كل ما نجرب وصفة تفسدلي [الأرشيف] - منتديات الجلفة لكل الجزائريين و العرب

مشاهدة النسخة كاملة : كل ما نجرب وصفة تفسدلي

امنة الجزائرية

2011-08-25, 23:12

جربت صابلي لكن ما جاش مليخ والعجينة يبستلي وجات تتفتت انا مازلت ما طيبتوش

ما عنكم حل يابنات

راني اول مرة ندير قاطو

راني حايرة نرميها ولا نعمل بها حاجة اخرى

كون جي عجوزتي غدوة تشبخ ضحك علي

سحر الغروب

2011-08-25, 23:14

لا ما ترميهاش روحي اطبعيها و طيبيها

وبعدين فتتي الققاطو واعملي بيه قاطو اخر اوك؟

قوليلي الوصفة وش درتي فيه؟

remadna

2011-08-25, 23:18

ما تقلقيش روحك عادي جدا
سم بسم الله توكلي على ربي و صل على النبي و راح يصلح
انا عندما ما يصلحش معايا قاطو نبدلو وصفة اخرى
جامي رميت عجينة

قطوفها دانية 2

2011-08-25, 23:18

حنونة ماتفشلي ماوالو تحدث لكامل لبنات حتى المحترفات فمابالك بواحدة مبتدئة
بالنسبة للصابلي احكمي العجينة وزيديلها البيض زيدي بالحبة حتى ترجع العجينة طرية هكا انا عملت
وبالشوبة برك

remadna

2011-08-25, 23:20

دائما جربي حبة قاطو في الفرن قبل ما تكملي كل العجينة و شوفي اذا خاصها حاجة زيدي
رانا هنا اذا حصلتي عادي راح نعاونوك

سرين يوسف

2011-08-25, 23:21

والله غير ربي اعينك تقتلي

المخلصة

2011-08-25, 23:23

ولا يهمك من التعثرات نتعلم لكن تذكري

دااااااااااااااااااائما و أبدا اذكري الله و سمي باسم الله كما قالت لك أختي و صلي على الحبيب

اجعليها عادة حتى يكون عملك عبادة

و امسحي من قاموسك فكرة نرمي النعمة أبدا إلا ولها حل

ما جاتش صابلي تجي حاجة أخري

و ياليت تخبرينا واش درتي باش نقدرو نساعدوك في وصفة الصابلي

وموفقة بحول الله

ناصرة

2011-08-25, 23:55

الى الأخت امنة الجزائرية
1/الصابلي 250.غ زبدة 2/كأس سكر رطب 3/ثلاث ملاعق زيت 4/بيضتان 5/ افاني 6/ شيحي بالفرينة.
اماواش ديرلو كيفسد زيديلو 2صفار(بيض)
بالتوفيق

bassamat

2011-08-26, 00:30

اختى اصابلى زيديلو اصفر البيض فقط يتسقم على حسب الكمية و رديلى الخبر

رملاك

2011-08-26, 00:46

أختي مترميهاش هدي طيبيها و ديري بيها قاطو وحدا أخرى ميطيبش مثلا في بلاصة البيمو
+ ليكي هي الوصفة عطاتهالي وحد الاخت و راني جربتها جات فووور

هذه الوصفة مجربة لسنوات و ناجحة جدا حيث يكون طري و يذوب في الفم و لونو جميل ساعطيكي الوصفة و يمكنكي ان تضاعفي المقادير 250 غ مرقرين طرية من الاحسن فلوريال + 2 صفار بيض + 100 غ سكر ناعم + 100 غ مايزينة+ 1 كيس خميرة كيميائية+ 1 ملعقة صغيرة فانيلا و القليل من بشور الليمون و الفرينة . في وعاء اخلطي المرغرين و السكر و الفانيلا و الليمون ثم اضيفي البيض و المايزينة ثم اجمعي الكل بالفرينة و الخمارة حتى تتحصلي على عجينة سهلة الاستعمال.

abid1690

2011-08-26, 09:07

يا اختي انا كي تيبسلي العجينة نزيد شوية حليب لانه اصلا يطري المعجنات و تجي بيه هشة

امنة الجزائرية

2011-08-26, 09:44

اشكركم جميعا على الرد

وسامحوني البارح من زهري انقطع النت ونضت صباح بكري ماجاش غير ضرك

هاهي الوصفة
http://www.djelfa.info/vb/showthread.php?t=693759&highlight=%D5%C7%C8%E1%ED
لعجينة من البارحة وهي ما خبيا

