البرنامج الدي ساتبعه العام المقبل ....مارايكم

[محب الرياضيات]

برنامجي سيكون هكدا

11سبتمبر ........18 سبتمبر ====== عادي

18سبتمبر ........30سبتمبر ===== نقرا 2سوايع في الدار كل يوم و نقرا من 8 حتى 5 عادي ونهار الجمعة عبادة و راحة والتلاتاء حشية 3سوايع قراية ونهار السبت 3 سوايع قرايا ادن حولي 15 ساعة نقراها وحدي كل اسبوع


1اكتوبر ....30 مارس ====== نقرا 1 ساعة و نصف في الدار كل يوم ونقرا من 7حتى 8 في القسم مع صحابي ايام الاحد و الاتنين و الاربعاء و الخميس بدون استاد و من 8 حتى 5 عادي ونهار الجمعة عبادة و راحة و التلاتاء حشية 3 سوايع قراية ونهار السبت 3 سوايع قرايا ادن حولي 20 ساعة نقراها وحدي كل اسبوع

1افريل ......20ماي ====نقرا 2سوايع في الدار كل يوم و نقرا من 8 حتى 5 عادي ونهار الجمعة عبادة و راحة والتلاتاء حشية 3سوايع قراية ونهار السبت 3 سوايع قرايا ادن حولي 15 ساعة نقراها وحدي كل اسبوع

20ماي .....28 ماي ===== راحة ومراجعة عادية لل بكالوريا التجريبي

28 ماي.....5 جوان ===== نقرا كل يوم 4 حتى 5 سوايع في النهار


5جوان ....8 جوان ==== نقرا كل يوم 1 ساعة مراجعة طفيفة


9 جوان راحة

10 جوان ==== مراجعة مواد اليوم الاول من البكالوريا



في الحقيقة ارجوا ان اتبع برنامجا مفيدا ادا ما عليكم سوى تصحيحه لي



و شكرا مسبقا



انتظر ردودكم

[نتــــــــــاشا]

جدول رائــع ومنظم فعلا

أنــا صراحة راح نتبع نظام كل درس يطبق في القسم يراجع في المساء باذن الله عزوجل.
مثلا أنـا ادبية وأهم المواد بالنسبة ليا هي الادب العربي والفلسفة والاجتماعيات وراح نركز عليهم وكل ماندير درس نراجعو لعشية ونحفظ درس التاريخ او الجغرفيا.والشريعة.
أمــا المواد الاخرى مثل اللغـات نفهمهم في القسم ونسيي نراجع في اوقات الفراغ ، والرياضيات كيفكيف كي مانفهمش نجيب الدرس يفهمهولي خويا في الدار.
يعني افضل حاجة هي المراجعة بعد الدرس مباشرة وصدقني رح يبقالك في راسك مليح.
عمومـا ربي ينجحنا كامل انشاء الله .

تحياتي ...

[محب الرياضيات]

شكرا على ردك ومرورك العطر نعم فكرة كل ما يكتب يحفظ ساتبعها انا في كل يوم لدالك كتبت نقرا كل يوم 2 سوايع في الدار

[محب الرياضيات]

1 ساعة لمادة حفظ و 1 ساعة لمادة علمية وسيكون ترتيبها حسب برنامج الوقت قسمي

[حامل اللواء]

اخي الحبيب انت مثلي مقبل على البكالوريا مثلي ...

جدول جميل لكنه لم يسلم من الانتقادات مني .....


دعني اخبرك بشيء


الدخول المدرسي 11 سبتمبر لا يهمني مذا ستفعل انما يهمني

انك تدرس بالثانوية من 8 الى 5.30 كل يوم ما عادة الجمعة والسبت

زد الى ذلك الدروس التدعيمية التى لا مفر منها الرياضيات والفزياء والعلوم الطبيعة متى ستقوم بها

متى ستسريح ...

متى تراجع ما قمت به في الثانوية ..

متى تحل تمارين الكتاب ...


متى تعيد ما قمت به في الدروس التدعيمية ...


