التلاثي الموالي و كان الفرق شاسعا حيث أنني و في مدة ساعة و نصف أتفرغ فقط للدراسة و أحل العديد من التمرينات
اقترحت علي زميلتان في نهاية السنة الدراسية أن نسجل بإحدى المكتبات الكبرى كي نراجع معا مرتين في الأسبوع قبلت في البداية لكنني تراجعت و اعتذرت لهما
بارك الله فيك على الطرح

[خولة الخنشلية]

انا من راي كان تكون الدراسة الجماعية طفل وطفلة هكا خير وبالنسبة لصحاب 10 و11 انا ........ياخي يقولك احسن طريقة لدراسة هي انك تشرحي درس لكاش واحد قدامك امالا صحاب 10 هما الأولى ليك وليهم هما يفهمو وانتي تعرفي اسكو راكي فاهمة ولالا احسن ما تراجعي مع لمام نيفو بيسك اكيد راح يقطعلك كلامك ويحاول يشرح هو ويزيد وينقص المهم راكي علبالك بيهم مي من راي تاني انك متعتادميش بزاف على الدراسة الجماعية ......مثلا خطرة في السمانة تتلاقاو وتحاولو تقراو الحاجة الصعيبة والي تحتاج تفكير بزاف ولا تسألو على الحاجة الي مفهمتوهاش في القسم وهكا

[hallouma]

السلام عليكم ورحمة الله وبركاته
في رأيي الدراسة الجماعية مفيدة ولكن بشروط
مثلا..
أول شرط هو أن تكون قد راجعت مراجعة فردية لوحدك وحددت النقاط التي تفهمها والنقاط المبهمة، ثم يتم التشاور عليها بعدها في المجموعة
وثانيا المستوى المتكافئ والجدية التامة..

لم أجرب الدراسة الجماعية منذ أيام الإبتدائي، ولكن بما أني لدي بكالوريا العام المقبل أفكر في برمجة ساعتين في الأسبوع لتبادل الأفكار مع صديقاتي

شكرا على المــــــــــــــــوضوع

[nor4ever]

السلام عليكم،
أعجبني موضوع الأخت وردة ،
بالنسبة لي لا أؤيد أبدا الدراسة الجماعية،
وجامي خرجت علي،كيعاد نفوتوها كل شياخة،
أحب أن أدرس وحدي بهدوء و بدون ازعاج،
شكرا أختي على الموضوع المميز...

[mifi]

السلام عليكم
انا ضد الفكرة تماما ساعات صحاباتي يقولو الي ضد الفكرة معناها يبخل
كي يكون عندي سؤال ونروح علاجالو باش نسقسي صحبتينورمال بصح باش نجمعو باش نقراو كيفكيف والله غير تروح غير قالي وقتلك
بارك الله فيك اختي على الموضوع
صحا صحوركم
سلام عليكم

[وسام المؤمنة]

الدراسة الجماعية تنفع خطرات تكون ناقصاتك برك فكرة بمجرد ما تاخذها عن زميلك تفهم و خطرات ما تدي والو من عند الاستاذ بصح لوكان زميلك برك يشاورك تفهم عن تجربة شخصية

و لكن تعرفو لعرب يقدمو التقرعيج و التمسخير على لقرا حاشا البعض خخخخخخخ و لهذا عندنا الفائدة منها قليلة و الكلام كثيييييييييييير عكس الدول الغربية التي تعتمد هذه الطريقة اسلوب اساسي في التعليم

[راجية النجاح]

القرايا مع الجماعة قاع ماهيش ملاقيين 25 طابلة ودايرن كراسة والجماعة خصتهم غير القهوة (اغلب الاحيان تكون كاينة )ولي تهبل سوجي واحد برك فالوسط متخاطفين عليه
وشمن رياضيات تتفهم يروحو يقعدو ويجو
انا عن نفسي والدتي تمقت الدراسة الجماعية والافضل تقرا قدام والديك على الاقل كي تسحق كاس ما يوصلك لبلاصتك


اما الدراسة ولد بنت مفيدة وغير مفيدة في نفس الوقت
مفيدة في اناك ماتخرجش على الموضوع وتقرا مليح
ومهيش مليحة تحس روحك ماكش حر

تجربتي الشخصية درست مع زميلة لي ولكن رافقنا في ذلك استاذ وهو ما ضبط تمردنا ههه

موضوع اخر اريد اثارته
الدراسة مع الاستاذ الراس للراس قاع ماهيش قرايا تضيع دراهم +وقت تحس روحك غبي لدرجة لا تصور

[مرايا الطلاب]

فعلا ممتعة الدراسة جماعة اذا كانت مفيدة بالطبع

ولكن احيانا تسرقنا الاحاديث والنقاشات غير الفعالة

و فعلا عندما تكون الدراسة طفلة مع طفل تكون 99 بالمئة منها في الدراسة
فكما تفضل الاخ لا مجال للشياخة والتمصخير

هذا رأيي والله أعلم

[ماجد93]

انا لا أؤيد الدراسة الجماعية
اما الفراية تاع طفل طفلة انا نحشم بزااف مظنيتش نديرها

[✗ ┋ وَړْﮃَةُ آلـﭴَزآئـړْ ┋ ✗]

شكرا للجميع على المرور والمشاركة في الموضوع