قولولي الافضل زيدها لحليب ولا صفار البيض

ميمنة الجزائر

2011-08-26, 10:36

لزيديلو صفار البيض احسن وما تكافؤي يجيك يذوب لأنك سوف تضعين عليه المعجون وأنصحك ان تزيدي اللون الأحمر المعجون وتيك الحبة

كثير باهيةوما تتستوش اللماع وأعطيناك الخبر

وربي يوفقك ولا تكترثي

المهم انك بدات وربي يكون في العون اختي

remadna

2011-08-26, 10:57

نحي شوية عجينة على قد اليد و ضفي لها شوية برك صفار و طيبي حبة واذا لم تعجبك زيد نحي شوية قد اليد و ضفي الحليب و طيبي حبة و شوفي
عمرك ما تخدمي العجينة كلها
راني في الانتظار

remadna

2011-08-26, 10:58

الغلطة تاعك كثرتي الفرينة على بيها يبس لك

zoubidaas

2011-08-26, 11:00

زيديلو صفار البيض و ايضا قليللا من الزبدة لانك استعملتي الفرينة بزاف بل يجب ان تضعي الفرينة بالتدريج حتى تتحصلي على عجينة ماشي يابسة وتتشكل

امنة الجزائرية

2011-08-26, 12:53

شو يا اخواتاتي راني راه نهبل من النت من قبل عمروا ما يروح ومن البارح جاتو حالتو عطراش شافني نحتاجو

والله انتم نعمة الاخوات وشكرا لكم قعلا تساعدتوني بارائكم

وصخ انا شيحتوا بزاف خطراش حطيت لفرينة في سيار وفرغت الشكارة فغغلبتني وساحت بزف
راه نزيدوا صقار البيض لكن لما تروح لعزوز خطراش لوشافتني تنشرني عند مالها وجيران

remadna

2011-08-26, 13:03

bassamat

2011-08-26, 13:38

زيدى البيض اختى بالمجرب

عيون المها

2011-08-26, 15:24

zidilou chwiwa ma zhar

قطوفها دانية 2

2011-08-26, 15:33

لا ما لا حليب
الماء يبس لعجينة اختي البيضاحسن عن تجربة
وزيدي غير بشوية يعني بالحبة حتى تولي طرية ورايحة تفرحي وتدعي لاخواتك

amel4star

2011-08-26, 20:13

حبيبتي و اختي اول شي نقولك ما تقلقي ما والو تصرا مع الناس الكل
فقط ننصحك مرة اخرى حاولي انك تجربي القاتو بكمية قليلة و كي يصلح زيدي ديري خصوصا انك كيما قلت مبتدئة
اما بالنسبة للصابلي فممكن انك تكوني كثرت الفرينة او السشكر خصوصا هو اللي ييبس العجين
المهم شوفي وضفات الاخوات الكريمات

امنة الجزائرية

2011-08-26, 23:55

راني زدت لعظام بصح ما عرفتش واش ندرلوا جاي يتبسس ويطلق زبدة تاعوا

remadna

2011-08-27, 00:02

راني زدت لعظام بصح ما عرفتش واش ندرلوا جاي يتبسس ويطلق زبدة تاعوا

خليه يطاق الزبدة
جربي اطبخي حبة و شوفي ادا تعجبك
و الا نحي شوية عجينة صغيرة و زيدي شوية حليب و شوفي طيبي حبة
المهم انت جربي غير بالكمية الصغيرة و اطبخي بالحبة

امنة الجزائرية

2011-08-27, 00:19

ااريد خلوة الكرني ان امكن
اما الهجينة فانا ساضيفها لخبز الدار

*أم كوثر*

2011-08-27, 01:50

اختي الكريمةالمشكل مش في الفرينة لانو صادفني نفس المشكل و لاول مرة
و العجينة طلقت كااااامل الزبدة و تفتتت
المشكل اختي هو في الزبدة المستعملة و صدقيني عن تجربة الزبدة فيها ماء مغشوووشة يعني
انا نحكي على لابال تع 500غ من الاحسن اجتنابها خصوصا عند استعمالها طرية لانو لما تدوب تقدري تنقصي الماء لي رح يبقى في الاسفل
موفقة اختي

جزائرية

2011-08-27, 02:55

انا ثاني كيفك انتي تحتمت علي نخدم القاطو لعجوزتي في هذا العيد وراني

حايرة كيفاش ندير ................ولوكان يفسد ...............ربي يستر برك

غدوة نقولك .....................................واذا صلحلي انا اكيد راح يصلح معاك انت

ما تتتقلقيش بزاف حنونتي رانا في الهوى سوى