متى تقوم بحل تمارين الكتب الهارجية ...


متى تقوم بحل المواضيع ....رياضيات الفزياء العلوم....


متى تقوم بمراجعة ومذاكرة المواد الاخرى فرنسية انجلزية عربية


كلهذا في ساعة ونصف لالا لا لا لا لا والف لا

ارى برنامجك ناقص جداااااااااا


وكاين شيء آخر


المذاكرة مع صحابك شيء لا طائلة منه مضيعة للوقت ....اذا كنت انت تفهم صحااااا


اما انكم تراجعو كيف كيف لا داعية له مضيعية لللوقت ...



الله اعلم اخي انا راني مثلك مازلت نخمم على حساب برنامجك في الثانوية والدوس التدعيمية

[listoma]

ما شاء الله برنامج ... ذو وتيرة رايعة .... يعني هكذا تعود نفســــــــــــكـ .... تدريجيا تتأقلم مع الدراسة ... + أنت تظهرلي نصف داخلي ؟؟ ... مممم....م تاني لاحظت من 1 أكتوبر ل 30 مارس ... ناقصة شوية لأنوا في هذا الوقت الدروس تكون تقريبا هي 60/100 تجي فالبااااا...ك فحبذا لو تكتر شوية سوايع ولو 30 دقيقة زيدها لكل وحدة ..... ممم....م في الأخير نتمنى تحافظ على هذا البرنامج لأنو و مع الأسف مازال مالقيت حتى واحد أخد البااااا...ك و اتبع برنامج محدد و حتى اللي جابو 18 ... المهم نرجوا لـــــــــكـ التوفيق من المولى عز و جــــــــل

[محب الرياضيات]

اشكر كل من listoma و نتــــــــــاشا كثيرا

اما عن حامل اللواء فاشكره كثيرا وله بعض الشكر الزائد مني


شكرا لكم على اظهار نقائص برنامجي

[محب الرياضيات]

اما عن اوقات دروس خصوصية فهي كالاتي

من 8...10 صباحا يومي الجمعة و السبت

[نتــــــــــاشا]

اشكر كل من listoma و نتــــــــــاشا كثيرا

اما عن حامل اللواء فاشكره كثيرا وله بعض الشكر الزائد مني


شكرا لكم على اظهار نقائص برنامجي

العفـــــــــو أخي ولك مني الف تحية

[madoelodie]

برنامج مليح بصح كاين ايام تكون تعبان فيها و ما تقدرش تراجع و كاين ايام تكون عندك المورال مليح باش تراجع و كيما قالولك ماكش رايح تدير الدروس الخصوصية ؟؟؟

[محب الرياضيات]

شكرا لك madoelodie

[natali farah]

slt
انا نشوف بلي هاد البرنامج لا باس بيه خاصة فكرة انك تقسم العام كامل.............. مي لازم تعدلو
باش تقرى 2 سوايع في الدار نظن بلي قلي بزاف لازم تزيد
و حاجة خلاف انو الدراسة الجماعية مش دايما تستفاد منها خاصة و انها تضيع الوقت

[محب الرياضيات]

شكرا على النصائح القيمة ساعمل بها في انشاء برنامجي الجديد و ساضعه في موضوع جديد بعد ايام ارجوا ان تكونوا هناك بانتقاداتكم و نصائحكم و شكرا لكم

[natali farah]

merci
3labalak walahi ghir istafat men l programme ta3ek ana mesh mwalfa ndirou heka .
par exemple samedi /physiq/islamia .....w hakda chaque jour
mè jamais mataba9tou mais l idèe ta3ek mli7a merci une autre fois

[محب الرياضيات]

العفو

كل ما اتمناه و الليلة ليلة القدر

هو

........................ فوز نا بالبكالوريا 2012 .................................................. ..........

[natali farah]

اكتروا من الدعاء و الصلوات
عسى الله يتقبل صيامنا و قيامنا
قولوا امين

[sandy belle]

السلام عليكم ورحمة الله وبركاته
برنامجك رائع
لكن خذ بعين الاعتبار الواجبات التي تقدم لك في القسم فهي كذلك تاخذ وقت مثلا الرياضيات على الاقل ساعتين لحل الواجب او التمارين كما ينبغي وانهيك عن باقي المواد التي تطالب بها
كذلك لا تهمل المواد الادبية يجب تسليط الضوء على جميع المواد
وشيء اخر
انصحك بعدم مراجعة مادتين علميتين في نفس اليوم حتى لا تتعب نفسك كثيرا واذا اردت ذلك فاجعل فاصل زمني كبير بينهما
وفقنا الله لما فيه خير لنا

[محب الرياضيات]

شكرا لكم شكرا لكم

[خولة الخنشلية]

عجبني بزاف التقسيم هذا مي نقترح عليك حاجة تزيدها
بعد ال5 ترقد غير شوي مام نص ساعة تكفي تشرب فيها عصير طبيعي ومقوي وبعدها تقرى 2 سا نتاعك لل مواد الأساسية الي قلت عليهم من بعد اكيد ماكش راح تحبس روحك في الدار ولا في لغرفة نتاعك لازم تخرج تشوف حبابك ومن بيعد 2سا ونص منها مراجعة ومنها حفظ وبعدها باضبط ترقد خاطر الرقاد راح يخزن وش قريت ويترسخ مليح خلاص .....ممممممممم تاني وش راح نقولك يوم الجمعة مليح كما قلت عبادة وننصحك تقرى فيها صورة الكهف ايا تجيبك مام ساعة ممليح بزاف ودير حسابك لليكور اذا راك مؤيدهم مي قبل ما ترقد حاول تقرى وش درت في السمانة كل يعني مراجعة خفيييييييييييييييييييييييييييفة خلاص راها تنفعك مليح

وقبل مننسى اسمحلي نسرقلك برنامجك خاطر عجبني .....راني نقل عليك ونصلح فيه شوي حوايج
ودوكا نقولك صح رمضانك وربي ينجحنا كل

[عبير الأزهار]

برنامجك رااااااائع واكثر ما شدني فيه تقسيمك للعام باكمله
ربي يوفقنا ان شاء الله

[محب الرياضيات]

شكرا لكم على النصائح

[mifi]

ربي يوفقك ويوفقنا

[محب الرياضيات]

امين يا رب العالمين

[amel soltani]

3jabni bzzzf le programme nta3ak wa9il ra7 nasra9 holak hhhhhhhhhhhh surtou ki 9asamt l 3am kamal mais man octobre 7ata mars forsi ro7ak kima 9alolak w rabi ywaf9ak w ywafa9na w njibo kamal l bac

[محب الرياضيات]

شكرا لك امال سلطا ني سؤال لك

من اي ولاية انت

[amine_7]

عجبني البرنامج ديالك و خاصة كي قسمت العام كامل بصح تحتاج لبعض التعديلات من فترة لأخرى و خاصة خلال هاد السنة نخرجو على 2.30 و شكرا لك

[adoula]

برنامج رائع اخي .....فقط نسيت مواد الحفظ + دروس الدعم

حتى انا كيفك مقبل ع الباك وراني نخمم في برنامج يسيرلي العام

الاشكاليه الكبرى هي نخرجوا من الليسي مع 5 نعاودوا نرجعوا للدروس الخصوصيه الي هي تبدا مع 6 وتنتهي مع 9 .......

ويقلك لازم ترقد بكري.......اففففففففففففففففف وين ياحبيبي وين

[محب الرياضيات]

الدروس الخصوصية عندنا ايام الجمعة و السبت و الاسبوع الاول من العطل 8==10 فيزياء 10==12 رياضيات

[محب الرياضيات]

لقد غيرت البرنامج قليلا حيت كل يوم نقرا كل يوم 2.5 ساعة بدلا من 2 و 3.5 بدلا من 3 بالنسبة لايام الدراسة )))الاحد الاتنين الاربعاء

الخميس )))) اما عن التلاتاء ستكون 4ساعات و احيانا 3.5 ساعة اما عن الجمعة من 8===10 ليكور فيزياء 3===5 حل واجبات و 7==8.5 ساقرا ايضا فيها

والسبت من 8===10 ليكور فيزياء ومن 2====4 و من 6==8 قرايا في الدار


هكدا ستكون لي حولي 25 ساعة نقراها وحدي في الاسبوع ستكون 5 ساعات للرياضيات و 5 ساعات للعلوم و5 ساعات للفيزياء و1ساعات للفرونسي و 1 للانجليزية


و 2 للاسلامية و 2.5 للتاريخ و جغرافيا و1.5 للفلسفة و 2 للعربية ......

[خولة الخنشلية]

هكا راهو مليح ومع الوقت ضرك تزيد تبدل فيه خاطر تعرف اسكو يخرج عليك ولالا

[amel soltani]

khoya bac_2012 ana min hassi masaoud je pense ta3rafha et toi

[مسلم أمره لله]

ان شاء الله تنجحوا كامل

لكن ليكن في علمك

تنظيم الوقت وترك مجال للترفيه والراحة احد اسباب النجاح ايضا

وليس العمل ثم العمل ولا مجال للراحة

[amel soltani]

sa7 khoya merci

[نسريـن]

بدون اطالة ندخل في المفيد
بالنسبة لهذا البرنامج من سابع المستحيلات انك تتبعوطول العام و تاني انت ما درتش المواد لي تقراها كل يوم الا اذا كنت تستنى الدخول المدرسي و جدول التوقيت
احسن برنامج هو انك ما تقيدش روحك و بالنسبة ليا انا الحمد لله جبت الباك لكن بدون برنامج حتى اني حاولت في اتباعه لكن لا جدوى مع كل التمارين المطلوبة و البحوث و الوظائف و الفروض و... و ... و.... و ما تنساش بلي قد ما تقرا و تزير روحك تعيا و تحب تريح صافي دير فترة راحة لـ 10 دقايق بعد كل ساعتين دراسة
اذا حبيت نحكيلك على روحي كيفاش كنت نقرا

[فريال المحتاجة عفو الله]

جيدددد فلقد نظمت وقتك بصورة جيدة أحسنت
أنا عن نفسي أنتظر الدخول المدرسي حتى أتسلم l'emploi du temps و نعمل برنامج يتوافق معه
و لكن مراجعة امواد الأساسية ستكون بصورة دائمة ان شاء الله
ما يزعجني هي تلك الفروض التي تطلب منا ( دير فقرة - دير بحث - اجبد من الانترنت الشخصية الفلانية .... ) أتمنى أن لا تكون في هذه السنة لأن الوقت سيكون ضيقا و لن أنجز أيا منها على حساب حل تمارين في المواد الأساسية
ما رأيكممم ؟؟

[محب الرياضيات]

هدي باينة هاد العام مكان لا مشاريع لا والوا باش روح نخرج بروجي نقعد في الدار ونحفظ درس ونحل تمارين

[amel soltani]

3andak al 7a9 khoya

[مرايا الطلاب]

الله يبارك خويا ان شاء الله لوكان تبعو تنجح بامتياز

بالنسبة ليا حتان نوليو باش ندير برنامج

دبجا عندي 04 ساعات في المدرسة القرأنية

يعني على أساسها راح نظم وقتي بخصوص نهاية الاسبوع

أما الأيام الباقية فكي نرجعو راني ندير برنامج مثالي

بوركت ووفقنا الله واياك للامتياز

[محب الرياضيات]

ان شاء الله جميعا

[ع.عزالدين]

موفق انشاء الله

[ع.عزالدين]

برنامج جيد لكن عليك بتحديد ماذا ومتى بالضبط تدرس المواد الاساسية بصفة خاصة و لا تنسى المواد الأدبية وذلك لتحافظ على التوازن الدراسي
اتمنى لك ولنا جميعا التوفيق و النجاح انشاء الله